رِسول‍لار 16
16
تیموتاوس پولس بیلِن سیلاسا قُشولیار
1پولس دِربه و لِستره شَهرلِرینه گِلدی. لِستره‌ده تیموتاوس آدلی عیسانینگ بیر شَگیردی باردی. اُنونگ اِنه‌سی ایمانلی یَهودیدی، آتاسی بُلسا یونانیدی. 2لِستره‌دَکی و قونیه‌دَکی دُغانلار اُل بارادا قاوی سُزلِر آیدیاردیلار. 3پولس تیموتاوسی اُزی بیلِن اَکیتمِک ایسلِیَردی. شُنونگ اوچین اُنی سونِّت اِتدیردی، سِبَبی اُل یِرده یاشایان یَهودیلِرینگ هِمّه‌سی تیموتاوس‌ینگ آتاسینینگ یونانیدیغینی بیلیَردیلِر.
4اُلار شَهرلِرینگ ایچیندِن گِچیپ، اُل یِردَکی ایماندارلارا اورشلیمدَکی رِسول‍لار و یاشولیلار طارافیندان قابول اِدیلِن قارارلارا ایزینا دوشمِکلیگی تابشیریاردیلار. 5شِیلِلیکده، دُغانلارینگ ایمانی خاص-دا قاییملانیپ، اُلارینگ سانی هِر گون آرتیاردی.
مَقدونیه‌لی بارادا پولسه گُرنِن رویا
6مُقادِّس روح طارافیندان خودایینگ سُزونی آسیا وِلایاتینا واغیظ اِتمِکلیگی ساقلانان سُنگ، پولس شُندا فریجیه و غَلاطیه اولکه‌سیندِن گِچدیلِر. 7اُلار میسیه سِرحِدینه گِلیپ، بیطینیه وِلایاتینا گیرمِکچی بُلدولار. اِمّا عیسانینگ روحی اُلارا اِجازا بِرمِدی. 8اُنسُنگ میسیه‌نینگ اوستو بیلِن تروآسا گیتدیلِر.
9شُل گیجه پولس بیر رویا گُردی. مَقدونیه‌لی بیر آدام اُنونگ قارشیسیندا دوروپ: «مَقدونیه گِل، بیزه کُمِک اِت!» دییّپ یالباردی. 10پولس بو رویانی گُرِنسُنگ، خودای بیزی اُلارا خوش خاباری واغیظ اِتمَگه چاغیریار دییِن نِتیجَه یِتیپ، بیز دِرِّو مَقدونیه طاراف یُلا دوشدوک.
لیدییه ایمان گِتیریَر
11شِیلِلیکده، تروآسدان کِشتی بیلِن دُغری ساموتراکیا، اِرتیسی هِم نیاپولیسه گیتدیک. 12اُل یِردِن-ده مَقدونیه‌نینگ مُهِم وِلایاتیندا یِرلِشیَن فیلیپی شَهرینه گِلدیک. بو شَهر روما باغلیدی. بیز نَچه گونلَپ اُل یِرده قالدیق.
13سَبَّت گونی بیز شَهردِن آرنا کِنارینا چیقدیق. اُل یِرده عیبادات اِدیلیَن یِرینگ باردیغینی بیلیَردیک. اُنسُنگ اُل یِرده ییغنانان آیال‍لار بیلِن اُتوریپ، اُلارا گورّونگ بِرمَگه باشلادیق. 14بیزی دینگلَپ اُتورانلارینگ آراسیندا لیدییه آدلی بیر سُوداگَر آیال هِم باردی. اُل تیاتیرا شَهریندِن بُلوپ، ارغوان پارچالار ساتیاردی. بو آیال خودایا عیبادات اِدیَردی. پولسینگ سُزلِرینه قولاق آسماق اوچین، خودای اُنونگ یورِگینی آچدی. 15لیدییه هِمّه اُی-ایچِرسی بیلِن تَعمیدلِنِندِن سُنگرا بیزی اُیونه چاغیریپ: «مِنی خودایا صادیق ساییان بُلسانگیز، گِلینگ-ده، اُیومده قالینگ» دییّپ یالباریپ، بیزی راضیلادی.
پولس بیلِن سیلاس زینداندا
16بیر گون عیبادات اِدیلیَن یِره باریارقاق، فال آغتاریانچیلیق روحی اِیِلَن بیر قیرناقا دوش گِلدیک. بو قیز فال آتماقلیق بیلِن آقالارینا کَن پول قازانیپ بِریَردی. 17اُل پولسینگ و بیزینگ ایزیمیزا دوشوپ: «بو آداملار اینگ بِییک خودایینگ بِنده‌لِریدیر. اُلار سیزه نِجات تاپماغینگ یُلونی واغیظ اِدیَرلِر» دییّپ قیغیریاردی. 18اُل بیرنَچه گونلَپ شِیله دییّپ قیغیرماغینی دُوام اِتدی. آخیری پولس بیزار بُلوپ، ایزینا اُورولیپ، جینا: «عیسی مسیحینگ آدیندان اِمر اِدیَرین: بو قیزینگ ایچیندِن چیق!» دییدی. جین شُل واقتینگ اُزونده قیزدان چیقدی.
19اُنونگ آقالاری قازانچ اومیدلارینینگ اِلدِن گیدِنینی گُروپ، پولس بیلِن سیلاسی توتوپ، بازارا چِنلی سویرَپ گِتیردیلِر. 20اُلاری حاکیملِرینگ اُوونه گِتیریپ: «بو آداملار شَهریمیزده قالماغال توروزیارلار. اُزلِری هِم بُلسا یَهودی، 21بیز بُلسا رومی، اُلار بیزینگ قانونیمیزا تِرس گِلیَن عاداتلاری واغیظ اِدیَرلِر. بیزه اُلارینگ عاداتلارینی قابول اِتمِک یا-دا بِرجای اِتمِک قاداغاندیر» دییدیلِر. 22خالق هِم پولس بیلِن سیلاسا قارشی آیاغا قالدیلار. شِیلِلیکده، حاکیملِر سِربازلارا اُلارینگ لِباسلارینی چیقاریپ، تایاقلاپ اورماغی دِستور بِردیلِر. 23کَن تایاقلانلاریندان سُنگ، زیندانا سالدیلار-دا، زیندانبانا اُلاری قاییم ساقلاماغی تابشیردیلار. 24اُل هِم شِیله تابشیریق آلانسُنگ، اُلاری زیندانینگ ایچکی بُلومینه سالیپ، آیاقلارینا یُغین تاختا باغلادیلار.
25یاریگیجَنگ تُوِرِگی پولس بیلِن سیلاس دُغا اِدیپ، خودایا اُوگولی آیدیملار آیدیاردیلار، زیندانیلار هِم اُلاری دینگلِیَردی. 26بیردِن گویچلی یِرتیترِمه بُلدی، زیندانینگ دویبی سارسیپ، هِمّه قاپیلار بیردِن آچیلدی، هِمّه‌لِرینگ زینجیرلاری اوزولدی. 27اوقودان اُیانان زیندانبان زیندانینگ قاپیلارینینگ آچیقدیغینی گُردی. اُل زیندانیلار قاچاندیر گومَن اِدیپ، اُزونی اُلدورجِک بُلوپ، قیلیجینی چیقاردی. 28اِمّا پولس قاتی سِس بیلِن: «ساقلان! جانینگا قاصد اِتمه، بیزینگ هِمَّه‌میز شو یِرده!» دییّپ قیغیردی.
29باش گُزِگچی چیراغ گِتیردیپ، ایچِری تیز گیردی. اُل تیترَپ باریپ، پولس بیلِن سیلاسینگ آیاغینا ییقیلدی. 30اُلاری داشاری چیقاریپ: «آقالار! مِن نِجات تاپماق اوچین نَمه اِتمِلی؟» دییّپ سُرادی. 31اُلار هِم: «تانگریمیز عیسی ایمان گِتیر، اُزونگ-ده، هِمّه اُی-ایچِرینگ-ده نِجات تاپارلار» دییدیلِر. 32سُنگرا اُلار زیندانبانا و اُنونگ اُی-ایچِرسینه خوش خاباری اِعلان اِتدیلِر. 33شُل گیجَه‌نینگ اُزونده زیندانبان اُلاری بیر چِته چیقاریپ، یارالارینی یوودی. سُنگرا شو واقت اُل اُی-ایچِرسیندَکیلِر بیلِن بیله تَعمیدلِندی. 34اُنسُنگ اُلاری اُیونه سالیپ، اُولِرینه ساچاق یازدی. اُل تامام اُی-ایچِرسی بیلِن بیرلیکده خودایا ایمان گِتیرِندیگینه بِگِندی.
35اِرتیسی دانگ آتاندا، حاکیملِر اُز قولّوقچیلارینی ایبِریپ: «شُل آداملاری بُشات» دییدیلِر. 36زیندانبان هِم بو خاباری پولسه یِتیریپ: «حاکیملِر سیزه گیدیبِرینگ دییّپ خابار یُلّاپدیرلار. ایندی سیز گیدیپ بیلِرسینگیز. ساغامان بارینگ» دییدی. 37اِمّا پولس اُلارا: «روم میلّیِتیمیزَه باقمازدان، بیزی خالقینگ اُوونده دِلیلسیز یِنچدیلِر، زیندانا زینگدیلار. نَمه اوچین ایندی بیزی اُغرینچا بُشادیپ گُیبِرجِک بُلیارلار؟ بو بُلماز! قُی، بیزی زینداندان اُزلِری گِلیپ چیقارسینلار» دییدی.
38قولّوقچیلار هِم بو سُزلِری حاکیملِره یِتیردیلِر. حاکیملِر پولس بیلِن سیلاسینگ روم میلّیِتلیدیگینی اِشیدیپ، قاتی قُرقا دوشدولِر. 39حاکیملِر گِلیپ، اُلاردان باغیشلامالارینی ایسلِدیلِر و زینداندان آلیپ چیقدیلار. سُنگرا اُلارا شَهردِن گیتمِکلِرینی خاییش اِتدیلِر.
40پولس بیلِن سیلاس زینداندان چیقیپ، لیدییِنینگ اُیونه باردیلار. اُلار بو یِرده ایماندارلار بیلِن دوشوشیپ، اُلاری قوواتلاندیردیلار، سُنگرا اُل یِردِن گیتدیلِر.
© Turkmen Truth
رِسول‍لار 16
16
تیموتاوس پولس بیلِن سیلاسا قُشولیار
1پولس دِربه و لِستره شَهرلِرینه گِلدی. لِستره‌ده تیموتاوس آدلی عیسانینگ بیر شَگیردی باردی. اُنونگ اِنه‌سی ایمانلی یَهودیدی، آتاسی بُلسا یونانیدی. 2لِستره‌دَکی و قونیه‌دَکی دُغانلار اُل بارادا قاوی سُزلِر آیدیاردیلار. 3پولس تیموتاوسی اُزی بیلِن اَکیتمِک ایسلِیَردی. شُنونگ اوچین اُنی سونِّت اِتدیردی، سِبَبی اُل یِرده یاشایان یَهودیلِرینگ هِمّه‌سی تیموتاوس‌ینگ آتاسینینگ یونانیدیغینی بیلیَردیلِر.
4اُلار شَهرلِرینگ ایچیندِن گِچیپ، اُل یِردَکی ایماندارلارا اورشلیمدَکی رِسول‍لار و یاشولیلار طارافیندان قابول اِدیلِن قارارلارا ایزینا دوشمِکلیگی تابشیریاردیلار. 5شِیلِلیکده، دُغانلارینگ ایمانی خاص-دا قاییملانیپ، اُلارینگ سانی هِر گون آرتیاردی.
مَقدونیه‌لی بارادا پولسه گُرنِن رویا
6مُقادِّس روح طارافیندان خودایینگ سُزونی آسیا وِلایاتینا واغیظ اِتمِکلیگی ساقلانان سُنگ، پولس شُندا فریجیه و غَلاطیه اولکه‌سیندِن گِچدیلِر. 7اُلار میسیه سِرحِدینه گِلیپ، بیطینیه وِلایاتینا گیرمِکچی بُلدولار. اِمّا عیسانینگ روحی اُلارا اِجازا بِرمِدی. 8اُنسُنگ میسیه‌نینگ اوستو بیلِن تروآسا گیتدیلِر.
9شُل گیجه پولس بیر رویا گُردی. مَقدونیه‌لی بیر آدام اُنونگ قارشیسیندا دوروپ: «مَقدونیه گِل، بیزه کُمِک اِت!» دییّپ یالباردی. 10پولس بو رویانی گُرِنسُنگ، خودای بیزی اُلارا خوش خاباری واغیظ اِتمَگه چاغیریار دییِن نِتیجَه یِتیپ، بیز دِرِّو مَقدونیه طاراف یُلا دوشدوک.
لیدییه ایمان گِتیریَر
11شِیلِلیکده، تروآسدان کِشتی بیلِن دُغری ساموتراکیا، اِرتیسی هِم نیاپولیسه گیتدیک. 12اُل یِردِن-ده مَقدونیه‌نینگ مُهِم وِلایاتیندا یِرلِشیَن فیلیپی شَهرینه گِلدیک. بو شَهر روما باغلیدی. بیز نَچه گونلَپ اُل یِرده قالدیق.
13سَبَّت گونی بیز شَهردِن آرنا کِنارینا چیقدیق. اُل یِرده عیبادات اِدیلیَن یِرینگ باردیغینی بیلیَردیک. اُنسُنگ اُل یِرده ییغنانان آیال‍لار بیلِن اُتوریپ، اُلارا گورّونگ بِرمَگه باشلادیق. 14بیزی دینگلَپ اُتورانلارینگ آراسیندا لیدییه آدلی بیر سُوداگَر آیال هِم باردی. اُل تیاتیرا شَهریندِن بُلوپ، ارغوان پارچالار ساتیاردی. بو آیال خودایا عیبادات اِدیَردی. پولسینگ سُزلِرینه قولاق آسماق اوچین، خودای اُنونگ یورِگینی آچدی. 15لیدییه هِمّه اُی-ایچِرسی بیلِن تَعمیدلِنِندِن سُنگرا بیزی اُیونه چاغیریپ: «مِنی خودایا صادیق ساییان بُلسانگیز، گِلینگ-ده، اُیومده قالینگ» دییّپ یالباریپ، بیزی راضیلادی.
پولس بیلِن سیلاس زینداندا
16بیر گون عیبادات اِدیلیَن یِره باریارقاق، فال آغتاریانچیلیق روحی اِیِلَن بیر قیرناقا دوش گِلدیک. بو قیز فال آتماقلیق بیلِن آقالارینا کَن پول قازانیپ بِریَردی. 17اُل پولسینگ و بیزینگ ایزیمیزا دوشوپ: «بو آداملار اینگ بِییک خودایینگ بِنده‌لِریدیر. اُلار سیزه نِجات تاپماغینگ یُلونی واغیظ اِدیَرلِر» دییّپ قیغیریاردی. 18اُل بیرنَچه گونلَپ شِیله دییّپ قیغیرماغینی دُوام اِتدی. آخیری پولس بیزار بُلوپ، ایزینا اُورولیپ، جینا: «عیسی مسیحینگ آدیندان اِمر اِدیَرین: بو قیزینگ ایچیندِن چیق!» دییدی. جین شُل واقتینگ اُزونده قیزدان چیقدی.
19اُنونگ آقالاری قازانچ اومیدلارینینگ اِلدِن گیدِنینی گُروپ، پولس بیلِن سیلاسی توتوپ، بازارا چِنلی سویرَپ گِتیردیلِر. 20اُلاری حاکیملِرینگ اُوونه گِتیریپ: «بو آداملار شَهریمیزده قالماغال توروزیارلار. اُزلِری هِم بُلسا یَهودی، 21بیز بُلسا رومی، اُلار بیزینگ قانونیمیزا تِرس گِلیَن عاداتلاری واغیظ اِدیَرلِر. بیزه اُلارینگ عاداتلارینی قابول اِتمِک یا-دا بِرجای اِتمِک قاداغاندیر» دییدیلِر. 22خالق هِم پولس بیلِن سیلاسا قارشی آیاغا قالدیلار. شِیلِلیکده، حاکیملِر سِربازلارا اُلارینگ لِباسلارینی چیقاریپ، تایاقلاپ اورماغی دِستور بِردیلِر. 23کَن تایاقلانلاریندان سُنگ، زیندانا سالدیلار-دا، زیندانبانا اُلاری قاییم ساقلاماغی تابشیردیلار. 24اُل هِم شِیله تابشیریق آلانسُنگ، اُلاری زیندانینگ ایچکی بُلومینه سالیپ، آیاقلارینا یُغین تاختا باغلادیلار.
25یاریگیجَنگ تُوِرِگی پولس بیلِن سیلاس دُغا اِدیپ، خودایا اُوگولی آیدیملار آیدیاردیلار، زیندانیلار هِم اُلاری دینگلِیَردی. 26بیردِن گویچلی یِرتیترِمه بُلدی، زیندانینگ دویبی سارسیپ، هِمّه قاپیلار بیردِن آچیلدی، هِمّه‌لِرینگ زینجیرلاری اوزولدی. 27اوقودان اُیانان زیندانبان زیندانینگ قاپیلارینینگ آچیقدیغینی گُردی. اُل زیندانیلار قاچاندیر گومَن اِدیپ، اُزونی اُلدورجِک بُلوپ، قیلیجینی چیقاردی. 28اِمّا پولس قاتی سِس بیلِن: «ساقلان! جانینگا قاصد اِتمه، بیزینگ هِمَّه‌میز شو یِرده!» دییّپ قیغیردی.
29باش گُزِگچی چیراغ گِتیردیپ، ایچِری تیز گیردی. اُل تیترَپ باریپ، پولس بیلِن سیلاسینگ آیاغینا ییقیلدی. 30اُلاری داشاری چیقاریپ: «آقالار! مِن نِجات تاپماق اوچین نَمه اِتمِلی؟» دییّپ سُرادی. 31اُلار هِم: «تانگریمیز عیسی ایمان گِتیر، اُزونگ-ده، هِمّه اُی-ایچِرینگ-ده نِجات تاپارلار» دییدیلِر. 32سُنگرا اُلار زیندانبانا و اُنونگ اُی-ایچِرسینه خوش خاباری اِعلان اِتدیلِر. 33شُل گیجَه‌نینگ اُزونده زیندانبان اُلاری بیر چِته چیقاریپ، یارالارینی یوودی. سُنگرا شو واقت اُل اُی-ایچِرسیندَکیلِر بیلِن بیله تَعمیدلِندی. 34اُنسُنگ اُلاری اُیونه سالیپ، اُولِرینه ساچاق یازدی. اُل تامام اُی-ایچِرسی بیلِن بیرلیکده خودایا ایمان گِتیرِندیگینه بِگِندی.
35اِرتیسی دانگ آتاندا، حاکیملِر اُز قولّوقچیلارینی ایبِریپ: «شُل آداملاری بُشات» دییدیلِر. 36زیندانبان هِم بو خاباری پولسه یِتیریپ: «حاکیملِر سیزه گیدیبِرینگ دییّپ خابار یُلّاپدیرلار. ایندی سیز گیدیپ بیلِرسینگیز. ساغامان بارینگ» دییدی. 37اِمّا پولس اُلارا: «روم میلّیِتیمیزَه باقمازدان، بیزی خالقینگ اُوونده دِلیلسیز یِنچدیلِر، زیندانا زینگدیلار. نَمه اوچین ایندی بیزی اُغرینچا بُشادیپ گُیبِرجِک بُلیارلار؟ بو بُلماز! قُی، بیزی زینداندان اُزلِری گِلیپ چیقارسینلار» دییدی.
38قولّوقچیلار هِم بو سُزلِری حاکیملِره یِتیردیلِر. حاکیملِر پولس بیلِن سیلاسینگ روم میلّیِتلیدیگینی اِشیدیپ، قاتی قُرقا دوشدولِر. 39حاکیملِر گِلیپ، اُلاردان باغیشلامالارینی ایسلِدیلِر و زینداندان آلیپ چیقدیلار. سُنگرا اُلارا شَهردِن گیتمِکلِرینی خاییش اِتدیلِر.
40پولس بیلِن سیلاس زینداندان چیقیپ، لیدییِنینگ اُیونه باردیلار. اُلار بو یِرده ایماندارلار بیلِن دوشوشیپ، اُلاری قوواتلاندیردیلار، سُنگرا اُل یِردِن گیتدیلِر.
© Turkmen Truth