Malakaus 8
8
Yexus Pub Mov Rau 4,000 Leej Noj
(Mathais 15:32-39)
1Tomqab ntawd tsis ntev rov muaj dua ib cov neeg coob-coob tuaj uake. Thaum cov neeg ntawd tsis muaj mov noj lawm, Yexus txawm hu Nws cov thwjtim los cuag Nws thiab hais rau lawv tias, 2“Kuv hlub cov neeg no heev, rauqhov lawv twb tuaj nrog Kuv nyob tau peb hnub lawm; tamsim no lawv tsis muaj ib yam dabtsi noj li. 3Yog Kuv cia lawv mus tsev es tsis tau muab mov rau lawv noj, ntshe lawv yuav tsausmuag thiab ntog tom tej tog kev, rauqhov ibtxhia tuaj deb heev tuaj.”
4Yexus cov thwjtim nug Yexus hais tias, “Ntawm no yog roob mojsab qhua xwb, leejtwg yuav mus nrhiav tau mov los rau cov neeg no noj?”
5Yexus nug cov thwjtim hais tias, “Nej muaj pestsawg lub ncuav?”
Lawv teb tias, “Muaj xya lub.”
6Yexus hais kom sawvdaws zaum hauv pemteb. Nws muab xya lub ncuav los ua Vajtswv tsaug, muab ntais thiab cev rau cov thwjtim nqa mus faib rau sawvdaws. Cov thwjtim txawm ua li ntawd. 7Lawv kuj muaj ob-peb tug ntses uas me-me thiab. Yexus txawm muab ua Vajtswv tsaug tas thiab kom cov thwjtim nqa mus faib rau sawvdaws ib yam nkaus. 8Txhua tus puavleej tau noj tsau huv tibsi. Cov thwjtim mus sau tej seem uas sawvdaws noj tsis tas tau xya tawb puvnkaus. 9Cov neeg hnub ntawd kwvlam muaj 4,000 leej. Ces Yexus txawm kom sawvdaws rovqab mus tsev, 10tamsim ntawd Yexus thiab Nws cov thwjtim txawm mus rau hauv nkoj, caij mus rau tim cheebtsam Damanuthas lawm.
Cov Falixais Thov Kom Yexus Ua Ib Yam Txujci Tseemceeb
(Mathais 16:1-4)
11Muaj ib cov Falixais tuaj cuag Yexus thiab ciali pib nrog Nws sibcav. Lawv xav sim Yexus, lawv txawm kom Yexus ua ib yam txujci tseemceeb rau lawv saib, kom lawv thiaj ntseeg tias yog Vajtswv txib Yexus los tiag. #Math 12:38; Lukas 11:16 12Yexus xyu ib suab thiab hais tias, “Vim licas cov neeg tiam no thiaj xav pom tej txujci tseemceeb? Kuv qhia tseeb rau nej hais tias, Kuv yuav tsis ua txujci tseemceeb rau cov neeg tiam no pom li!” #Math 12:39; Lukas 11:29
13Yexus txawm tso lawv tseg, thiab mus rau hauv nkoj, caij hla hiavtxwv mus rau sab tim ub lawm.
Cov Falixais Thiab Helauj Cov Keeb
(Mathais 16:5-12)
14Cov thwjtim tsis nco ntim mov mus kom txaus, lawv tsuas muaj ib lub ncuav nyob hauv lub nkoj xwb. 15Yexus ceebtoom lawv tias, “Nej yuavtsum ceevfaj cov Falixais thiab Helauj cov keeb.” #Lukas 12:1
16Cov thwjtim txawm sibtham hais tias, “Ntshe yog peb muaj mov tsis txaus, Nws thiaj hais li ntawd.”
17Yexus twb paub tej uas lawv sibtham ntawd lawm, Nws txawm hais rau lawv tias, “Vim licas nej pheej sibtham txog qhov uas nej muaj mov tsis txaus? Nej tseem tsis tau paub lossis tseem tsis totaub thiab lov? Ua licas nej lub siab yuav ruam ualuaj li? 18Nej twb muaj qhovmuag tiamsis nej tseem tsis pom thiab lov? Nej twb muaj pobntseg tiamsis nej tseem tsis hnov thiab lov? Nej tsis ncoqab #Yelemi 5:21; Exek 12:2; Malak 4:12 19thaum Kuv muab tsib lub ncuav ntais faib rau 5,000 leej noj lawm lov? Nej sau cov uas seem tau pestsawg tawb puvnkaus?”
Lawv teb tias, “Kaum-ob tawb.”
20“Thiab thaum Kuv muab xya lub ncuav ntais faib rau 4,000 leej noj, nej sau cov uas seem tau pestsawg tawb puvnkaus?”
Lawv teb tias, “Xya tawb.”
21Yexus nug lawv hais tias, “Nej tseem tsis totaub thiab lov?”
Yexus Kho Tus Digmuag Hauv Npexaidas
22Yexus thiab Nws cov thwjtim mus txog hauv Npexaidas. Muaj neeg coj ib tug txivneej digmuag tuaj cuag Yexus thiab thov Yexus kho nws. 23Yexus tuav tus txivneej ntawd tes thiab coj nws mus rau tom ntug zos. Ces Yexus txawm nti qaubncaug pleev tus ntawd ob lub qhovmuag thiab tsa tes rau saum nws, Yexus nug nws hais tias, “Koj puas pom dabtsi li?”
24Tus txivneej ntawd tsa qhovmuag saib thiab hais tias, “Kuv pom neeg, tiamsis lawv zooli tej ntoo uas mus-mus los-los.”
25Yexus rov tsa Nws ob txhais tes npuab tus txivneej ntawd ob lub qhovmuag dua ib zaug. Nws txawm qhib tau qhovmuag, nws ob lub qhovmuag ciali zoo thiab pomkev tseeb kawg li lawm. 26Yexus kom nws ciali mus tsev thiab hais tias, “Koj tsis txhob rov mus rau hauv zos lawm.”
Petus Hais Tias Yexus Yog Tus Mexiyas
(Mathais 16:13-20; Lukas 9:18-21)
27Yexus thiab Nws cov thwjtim mus rau pem tej zos uas nyob ze lub nroog Xixaleyas Filipis. Thaum lawv tabtom taug kev mus, Nws nug lawv hais tias, “Tej neeg sawvdaws hais tias Kuv yog leejtwg?”
28Cov thwjtim teb tias, “Muaj ibtxhia hais tias Koj yog Yauhas tus uas muab neeg ua kevcai rausdej, ibtxhia hais tias Koj yog Eliyas, thiab muaj ibtxhia hais tias Koj yog ib tug ntawm cov xibhwb cev Vajtswv lus.” #Math 6:14-15; Lukas 9:7-8
29Yexus nug hais tias, “Nej ne, nej ho hais tias Kuv yog leejtwg?” #Yauh 6:68-69
Petus teb tias, “Koj yog tus Mexiyas#8:29: Mexiyas; lossis los Kilis yog Khetos..”
30Yexus txwv lawv hais tias, “Nej tsis txhob qhia txog Kuv rau leejtwg hlo li.”
Yexus Qhia Txog Nws Kev Txomnyem Thiab Tuag
(Mathais 16:21-28; Lukas 9:22-27)
31Txij ntawd los, Yexus txawm pib qhia rau Nws cov thwjtim hais tias, “Neeg Leejtub yuav raug tsimtxom ntau yam; cov txwjlaug, cov thawj povthawj hlob, thiab cov xibhwb uas qhia Kevcai, yuav tsis lees yuav Nws. Lawv yuav muab Nws tua, tiamsis peb hnub tomqab ntawd Nws yuav ciajsia sawv rov los.” 32Yexus qhia zaj no tseeb-tseeb rau cov thwjtim, ces Petus txawm coj Yexus mus rau ibcag thiab txwv Yexus. 33Tiamsis Yexus tig los saib Nws cov thwjtim thiab cem Petus hais tias, “Xatas, koj ciali khiav ntawm Kuv mus! Koj tej kev xav tsis yog rawsli Vajtswv lub siab, tiamsis yog rawsli neeg lub siab xwb.”
34Yexus thiaj hu cov neeg coob-coob ntawd thiab Nws cov thwjtim los cuag Nws, Nws hais rau lawv tias, “Yog leejtwg xav nrog Kuv mus, nws yuavtsum txhob xav txog nws tuskheej, kwv nws tus ntoo khaublig, thiab raws Kuv qab. #Math 10:38; Lukas 14:27 35Rauqhov tus uas xav ceev nws txojsia, tus ntawd yuav plam txojsia. Tiamsis tus uas yeem cia nws txojsia tu pub rau Kuv thiab rau Txoj Moo Zoo, tus ntawd yuav ceev tau nws txojsia. #Math 10:39; Lukas 17:33; Yauh 12:25 36Yog leejtwg tau ibpuas tsavyam hauv ntiajteb no los ua nws tug, tiamsis nws txojsia tu lawm, tej ntawd yuav muaj qabhau dabtsi rau nws? 37Yeej tsis muaj ib yam dabtsi uas nws yuav coj mus txhiv tau nws txojsia rovqab los! 38Yog leejtwg txajmuag rau Kuv lub npe thiab Kuv tej lus qhia nyob rau tiam uas neeg tsis muaj Vajtswv thiab nyiam ua phem ua qias no, ces Neeg Leejtub yuav txajmuag rau tus ntawd thiab, thaum lub sijhawm uas Nws nrog Nws cov timtswv dawbhuv los saum ntuj los thiab nrog Leejtxiv tus tshwjchim uas ci ntsa-iab los.”
© 2022 United Bible Societies. All rights reserved.
Malakaus 8
8
Yexus Pub Mov Rau 4,000 Leej Noj
(Mathais 15:32-39)
1Tomqab ntawd tsis ntev rov muaj dua ib cov neeg coob-coob tuaj uake. Thaum cov neeg ntawd tsis muaj mov noj lawm, Yexus txawm hu Nws cov thwjtim los cuag Nws thiab hais rau lawv tias, 2“Kuv hlub cov neeg no heev, rauqhov lawv twb tuaj nrog Kuv nyob tau peb hnub lawm; tamsim no lawv tsis muaj ib yam dabtsi noj li. 3Yog Kuv cia lawv mus tsev es tsis tau muab mov rau lawv noj, ntshe lawv yuav tsausmuag thiab ntog tom tej tog kev, rauqhov ibtxhia tuaj deb heev tuaj.”
4Yexus cov thwjtim nug Yexus hais tias, “Ntawm no yog roob mojsab qhua xwb, leejtwg yuav mus nrhiav tau mov los rau cov neeg no noj?”
5Yexus nug cov thwjtim hais tias, “Nej muaj pestsawg lub ncuav?”
Lawv teb tias, “Muaj xya lub.”
6Yexus hais kom sawvdaws zaum hauv pemteb. Nws muab xya lub ncuav los ua Vajtswv tsaug, muab ntais thiab cev rau cov thwjtim nqa mus faib rau sawvdaws. Cov thwjtim txawm ua li ntawd. 7Lawv kuj muaj ob-peb tug ntses uas me-me thiab. Yexus txawm muab ua Vajtswv tsaug tas thiab kom cov thwjtim nqa mus faib rau sawvdaws ib yam nkaus. 8Txhua tus puavleej tau noj tsau huv tibsi. Cov thwjtim mus sau tej seem uas sawvdaws noj tsis tas tau xya tawb puvnkaus. 9Cov neeg hnub ntawd kwvlam muaj 4,000 leej. Ces Yexus txawm kom sawvdaws rovqab mus tsev, 10tamsim ntawd Yexus thiab Nws cov thwjtim txawm mus rau hauv nkoj, caij mus rau tim cheebtsam Damanuthas lawm.
Cov Falixais Thov Kom Yexus Ua Ib Yam Txujci Tseemceeb
(Mathais 16:1-4)
11Muaj ib cov Falixais tuaj cuag Yexus thiab ciali pib nrog Nws sibcav. Lawv xav sim Yexus, lawv txawm kom Yexus ua ib yam txujci tseemceeb rau lawv saib, kom lawv thiaj ntseeg tias yog Vajtswv txib Yexus los tiag. #Math 12:38; Lukas 11:16 12Yexus xyu ib suab thiab hais tias, “Vim licas cov neeg tiam no thiaj xav pom tej txujci tseemceeb? Kuv qhia tseeb rau nej hais tias, Kuv yuav tsis ua txujci tseemceeb rau cov neeg tiam no pom li!” #Math 12:39; Lukas 11:29
13Yexus txawm tso lawv tseg, thiab mus rau hauv nkoj, caij hla hiavtxwv mus rau sab tim ub lawm.
Cov Falixais Thiab Helauj Cov Keeb
(Mathais 16:5-12)
14Cov thwjtim tsis nco ntim mov mus kom txaus, lawv tsuas muaj ib lub ncuav nyob hauv lub nkoj xwb. 15Yexus ceebtoom lawv tias, “Nej yuavtsum ceevfaj cov Falixais thiab Helauj cov keeb.” #Lukas 12:1
16Cov thwjtim txawm sibtham hais tias, “Ntshe yog peb muaj mov tsis txaus, Nws thiaj hais li ntawd.”
17Yexus twb paub tej uas lawv sibtham ntawd lawm, Nws txawm hais rau lawv tias, “Vim licas nej pheej sibtham txog qhov uas nej muaj mov tsis txaus? Nej tseem tsis tau paub lossis tseem tsis totaub thiab lov? Ua licas nej lub siab yuav ruam ualuaj li? 18Nej twb muaj qhovmuag tiamsis nej tseem tsis pom thiab lov? Nej twb muaj pobntseg tiamsis nej tseem tsis hnov thiab lov? Nej tsis ncoqab #Yelemi 5:21; Exek 12:2; Malak 4:12 19thaum Kuv muab tsib lub ncuav ntais faib rau 5,000 leej noj lawm lov? Nej sau cov uas seem tau pestsawg tawb puvnkaus?”
Lawv teb tias, “Kaum-ob tawb.”
20“Thiab thaum Kuv muab xya lub ncuav ntais faib rau 4,000 leej noj, nej sau cov uas seem tau pestsawg tawb puvnkaus?”
Lawv teb tias, “Xya tawb.”
21Yexus nug lawv hais tias, “Nej tseem tsis totaub thiab lov?”
Yexus Kho Tus Digmuag Hauv Npexaidas
22Yexus thiab Nws cov thwjtim mus txog hauv Npexaidas. Muaj neeg coj ib tug txivneej digmuag tuaj cuag Yexus thiab thov Yexus kho nws. 23Yexus tuav tus txivneej ntawd tes thiab coj nws mus rau tom ntug zos. Ces Yexus txawm nti qaubncaug pleev tus ntawd ob lub qhovmuag thiab tsa tes rau saum nws, Yexus nug nws hais tias, “Koj puas pom dabtsi li?”
24Tus txivneej ntawd tsa qhovmuag saib thiab hais tias, “Kuv pom neeg, tiamsis lawv zooli tej ntoo uas mus-mus los-los.”
25Yexus rov tsa Nws ob txhais tes npuab tus txivneej ntawd ob lub qhovmuag dua ib zaug. Nws txawm qhib tau qhovmuag, nws ob lub qhovmuag ciali zoo thiab pomkev tseeb kawg li lawm. 26Yexus kom nws ciali mus tsev thiab hais tias, “Koj tsis txhob rov mus rau hauv zos lawm.”
Petus Hais Tias Yexus Yog Tus Mexiyas
(Mathais 16:13-20; Lukas 9:18-21)
27Yexus thiab Nws cov thwjtim mus rau pem tej zos uas nyob ze lub nroog Xixaleyas Filipis. Thaum lawv tabtom taug kev mus, Nws nug lawv hais tias, “Tej neeg sawvdaws hais tias Kuv yog leejtwg?”
28Cov thwjtim teb tias, “Muaj ibtxhia hais tias Koj yog Yauhas tus uas muab neeg ua kevcai rausdej, ibtxhia hais tias Koj yog Eliyas, thiab muaj ibtxhia hais tias Koj yog ib tug ntawm cov xibhwb cev Vajtswv lus.” #Math 6:14-15; Lukas 9:7-8
29Yexus nug hais tias, “Nej ne, nej ho hais tias Kuv yog leejtwg?” #Yauh 6:68-69
Petus teb tias, “Koj yog tus Mexiyas#8:29: Mexiyas; lossis los Kilis yog Khetos..”
30Yexus txwv lawv hais tias, “Nej tsis txhob qhia txog Kuv rau leejtwg hlo li.”
Yexus Qhia Txog Nws Kev Txomnyem Thiab Tuag
(Mathais 16:21-28; Lukas 9:22-27)
31Txij ntawd los, Yexus txawm pib qhia rau Nws cov thwjtim hais tias, “Neeg Leejtub yuav raug tsimtxom ntau yam; cov txwjlaug, cov thawj povthawj hlob, thiab cov xibhwb uas qhia Kevcai, yuav tsis lees yuav Nws. Lawv yuav muab Nws tua, tiamsis peb hnub tomqab ntawd Nws yuav ciajsia sawv rov los.” 32Yexus qhia zaj no tseeb-tseeb rau cov thwjtim, ces Petus txawm coj Yexus mus rau ibcag thiab txwv Yexus. 33Tiamsis Yexus tig los saib Nws cov thwjtim thiab cem Petus hais tias, “Xatas, koj ciali khiav ntawm Kuv mus! Koj tej kev xav tsis yog rawsli Vajtswv lub siab, tiamsis yog rawsli neeg lub siab xwb.”
34Yexus thiaj hu cov neeg coob-coob ntawd thiab Nws cov thwjtim los cuag Nws, Nws hais rau lawv tias, “Yog leejtwg xav nrog Kuv mus, nws yuavtsum txhob xav txog nws tuskheej, kwv nws tus ntoo khaublig, thiab raws Kuv qab. #Math 10:38; Lukas 14:27 35Rauqhov tus uas xav ceev nws txojsia, tus ntawd yuav plam txojsia. Tiamsis tus uas yeem cia nws txojsia tu pub rau Kuv thiab rau Txoj Moo Zoo, tus ntawd yuav ceev tau nws txojsia. #Math 10:39; Lukas 17:33; Yauh 12:25 36Yog leejtwg tau ibpuas tsavyam hauv ntiajteb no los ua nws tug, tiamsis nws txojsia tu lawm, tej ntawd yuav muaj qabhau dabtsi rau nws? 37Yeej tsis muaj ib yam dabtsi uas nws yuav coj mus txhiv tau nws txojsia rovqab los! 38Yog leejtwg txajmuag rau Kuv lub npe thiab Kuv tej lus qhia nyob rau tiam uas neeg tsis muaj Vajtswv thiab nyiam ua phem ua qias no, ces Neeg Leejtub yuav txajmuag rau tus ntawd thiab, thaum lub sijhawm uas Nws nrog Nws cov timtswv dawbhuv los saum ntuj los thiab nrog Leejtxiv tus tshwjchim uas ci ntsa-iab los.”
© 2022 United Bible Societies. All rights reserved.