رِسول‍لار 13
13
بارنابا و سولُس ایبِرلییَر
1انطاکیه‌دَکی کِلیسادا نِبیلِر و مُعلِّملِر باردی. اُلار بارنابا، شمعون لاقابی نیجِر، قیرِوانلی لوکیوس، حُکومدار هیرودیس بیلِن بیله اُسِن ماناحِم و سولُس باردی. 2بولار خودایا عیبادات اِدیپ، آرازا توتیارقالار، مُقادِّس روح: «بارنابا بیلِن سولُسی مانگا اُزباشینا قُیونگ، قُی، اُلار مِنینگ تابشیران ایشیمی بِرجای اِتسینلِر» دییدی. 3شِیلِلیکده، اُلار آرازا توتوپ، دُغا اِتدیلِر و اِل‍لِرینی اُلارینگ اوستونه قُیوپ، بارنابا بیلِن سولُسی یُلا سالدیلار.
قِپرِس جِزیره‌سینده
4مُقادِّس روح طارافیندان یُلّانان بارنابا بیلِن سولُس سِلوکیه بِندِرینه گِلدیلِر. اُل یِردِن هِم کِشتیلی قِپرِس جِزیره‌سینه گیتدیلِر. 5اُنسُنگ سالامیسه گِلیپ، یَهودیلِرینگ کِنیسه‌لِرینده خودایینگ خوش خابارینی واغیظ اِتدیلِر. یوحنا هِم اُلارینگ یانیندا بُلوپ، کُمِک بِریَردی.
6اُلار تامام جِزیره‌نی آیلانیپ، پافوسا گِلدیلِر. اُل یِرده بریشوع آدلی بیر یَهودی آداما دوش گِلدیلِر. اُل جادوگَر و یالان نِبیدی. 7بریشوع شُل یِرینگ حاکیمی سِرگیوس پاولوس بیلِن قاتناشیاردی. سِرگیوس پاولوس عاقیلّی آدامدی. اُل بارنابا بیلِن سولُسی چاغیردیپ، اُلاردان خودایینگ خوش خابارینی اِشیتمِک ایسلِدی. 8اِمّا بریشوع، بِیلِکی آدی اِلیماس، یَعنی جادوگَر، بارنابا بیلِن سولُسا قارشی چیقدی، و حاکیمی ایمان گِتیرمِکدِن یوز اُوورتمَگه چالیشدی. 9شُندا مُقادِّس روحدان دُلان سولُس، یَعنی پولس جادوگَرینگ گُزلِرینه سِراِدیپ: 10«اِی شِیطان اُغلی! سِن هِمّه دُغرولیغینگ دوشمانیسینگ. سِنینگ یورِگینگ هِر هیلی حیله‌دِن و یالانچیلیقدان دُلی. خودایینگ حاق یُلونی اویتگِتمِگینگی هاچان بِس اِتجِک؟ 11ایندی، سِراِت، خودایینگ اِلی سانگا قارشیدیر، سِن کُر بُلارسینگ، بِلّی بیر واقتا چِنلی گونی گُرمِرسینگ» دییدی.
شُل واقتینگ اُزونده اُنونگ گُزونی اومور توتوپ، قارانگقیلیق قاپلادی. اُل اُزونی اَکیتدیرجِک بُلوپ، تُوِرِگینی سِرمِلَپ، آدام گُزلَپ باشلادی. 12حاکیم یوزه چیقان واقانی گُروپ، ایمان گِتیردی، سِبَبی اُل عیسی حاقینداقی تَعلیماتا حایران قالدی.
پولس پیسیدیه‌دَکی انطاکیه شَهرینده
13پولس و اُنونگ یُلداشلاری پافوسدان کِشتیَه مینیپ، پامفیلیه‌دَکی پِرجه شَهرینه گِلدیلِر. شُل یِرده یوحنا اُلاردان آیریلیپ، اورشلیمه دُلاندی. 14اُلار بُلسا پِرجه‌دِن یُل‍لارینی دُوام اِتدیریپ، پیسیدیه‌دَکی انطاکیه شَهرینه گِلدیلِر. سَبَّت گونی کِنیسه گِلیپ، اُل یِرده اُتوردیلار. 15تُورات بیلِن پیغامبارلارینگ یازغیلاریندان اُقیلاندان سُنگ، کِنیسه‌نینگ باشلیغلاری: «دُغانلار، خالقا نَمه واغظینگیز بار بُلسا آیدینگ، باش اوستونه!» دییّپ، اُلاری چاغیرتدیلار.
16شِیلِلیکده، پولس یِریندِن توروپ، اُلارا اِلی بیلِن یوواش بُلماقلارینی ایشارات اِتدی. سُنگرا اُل سُزه باشلادی: «اِی اسرائیل‌لیلار و خودایا عیبادات اِدیَن باشغا خالقلار، مانگا قولاق آسینگ! 17اینه، اسرائیل خالقینینگ خودایی بیزینگ آتا-بابالاریمیزی سایلادی. اُلار مصرده یاشان زاماندا خودای اُلاردان بِییک بیر خالق یاراتدی. سُنگرا بِییک قودراتی بیلِن اُلاری مصردِن آلیپ چیقدی. 18قیرق ییلینگ دُوامیندا خودای اُلارینگ بیابانداقی اِدِن ایشلِرینه جیدادی. 19کنعان یوردوندا یاشایان یِدی طایفانی قیریپ، یورتلارینی اُلارا میراث بِردی. 20بولارینگ هِمّه‌سی دُرت یوز اِلّی ییل مِزِنّه دُوام اِتدی.
«موندان سُنگ خودای اُلارا سموئیل پیغامبارینگ زامانا چِنلی قاضیلار بِردی. 21اُنسُنگ اسرائیل خالقی پادیشاه طالاب اِتدی. خودای اُلارا قِیس اُغلی شائولی پادیشاه اِدیپ بِردی. بِنیامین طایفاسیندان بُلان شائول قیرق ییل حُکوم سوردی. 22خودای شائولی تاختدان دوشورِندِن سُنگ بُلسا، اُلارا داوودی پادیشاه اِتدی و اُل حاقدا شاهاتلیق اِدیپ: ”گُونومدِن توریان بیر آدامی، یَسانینگ اُغلی داوودی تاپدیم. اُل مِنینگ هِمّه ایسلِگیمی بِرجای اِدِر“ دییدی.#۱ سموئیل ۱۳:۱۴
23«شِیلِلیکده، خودای اُز بِرِن واعداسینا گُرَه، داوودینگ نِسلیندِن عیسانی اسرائیل خالقینا نِجات بِریَنچی اِدیپ ایبِردی. 24عیسی گِلمِزدِن اُنگ بُلسا یحیی تامام اسرائیل خالقینا توبا اِتمِگی و تَعمیدلِنمِگی واغیظ اِتدی. 25یحیی اُزونه تابشیریلان ایشی تاماملامازدان اُنگ: ”سیز مِنی مسیح حاساپلایارسینگیزمی؟ یُق، مِن مسیح دَل. اُل مِندِن سُنگرا گِلِر. مِن اُنونگ کُووشینینگ باغینی چُزمَگه-ده میناسیپ دَلدیرین“ دییدی.
26«اِی دُغانلار، ابراهیمینگ نِسیل‍لِری! اِی خودایا عیبادات اِدیَن باشغا میلِّتلِر! نِجات بِریَنیمیز باراداقی بو خابار بیزه بِریلدی. 27اورشلیمینگ ایلاتی و اُلارینگ باشلیقلاری عیسانی تانیمان، اُنی اُلومه مَحکوم اِتدیلِر. شِیدیپ، اُلار اُوالقی پیغامبارلارینگ آیدانلارینی یِرینه یِتیردیلِر. بِیتمِک بیلِن اُلار سَبَّت گونی اُقیلیان پیغامبارلارینگ سُزلِرینَه گُرَه حِرِکِت اِتدیلِر. 28اُلوم جِزاسینا لاییق هیچ بیر سِبَپ تاپماسالار-دا، پیلاتُسدان اُنونگ اُلدوریلمِگینی طالاب اِتدیلِر. 29اُل حاقدا یازیلانلارینگ بارینی بِرجای اِدِنلِریندِن سُنگ بُلسا، اُنی صلیبدِن دوشوریپ، بیر قابردا قُیدولار. 30اِمّا خودای اُنی اُلومدِن دیرِلتدی. 31بیرنَچه گونلَپ عیسی اُزی بیلِن جلیل‌دِن اورشلیمه گِلِنلِره گُروندی. بو آداملار ایندی اسرائیل خالقینا اُل حاقدا شاهاتلیق اِدیَرلِر.
32-33«بیز حَضیر سیزه خوش خاباری اِعلان اِدیَریس: خودای عیسانی اُلومدِن دیرِلدیپ، اُز فِرزِنتلِری بُلان بیزینگ اوچین آتا-بابالاریمیزا بِرِن واعداسینی بِرجای اِتدی. بو حاقدا زِبورینگ ایکینجی بُلومینده شِیله یازیلان:
سِن مِنینگ اُغلومسینگ،
بو گون مِن سانگا آتا بُلدوم.#زِبور ۲:۷
34عیسانینگ اُلومدِن دیرِلیشی و آصلا چویریمِزلیگی حاقیندا خودای شِیله دییدی:
داوودا واعدا بِرِن خاطیرجِملیگیم و مُقادِّس بِرِکِتلِریم بیلِن سیزی هِم بِرِرین.#اِشعیا ۵۵:۳
35زِبورینگ باشغا بُلومینده شِیله یازیلان:
سِن مُقادِّسینگ قابردا چویریمَگه یُل بِرمِرسینگ.#زِبور ۱۶:۱۰
36«داوود باباتدا آیتساق، اُل اُز واقتیندا خودایینگ ماقصادی اوچین خیدمات اِتدی. اُل دونیَه‌دِن اُتوپ، آتا-بابالارینینگ یانیندا جایلاندی. اُنونگ جِسِدی چویرَپ گیتدی. 37اِمّا خودایینگ دیرِلدِنی چویریمِدی. 38-39شُنونگ اوچین هِم، اِی عزیزلِر، شونی بیلیپ قُیونگ: بیز سیزه گونَه‌لِرینگ عیسانینگ اوستو بیلِن باغیشلانیاندیغینی اِعلان اِدیَریس. عیسی ایمان گِتیرِن هِر بیر آدام اُنونگ اوستو بیلِن آقلانیار. بو موسانینگ شِریغاتینا گُرَه مومکین دَلدی. 40ایندی خاباردار بُلونگ، پیغامبارلارینگ بو آیدانلاری باشینگیزا گِلمِسین:
41سِراِدینگ، اِی ماسغارا اِدیَنچیلِر،
حایرانا قالیپ، هِلَک بُلونگ!
سیزینگ زامانینگیزدا مِن شِیله بیر ایش اِدِرین،
اُنی سیزه بیری بِیان اِتسه آصلا اینانمارسینگیز.»#حاباقوق ۱:۵
42پولس بیلِن بارنابا یَهودیلِرینگ کِنیسه‌سیندِن چیقیپ باریارقالار، خالق گِلجِک سَبَّت گونی-ده بو زاتلار حاقیندا گورّونگ بِرمِکلِرینی اُلاردان خاییش اِتدی. 43کِنیسه‌دَکی خالق گیدِندِن سُنگ، یَهودیلِرینگ و یَهودی دینینی قابول اِدِنلِرینگ کَنسی پولس بیلِن بارنابانینگ ایزینا دوشدولِر. پولس بیلِن بارنابا اُلارا هِمیشه خودایینگ مِرحِمِتی بیلِن یاشاماقلارینی ناصیحات اِتدیلِر.
44گِلجِک سَبَّت گونی بُلسا خوش خاباری دینگلِمِک اوچین هِمّه شَهر دییِن یالی ییغناندی. 45شونچا کَن جِماغاتی گُروپ، یَهودیلِری باخیلچیلیق دُلوپ آلدی. اُلار پولسینگ آیدان زاتلارینا قارشی چیقیپ، اُنگا سِودیلِر. 46پولس بیلِن بارنابا هِم باتیرلیق بیلِن شِیله دییدیلِر: «خودایینگ خوش خاباری اَوَّل سیزه واغیظ اِدیلمِلیدی. اِمّا سیز اُنی رِد اِتدینگیز! بو بُلسا سیزینگ اِبِدی یاشایشا میناسیپ دَلدیگینگیزی بِلّی اِدیَر. شُنونگ اوچین بیز باشغا میلِّتلِره یوزلِنیَریس. 47چونکی خودای بیزه شِیله تابشیریق بِردی:
یِرینگ آنگری طارافینا چِنلی نِجات بِرمِک اوچین،
سِنی میلِّتلِره نور اِتدیم.»#اِشعیا ۴۹:۶
48میلِّتلِر مونی اِشیدِنلِرینده شاتلانیپ، خودایینگ سُزونَه اولی حُرمات قُیدولار. شِیلِلیکده، اِبِدی یاشاییش اوچین سایلانانلارینگ هِمّه‌سی ایمان گِتیردیلِر.
49بو خوش خابار یوردونگ هِمّه یِرینه یایرادی. 50اِمّا یَهودیلِر شَهرینگ اولی مِرتِبه‌لی دیندار آیال‍لارینی و آد-آبرایلی اِرکِکلِرینی پولس بیلِن بارنابانینگ قارشیسینا قاهارلاندیردیلار. شِیلِلیکده، اُلاری آزارلاپ، اُز یورتلاریندان کُووپ چیقاردیلار. 51بو ایکی رِسول بُلسا اُلارا قارشیلیق حُکمونده، آیاقلارینینگ تُزونی قاقیپ، قونیه شَهرینه گیتدیلِر. 52اِمّا انطاکیه‌دَکی شَگیرتلِر بُلسا شاتلیقدان و مُقادِّس روحدان دُلدولار.
© Turkmen Truth
رِسول‍لار 13
13
بارنابا و سولُس ایبِرلییَر
1انطاکیه‌دَکی کِلیسادا نِبیلِر و مُعلِّملِر باردی. اُلار بارنابا، شمعون لاقابی نیجِر، قیرِوانلی لوکیوس، حُکومدار هیرودیس بیلِن بیله اُسِن ماناحِم و سولُس باردی. 2بولار خودایا عیبادات اِدیپ، آرازا توتیارقالار، مُقادِّس روح: «بارنابا بیلِن سولُسی مانگا اُزباشینا قُیونگ، قُی، اُلار مِنینگ تابشیران ایشیمی بِرجای اِتسینلِر» دییدی. 3شِیلِلیکده، اُلار آرازا توتوپ، دُغا اِتدیلِر و اِل‍لِرینی اُلارینگ اوستونه قُیوپ، بارنابا بیلِن سولُسی یُلا سالدیلار.
قِپرِس جِزیره‌سینده
4مُقادِّس روح طارافیندان یُلّانان بارنابا بیلِن سولُس سِلوکیه بِندِرینه گِلدیلِر. اُل یِردِن هِم کِشتیلی قِپرِس جِزیره‌سینه گیتدیلِر. 5اُنسُنگ سالامیسه گِلیپ، یَهودیلِرینگ کِنیسه‌لِرینده خودایینگ خوش خابارینی واغیظ اِتدیلِر. یوحنا هِم اُلارینگ یانیندا بُلوپ، کُمِک بِریَردی.
6اُلار تامام جِزیره‌نی آیلانیپ، پافوسا گِلدیلِر. اُل یِرده بریشوع آدلی بیر یَهودی آداما دوش گِلدیلِر. اُل جادوگَر و یالان نِبیدی. 7بریشوع شُل یِرینگ حاکیمی سِرگیوس پاولوس بیلِن قاتناشیاردی. سِرگیوس پاولوس عاقیلّی آدامدی. اُل بارنابا بیلِن سولُسی چاغیردیپ، اُلاردان خودایینگ خوش خابارینی اِشیتمِک ایسلِدی. 8اِمّا بریشوع، بِیلِکی آدی اِلیماس، یَعنی جادوگَر، بارنابا بیلِن سولُسا قارشی چیقدی، و حاکیمی ایمان گِتیرمِکدِن یوز اُوورتمَگه چالیشدی. 9شُندا مُقادِّس روحدان دُلان سولُس، یَعنی پولس جادوگَرینگ گُزلِرینه سِراِدیپ: 10«اِی شِیطان اُغلی! سِن هِمّه دُغرولیغینگ دوشمانیسینگ. سِنینگ یورِگینگ هِر هیلی حیله‌دِن و یالانچیلیقدان دُلی. خودایینگ حاق یُلونی اویتگِتمِگینگی هاچان بِس اِتجِک؟ 11ایندی، سِراِت، خودایینگ اِلی سانگا قارشیدیر، سِن کُر بُلارسینگ، بِلّی بیر واقتا چِنلی گونی گُرمِرسینگ» دییدی.
شُل واقتینگ اُزونده اُنونگ گُزونی اومور توتوپ، قارانگقیلیق قاپلادی. اُل اُزونی اَکیتدیرجِک بُلوپ، تُوِرِگینی سِرمِلَپ، آدام گُزلَپ باشلادی. 12حاکیم یوزه چیقان واقانی گُروپ، ایمان گِتیردی، سِبَبی اُل عیسی حاقینداقی تَعلیماتا حایران قالدی.
پولس پیسیدیه‌دَکی انطاکیه شَهرینده
13پولس و اُنونگ یُلداشلاری پافوسدان کِشتیَه مینیپ، پامفیلیه‌دَکی پِرجه شَهرینه گِلدیلِر. شُل یِرده یوحنا اُلاردان آیریلیپ، اورشلیمه دُلاندی. 14اُلار بُلسا پِرجه‌دِن یُل‍لارینی دُوام اِتدیریپ، پیسیدیه‌دَکی انطاکیه شَهرینه گِلدیلِر. سَبَّت گونی کِنیسه گِلیپ، اُل یِرده اُتوردیلار. 15تُورات بیلِن پیغامبارلارینگ یازغیلاریندان اُقیلاندان سُنگ، کِنیسه‌نینگ باشلیغلاری: «دُغانلار، خالقا نَمه واغظینگیز بار بُلسا آیدینگ، باش اوستونه!» دییّپ، اُلاری چاغیرتدیلار.
16شِیلِلیکده، پولس یِریندِن توروپ، اُلارا اِلی بیلِن یوواش بُلماقلارینی ایشارات اِتدی. سُنگرا اُل سُزه باشلادی: «اِی اسرائیل‌لیلار و خودایا عیبادات اِدیَن باشغا خالقلار، مانگا قولاق آسینگ! 17اینه، اسرائیل خالقینینگ خودایی بیزینگ آتا-بابالاریمیزی سایلادی. اُلار مصرده یاشان زاماندا خودای اُلاردان بِییک بیر خالق یاراتدی. سُنگرا بِییک قودراتی بیلِن اُلاری مصردِن آلیپ چیقدی. 18قیرق ییلینگ دُوامیندا خودای اُلارینگ بیابانداقی اِدِن ایشلِرینه جیدادی. 19کنعان یوردوندا یاشایان یِدی طایفانی قیریپ، یورتلارینی اُلارا میراث بِردی. 20بولارینگ هِمّه‌سی دُرت یوز اِلّی ییل مِزِنّه دُوام اِتدی.
«موندان سُنگ خودای اُلارا سموئیل پیغامبارینگ زامانا چِنلی قاضیلار بِردی. 21اُنسُنگ اسرائیل خالقی پادیشاه طالاب اِتدی. خودای اُلارا قِیس اُغلی شائولی پادیشاه اِدیپ بِردی. بِنیامین طایفاسیندان بُلان شائول قیرق ییل حُکوم سوردی. 22خودای شائولی تاختدان دوشورِندِن سُنگ بُلسا، اُلارا داوودی پادیشاه اِتدی و اُل حاقدا شاهاتلیق اِدیپ: ”گُونومدِن توریان بیر آدامی، یَسانینگ اُغلی داوودی تاپدیم. اُل مِنینگ هِمّه ایسلِگیمی بِرجای اِدِر“ دییدی.#۱ سموئیل ۱۳:۱۴
23«شِیلِلیکده، خودای اُز بِرِن واعداسینا گُرَه، داوودینگ نِسلیندِن عیسانی اسرائیل خالقینا نِجات بِریَنچی اِدیپ ایبِردی. 24عیسی گِلمِزدِن اُنگ بُلسا یحیی تامام اسرائیل خالقینا توبا اِتمِگی و تَعمیدلِنمِگی واغیظ اِتدی. 25یحیی اُزونه تابشیریلان ایشی تاماملامازدان اُنگ: ”سیز مِنی مسیح حاساپلایارسینگیزمی؟ یُق، مِن مسیح دَل. اُل مِندِن سُنگرا گِلِر. مِن اُنونگ کُووشینینگ باغینی چُزمَگه-ده میناسیپ دَلدیرین“ دییدی.
26«اِی دُغانلار، ابراهیمینگ نِسیل‍لِری! اِی خودایا عیبادات اِدیَن باشغا میلِّتلِر! نِجات بِریَنیمیز باراداقی بو خابار بیزه بِریلدی. 27اورشلیمینگ ایلاتی و اُلارینگ باشلیقلاری عیسانی تانیمان، اُنی اُلومه مَحکوم اِتدیلِر. شِیدیپ، اُلار اُوالقی پیغامبارلارینگ آیدانلارینی یِرینه یِتیردیلِر. بِیتمِک بیلِن اُلار سَبَّت گونی اُقیلیان پیغامبارلارینگ سُزلِرینَه گُرَه حِرِکِت اِتدیلِر. 28اُلوم جِزاسینا لاییق هیچ بیر سِبَپ تاپماسالار-دا، پیلاتُسدان اُنونگ اُلدوریلمِگینی طالاب اِتدیلِر. 29اُل حاقدا یازیلانلارینگ بارینی بِرجای اِدِنلِریندِن سُنگ بُلسا، اُنی صلیبدِن دوشوریپ، بیر قابردا قُیدولار. 30اِمّا خودای اُنی اُلومدِن دیرِلتدی. 31بیرنَچه گونلَپ عیسی اُزی بیلِن جلیل‌دِن اورشلیمه گِلِنلِره گُروندی. بو آداملار ایندی اسرائیل خالقینا اُل حاقدا شاهاتلیق اِدیَرلِر.
32-33«بیز حَضیر سیزه خوش خاباری اِعلان اِدیَریس: خودای عیسانی اُلومدِن دیرِلدیپ، اُز فِرزِنتلِری بُلان بیزینگ اوچین آتا-بابالاریمیزا بِرِن واعداسینی بِرجای اِتدی. بو حاقدا زِبورینگ ایکینجی بُلومینده شِیله یازیلان:
سِن مِنینگ اُغلومسینگ،
بو گون مِن سانگا آتا بُلدوم.#زِبور ۲:۷
34عیسانینگ اُلومدِن دیرِلیشی و آصلا چویریمِزلیگی حاقیندا خودای شِیله دییدی:
داوودا واعدا بِرِن خاطیرجِملیگیم و مُقادِّس بِرِکِتلِریم بیلِن سیزی هِم بِرِرین.#اِشعیا ۵۵:۳
35زِبورینگ باشغا بُلومینده شِیله یازیلان:
سِن مُقادِّسینگ قابردا چویریمَگه یُل بِرمِرسینگ.#زِبور ۱۶:۱۰
36«داوود باباتدا آیتساق، اُل اُز واقتیندا خودایینگ ماقصادی اوچین خیدمات اِتدی. اُل دونیَه‌دِن اُتوپ، آتا-بابالارینینگ یانیندا جایلاندی. اُنونگ جِسِدی چویرَپ گیتدی. 37اِمّا خودایینگ دیرِلدِنی چویریمِدی. 38-39شُنونگ اوچین هِم، اِی عزیزلِر، شونی بیلیپ قُیونگ: بیز سیزه گونَه‌لِرینگ عیسانینگ اوستو بیلِن باغیشلانیاندیغینی اِعلان اِدیَریس. عیسی ایمان گِتیرِن هِر بیر آدام اُنونگ اوستو بیلِن آقلانیار. بو موسانینگ شِریغاتینا گُرَه مومکین دَلدی. 40ایندی خاباردار بُلونگ، پیغامبارلارینگ بو آیدانلاری باشینگیزا گِلمِسین:
41سِراِدینگ، اِی ماسغارا اِدیَنچیلِر،
حایرانا قالیپ، هِلَک بُلونگ!
سیزینگ زامانینگیزدا مِن شِیله بیر ایش اِدِرین،
اُنی سیزه بیری بِیان اِتسه آصلا اینانمارسینگیز.»#حاباقوق ۱:۵
42پولس بیلِن بارنابا یَهودیلِرینگ کِنیسه‌سیندِن چیقیپ باریارقالار، خالق گِلجِک سَبَّت گونی-ده بو زاتلار حاقیندا گورّونگ بِرمِکلِرینی اُلاردان خاییش اِتدی. 43کِنیسه‌دَکی خالق گیدِندِن سُنگ، یَهودیلِرینگ و یَهودی دینینی قابول اِدِنلِرینگ کَنسی پولس بیلِن بارنابانینگ ایزینا دوشدولِر. پولس بیلِن بارنابا اُلارا هِمیشه خودایینگ مِرحِمِتی بیلِن یاشاماقلارینی ناصیحات اِتدیلِر.
44گِلجِک سَبَّت گونی بُلسا خوش خاباری دینگلِمِک اوچین هِمّه شَهر دییِن یالی ییغناندی. 45شونچا کَن جِماغاتی گُروپ، یَهودیلِری باخیلچیلیق دُلوپ آلدی. اُلار پولسینگ آیدان زاتلارینا قارشی چیقیپ، اُنگا سِودیلِر. 46پولس بیلِن بارنابا هِم باتیرلیق بیلِن شِیله دییدیلِر: «خودایینگ خوش خاباری اَوَّل سیزه واغیظ اِدیلمِلیدی. اِمّا سیز اُنی رِد اِتدینگیز! بو بُلسا سیزینگ اِبِدی یاشایشا میناسیپ دَلدیگینگیزی بِلّی اِدیَر. شُنونگ اوچین بیز باشغا میلِّتلِره یوزلِنیَریس. 47چونکی خودای بیزه شِیله تابشیریق بِردی:
یِرینگ آنگری طارافینا چِنلی نِجات بِرمِک اوچین،
سِنی میلِّتلِره نور اِتدیم.»#اِشعیا ۴۹:۶
48میلِّتلِر مونی اِشیدِنلِرینده شاتلانیپ، خودایینگ سُزونَه اولی حُرمات قُیدولار. شِیلِلیکده، اِبِدی یاشاییش اوچین سایلانانلارینگ هِمّه‌سی ایمان گِتیردیلِر.
49بو خوش خابار یوردونگ هِمّه یِرینه یایرادی. 50اِمّا یَهودیلِر شَهرینگ اولی مِرتِبه‌لی دیندار آیال‍لارینی و آد-آبرایلی اِرکِکلِرینی پولس بیلِن بارنابانینگ قارشیسینا قاهارلاندیردیلار. شِیلِلیکده، اُلاری آزارلاپ، اُز یورتلاریندان کُووپ چیقاردیلار. 51بو ایکی رِسول بُلسا اُلارا قارشیلیق حُکمونده، آیاقلارینینگ تُزونی قاقیپ، قونیه شَهرینه گیتدیلِر. 52اِمّا انطاکیه‌دَکی شَگیرتلِر بُلسا شاتلیقدان و مُقادِّس روحدان دُلدولار.
© Turkmen Truth