رِسول‍لار 10
10
کُرنیلیوس ایمان گِتیریَر
1قیصریه‌ده کُرنیلیوس آدلی بیر آدام باردی. اُل «ایتالیا» آدلی روم قُشون بُلومینینگ اَفسَردی. 2کُرنیلیوس دیندار آدام بُلوپ، اُزی هِم، اُی-ایچِرسی هِم خودایا عیبادات اِدیَردی. اُل خالقینگ آراسینداقی مَحتَجلِره کَن کُمِک اِدیپ، اِلمیداما خودایا دُغا اِدِردی. 3بیر گون اُیلَن ساغات اوچلِرده کُرنیلیوسا بیر رویا آیان بُلوپ، اُز یانینا خودایینگ بیر پِریشده‌سینینگ گِلِنینی اَشکَر گُردی. پِریشده: «اِی کُرنیلیوس!» دییّپ سِسلِندی. 4کُرنیلیوس قُرقی ایچینده گُزلِرینی اُنگا تیکیپ: «قولاق آسیان!» دییدی. پِریشده اُنگا: «سِنینگ خودایا اِدِن دُغالارینگ، قاریپلارا پایلان صاداقالارینگ اُنونگ حوضوریندا قابول بُلدی. 5ایندی یافا بیرنَچه آدام یُلّا-دا، پِطرُس لاقابی شمعونی گِتیرت. 6بو آدام دِریانینگ کِناریندا یاشایان شمعون دییِن دِریجینینگ میهمانیدیر» دییدی.
7اُزی بیلِن کِپلِشِن پِریشده گیدِندِن سُنگ، کُرنیلیوس خیدماتکَرلِریندِن ایکیسینی و هِمیشه یانیندا بُلیان بیر تاقوالی سِربازی چاغیردی. 8بُلوپ گِچِن هِمّه زادی گورّونگ بِریپ، اُلاری یافا یُلّادی.
پِطرُسا گُرنِن رویا
9اِرتیسی گون اُلار یُل یُریپ، شَهره قُلایلانلاریندا، گونُرتان اُن ایکی تُوِرِگی پِطرُس دُغا اِتمِک اوچین اُیونگ بامینا چیقیپدی. 10اُل آجیقدی و بیر زاتلار اییِسی گِلدی. ناهار تاییارلانیارقا، اُنگا بیر رویا آیان بُلدی. 11اُل آسمانینگ آچیلیپ، اولاقان ساچاغا مِنگزِش بیر زادینگ دُرت بورجوندان باغلانیپ، یِره اینیپ گِلیَنینی گُردی. 12اُنونگ ایچینده یِر یوزونده یاشایان هِر هیلی دُرت آیاقلی حایوانلار، خازاندالار و قوشلار باردی. 13بیر سِس اُنگا: «پِطرُس! تور، داماقلارینی چال-دا، ایی!» دییدی. 14پِطرُس: «یُق، یا خودای! چونکی مِن هیچ هاچان نِجیس یا حارام زات اییِن دَلدیرین» دییدی. 15سِس یِنه ایکینجی گِزِک اُنگا: «خودایینگ حالال دییِن زاتلارینا سِن حارام دییمِگین» دییدی. 16بو اوچ گِزِک قایتالاندی-دا، ساچاق گُز-آچیپ یوماسی سالیمدا آسمانا آلیندی.
17پِطرُس بو گُرنوشینگ نَمِدیگینه گِنگ قالیپ دورقا، اینه، کُرنیلیوسینگ یُلّان آداملاری شمعونینگ اُیونی سُراپ، قاپا گِلدیلِر. 18اُلار قیغیریپ: «پِطرُس لاقابی شمعون دییِن میهمان شو یِردِمی؟» دییّپ سُرادیلار.
19پِطرُس هِنیزِم بو رویا بارادا فیکرلِنیپ اُتیرقا، مُقادِّس روح اُنگا: «اینه، اوچ آدام سِنی گُزلَپ یُر. 20تور، آشاق دوش، شِکلِنمه-ده، اُلار بیلِن گیت. اُلاری مِن یُلّادیم» دییدی.
21پِطرُس آداملارینگ یانینا گِلیپ: «گُزلِیَن آدامینگیز مِن. نَمه خیدمات بیلِن گِلدینگیز؟» دییدی. 22اُلار: «بیزی اَفسَر کُرنیلیوس ایبِردی. اُل دُغری و خودایا عیبادات اِدیَن آدام، یَهودی خالقینینگ آراسیندا هِم اُنونگ آبرایی اولودیر. خودایینگ بیر پِریشده‌سی اُنگا: ”پِطرُسی اُیونگه چاغیریپ، اُنونگ آیتجاق سُزلِرینی دینگله“ دییّپ آیتدی» دییدیلِر. 23پِطرُس اُلاری اُیه چاغیریپ میهمان آلدی.
پِطرُس کُرنیلیوسینگ اُیونده
شُل گونونگ اِرتیسی پِطرُس اُلار بیلِن یُلا دوشدی. یافالی دُغانلارینگ-دا کَبیری اُنونگ بیلِن گیتدی. 24اِرتیسی گون اُلار قیصریه باردیلار. کُرنیلیوس هِم دُغان-قارینداشلارینی، یاقین دُستلارینی اویشوریپ، اُلارا قاراشیپ اُتیردی. 25پِطرُس اُیه گیرِنده، کُرنیلیوس اُنونگ اُووندِن چیقدی-دا، آیاغینا ییقیلیپ، اُنگا سِجده اِتدی. 26اِمّا پِطرُس اُنگا: «تور یِرینگدِن! مِن هِم سِنینگ یالی بیر اینسان» دییدی.
27پِطرُس اُنونگ بیلِن گورّونگلِشیپ، ایچِری گیرِنده، کَن آداملارینگ ییغناناندیغینی گُردی. 28پِطرُس اُلارا: «بیر یَهودینینگ باشغا میلِّتدِن بُلان بیری بیلِن قاتناشماغینینگ یا-دا اُنونگ یانینا گیتمِگینینگ بیزینگ شِریغاتیمیزا تِرسدیگینی اُزونگیز بیلیَنسینگیز. اِمّا خودای مانگا هیچ بیر آداما نِجیس یا حارام دییمِلی دَلدیگیمی آیان اِتدی. 29شُنونگ اوچین هِم چاغیریلانیمدا، شِکلِنمَن قایتدیم. ایندی مِنی نَمه اوچین چاغیراندیغینگیزی سُراپ بیلِرینمی؟» دییدی.
30کُرنیلیوس شِیله جُغاپ بِردی: «اوچ گون موندان اُزال شو واقتلار آغزیم باغلادی. اُیلَن ساغات اوچلِرده اُیومده دُغا اِدیَردیم. اینه، بیردِنکَه قارشیمدا توتوشیپ یانیان لِباسدا بیر آدام گُروندی. اُل مانگا: 31”سِنینگ خودایا اِدِن دُغالارینگ، قاریپلارا پایلان صاداقالارینگ اُنونگ ناظاریندا قابول بُلدی. 32ایندی یافا آدام یُلّا-دا، پِطرُس لاقابی شمعونی چاغیرت. بو آدام دِریانینگ کِناریندا یاشایان شمعون دییِن دِریجینینگ میهمانیدیر“ دییدی. 33شِیلِلیکده، مِن دِرِّو سانگا آدام یُلّادیم، سِن-ده گِلیپ یاخشی اِتدینگ. اینه، هِمَّه‌میز خودایینگ سانگا آیتماغی تابشیران هِمّه زادینی اِشیتمِک اوچین، اُنونگ حوضورینا جِملِندیک.»
34شُندا پِطرُس سُزه باشلاپ، شِیله دییدی: «مِن، حاقیقاتدان-دا، خودایینگ هیچ کیمه طارافدارلیق اِتمِیَندیگینه گُز یِتیردیم. 35قایتام، اُل اُزوندِن قُرقانی و دُغری ایش اِدِن هِر کِسی میلِّتینه باقمازدان قابول اِدیَندیر. 36خودای اسرائیل خالقینا ایبِرِن بو پاراحاتلیق خوش خابارینی هِمّه‌لِرینگ خودایی بُلان عیسی مسیحینگ اوستو بیلِن اِعلان اِتدی. 37یحیی تَعمیدلِندیریش بارادا واغیظ اِتمَگه باشلاندان سُنگرا، جلیل‌دِن باشلاپ، هِمّه یهودیه‌ده بُلان واقالاردان خابارینگیز باردیر. 38خودایینگ ناصِره‌لی عیسانی مُقادِّس روح و گویچ-قودرات بیلِن دُلدوریپ، اُنی سایلاپ-سِچِندیگینی بیلیَنسینگیز. عیسی دُرت طارافا آیلانیپ، کَن یاخشی ایشلِر اِتدی، شِیطانینگ حُکومدارلیغیندان عاذاپ چِکیَنلِرینگ بارینا شِفا بِردی، سِبَبی خودای اُنونگ بیلِندی. 39بیز اُنونگ یهودیه‌ده، اورشلیمده بیتیرِن ایشلِرینینگ بارینا شاهاتدیریس. اُنی صلیبه چویلَپ اُلدوردیلِر، 40اِمّا خودای اوچولِنجی گون عیسانی دیرِلتدی. 41اُل عیسانی هِمّه‌لِره دَل-ده، دینگه بیزه گُرنِر یالی اِتدی. سِبَبی خودای بیزی عیسی حاقدا شاهاتلیق اِتمِگیمیز اوچین سایلادی. اُل دیرِلِندِن سُنگ، بیز اُنونگ بیلِن بیله اییدیک و ایچدیک. 42عیسی اُزونینگ خودایینگ اِراداسی بیلِن دیریلِرینگ هِم، اُلولِرینگ هِم قاضیسیدیغینی خالقا واغیظ اِدیپ، شاهاتلیق اِتمِگیمیزی تابشیردی. 43هِمّه پیغامبارلار هِم عیسی حاقدا شاهاتلیق اِتدیلِر. عیسی ایمان گِتیرِن هِر بیر آدامینگ گونَه‌لِرینینگ اُنونگ آدینینگ خاطیراسینا باغیشلانجاقدیغینی آیتدیلار.»
44پِطرُس بو سُزلِری هِنیز آیدیپ دورقا، اُنی دینگلِیَنلِرینگ هِمّه‌سینینگ اوستونه مُقادِّس روح ایندی. 45پِطرُس بیلِن بیله گِلِن یَهودی ایماندارلار مُقادِّس روحونگ ناغماتینینگ باشغا میلِّتلِرینگ اوستونه-ده اینِنینی گُروپ گِنگ قالدیلار، 46سِبَبی اُلارینگ باشغا دیل‍لِرده کِپلَپ، خودایی اُوگی بیلِن بِیگِلدیشلِرینی گُردولِر.
شُندا پِطرُس: 47«اِدیل بیزینگ یالی، بو آداملار هِم مُقادِّس روحی قابول اِتدیلِر. ایندی بولاری تَعمیدلِنمِگینی کیم قاداغان اِدیپ بیلِر؟» دییدی. 48اُنسُنگ پِطرُس اُلارینگ عیسی مسیحینگ آدی بیلِن تَعمیدلِنمِگینی تابشیردی. سُنگرا اُلار پِطرُسدان یِنه بیرنَچه گون یانلاریندا قالماغینی خاییش اِتدیلِر.
© Turkmen Truth
رِسول‍لار 10
10
کُرنیلیوس ایمان گِتیریَر
1قیصریه‌ده کُرنیلیوس آدلی بیر آدام باردی. اُل «ایتالیا» آدلی روم قُشون بُلومینینگ اَفسَردی. 2کُرنیلیوس دیندار آدام بُلوپ، اُزی هِم، اُی-ایچِرسی هِم خودایا عیبادات اِدیَردی. اُل خالقینگ آراسینداقی مَحتَجلِره کَن کُمِک اِدیپ، اِلمیداما خودایا دُغا اِدِردی. 3بیر گون اُیلَن ساغات اوچلِرده کُرنیلیوسا بیر رویا آیان بُلوپ، اُز یانینا خودایینگ بیر پِریشده‌سینینگ گِلِنینی اَشکَر گُردی. پِریشده: «اِی کُرنیلیوس!» دییّپ سِسلِندی. 4کُرنیلیوس قُرقی ایچینده گُزلِرینی اُنگا تیکیپ: «قولاق آسیان!» دییدی. پِریشده اُنگا: «سِنینگ خودایا اِدِن دُغالارینگ، قاریپلارا پایلان صاداقالارینگ اُنونگ حوضوریندا قابول بُلدی. 5ایندی یافا بیرنَچه آدام یُلّا-دا، پِطرُس لاقابی شمعونی گِتیرت. 6بو آدام دِریانینگ کِناریندا یاشایان شمعون دییِن دِریجینینگ میهمانیدیر» دییدی.
7اُزی بیلِن کِپلِشِن پِریشده گیدِندِن سُنگ، کُرنیلیوس خیدماتکَرلِریندِن ایکیسینی و هِمیشه یانیندا بُلیان بیر تاقوالی سِربازی چاغیردی. 8بُلوپ گِچِن هِمّه زادی گورّونگ بِریپ، اُلاری یافا یُلّادی.
پِطرُسا گُرنِن رویا
9اِرتیسی گون اُلار یُل یُریپ، شَهره قُلایلانلاریندا، گونُرتان اُن ایکی تُوِرِگی پِطرُس دُغا اِتمِک اوچین اُیونگ بامینا چیقیپدی. 10اُل آجیقدی و بیر زاتلار اییِسی گِلدی. ناهار تاییارلانیارقا، اُنگا بیر رویا آیان بُلدی. 11اُل آسمانینگ آچیلیپ، اولاقان ساچاغا مِنگزِش بیر زادینگ دُرت بورجوندان باغلانیپ، یِره اینیپ گِلیَنینی گُردی. 12اُنونگ ایچینده یِر یوزونده یاشایان هِر هیلی دُرت آیاقلی حایوانلار، خازاندالار و قوشلار باردی. 13بیر سِس اُنگا: «پِطرُس! تور، داماقلارینی چال-دا، ایی!» دییدی. 14پِطرُس: «یُق، یا خودای! چونکی مِن هیچ هاچان نِجیس یا حارام زات اییِن دَلدیرین» دییدی. 15سِس یِنه ایکینجی گِزِک اُنگا: «خودایینگ حالال دییِن زاتلارینا سِن حارام دییمِگین» دییدی. 16بو اوچ گِزِک قایتالاندی-دا، ساچاق گُز-آچیپ یوماسی سالیمدا آسمانا آلیندی.
17پِطرُس بو گُرنوشینگ نَمِدیگینه گِنگ قالیپ دورقا، اینه، کُرنیلیوسینگ یُلّان آداملاری شمعونینگ اُیونی سُراپ، قاپا گِلدیلِر. 18اُلار قیغیریپ: «پِطرُس لاقابی شمعون دییِن میهمان شو یِردِمی؟» دییّپ سُرادیلار.
19پِطرُس هِنیزِم بو رویا بارادا فیکرلِنیپ اُتیرقا، مُقادِّس روح اُنگا: «اینه، اوچ آدام سِنی گُزلَپ یُر. 20تور، آشاق دوش، شِکلِنمه-ده، اُلار بیلِن گیت. اُلاری مِن یُلّادیم» دییدی.
21پِطرُس آداملارینگ یانینا گِلیپ: «گُزلِیَن آدامینگیز مِن. نَمه خیدمات بیلِن گِلدینگیز؟» دییدی. 22اُلار: «بیزی اَفسَر کُرنیلیوس ایبِردی. اُل دُغری و خودایا عیبادات اِدیَن آدام، یَهودی خالقینینگ آراسیندا هِم اُنونگ آبرایی اولودیر. خودایینگ بیر پِریشده‌سی اُنگا: ”پِطرُسی اُیونگه چاغیریپ، اُنونگ آیتجاق سُزلِرینی دینگله“ دییّپ آیتدی» دییدیلِر. 23پِطرُس اُلاری اُیه چاغیریپ میهمان آلدی.
پِطرُس کُرنیلیوسینگ اُیونده
شُل گونونگ اِرتیسی پِطرُس اُلار بیلِن یُلا دوشدی. یافالی دُغانلارینگ-دا کَبیری اُنونگ بیلِن گیتدی. 24اِرتیسی گون اُلار قیصریه باردیلار. کُرنیلیوس هِم دُغان-قارینداشلارینی، یاقین دُستلارینی اویشوریپ، اُلارا قاراشیپ اُتیردی. 25پِطرُس اُیه گیرِنده، کُرنیلیوس اُنونگ اُووندِن چیقدی-دا، آیاغینا ییقیلیپ، اُنگا سِجده اِتدی. 26اِمّا پِطرُس اُنگا: «تور یِرینگدِن! مِن هِم سِنینگ یالی بیر اینسان» دییدی.
27پِطرُس اُنونگ بیلِن گورّونگلِشیپ، ایچِری گیرِنده، کَن آداملارینگ ییغناناندیغینی گُردی. 28پِطرُس اُلارا: «بیر یَهودینینگ باشغا میلِّتدِن بُلان بیری بیلِن قاتناشماغینینگ یا-دا اُنونگ یانینا گیتمِگینینگ بیزینگ شِریغاتیمیزا تِرسدیگینی اُزونگیز بیلیَنسینگیز. اِمّا خودای مانگا هیچ بیر آداما نِجیس یا حارام دییمِلی دَلدیگیمی آیان اِتدی. 29شُنونگ اوچین هِم چاغیریلانیمدا، شِکلِنمَن قایتدیم. ایندی مِنی نَمه اوچین چاغیراندیغینگیزی سُراپ بیلِرینمی؟» دییدی.
30کُرنیلیوس شِیله جُغاپ بِردی: «اوچ گون موندان اُزال شو واقتلار آغزیم باغلادی. اُیلَن ساغات اوچلِرده اُیومده دُغا اِدیَردیم. اینه، بیردِنکَه قارشیمدا توتوشیپ یانیان لِباسدا بیر آدام گُروندی. اُل مانگا: 31”سِنینگ خودایا اِدِن دُغالارینگ، قاریپلارا پایلان صاداقالارینگ اُنونگ ناظاریندا قابول بُلدی. 32ایندی یافا آدام یُلّا-دا، پِطرُس لاقابی شمعونی چاغیرت. بو آدام دِریانینگ کِناریندا یاشایان شمعون دییِن دِریجینینگ میهمانیدیر“ دییدی. 33شِیلِلیکده، مِن دِرِّو سانگا آدام یُلّادیم، سِن-ده گِلیپ یاخشی اِتدینگ. اینه، هِمَّه‌میز خودایینگ سانگا آیتماغی تابشیران هِمّه زادینی اِشیتمِک اوچین، اُنونگ حوضورینا جِملِندیک.»
34شُندا پِطرُس سُزه باشلاپ، شِیله دییدی: «مِن، حاقیقاتدان-دا، خودایینگ هیچ کیمه طارافدارلیق اِتمِیَندیگینه گُز یِتیردیم. 35قایتام، اُل اُزوندِن قُرقانی و دُغری ایش اِدِن هِر کِسی میلِّتینه باقمازدان قابول اِدیَندیر. 36خودای اسرائیل خالقینا ایبِرِن بو پاراحاتلیق خوش خابارینی هِمّه‌لِرینگ خودایی بُلان عیسی مسیحینگ اوستو بیلِن اِعلان اِتدی. 37یحیی تَعمیدلِندیریش بارادا واغیظ اِتمَگه باشلاندان سُنگرا، جلیل‌دِن باشلاپ، هِمّه یهودیه‌ده بُلان واقالاردان خابارینگیز باردیر. 38خودایینگ ناصِره‌لی عیسانی مُقادِّس روح و گویچ-قودرات بیلِن دُلدوریپ، اُنی سایلاپ-سِچِندیگینی بیلیَنسینگیز. عیسی دُرت طارافا آیلانیپ، کَن یاخشی ایشلِر اِتدی، شِیطانینگ حُکومدارلیغیندان عاذاپ چِکیَنلِرینگ بارینا شِفا بِردی، سِبَبی خودای اُنونگ بیلِندی. 39بیز اُنونگ یهودیه‌ده، اورشلیمده بیتیرِن ایشلِرینینگ بارینا شاهاتدیریس. اُنی صلیبه چویلَپ اُلدوردیلِر، 40اِمّا خودای اوچولِنجی گون عیسانی دیرِلتدی. 41اُل عیسانی هِمّه‌لِره دَل-ده، دینگه بیزه گُرنِر یالی اِتدی. سِبَبی خودای بیزی عیسی حاقدا شاهاتلیق اِتمِگیمیز اوچین سایلادی. اُل دیرِلِندِن سُنگ، بیز اُنونگ بیلِن بیله اییدیک و ایچدیک. 42عیسی اُزونینگ خودایینگ اِراداسی بیلِن دیریلِرینگ هِم، اُلولِرینگ هِم قاضیسیدیغینی خالقا واغیظ اِدیپ، شاهاتلیق اِتمِگیمیزی تابشیردی. 43هِمّه پیغامبارلار هِم عیسی حاقدا شاهاتلیق اِتدیلِر. عیسی ایمان گِتیرِن هِر بیر آدامینگ گونَه‌لِرینینگ اُنونگ آدینینگ خاطیراسینا باغیشلانجاقدیغینی آیتدیلار.»
44پِطرُس بو سُزلِری هِنیز آیدیپ دورقا، اُنی دینگلِیَنلِرینگ هِمّه‌سینینگ اوستونه مُقادِّس روح ایندی. 45پِطرُس بیلِن بیله گِلِن یَهودی ایماندارلار مُقادِّس روحونگ ناغماتینینگ باشغا میلِّتلِرینگ اوستونه-ده اینِنینی گُروپ گِنگ قالدیلار، 46سِبَبی اُلارینگ باشغا دیل‍لِرده کِپلَپ، خودایی اُوگی بیلِن بِیگِلدیشلِرینی گُردولِر.
شُندا پِطرُس: 47«اِدیل بیزینگ یالی، بو آداملار هِم مُقادِّس روحی قابول اِتدیلِر. ایندی بولاری تَعمیدلِنمِگینی کیم قاداغان اِدیپ بیلِر؟» دییدی. 48اُنسُنگ پِطرُس اُلارینگ عیسی مسیحینگ آدی بیلِن تَعمیدلِنمِگینی تابشیردی. سُنگرا اُلار پِطرُسدان یِنه بیرنَچه گون یانلاریندا قالماغینی خاییش اِتدیلِر.
© Turkmen Truth