Malakaus 7
7
Cov Yawgkoob Tej Lus Qhia
(Mathais 15:1-9)
1Muaj cov Falixais thiab cov xibhwb uas qhia Kevcai qeeleej tuaj nram lub nroog Yeluxalees tuaj cuag Yexus. 2Lawv pom Yexus cov thwjtim qeeleej xuas tes noj mov uas txoj kevcai qhia hais tias tsis huv, qhov ntawd yog lawv tsis xub ntxuav tes uantej noj mov.
( 3Vim yog cov Falixais thiab cov Yudais coj rawsli lawv cov yawgkoob tau qhia rau lawv lawm hais tias yog lawv tsis tau ntxuav tes rawsli kevcai, lawv yuavtsum tsis txhob noj mov. 4Thaum lawv mus tom kiab los, yog lawv tsis tau ua kevcai ntxuav, lawv yeej tsis noj dabtsi li.#7:4: yog lawv tsis tau ua kevcai ntxuav, lawv yeej tsis noj dabtsi li; lossis ib yam dabtsi uas lawv yuav tom kiab los, lawv yuavtsum xub ntxuav lawv tuskheej uantej tso, lawv mamli noj. Thiab lawv tseem coj ntau txoj kevcai, tsis hais kev ntxuav laujkaub, tais-diav, tej tais tooj liab thiab tej txaj pw.#7:4: Tej phau ntawv qub uas xuas tes sau tsis muaj tej txaj pw.)
5Vimli no, cov Falixais thiab cov xibhwb uas qhia Kevcai thiaj nug Yexus hais tias, “Uacas Koj cov thwjtim tsis ua rawsli peb cov yawgkoob tej lus uas ibtxwm qhia rau peb; lawv tsis xub ua kevcai ntxuav tes tso mamli noj mov?”
6Yexus teb tias, “Qhov uas Yaxayas, uas yog tus xibhwb cev Vajtswv lus tau hais txog nej ntawd yeej muaj tseeb tiag! Nej yog cov niag neeg ntsejmuag ncaj siabnkhaus, rawsli nws sau tseg hais tias:
“ ‘Vajtswv hais tias cov neeg no lub ncauj qhuas Kuv
tiamsis lawv lub siab nyob deb Kuv heev.
7Qhov uas lawv pehawm Kuv tsis muaj qabhau li,
rauqhov lawv muab neeg tej kevcai
qhia ib yam li tej ntawd yog Kuv tej kevcai!’ #Yaxaya 29:13 (LXX)
8“Nimno nej tsis coj rawsli Vajtswv tej kevcai, nej ho mus coj rawsli neeg tej kevcai uas ibtxwm coj los.”
9Thiab Yexus hais ntxiv tias, “Uacas nej yuav ntse ualuaj li? Nej muab Vajtswv txoj kevcai tsotseg, kom nej thiaj tau kev mus ua rawsli nej tej kevcai. 10Mauxes tau xaaj tseg hais tias, ‘Koj yuavtsum hwm koj niam koj txiv,’ thiab, ‘Yog leejtwg cem nws niam nws txiv, yuavtsum muab tus ntawd tua kom tuag.’ #Khiav 20:12; 2Kev 5:16; Khiav 21:17; Levi 20:9 11Tiamsis nej qhia hais tias, yog leejtwg muaj ib yam dabtsi uas yuav siv los pab tau nws niam nws txiv, tiamsis nws hais tias, ‘Yam no yog Kulanpas’ (uas txhais hais tias yam no twb muab rau Vajtswv lawm), 12ces tsis tas yuav pab nws niam nws txiv lawm. 13Nej ua li no twb yog nej ua saib tsis taus Vajtswv Txojlus, thiab tseem muaj ntau yam uas nej ua zooli no.”
Tej Uas Ua Rau Neeg Tsis Huv
(Mathais 15:10-20)
14Yexus rov hu cov neeg coob-coob los cuag Nws thiab hais rau lawv tias, “Nej txhua tus ua tibzoo mloog Kuv hais, nej thiaj totaub. 15Tsis muaj ib yam dabtsi nyob sabnraum no uas nkag tau mus rau hauv neeg lub cev, es ua rau neeg ciali tsis huv rawsli txoj kevcai; tiamsis yog tej uas tawm hauv neeg lub siab los ntag lau, ua rau neeg tsis huv.” 16#7:16: Tej phau ntawv qub uas xuas tes sau ntxiv nqe 16 uas hais tias: Yog leejtwg muaj pobntseg, ciali mloog! (saib 4:23).
17Thaum Yexus ncaim cov neeg coob-coob ntawd mus rau hauv tsev lawm, Nws cov thwjtim los thov kom Nws txhais zaj lus pivtxwv ntawd. 18Yexus teb lawv hais tias, “Nej thiab lawv ces ntse tibyam nkaus. Nej tseem tsis totaub thiab lov? Yeej tsis muaj ib yam dabtsi nyob sabnraum no uas nkag tau mus rau hauv neeg es txawm yuav ciali ua rau neeg tsis huv tau, 19rauqhov tej ntawd tsis mus rau hauv neeg lub siab, tiamsis mus rau hauv neeg lub plab thiab tawm dhau mus lawm xwb.” (Yexus qhia li no, yog Nws hais tias, txhua yam zaub-mov puavleej huv tagnrho.)
20Yexus hais ntxiv tias, “Tej uas tawm hauv neeg los, tej ntawd thiaj ua rau neeg tsis huv. 21Rauqhov tej uas tawm hauv nruabnrog uas yog nruabsiab los, tej ntawd ua rau neeg muaj tswvyim ua phem, coj tau neeg mus ua kev nkauj kev nraug, ua tubsab, tua neeg, 22deev luag pojniam luag txiv, ntshaw luag tug, ua txhua yam txhua tsav kev phem; dag-ntxias, tsis paub txajmuag, khib, xyav lwmtus moo, khavtheeb, thiab ua li neeg ruam. 23Txhua yam kev phem no puavleej yog tawm hauv neeg lub siab los, thiab ua rau neeg tsis huv.”
Tus Pojniam Kana-as Kev Ntseeg
(Mathais 15:21-28)
24Tomqab ntawd Yexus mus rau pem cheebtsam uas ze lub nroog Thailes. Nws mus rau hauv ib lub tsev, Nws tsis xav pub leejtwg paub tias Nws nyob hauv, tiamsis Nws nraim tsis tau. 25Muaj ib tug pojniam, nws tus ntxhais muaj ib tug ntsujplig phem tau los nyob rau hauv nws. Tus pojniam ntawd hnov tias Yexus tuaj, nws txawm tuaj txhoscaug ntua ntawm Yexus kotaw. 26Tus pojniam ntawd tsis yog neeg Yudais, nws yug hauv Faunixias uas yog tebchaws Xilias. Nws thov kom Yexus ntiab tus dab ntawd tawm hauv nws tus ntxhais mus. 27Tiamsis Yexus hais tias, “Cia cov menyuam noj kom tsau tso, rauqhov tsis tsimnyog yuav muab menyuam tej mov pov rau dev noj.”
28Tus pojniam ntawd teb tias, “Tus Tswv, txawm li ntawd los tej dev uas nyob hauvqab rooj, yeej tau noj menyuam tej qub mov thiab!”
29Yexus txawm hais rau nws tias, “Vim yog koj lolus teb ko, ciali rovqab mus tsev, koj yuav pom tias tus dab ntawd twb tawm hauv koj tus ntxhais mus lawm!”
30Nws txawm rov mus tsev thiab pom nws tus ntxhais pw saum txaj, tus dab twb tawm hauv nws mus lawm.
Yexus Kho Tus Txivneej Lagntseg Thiab Hais Tsis Tau Lus
31Dhau ntawd Yexus tawm hauv cheebtsam Thailes thiab hla lub nroog Xidoos mus rau nram Hiavtxwv Kalilais uas yog taug txojkev mus rau nram cheebtsam Dekapaulis.#7:31: Qhov ntawd yog kaum lub zos. 32Muaj ib cov neeg coj ib tug txivneej lagntseg thiab hais tsis tshua tau lus tuaj cuag Yexus thiab thov Yexus tsa tes rau saum nws. 33Yexus thiaj coj tus txivneej ntawd tawm mus rau ib qho nrug deb ntawm cov neeg coob-coob. Yexus muab ntivtes ntxig rau hauv tus txivneej ntawd ob lub pobntseg, Nws nti qaubncaug rau ntawm Nws li ntivtes thiab muab pleev tus ntawd tus nplaig. 34Yexus tsa qhovmuag ntsia saum ntuj thiab Nws xyu ib suab, ces Nws txawm hais rau tus txivneej ntawd tias, “Efathas,” uas txhais hais tias, “Ciali qhib hlo!”
35Tamsim ntawd tus txivneej txawm hnov lus, nws tus nplaig txawm muag thiab hais tau lus meej lawm. 36Yexus txwv tsis pub sawvdaws qhia zaj no rau leejtwg li; tiamsis Yexus yim txwv los lawv yim hais nrov-ncha heev ntxiv xwb. 37Txhua tus uas hnov tej no xav tsis thoob li, lawv sibtham hais tias, “Txhua yam uas Nws ua puavleej zoo huv tibsi. Txawm yog tej neeg lagntseg los Nws kho tau kom hnov thiab tej neeg uas hais tsis tau lus los Nws kho kom rov hais tau!”
© 2022 United Bible Societies. All rights reserved.
Malakaus 7
7
Cov Yawgkoob Tej Lus Qhia
(Mathais 15:1-9)
1Muaj cov Falixais thiab cov xibhwb uas qhia Kevcai qeeleej tuaj nram lub nroog Yeluxalees tuaj cuag Yexus. 2Lawv pom Yexus cov thwjtim qeeleej xuas tes noj mov uas txoj kevcai qhia hais tias tsis huv, qhov ntawd yog lawv tsis xub ntxuav tes uantej noj mov.
( 3Vim yog cov Falixais thiab cov Yudais coj rawsli lawv cov yawgkoob tau qhia rau lawv lawm hais tias yog lawv tsis tau ntxuav tes rawsli kevcai, lawv yuavtsum tsis txhob noj mov. 4Thaum lawv mus tom kiab los, yog lawv tsis tau ua kevcai ntxuav, lawv yeej tsis noj dabtsi li.#7:4: yog lawv tsis tau ua kevcai ntxuav, lawv yeej tsis noj dabtsi li; lossis ib yam dabtsi uas lawv yuav tom kiab los, lawv yuavtsum xub ntxuav lawv tuskheej uantej tso, lawv mamli noj. Thiab lawv tseem coj ntau txoj kevcai, tsis hais kev ntxuav laujkaub, tais-diav, tej tais tooj liab thiab tej txaj pw.#7:4: Tej phau ntawv qub uas xuas tes sau tsis muaj tej txaj pw.)
5Vimli no, cov Falixais thiab cov xibhwb uas qhia Kevcai thiaj nug Yexus hais tias, “Uacas Koj cov thwjtim tsis ua rawsli peb cov yawgkoob tej lus uas ibtxwm qhia rau peb; lawv tsis xub ua kevcai ntxuav tes tso mamli noj mov?”
6Yexus teb tias, “Qhov uas Yaxayas, uas yog tus xibhwb cev Vajtswv lus tau hais txog nej ntawd yeej muaj tseeb tiag! Nej yog cov niag neeg ntsejmuag ncaj siabnkhaus, rawsli nws sau tseg hais tias:
“ ‘Vajtswv hais tias cov neeg no lub ncauj qhuas Kuv
tiamsis lawv lub siab nyob deb Kuv heev.
7Qhov uas lawv pehawm Kuv tsis muaj qabhau li,
rauqhov lawv muab neeg tej kevcai
qhia ib yam li tej ntawd yog Kuv tej kevcai!’ #Yaxaya 29:13 (LXX)
8“Nimno nej tsis coj rawsli Vajtswv tej kevcai, nej ho mus coj rawsli neeg tej kevcai uas ibtxwm coj los.”
9Thiab Yexus hais ntxiv tias, “Uacas nej yuav ntse ualuaj li? Nej muab Vajtswv txoj kevcai tsotseg, kom nej thiaj tau kev mus ua rawsli nej tej kevcai. 10Mauxes tau xaaj tseg hais tias, ‘Koj yuavtsum hwm koj niam koj txiv,’ thiab, ‘Yog leejtwg cem nws niam nws txiv, yuavtsum muab tus ntawd tua kom tuag.’ #Khiav 20:12; 2Kev 5:16; Khiav 21:17; Levi 20:9 11Tiamsis nej qhia hais tias, yog leejtwg muaj ib yam dabtsi uas yuav siv los pab tau nws niam nws txiv, tiamsis nws hais tias, ‘Yam no yog Kulanpas’ (uas txhais hais tias yam no twb muab rau Vajtswv lawm), 12ces tsis tas yuav pab nws niam nws txiv lawm. 13Nej ua li no twb yog nej ua saib tsis taus Vajtswv Txojlus, thiab tseem muaj ntau yam uas nej ua zooli no.”
Tej Uas Ua Rau Neeg Tsis Huv
(Mathais 15:10-20)
14Yexus rov hu cov neeg coob-coob los cuag Nws thiab hais rau lawv tias, “Nej txhua tus ua tibzoo mloog Kuv hais, nej thiaj totaub. 15Tsis muaj ib yam dabtsi nyob sabnraum no uas nkag tau mus rau hauv neeg lub cev, es ua rau neeg ciali tsis huv rawsli txoj kevcai; tiamsis yog tej uas tawm hauv neeg lub siab los ntag lau, ua rau neeg tsis huv.” 16#7:16: Tej phau ntawv qub uas xuas tes sau ntxiv nqe 16 uas hais tias: Yog leejtwg muaj pobntseg, ciali mloog! (saib 4:23).
17Thaum Yexus ncaim cov neeg coob-coob ntawd mus rau hauv tsev lawm, Nws cov thwjtim los thov kom Nws txhais zaj lus pivtxwv ntawd. 18Yexus teb lawv hais tias, “Nej thiab lawv ces ntse tibyam nkaus. Nej tseem tsis totaub thiab lov? Yeej tsis muaj ib yam dabtsi nyob sabnraum no uas nkag tau mus rau hauv neeg es txawm yuav ciali ua rau neeg tsis huv tau, 19rauqhov tej ntawd tsis mus rau hauv neeg lub siab, tiamsis mus rau hauv neeg lub plab thiab tawm dhau mus lawm xwb.” (Yexus qhia li no, yog Nws hais tias, txhua yam zaub-mov puavleej huv tagnrho.)
20Yexus hais ntxiv tias, “Tej uas tawm hauv neeg los, tej ntawd thiaj ua rau neeg tsis huv. 21Rauqhov tej uas tawm hauv nruabnrog uas yog nruabsiab los, tej ntawd ua rau neeg muaj tswvyim ua phem, coj tau neeg mus ua kev nkauj kev nraug, ua tubsab, tua neeg, 22deev luag pojniam luag txiv, ntshaw luag tug, ua txhua yam txhua tsav kev phem; dag-ntxias, tsis paub txajmuag, khib, xyav lwmtus moo, khavtheeb, thiab ua li neeg ruam. 23Txhua yam kev phem no puavleej yog tawm hauv neeg lub siab los, thiab ua rau neeg tsis huv.”
Tus Pojniam Kana-as Kev Ntseeg
(Mathais 15:21-28)
24Tomqab ntawd Yexus mus rau pem cheebtsam uas ze lub nroog Thailes. Nws mus rau hauv ib lub tsev, Nws tsis xav pub leejtwg paub tias Nws nyob hauv, tiamsis Nws nraim tsis tau. 25Muaj ib tug pojniam, nws tus ntxhais muaj ib tug ntsujplig phem tau los nyob rau hauv nws. Tus pojniam ntawd hnov tias Yexus tuaj, nws txawm tuaj txhoscaug ntua ntawm Yexus kotaw. 26Tus pojniam ntawd tsis yog neeg Yudais, nws yug hauv Faunixias uas yog tebchaws Xilias. Nws thov kom Yexus ntiab tus dab ntawd tawm hauv nws tus ntxhais mus. 27Tiamsis Yexus hais tias, “Cia cov menyuam noj kom tsau tso, rauqhov tsis tsimnyog yuav muab menyuam tej mov pov rau dev noj.”
28Tus pojniam ntawd teb tias, “Tus Tswv, txawm li ntawd los tej dev uas nyob hauvqab rooj, yeej tau noj menyuam tej qub mov thiab!”
29Yexus txawm hais rau nws tias, “Vim yog koj lolus teb ko, ciali rovqab mus tsev, koj yuav pom tias tus dab ntawd twb tawm hauv koj tus ntxhais mus lawm!”
30Nws txawm rov mus tsev thiab pom nws tus ntxhais pw saum txaj, tus dab twb tawm hauv nws mus lawm.
Yexus Kho Tus Txivneej Lagntseg Thiab Hais Tsis Tau Lus
31Dhau ntawd Yexus tawm hauv cheebtsam Thailes thiab hla lub nroog Xidoos mus rau nram Hiavtxwv Kalilais uas yog taug txojkev mus rau nram cheebtsam Dekapaulis.#7:31: Qhov ntawd yog kaum lub zos. 32Muaj ib cov neeg coj ib tug txivneej lagntseg thiab hais tsis tshua tau lus tuaj cuag Yexus thiab thov Yexus tsa tes rau saum nws. 33Yexus thiaj coj tus txivneej ntawd tawm mus rau ib qho nrug deb ntawm cov neeg coob-coob. Yexus muab ntivtes ntxig rau hauv tus txivneej ntawd ob lub pobntseg, Nws nti qaubncaug rau ntawm Nws li ntivtes thiab muab pleev tus ntawd tus nplaig. 34Yexus tsa qhovmuag ntsia saum ntuj thiab Nws xyu ib suab, ces Nws txawm hais rau tus txivneej ntawd tias, “Efathas,” uas txhais hais tias, “Ciali qhib hlo!”
35Tamsim ntawd tus txivneej txawm hnov lus, nws tus nplaig txawm muag thiab hais tau lus meej lawm. 36Yexus txwv tsis pub sawvdaws qhia zaj no rau leejtwg li; tiamsis Yexus yim txwv los lawv yim hais nrov-ncha heev ntxiv xwb. 37Txhua tus uas hnov tej no xav tsis thoob li, lawv sibtham hais tias, “Txhua yam uas Nws ua puavleej zoo huv tibsi. Txawm yog tej neeg lagntseg los Nws kho tau kom hnov thiab tej neeg uas hais tsis tau lus los Nws kho kom rov hais tau!”
© 2022 United Bible Societies. All rights reserved.