O waamulha 7
7
Nagidioni anowaakottolha attu o Umidiani
1Nihuku nimoka Nagidioni ni attu onkhaye aarina aya vamoka ahonkwacha wichishuru, nkayeesha nipuro naya unikoteni vakhiviru nrapo no Uarodi. Nipuro na attu o Umidiani naari uchulhu waya, unikoteni vakhiviru mwaako wo Umore.
2Apwiiya Nlhuku nkayeerelha Nagidioni wiira, “Attu aarina inyu phi enchi chinene uwannyaka mii, wo waakottolha attu o Umidiani. Paahi attu o Uisraeli ahiwe yeefuna umihoolho waka, ni uhimia wiira eechoponlhe wo machiri aya ashinene. 3Vano etu, nkhuwelhacheke wa attu onkhaye wiira, ntu riyothe o woova, ama notetemelha ahokolhieke uwannyawe, ni hii ninookhalha vava vamwaakoni Ugileadi va.” Paahi Nagidioni ahaalhika attu, ni attu maelufu makhumi melhi ni maelufu melhi ahokholhia uwani, nkayaahalha ni attu maelufu khumi.
4Yamalheke, Apwiiya Nlhuku nkayeerelha Nagidioni, “Yayo attu ayo arii enchi chinene. Vano mwaarweheke umaraponi ni mii kinokowaalhikacha wowo. Ntu riyoothe nohalha aka ulhelhani wiira, ‘Ulha munttukaneke, yoyo munttukaneke. Nansho ntu riyoothe kinouhimeriakani wiira nhinttukane, yoyo nhittukane.’ ”
5Paahi Nagidioni nkayanrweeha attu umaraponi ni Apwiiya Nlhuku nkayeerelha wiira, “Mwaamwalhaniheke attu anolhatha maashi thoko mwalhapwa, ni alhe anokhoromacha vanowuria aya maashi wo mathatha.”
6Attu aawunrie maashi wo urika ni miono chaya ni ulhatha thoko mwalhapwa ari attu imia ttaru. Nansho akina onkhaye aahanlhe ayo ahokhoroma uwuria maashi. 7Apwiiya Nlhuku nkayeerelha Nagidioni wiira, “Wo yayo attu imia ttaru awunrie maashi wo ulhatha thoko mwalhapwa ayo, kinowoopolha attu o Uisraeli ni waakottolha attu o Umidiani. Nansho akina onkhaye alhe ahohokolhiacheke umanupani waya.” 8Paahi Nagidioni nkayaakusha choolhia cha alhe oopa mapalhapata alhe, nkayaalheha wiira arwaacheke umanupani waya. Yayo nkaahalha ni attu imia ttaru alhe, ni nipuro na attu o Umidiani naari unikoteni mpata waya wo vathi.
9Yoyo uhiyu uyo Apwiiya Nlhuku nkayeerelha Nagidioni wiira, “Nrwee mwaakelhelhe unipuroni waya, ukhalhawaya kihomalha waakottolha. 10Nansho yakalha nnowova nrwee vamoka ni akarumia inyu Pura. 11Wowo nnowiiwa chinohimia aya, ni inyu anoopatta machiri o wooria urwaa waakelhelha.” Paahi Nagidioni ahorwaa vamoka ni karumiya aya Pura mpaka varii nipuro na attu o ulhitelhelha mapuro a attu o Umidiani. 12Attu o Umidiani, ni attu o Uamaleki ni attu onkhaye o mpata uneelha nchuwa ahorupacha unikoteni, ari attu enchi thoko nashombe, ni ingamiya chaya chihinaalhakelhia, yaani enchi thoko nhaava wo umbwaani.
13Nagidioni vaaphilhe aya wowo, ahomwiiwa ntu mmoka ahimiacheraka ashikhunanawe itora yaalhohilhe awe, eeraka, “Kiholhoha wiira, nkatte wo ishayiri waari uphirikiaka mpaka unipuroni wa attu o Umidiani, nkawaaphitha nihema ni upitikusha mpitinkolhe, nkanaawulhuwa vathi.”
14Nkhunanawe uyo nkaamwakhulha, “Yeyo inooniha etu uphanga wa ulhe ntu o Uisraeli Gidioni mwaana a Nayoashi ulhe, vahiye machiri ni Nlhuku o waakottolha attu o Umidiani vamoka ni mphingo aya wonkhaye.”
15Nagidioni veewilhe aya ulhamulhiya wo itora iyo ni maana aya, ahonthimicha Nlhuku. Yamalheke ahohokolhia unipuroni wa attu o Uisraeli, nkayeerelha attu wiira, “Munkweke nngwee, ukhalhawaya Apwiiya Nlhuku ahomalha ukottolha mphingo wa attu o Umidiani.”
16Paahi ahaamianiha attu imia ttaru alhe mikutiro miraru, nkaavaha mapalhapata ni inyipo cho mithuko. 17Nkayeerelha wiira, “Nkiweheke ni uphanga thoko chinohalha aka uphanga ikatema vanohalha aka watameria uphiya unipuroni. 18Mii vamoka ni nkutiro aka, vanohalha ihu woopa mapalhapata, ni inyu mwaatti onkhaye mwoopeke mapalhapata ukhuma kila mpata ni ukhuwelha wiira, ‘Wo nlhatu wa Apwiiya Nlhuku ni wo nlhatu u Nagidioni!’ ”
19Vaatamenrie aya uhiyu iriyari, Nagidioni ni nkutiro aya wa attu imia imoka, ahaatameria nipuro na amalhaponi aya ayo. Yeyo yaari baada etu yo uphiya mwisho wo nipuro, vanochokholha izamu yo veriyari, ikatema vaari aya avirihanaka izamu. Paahi nkayoopacha mapalhapata ni upweshakacha inyipo chaari aya ayo. 20Mikutiro chonkhaye miraru vamoka, chahoopacha mapalhapata ni upweshakacha inyipo chaya cho mithuko. Mmiononi mwaya, wiimushi ari anakunshe mithuko, ni wiimonono anakunshe mapalhapata yoopaka uno akhuwelhachaka yeeraka, “Uphanga wo nlhatu wa Apwiiya Nlhuku ni wo nlhatu u Nagidioni!” 21Kila mmoka nkeemelha vakittu wawe urukurieria nipuro, mphingo wonkhaye wa amalhaponi nkawaamwaria uno ukhuwelhachaka. 22Paahi attu a Nagidioni voopa aya mapalhapata aya imia ttaru, Apwiiya Nlhuku ahaapanga attu o Umidiani achokholhe wiivana ashineneru unipuroni waya uwo. Aahanlhe ayo nkaattawacha mpaka Userera vanorwaa Ubeth Shita, mpaka mwiinano wo Uabeli Mehla vakhiviru ni Utabathi.
23Manyaalhopwana o ilhapo yo Uisraeli ahokumaana ukhuma Unaftali, Uasheri ni Umanase, onkhaye aheehanachiya nkayaatwarelhelha attu o Umidiani. 24Yamalheke Nagidioni ahaaruma attu kila ilhapo yo miako cho Efraimu ahimiache wiira, “Nkhuruwacheke naate attu o Umidiani ni waatiyelhelha, wo uvara mateeka mathapwi ni mwoolhoko wo Uyorodani mpaka Ubethbara.” Paahi ashilhopwana onkhaye o Efraimu nkayaawa uvara mwolhoko wo Uyorodani mpaka Ubethbara. 25Nkayaakusha ashulhupalhe eelhi a attu o Umidiani, yaani Orebu ni Zeebu, mateeka. Nkaamwiiva Orebu umwaalhani Uhorebu, ni Zeebu nkayaamwiiva waamelhiya idivai wa Zeebu, vaatwarelhelha aya Amildiani. Nkayaawiihera Nagidioni miuru cha Orebu ni Zeebu, ukhopelhelhe wo mwoolhoko wo Uyorodani.
The Bible Version in Makua @The Word for The World International and Makua Language translators. All rights reserved.
O waamulha 7
7
Nagidioni anowaakottolha attu o Umidiani
1Nihuku nimoka Nagidioni ni attu onkhaye aarina aya vamoka ahonkwacha wichishuru, nkayeesha nipuro naya unikoteni vakhiviru nrapo no Uarodi. Nipuro na attu o Umidiani naari uchulhu waya, unikoteni vakhiviru mwaako wo Umore.
2Apwiiya Nlhuku nkayeerelha Nagidioni wiira, “Attu aarina inyu phi enchi chinene uwannyaka mii, wo waakottolha attu o Umidiani. Paahi attu o Uisraeli ahiwe yeefuna umihoolho waka, ni uhimia wiira eechoponlhe wo machiri aya ashinene. 3Vano etu, nkhuwelhacheke wa attu onkhaye wiira, ntu riyothe o woova, ama notetemelha ahokolhieke uwannyawe, ni hii ninookhalha vava vamwaakoni Ugileadi va.” Paahi Nagidioni ahaalhika attu, ni attu maelufu makhumi melhi ni maelufu melhi ahokholhia uwani, nkayaahalha ni attu maelufu khumi.
4Yamalheke, Apwiiya Nlhuku nkayeerelha Nagidioni, “Yayo attu ayo arii enchi chinene. Vano mwaarweheke umaraponi ni mii kinokowaalhikacha wowo. Ntu riyoothe nohalha aka ulhelhani wiira, ‘Ulha munttukaneke, yoyo munttukaneke. Nansho ntu riyoothe kinouhimeriakani wiira nhinttukane, yoyo nhittukane.’ ”
5Paahi Nagidioni nkayanrweeha attu umaraponi ni Apwiiya Nlhuku nkayeerelha wiira, “Mwaamwalhaniheke attu anolhatha maashi thoko mwalhapwa, ni alhe anokhoromacha vanowuria aya maashi wo mathatha.”
6Attu aawunrie maashi wo urika ni miono chaya ni ulhatha thoko mwalhapwa ari attu imia ttaru. Nansho akina onkhaye aahanlhe ayo ahokhoroma uwuria maashi. 7Apwiiya Nlhuku nkayeerelha Nagidioni wiira, “Wo yayo attu imia ttaru awunrie maashi wo ulhatha thoko mwalhapwa ayo, kinowoopolha attu o Uisraeli ni waakottolha attu o Umidiani. Nansho akina onkhaye alhe ahohokolhiacheke umanupani waya.” 8Paahi Nagidioni nkayaakusha choolhia cha alhe oopa mapalhapata alhe, nkayaalheha wiira arwaacheke umanupani waya. Yayo nkaahalha ni attu imia ttaru alhe, ni nipuro na attu o Umidiani naari unikoteni mpata waya wo vathi.
9Yoyo uhiyu uyo Apwiiya Nlhuku nkayeerelha Nagidioni wiira, “Nrwee mwaakelhelhe unipuroni waya, ukhalhawaya kihomalha waakottolha. 10Nansho yakalha nnowova nrwee vamoka ni akarumia inyu Pura. 11Wowo nnowiiwa chinohimia aya, ni inyu anoopatta machiri o wooria urwaa waakelhelha.” Paahi Nagidioni ahorwaa vamoka ni karumiya aya Pura mpaka varii nipuro na attu o ulhitelhelha mapuro a attu o Umidiani. 12Attu o Umidiani, ni attu o Uamaleki ni attu onkhaye o mpata uneelha nchuwa ahorupacha unikoteni, ari attu enchi thoko nashombe, ni ingamiya chaya chihinaalhakelhia, yaani enchi thoko nhaava wo umbwaani.
13Nagidioni vaaphilhe aya wowo, ahomwiiwa ntu mmoka ahimiacheraka ashikhunanawe itora yaalhohilhe awe, eeraka, “Kiholhoha wiira, nkatte wo ishayiri waari uphirikiaka mpaka unipuroni wa attu o Umidiani, nkawaaphitha nihema ni upitikusha mpitinkolhe, nkanaawulhuwa vathi.”
14Nkhunanawe uyo nkaamwakhulha, “Yeyo inooniha etu uphanga wa ulhe ntu o Uisraeli Gidioni mwaana a Nayoashi ulhe, vahiye machiri ni Nlhuku o waakottolha attu o Umidiani vamoka ni mphingo aya wonkhaye.”
15Nagidioni veewilhe aya ulhamulhiya wo itora iyo ni maana aya, ahonthimicha Nlhuku. Yamalheke ahohokolhia unipuroni wa attu o Uisraeli, nkayeerelha attu wiira, “Munkweke nngwee, ukhalhawaya Apwiiya Nlhuku ahomalha ukottolha mphingo wa attu o Umidiani.”
16Paahi ahaamianiha attu imia ttaru alhe mikutiro miraru, nkaavaha mapalhapata ni inyipo cho mithuko. 17Nkayeerelha wiira, “Nkiweheke ni uphanga thoko chinohalha aka uphanga ikatema vanohalha aka watameria uphiya unipuroni. 18Mii vamoka ni nkutiro aka, vanohalha ihu woopa mapalhapata, ni inyu mwaatti onkhaye mwoopeke mapalhapata ukhuma kila mpata ni ukhuwelha wiira, ‘Wo nlhatu wa Apwiiya Nlhuku ni wo nlhatu u Nagidioni!’ ”
19Vaatamenrie aya uhiyu iriyari, Nagidioni ni nkutiro aya wa attu imia imoka, ahaatameria nipuro na amalhaponi aya ayo. Yeyo yaari baada etu yo uphiya mwisho wo nipuro, vanochokholha izamu yo veriyari, ikatema vaari aya avirihanaka izamu. Paahi nkayoopacha mapalhapata ni upweshakacha inyipo chaari aya ayo. 20Mikutiro chonkhaye miraru vamoka, chahoopacha mapalhapata ni upweshakacha inyipo chaya cho mithuko. Mmiononi mwaya, wiimushi ari anakunshe mithuko, ni wiimonono anakunshe mapalhapata yoopaka uno akhuwelhachaka yeeraka, “Uphanga wo nlhatu wa Apwiiya Nlhuku ni wo nlhatu u Nagidioni!” 21Kila mmoka nkeemelha vakittu wawe urukurieria nipuro, mphingo wonkhaye wa amalhaponi nkawaamwaria uno ukhuwelhachaka. 22Paahi attu a Nagidioni voopa aya mapalhapata aya imia ttaru, Apwiiya Nlhuku ahaapanga attu o Umidiani achokholhe wiivana ashineneru unipuroni waya uwo. Aahanlhe ayo nkaattawacha mpaka Userera vanorwaa Ubeth Shita, mpaka mwiinano wo Uabeli Mehla vakhiviru ni Utabathi.
23Manyaalhopwana o ilhapo yo Uisraeli ahokumaana ukhuma Unaftali, Uasheri ni Umanase, onkhaye aheehanachiya nkayaatwarelhelha attu o Umidiani. 24Yamalheke Nagidioni ahaaruma attu kila ilhapo yo miako cho Efraimu ahimiache wiira, “Nkhuruwacheke naate attu o Umidiani ni waatiyelhelha, wo uvara mateeka mathapwi ni mwoolhoko wo Uyorodani mpaka Ubethbara.” Paahi ashilhopwana onkhaye o Efraimu nkayaawa uvara mwolhoko wo Uyorodani mpaka Ubethbara. 25Nkayaakusha ashulhupalhe eelhi a attu o Umidiani, yaani Orebu ni Zeebu, mateeka. Nkaamwiiva Orebu umwaalhani Uhorebu, ni Zeebu nkayaamwiiva waamelhiya idivai wa Zeebu, vaatwarelhelha aya Amildiani. Nkayaawiihera Nagidioni miuru cha Orebu ni Zeebu, ukhopelhelhe wo mwoolhoko wo Uyorodani.
The Bible Version in Makua @The Word for The World International and Makua Language translators. All rights reserved.