O waamulha 6
6
Mwaha u Nagidioni
1Yamalheke, attu o Uisraeli ahowonya tho umihoolho wa Apwiiya Nlhuku ni ayo nkaahiya, nkayaakottolhiya ni utawariya ni attu o Umidiani iyaakha saba. 2Attu o Umidiani yahaamereriha attu o Uisraeli mpaka nkayethipelha malhikiti ni miithe umiakoni wiira chikhalhe mangome aya. 3Paahi kila nkwaha attu o Uisraeli vaalhanche aya imbeyu umatani, attu o Umidiani, attu o Uamaleki ni attu akina o wowo unosha nchuwa uwo, ahowa ni waatakacha. 4Yayo makosho ayo aheeshacha mapuro aya mwiilhaponi mmo. Nkayaakelhelha ni utanganya choolhia chonkhaye velhaponi mpaka umwiinanoni mwo ilhapo yo Ugaza, wo uhaahiyera attu o Uisraeli ittu iriyoothe ilhe, ikhalhe ikhondoro, ing'ope ama iphuta. 5Amalhaponi alhemalhenlhe uwa wo mikutiro thoko nashombe, vamoka ni ing'ope ni ingamiya chaya ni uphanga nipuro naya wilhaponi mwa attu o Uisraeli, ahotanganyacha ilhapo ya attu o Uisraeli, ukhalhawaya ari attu enchi chinene ahinaalhakelhia. 6Attu o Uisraeli ahohelhiya umashikini chinene ni attu o Umidiani, nkayonlhelha Apwiiya Nlhuku wiira aakavihe.
7Paahi attu o Uisraeli vaamalhinhe aya wonlhelha Apwiiya Nlhuku wiira aathamihere uhuva waapatilhe aya wa attu o Umidiani, 8Apwiiya Nlhuku ahaarwehelha namitheko, ni uyo nkaahimiacha nttenga wa Apwiiya Nlhuku, Nlhuku o Uisraeli eera, “Kahoukumihani ilhapo yo Umisri mwaari inyu upottani, 9nkakowookholhani ukhuma mmiononi mwa attu o Umisri onkhaye, owaamererihani. Nkakomoolhacha attu vaawa inyu, ni uvahani inyuva ilhapo chaya. 10Yamalheke kahowupushani wiira mii phi Apwiiya Nlhuku, Nlhuku inyu, ni wiira nhithimiche milhuku ya Aamori, nkushilhe aya ilhapo aya, nansho khamwiiwelhelhe nlhove naka.”
11Nnepa o wiirimu wa Apwiiya Nlhuku nkaarwa Uofra, nkonkoma wuuthi mwiri muulhupalhe u Nayoashi, ntu o Uebiezeri. Nagidioni anaaya Nayoashi ayo, ari eepettaka ingaano munlhikitini mwo waamelha izabibu wiira ahooniye ni attu o Umidiani. 12Nnepa wa Apwiiya Nlhuku nkawaakhumelhelha, nkaweerelha wiira, “Apwiiya Nlhuku ari vamoka ni inyuva, inyu o wooria waatakana ikhoto va.”
13Nagidioni nkayaakhulha wo wiira, “Inyu Athithi aka, yakhalhaka Apwiiya Nlhuku ari vamoka ni hii, woonaka chittu chonkhaye chilha chihonipatta? Chiri vayi mitheko chaya cho ushangiha chaanihimeria aya manyaashulhupalhe ihu, yeeraka wiira, ‘Apwiiya Nlhuku phi nikuminhe wiilhaponi Umisri.’ Nansho vano Apwiiya Nlhuku ahoniriha ni unihelha mmiononi mwa attu o Umidiani!”
14Apwiiya Nlhuku nkayaarukunuwelha ni weerelha wiira, “Nrweeke wo ikuru irina inyu, mwookolhe attu o Uisraeli ukhuma wa attu o Umidiani. Phi mii kinourumani.”
15Nagidioni nkayaakulha yiiraka, “Paahi Thithi, kinohalha wooria chani wookholha attu o Uisraeli? Nihimo naka phi nihimo no uhuperiacha upwaha mahimo onkhaye o nikosho ni Namanase, ni mi kimwanene phi mwankani chinene umbumbani wihu uwo!”
16Ni Apwiiya Nlhuku nkayaakhulha wo wiira, “Kinowoorihani, ni inyu nnowaarimeelhiha attu o Umidiani thoko nnonrimeelhiha ntu mmoka.”
17Nagidioni nkayaakhulha, “Paahi yakhalhaka kihopata nipesha uwaninyu, nkooniheke etu ithikineha kichuwelheke wiira wo ikekhiaye phi inyu nnoolhumacha ni mii. 18Ni vavawo chonte nhithame etu vaa, mpaka vanohalha aka uhokolhia ni uwiiherani isadaka aka yo yolhia ni weesha umihoolho winyu vawo.”
Ni ayo nkayaakhulha yeeraka, “Kinookhalha vava mpaka vanohalha inyu uhokolhia.”
19Paahi Nagidioni nkayaarwa uwannyaya, nkaamwaapia mwaapuri ni mikatte cho uhihelhiya ihengedure ukhuma isaado yo ipepa, nkayaahelha inama iyo muutingoni, ni nhuchi nnyoopweni, Yamalheke nkaarwehelha waari mwiri wo mwaaloni, nkayaavaha. 20Nnepa wa Nlhuku nkaweera, “Nkusheke inama ni mikatte cho uhihelhiya ihengedure mweesheke vachulhu mwalha ulha. Mwamalhihaka, nhelheke nhuchi vachulhu wo mikatte ni inama.” Ni ayo nkayaapanga chiicho. 21Nnepa wa Apwiiya Nlhuku ahookolha ikopo awe, nkaakwakwanya inama ni mikatte wo ikopo iyo. Wo uhikhulhuvelhiya, mooro wahopharelha vamwalhani vawo, nkawaapaha inama ni mikatte chilhe. Phiyaru, nnepa wa Apwiiya Nlhuku ahothama umihoolho waya.
22Phi vavawo Nagidioni vaachuwenlhe aya wiira yoyo ari nnepa a Apwiiya Nlhuku, nkeera, “Maanyi, kimpani mii! Inyu Apwiiya Nlhuku, ukhalhawaya kihomwoona nnepa inyu ikhove wo ikhove.”
23Nansho Apwiiya Nlhuku nkeera wiira, “Mpuha ukhalhe ni inyu. Nhoove khannokhwa.”
24Paahi Nagidioni nkayaathekelha Apwiiya Nlhuku madhubahu wowo ni wiihana, “Apwiiya Nlhuku phi nowiha mpuha.” Eiyo, yayo madhubahu ayo arii wowo Uofra uwo, iwani ya Abiezeri, mpaka nna.
Nagidioni anoophomolha madhubahu a Baali
25Yoyo uhiyu uyo Apwiiya Nlhuku nkayeerelha Nagidioni wiira, “Nkusheke n'dume no ing'ope wa athumwaninyu, n'dume ni nayelhi no iyaakha saba. Mphomolheke madhubahu a Baali arinaya athumwaninyu ni wuunthakacha isinyago ya Ashera irii vakhiviru ni madhubahu ayo. 26Mwamalhihaka, nkithekelheke madhubahu mii Apwiiya Nlhuku, Nlhuku inyu, vakittu voombone vachulhu mwaamwako va. Mwamalaka nkikumiereke isadaka yo upahiya yo mwaan'dume ulhe wo ikhuni cho isinyago ya Ashera ilhe.” 27Paahi Nagidioni ahaakusha anamitheko aya khumi, nkayaapanga thoko chaalheheriye aya ni Apwiiya Nlhuku. Nansho ukhalhawaya ari oovaka ashilhoko a athumwanaya, ni attu o vawani vawo, baada yo uphanga yayo uthana, aapannge uhiyu.
28Attu o ilhapo iyo vonkwilhe aya wichishuru, ahoona madhubahu a Baali ni isinyago ya Ashera yaari vakhiviru aya, chinatupulhiye, ni ing'ope yo nayelhi inakumihiye isadaka yo upahiya vachulhu wo yayo madhubahu ikooroshiye ayo. 29Attu nkayaakohanacha, “Mpani pannge yelha ittu ilha?” Vaathempe aya ukoherera nkayaachuwelhacha wiira ari Nagidioni anaaya Nayoashi phi pannge yayo. 30Paahi attu o ilhapo iyo ahorwaa u Nayoashi, nkayeerelha wiira, “Munkumihe mwaamwaninyu nimwiive, ukhalhawaya hotanganya madhubahu a Baali ni wunthakacha isinyago ya Ashera yaari vakhiviru ni madhubahu ayo.”
31Paahi Nayoashi nkayaakhulha attu onkhaye aawilhe ayo wo wiira, “Chani nnomwaakiha Baali? Chani nnoomwokholha? Ntu riyoothe paahi nomwaakiha norimelhihiya uhinaya usha. Yakhalhaka Baali phi Nlhuku o ikekhiaye, paahi etu eechakiheke mwanene, ukhalhawaya madhubahu awe ahophomolhiya ni Nagidioni.” 32Paahi Nagidioni aheehaniya nenno nihuku nno nkayeehaniya “Yeru Baali” maana aya, “Baali eechakiheke umihoolho wawe.” ukhalhawaya ahophomolha madhubahu a Baali.
33Yeyo ikatema iyo attu o Umidiani attu o Uamaleki ni attu akina o wowo unosha nchuwa ni mwoolhoko wo Uyorodani aheeshacha mapuro aya unikoteni Nayezreeli. 34Nansho Iphumu ya Apwiiya Nlhuku nkayaaholhelha Nagidioni. Ni ayo nkayoopa nipalhapatta weehana Abiezeri awaache yaatware. 35Yamalheke nkayaaruma akarumiya mwiilhaponi mwonkhaye mwa ashinna Manase awe yaatwara. Akarumiya akina nkaarumiya arwee eehane attu o makosho a Asheri, Zebuloni ni Naftali, ni ayo nkayaawa ukumaana ni ayo.
36Nagidioni nkaamwirelha Nlhuku wiira, “Yakhalhaka nowoopolha attu o Uisraeli wo moono aka thoko chihimilhe inyu, 37vano kinoweesha nrapalha no ikhondoro vammutoni vaneepettelhiya ingaano. Ukame watapwihaka nrapalha nno etu, ni mmuto uyo wo uhitapwa, paahi kinochuwelha wiira nnowookholha attu o Uisraeli wo moono aka thoko chihimilhe inyu.” 38Nkayaakhalha thoko chiicho, ukhalhawaya vonkwilhe aya wichishuru ahaama ukame waari vachulhu nenno nrapalha nno, nkaachariha nnyoopweni. 39Yamalheke Nagidioni nkaamwirelha Nlhuku wiira, “Chonte nhikithunalhelhe. Kinoulhepelhani wiira kuulhumache vakani tho. Ninouvendani nkihiyerereke kitumiye nrapalha nna, kilhikache ittu ikina. Ninouvendani wiira ukame wo vachulhu nrapalha uyo wuumeke, nansho uri vammutoni vawo ukhalheke ukame.” 40Nlhuku nkaapanga chiichammo yoyo uhiyu uyo, ukhalhawaya, vachulhu nrapalha vaari vanoomilhe, ni vammutoni vaari vanatampwe ukame.
The Bible Version in Makua @The Word for The World International and Makua Language translators. All rights reserved.
O waamulha 6
6
Mwaha u Nagidioni
1Yamalheke, attu o Uisraeli ahowonya tho umihoolho wa Apwiiya Nlhuku ni ayo nkaahiya, nkayaakottolhiya ni utawariya ni attu o Umidiani iyaakha saba. 2Attu o Umidiani yahaamereriha attu o Uisraeli mpaka nkayethipelha malhikiti ni miithe umiakoni wiira chikhalhe mangome aya. 3Paahi kila nkwaha attu o Uisraeli vaalhanche aya imbeyu umatani, attu o Umidiani, attu o Uamaleki ni attu akina o wowo unosha nchuwa uwo, ahowa ni waatakacha. 4Yayo makosho ayo aheeshacha mapuro aya mwiilhaponi mmo. Nkayaakelhelha ni utanganya choolhia chonkhaye velhaponi mpaka umwiinanoni mwo ilhapo yo Ugaza, wo uhaahiyera attu o Uisraeli ittu iriyoothe ilhe, ikhalhe ikhondoro, ing'ope ama iphuta. 5Amalhaponi alhemalhenlhe uwa wo mikutiro thoko nashombe, vamoka ni ing'ope ni ingamiya chaya ni uphanga nipuro naya wilhaponi mwa attu o Uisraeli, ahotanganyacha ilhapo ya attu o Uisraeli, ukhalhawaya ari attu enchi chinene ahinaalhakelhia. 6Attu o Uisraeli ahohelhiya umashikini chinene ni attu o Umidiani, nkayonlhelha Apwiiya Nlhuku wiira aakavihe.
7Paahi attu o Uisraeli vaamalhinhe aya wonlhelha Apwiiya Nlhuku wiira aathamihere uhuva waapatilhe aya wa attu o Umidiani, 8Apwiiya Nlhuku ahaarwehelha namitheko, ni uyo nkaahimiacha nttenga wa Apwiiya Nlhuku, Nlhuku o Uisraeli eera, “Kahoukumihani ilhapo yo Umisri mwaari inyu upottani, 9nkakowookholhani ukhuma mmiononi mwa attu o Umisri onkhaye, owaamererihani. Nkakomoolhacha attu vaawa inyu, ni uvahani inyuva ilhapo chaya. 10Yamalheke kahowupushani wiira mii phi Apwiiya Nlhuku, Nlhuku inyu, ni wiira nhithimiche milhuku ya Aamori, nkushilhe aya ilhapo aya, nansho khamwiiwelhelhe nlhove naka.”
11Nnepa o wiirimu wa Apwiiya Nlhuku nkaarwa Uofra, nkonkoma wuuthi mwiri muulhupalhe u Nayoashi, ntu o Uebiezeri. Nagidioni anaaya Nayoashi ayo, ari eepettaka ingaano munlhikitini mwo waamelha izabibu wiira ahooniye ni attu o Umidiani. 12Nnepa wa Apwiiya Nlhuku nkawaakhumelhelha, nkaweerelha wiira, “Apwiiya Nlhuku ari vamoka ni inyuva, inyu o wooria waatakana ikhoto va.”
13Nagidioni nkayaakhulha wo wiira, “Inyu Athithi aka, yakhalhaka Apwiiya Nlhuku ari vamoka ni hii, woonaka chittu chonkhaye chilha chihonipatta? Chiri vayi mitheko chaya cho ushangiha chaanihimeria aya manyaashulhupalhe ihu, yeeraka wiira, ‘Apwiiya Nlhuku phi nikuminhe wiilhaponi Umisri.’ Nansho vano Apwiiya Nlhuku ahoniriha ni unihelha mmiononi mwa attu o Umidiani!”
14Apwiiya Nlhuku nkayaarukunuwelha ni weerelha wiira, “Nrweeke wo ikuru irina inyu, mwookolhe attu o Uisraeli ukhuma wa attu o Umidiani. Phi mii kinourumani.”
15Nagidioni nkayaakulha yiiraka, “Paahi Thithi, kinohalha wooria chani wookholha attu o Uisraeli? Nihimo naka phi nihimo no uhuperiacha upwaha mahimo onkhaye o nikosho ni Namanase, ni mi kimwanene phi mwankani chinene umbumbani wihu uwo!”
16Ni Apwiiya Nlhuku nkayaakhulha wo wiira, “Kinowoorihani, ni inyu nnowaarimeelhiha attu o Umidiani thoko nnonrimeelhiha ntu mmoka.”
17Nagidioni nkayaakhulha, “Paahi yakhalhaka kihopata nipesha uwaninyu, nkooniheke etu ithikineha kichuwelheke wiira wo ikekhiaye phi inyu nnoolhumacha ni mii. 18Ni vavawo chonte nhithame etu vaa, mpaka vanohalha aka uhokolhia ni uwiiherani isadaka aka yo yolhia ni weesha umihoolho winyu vawo.”
Ni ayo nkayaakhulha yeeraka, “Kinookhalha vava mpaka vanohalha inyu uhokolhia.”
19Paahi Nagidioni nkayaarwa uwannyaya, nkaamwaapia mwaapuri ni mikatte cho uhihelhiya ihengedure ukhuma isaado yo ipepa, nkayaahelha inama iyo muutingoni, ni nhuchi nnyoopweni, Yamalheke nkaarwehelha waari mwiri wo mwaaloni, nkayaavaha. 20Nnepa wa Nlhuku nkaweera, “Nkusheke inama ni mikatte cho uhihelhiya ihengedure mweesheke vachulhu mwalha ulha. Mwamalhihaka, nhelheke nhuchi vachulhu wo mikatte ni inama.” Ni ayo nkayaapanga chiicho. 21Nnepa wa Apwiiya Nlhuku ahookolha ikopo awe, nkaakwakwanya inama ni mikatte wo ikopo iyo. Wo uhikhulhuvelhiya, mooro wahopharelha vamwalhani vawo, nkawaapaha inama ni mikatte chilhe. Phiyaru, nnepa wa Apwiiya Nlhuku ahothama umihoolho waya.
22Phi vavawo Nagidioni vaachuwenlhe aya wiira yoyo ari nnepa a Apwiiya Nlhuku, nkeera, “Maanyi, kimpani mii! Inyu Apwiiya Nlhuku, ukhalhawaya kihomwoona nnepa inyu ikhove wo ikhove.”
23Nansho Apwiiya Nlhuku nkeera wiira, “Mpuha ukhalhe ni inyu. Nhoove khannokhwa.”
24Paahi Nagidioni nkayaathekelha Apwiiya Nlhuku madhubahu wowo ni wiihana, “Apwiiya Nlhuku phi nowiha mpuha.” Eiyo, yayo madhubahu ayo arii wowo Uofra uwo, iwani ya Abiezeri, mpaka nna.
Nagidioni anoophomolha madhubahu a Baali
25Yoyo uhiyu uyo Apwiiya Nlhuku nkayeerelha Nagidioni wiira, “Nkusheke n'dume no ing'ope wa athumwaninyu, n'dume ni nayelhi no iyaakha saba. Mphomolheke madhubahu a Baali arinaya athumwaninyu ni wuunthakacha isinyago ya Ashera irii vakhiviru ni madhubahu ayo. 26Mwamalhihaka, nkithekelheke madhubahu mii Apwiiya Nlhuku, Nlhuku inyu, vakittu voombone vachulhu mwaamwako va. Mwamalaka nkikumiereke isadaka yo upahiya yo mwaan'dume ulhe wo ikhuni cho isinyago ya Ashera ilhe.” 27Paahi Nagidioni ahaakusha anamitheko aya khumi, nkayaapanga thoko chaalheheriye aya ni Apwiiya Nlhuku. Nansho ukhalhawaya ari oovaka ashilhoko a athumwanaya, ni attu o vawani vawo, baada yo uphanga yayo uthana, aapannge uhiyu.
28Attu o ilhapo iyo vonkwilhe aya wichishuru, ahoona madhubahu a Baali ni isinyago ya Ashera yaari vakhiviru aya, chinatupulhiye, ni ing'ope yo nayelhi inakumihiye isadaka yo upahiya vachulhu wo yayo madhubahu ikooroshiye ayo. 29Attu nkayaakohanacha, “Mpani pannge yelha ittu ilha?” Vaathempe aya ukoherera nkayaachuwelhacha wiira ari Nagidioni anaaya Nayoashi phi pannge yayo. 30Paahi attu o ilhapo iyo ahorwaa u Nayoashi, nkayeerelha wiira, “Munkumihe mwaamwaninyu nimwiive, ukhalhawaya hotanganya madhubahu a Baali ni wunthakacha isinyago ya Ashera yaari vakhiviru ni madhubahu ayo.”
31Paahi Nayoashi nkayaakhulha attu onkhaye aawilhe ayo wo wiira, “Chani nnomwaakiha Baali? Chani nnoomwokholha? Ntu riyoothe paahi nomwaakiha norimelhihiya uhinaya usha. Yakhalhaka Baali phi Nlhuku o ikekhiaye, paahi etu eechakiheke mwanene, ukhalhawaya madhubahu awe ahophomolhiya ni Nagidioni.” 32Paahi Nagidioni aheehaniya nenno nihuku nno nkayeehaniya “Yeru Baali” maana aya, “Baali eechakiheke umihoolho wawe.” ukhalhawaya ahophomolha madhubahu a Baali.
33Yeyo ikatema iyo attu o Umidiani attu o Uamaleki ni attu akina o wowo unosha nchuwa ni mwoolhoko wo Uyorodani aheeshacha mapuro aya unikoteni Nayezreeli. 34Nansho Iphumu ya Apwiiya Nlhuku nkayaaholhelha Nagidioni. Ni ayo nkayoopa nipalhapatta weehana Abiezeri awaache yaatware. 35Yamalheke nkayaaruma akarumiya mwiilhaponi mwonkhaye mwa ashinna Manase awe yaatwara. Akarumiya akina nkaarumiya arwee eehane attu o makosho a Asheri, Zebuloni ni Naftali, ni ayo nkayaawa ukumaana ni ayo.
36Nagidioni nkaamwirelha Nlhuku wiira, “Yakhalhaka nowoopolha attu o Uisraeli wo moono aka thoko chihimilhe inyu, 37vano kinoweesha nrapalha no ikhondoro vammutoni vaneepettelhiya ingaano. Ukame watapwihaka nrapalha nno etu, ni mmuto uyo wo uhitapwa, paahi kinochuwelha wiira nnowookholha attu o Uisraeli wo moono aka thoko chihimilhe inyu.” 38Nkayaakhalha thoko chiicho, ukhalhawaya vonkwilhe aya wichishuru ahaama ukame waari vachulhu nenno nrapalha nno, nkaachariha nnyoopweni. 39Yamalheke Nagidioni nkaamwirelha Nlhuku wiira, “Chonte nhikithunalhelhe. Kinoulhepelhani wiira kuulhumache vakani tho. Ninouvendani nkihiyerereke kitumiye nrapalha nna, kilhikache ittu ikina. Ninouvendani wiira ukame wo vachulhu nrapalha uyo wuumeke, nansho uri vammutoni vawo ukhalheke ukame.” 40Nlhuku nkaapanga chiichammo yoyo uhiyu uyo, ukhalhawaya, vachulhu nrapalha vaari vanoomilhe, ni vammutoni vaari vanatampwe ukame.
The Bible Version in Makua @The Word for The World International and Makua Language translators. All rights reserved.