Malakaus 9
9
1Yexus hais ntxiv rau lawv tias, “Kuv qhia tseeb rau nej hais tias, nej cov uas nyob ntawm no muaj ibtxhia yuav tsis tau tuag uantej uas lawv pom Vajtswv lub Tebchaws nrog Nws lub hwjchim los.”
Yexus Lub Cev Hloov
(Mathais 17:1-13; Lukas 9:28-36)
2Rau hnub tomqab ntawd, Yexus txawm coj Petus, Yakaunpaus, thiab Yauhas nrog Nws mus rau saum ib lub roob siab. Qhov chaw ntawd tsuas muaj lawv nkaus xwb. Yexus lub cev txawm hloov hlo rau lawv pom; 3Nws cev tsoostsho ciali ci ntsa-iab dawbpaug, uas hauv ntiajteb no yeej tsis muaj leejtwg yuav ntxhua tau ib cev tsoostsho uas dawb npaum li ntawd. 4Ces peb tug thwjtim ntawd txawm pom Eliyas thiab Mauxes nrog Yexus tham. #2Pet 1:17-18 5Ces Petus txawm hais rau Yexus tias, “Xibhwb, qhov uas peb nyob ntawm no zoo kawg li! Cia peb ua peb lub tsev pheebsuab, ib lub rau Koj, ib lub rau Mauxes, thiab ib lub rau Eliyas.” 6Petus lawv ntshai kawg li, nws twb tsis paub xyov yuav hais licas thiaj zoo.
7Muaj ib tauv huab los roos nkaus lawv, thiab muaj ib lub suab hais hauv tauv huab ntawd tuaj hais tias, “Tus no yog kuv tus Tub uas kuv hlub, nej ciali mloog Nws lus!” #Math 3:17; Malak 1:11; Lukas 3:22 8Tamsim ntawd lawv txawm xam nciglees, tiamsis tsis pom leejtwg li, tsuas pom Yexus tibleeg nrog lawv nyob xwb.
9Thaum lawv nqis pem roob los, Yexus txwv lawv hais tias, “Nej tsis txhob qhia tej uas nej pom ntawd rau leejtwg mus txog thaum uas Neeg Leejtub sawv hauv qhovtuag rovqab los tso.”
10Ces lawv txawm khaws Yexus tej lus ntawd rau nruabsiab, tiamsis lawv sibtham hais tias, “Qhov uas Nws hais tias, ‘sawv hauv qhovtuag rovqab los,’ yog txhais licas?” 11Ces lawv thiaj nug Yexus hais tias, “Vim licas cov xibhwb uas qhia Kevcai hais tias, Eliyas yuavtsum xub los uantej?” #Mlakis 4:5; Math 11:14
12Yexus teb tias, “Eliyas yeej xub los tiag, thiab los npaj txhua yam kom tiavlog cia. Tiamsis vim licas Vajtswv tej Lus ho hais tias Neeg Leejtub yuav raug tsimtxom thiab sawvdaws yuav saib tsis taus Nws? 13Kuv qhia rau nej hais tias Eliyas twb los lawm, tej neeg tau ua txhua yam phem rau nws rawsli lawv siab nyiam, uas yog ua raws nraim li Vajtswv tej Lus uas tau sau tseg txog nws.”
Yexus Kho Tus Metub Uas Raug Ib Tus Ntsujplig Phem
(Mathais 17:14-21; Lukas 9:37-43a)
14Thaum lawv rov los txog ntawm cov thwjtim sawvdaws, lawv pom ib pab neeg coob-coob tuaj nyob puagncig cov thwjtim, thiab muaj qeetus xibhwb uas qhia Kevcai tabtom nrog cov thwjtim sibcav. 15Thaum cov neeg ntawd pom dheev Yexus, lawv xav tsis thoob li, ces lawv txawm khiav mus hawm Nws. 16Yexus nug Nws cov thwjtim hais tias, “Nej nrog lawv sibcav txog dabtsi?”
17Muaj ib tug txivneej hauv cov neeg coob-coob ntawd teb tias, “Xibhwb, kuv coj kuv tus metub tuaj thov Koj pab kho, rauqhov muaj ib tug ntsujplig phem nyob rau hauv nws thiab nws hais tsis tau lus. 18Txhua zaug uas tus ntsujplig phem ntawd ntswj nws, tau muab nws thawb rau hauv av ua rau nws npuas ncauj tawm plaws, nws zom hniav nrov qij qawj thiab nws ibce txhav tas. Kuv twb thov Koj cov thwjtim kom ntiab tus ntsujplig phem ntawd tawm, tiamsis lawv ntiab tsis tau.”
19Yexus hais rau lawv tias, “Uacas cov neeg tiam no yuav tsis muaj kev ntseeg hlo li! Kuv tseem yuav nrog nej nyob ntev licas thiab? Kuv tseem yuav ua siabntev rau nej mus txog thaum twg? Ciali coj tus metub los rau Kuv!” 20Lawv txawm coj tus metub los rau Yexus.
Thaum tus ntsujplig phem pom dheev Yexus, nws txawm ua rau tus metub ntawd huam ib tshaj, ntog kiag rau hauv av nti mus nti los, thiab npuas ncauj nto plaws. 21Yexus nug tus metub ntawd leejtxiv hais tias, “Nws ua li no hov ntev los lawm?”
Leejtxiv teb tias, “Nws ua li no thaum nws tseem me-me los lawm. 22Muaj ntau zaug tus ntsujplig phem ntawd muab nws thawb rau hauv qhovcub thiab hauv dej kom nws tuag mus. Yog Koj pab tau, thov Koj hlub thiab pab wb ob txitub!”
23Yexus hais rau leejtxiv tias, “Koj hais tias, ‘Yog Koj pab tau’ no lov? Yeej tsis muaj ib yam uas tus muaj kev ntseeg lawd yuav ua tsis tau li.”
24Tamsim ntawd tus metub leejtxiv tau thov tias, “Kuv muaj kev ntseeg, tiamsis tsis txaus, thov Koj pab kom kuv muaj kev ntseeg ntxiv!”
25Thaum Yexus pom cov neeg coob-coob txav los ze zujzus, Nws txawm hais rau tus ntsujplig phem ntawd tias, “Niag ntsujplig ruam thiab lagntseg, Kuv ntiab kom koj ciali tawm hauv tus metub no mus thiab tsis txhob rov los rau hauv nws ib zaug ntxiv li lawm!”
26Tus ntsujplig phem ntawd txawm qw nrov-nrov thiab ua rau tus metub huam ib tshaj heev-heev, ces txawm tawm plaws lawm. Tus metub ntawd zooli tus neeg tuag, sawvdaws txawm hais zomzaws tias, “Nws tuag lawm!” 27Tiamsis Yexus cev tes mus tuav nkaus tus metub txhais tes thiab tsa nws sawv, ces nws txawm sawvtsees lawm.
28Thaum Yexus mus rau hauv tsev lawm, Nws cov thwjtim nug Nws twjywm hais tias, “Vim licas peb thiaj ntiab tsis tau tus ntsujplig phem ntawd tawm?”
29Yexus teb tias, “Yam ntsujplig no, yuavtsum thov Vajtswv xwb thiaj ntiab tau tawm.”
Yexus Rov Hais Txog Nws Kev Tuag
(Mathais 17:22-23; Lukas 9:43b-45)
30Yexus thiab Nws cov thwjtim tawm qhov ntawd hla phua lub xeev Kalilais mus. Yexus tsis xav pub leejtwg paub tias Nws nyob qhovtwg, 31rauqhov Nws tabtom qhia Nws cov thwjtim hais tias, “Neeg Leejtub yuav raug muab cob rau luag tes, luag yuav muab Nws tua, tiamsis peb hnub tomqab ntawd Nws yuav ciajsia sawv rov los.”
32Cov thwjtim tsis totaub lub ntsiablus uas Yexus qhia, tiamsis lawv kuj tsis muaj cuabkav yuav nug Nws.
Leejtwg Yog Tus Loj Dua Ntais?
(Mathais 18:1-5; Lukas 9:46-48)
33Yexus thiab Nws cov thwjtim mus txog hauv lub nroog Kapena-us, thiab mus rau hauv tsev, Yexus txawm nug cov thwjtim hais tias, “Puagta thaum peb taug kev tuaj, nej pheej sibcav txog dabtsi?”
34Tiamsis lawv tsis teb Yexus li, rauqhov thaum taug kev tuaj, lawv sibcav hais txog qhov uas seb lawv leejtwg yog tus loj dua ntais. #Lukas 22:24 35Yexus zaum thiab hu 12 tus thwjtim los, Nws hais rau lawv tias, “Yog leejtwg xav ua tus thawj, tus ntawd yuavtsum yog tus nyob tom tw, thiab ua sawvdaws tus qhev.” #Math 20:26-27; 23:21; Malak 10:43-44; Lukas 22:26 36Yexus rub kiag ib tug menyuam yaus los sawv ntawm lawv xubntiag. Nws puag tus menyuam ntawd thiab hais rau cov thwjtim tias, 37“Leejtwg uas txais yuav cov menyuam yaus no ib tug hauv Kuv lub npe, yog nws txais yuav Kuv; thiab leejtwg txais yuav Kuv, tsis yog nws txais yuav Kuv tibleeg xwb, tiamsis yog nws txais yuav tus uas txib Kuv los thiab.” #Math 10:40; Lukas 10:16; Yauh 13:20
Tus Uas Tsis Tawmtsam Peb, Tus Ntawd Yog Peb Cov
(Lukas 9:49-50)
38Yauhas hais rau Yexus tias, “Xibhwb, peb pom ib tug txivneej tabtom tuav Koj lub npe ntiab dab, peb txwv tsis pub nws ua li ntawd rauqhov nws tsis yog peb cov.”
39Yexus hais rau lawv tias, “Tsis txhob txwv nws, tsis muaj leejtwg uas tuav Kuv lub npe ua tau tej txujci tseemceeb, es dhau ntawd ho yuav rov thuam Kuv. 40Tus uas tsis tawmtsam peb, tus ntawd yog peb cov. #Math 12:30; Lukas 11:23 41Kuv qhia tseeb rau nej hais tias, tus uas muab ib khob dej rau nej haus, vim nej yog Kuv cov, ces nws yeej yuav tsis plam nqizog li. #Math 4:2
Yam Uas Ntxias Neeg Ua Kev Txhaum
(Mathais 18:6-9; Lukas 17:1-2)
42“Yog leejtwg ua rau cov menyuam uas ntseeg Kuv no ib tug ua txhaum, ciali muab hlua khi ib txhibzeb uas loj dai rau tus ntawd cajdab thiab muab nws pov rau hauv hiavtxwv kuj zoo dua. 43Yog koj ib txhais tes ua rau koj ua txhaum, ciali muab txiav povtseg! Koj muaj ib sab tes xwb tiamsis koj tau txojsia, zoo dua li koj muaj ob sab tes es koj poob mus rau hauv ntujtawg uas muaj hluavtaws cig tsis txawj tuag li.#Math 5:30 44#9:44: Tej phau ntawv qub uas xuas tes sau ntxiv nqe 44 no rau: Qhov ntawd, tej kas uas noj lawv kuj tsis txawj tuag, thiab tej hluavtaws uas hlawv lawv yuav cig mus ibtxhis li (saib nqe 48). 45Thiab yog koj ib sab kotaw ua rau koj ua txhaum, ciali muab sab kotaw ntawd txiav povtseg! Koj muaj ib sab taw xwb tiamsis koj tau txojsia, zoo dua li koj muaj ob sab taw, es raug muab pov rau hauv ntujtawg. 46#9:46: Tej phau ntawv qub uas xuas tes sau ntxiv nqe 46 no rau: Qhov ntawd tej kas uas noj lawv kuj tsis txawj tuag, thiab tej hluavtaws uas hlawv lawv yuav cig mus ibtxhis li (saib nqe 48). 47Thiab yog koj ib sab qhovmuag ua rau koj ua txhaum, ciali muab sab qhovmuag ntawd kaus povtseg! Koj muaj ib sab qhovmuag xwb tiamsis koj tau mus Vajtswv lub Tebchaws, zoo dua li koj muaj ob sab qhovmuag, tiamsis raug muab pov rau hauv ntujtawg. #Math 5:29 48‘Qhov ntawd tej kas uas noj lawv yeej tsis txawj tuag, thiab tej hluavtaws uas hlawv lawv yuav cig mus ibtxhis li.’ #Yaxaya 66:24
49“Txhua tus yuavtsum raug hluavtaws hlawv ib yam li tej nqaij uas yuav muab fij yuavtsum raug las ntsev.
50“Ntsev yeej zoo, tiamsis yog ntsev tsuag lawm, yuav ua licas thiaj rov daw tau?
“Nej yuavtsum muaj cov ntsev ntawm txoj kev phoojywg nyob rau hauv nej, thiab nej yuavtsum nrog lwmtus nyob sib haumxeeb.” #Math 5:13; Lukas 14:34-35
© 2022 United Bible Societies. All rights reserved.
Malakaus 9
9
1Yexus hais ntxiv rau lawv tias, “Kuv qhia tseeb rau nej hais tias, nej cov uas nyob ntawm no muaj ibtxhia yuav tsis tau tuag uantej uas lawv pom Vajtswv lub Tebchaws nrog Nws lub hwjchim los.”
Yexus Lub Cev Hloov
(Mathais 17:1-13; Lukas 9:28-36)
2Rau hnub tomqab ntawd, Yexus txawm coj Petus, Yakaunpaus, thiab Yauhas nrog Nws mus rau saum ib lub roob siab. Qhov chaw ntawd tsuas muaj lawv nkaus xwb. Yexus lub cev txawm hloov hlo rau lawv pom; 3Nws cev tsoostsho ciali ci ntsa-iab dawbpaug, uas hauv ntiajteb no yeej tsis muaj leejtwg yuav ntxhua tau ib cev tsoostsho uas dawb npaum li ntawd. 4Ces peb tug thwjtim ntawd txawm pom Eliyas thiab Mauxes nrog Yexus tham. #2Pet 1:17-18 5Ces Petus txawm hais rau Yexus tias, “Xibhwb, qhov uas peb nyob ntawm no zoo kawg li! Cia peb ua peb lub tsev pheebsuab, ib lub rau Koj, ib lub rau Mauxes, thiab ib lub rau Eliyas.” 6Petus lawv ntshai kawg li, nws twb tsis paub xyov yuav hais licas thiaj zoo.
7Muaj ib tauv huab los roos nkaus lawv, thiab muaj ib lub suab hais hauv tauv huab ntawd tuaj hais tias, “Tus no yog kuv tus Tub uas kuv hlub, nej ciali mloog Nws lus!” #Math 3:17; Malak 1:11; Lukas 3:22 8Tamsim ntawd lawv txawm xam nciglees, tiamsis tsis pom leejtwg li, tsuas pom Yexus tibleeg nrog lawv nyob xwb.
9Thaum lawv nqis pem roob los, Yexus txwv lawv hais tias, “Nej tsis txhob qhia tej uas nej pom ntawd rau leejtwg mus txog thaum uas Neeg Leejtub sawv hauv qhovtuag rovqab los tso.”
10Ces lawv txawm khaws Yexus tej lus ntawd rau nruabsiab, tiamsis lawv sibtham hais tias, “Qhov uas Nws hais tias, ‘sawv hauv qhovtuag rovqab los,’ yog txhais licas?” 11Ces lawv thiaj nug Yexus hais tias, “Vim licas cov xibhwb uas qhia Kevcai hais tias, Eliyas yuavtsum xub los uantej?” #Mlakis 4:5; Math 11:14
12Yexus teb tias, “Eliyas yeej xub los tiag, thiab los npaj txhua yam kom tiavlog cia. Tiamsis vim licas Vajtswv tej Lus ho hais tias Neeg Leejtub yuav raug tsimtxom thiab sawvdaws yuav saib tsis taus Nws? 13Kuv qhia rau nej hais tias Eliyas twb los lawm, tej neeg tau ua txhua yam phem rau nws rawsli lawv siab nyiam, uas yog ua raws nraim li Vajtswv tej Lus uas tau sau tseg txog nws.”
Yexus Kho Tus Metub Uas Raug Ib Tus Ntsujplig Phem
(Mathais 17:14-21; Lukas 9:37-43a)
14Thaum lawv rov los txog ntawm cov thwjtim sawvdaws, lawv pom ib pab neeg coob-coob tuaj nyob puagncig cov thwjtim, thiab muaj qeetus xibhwb uas qhia Kevcai tabtom nrog cov thwjtim sibcav. 15Thaum cov neeg ntawd pom dheev Yexus, lawv xav tsis thoob li, ces lawv txawm khiav mus hawm Nws. 16Yexus nug Nws cov thwjtim hais tias, “Nej nrog lawv sibcav txog dabtsi?”
17Muaj ib tug txivneej hauv cov neeg coob-coob ntawd teb tias, “Xibhwb, kuv coj kuv tus metub tuaj thov Koj pab kho, rauqhov muaj ib tug ntsujplig phem nyob rau hauv nws thiab nws hais tsis tau lus. 18Txhua zaug uas tus ntsujplig phem ntawd ntswj nws, tau muab nws thawb rau hauv av ua rau nws npuas ncauj tawm plaws, nws zom hniav nrov qij qawj thiab nws ibce txhav tas. Kuv twb thov Koj cov thwjtim kom ntiab tus ntsujplig phem ntawd tawm, tiamsis lawv ntiab tsis tau.”
19Yexus hais rau lawv tias, “Uacas cov neeg tiam no yuav tsis muaj kev ntseeg hlo li! Kuv tseem yuav nrog nej nyob ntev licas thiab? Kuv tseem yuav ua siabntev rau nej mus txog thaum twg? Ciali coj tus metub los rau Kuv!” 20Lawv txawm coj tus metub los rau Yexus.
Thaum tus ntsujplig phem pom dheev Yexus, nws txawm ua rau tus metub ntawd huam ib tshaj, ntog kiag rau hauv av nti mus nti los, thiab npuas ncauj nto plaws. 21Yexus nug tus metub ntawd leejtxiv hais tias, “Nws ua li no hov ntev los lawm?”
Leejtxiv teb tias, “Nws ua li no thaum nws tseem me-me los lawm. 22Muaj ntau zaug tus ntsujplig phem ntawd muab nws thawb rau hauv qhovcub thiab hauv dej kom nws tuag mus. Yog Koj pab tau, thov Koj hlub thiab pab wb ob txitub!”
23Yexus hais rau leejtxiv tias, “Koj hais tias, ‘Yog Koj pab tau’ no lov? Yeej tsis muaj ib yam uas tus muaj kev ntseeg lawd yuav ua tsis tau li.”
24Tamsim ntawd tus metub leejtxiv tau thov tias, “Kuv muaj kev ntseeg, tiamsis tsis txaus, thov Koj pab kom kuv muaj kev ntseeg ntxiv!”
25Thaum Yexus pom cov neeg coob-coob txav los ze zujzus, Nws txawm hais rau tus ntsujplig phem ntawd tias, “Niag ntsujplig ruam thiab lagntseg, Kuv ntiab kom koj ciali tawm hauv tus metub no mus thiab tsis txhob rov los rau hauv nws ib zaug ntxiv li lawm!”
26Tus ntsujplig phem ntawd txawm qw nrov-nrov thiab ua rau tus metub huam ib tshaj heev-heev, ces txawm tawm plaws lawm. Tus metub ntawd zooli tus neeg tuag, sawvdaws txawm hais zomzaws tias, “Nws tuag lawm!” 27Tiamsis Yexus cev tes mus tuav nkaus tus metub txhais tes thiab tsa nws sawv, ces nws txawm sawvtsees lawm.
28Thaum Yexus mus rau hauv tsev lawm, Nws cov thwjtim nug Nws twjywm hais tias, “Vim licas peb thiaj ntiab tsis tau tus ntsujplig phem ntawd tawm?”
29Yexus teb tias, “Yam ntsujplig no, yuavtsum thov Vajtswv xwb thiaj ntiab tau tawm.”
Yexus Rov Hais Txog Nws Kev Tuag
(Mathais 17:22-23; Lukas 9:43b-45)
30Yexus thiab Nws cov thwjtim tawm qhov ntawd hla phua lub xeev Kalilais mus. Yexus tsis xav pub leejtwg paub tias Nws nyob qhovtwg, 31rauqhov Nws tabtom qhia Nws cov thwjtim hais tias, “Neeg Leejtub yuav raug muab cob rau luag tes, luag yuav muab Nws tua, tiamsis peb hnub tomqab ntawd Nws yuav ciajsia sawv rov los.”
32Cov thwjtim tsis totaub lub ntsiablus uas Yexus qhia, tiamsis lawv kuj tsis muaj cuabkav yuav nug Nws.
Leejtwg Yog Tus Loj Dua Ntais?
(Mathais 18:1-5; Lukas 9:46-48)
33Yexus thiab Nws cov thwjtim mus txog hauv lub nroog Kapena-us, thiab mus rau hauv tsev, Yexus txawm nug cov thwjtim hais tias, “Puagta thaum peb taug kev tuaj, nej pheej sibcav txog dabtsi?”
34Tiamsis lawv tsis teb Yexus li, rauqhov thaum taug kev tuaj, lawv sibcav hais txog qhov uas seb lawv leejtwg yog tus loj dua ntais. #Lukas 22:24 35Yexus zaum thiab hu 12 tus thwjtim los, Nws hais rau lawv tias, “Yog leejtwg xav ua tus thawj, tus ntawd yuavtsum yog tus nyob tom tw, thiab ua sawvdaws tus qhev.” #Math 20:26-27; 23:21; Malak 10:43-44; Lukas 22:26 36Yexus rub kiag ib tug menyuam yaus los sawv ntawm lawv xubntiag. Nws puag tus menyuam ntawd thiab hais rau cov thwjtim tias, 37“Leejtwg uas txais yuav cov menyuam yaus no ib tug hauv Kuv lub npe, yog nws txais yuav Kuv; thiab leejtwg txais yuav Kuv, tsis yog nws txais yuav Kuv tibleeg xwb, tiamsis yog nws txais yuav tus uas txib Kuv los thiab.” #Math 10:40; Lukas 10:16; Yauh 13:20
Tus Uas Tsis Tawmtsam Peb, Tus Ntawd Yog Peb Cov
(Lukas 9:49-50)
38Yauhas hais rau Yexus tias, “Xibhwb, peb pom ib tug txivneej tabtom tuav Koj lub npe ntiab dab, peb txwv tsis pub nws ua li ntawd rauqhov nws tsis yog peb cov.”
39Yexus hais rau lawv tias, “Tsis txhob txwv nws, tsis muaj leejtwg uas tuav Kuv lub npe ua tau tej txujci tseemceeb, es dhau ntawd ho yuav rov thuam Kuv. 40Tus uas tsis tawmtsam peb, tus ntawd yog peb cov. #Math 12:30; Lukas 11:23 41Kuv qhia tseeb rau nej hais tias, tus uas muab ib khob dej rau nej haus, vim nej yog Kuv cov, ces nws yeej yuav tsis plam nqizog li. #Math 4:2
Yam Uas Ntxias Neeg Ua Kev Txhaum
(Mathais 18:6-9; Lukas 17:1-2)
42“Yog leejtwg ua rau cov menyuam uas ntseeg Kuv no ib tug ua txhaum, ciali muab hlua khi ib txhibzeb uas loj dai rau tus ntawd cajdab thiab muab nws pov rau hauv hiavtxwv kuj zoo dua. 43Yog koj ib txhais tes ua rau koj ua txhaum, ciali muab txiav povtseg! Koj muaj ib sab tes xwb tiamsis koj tau txojsia, zoo dua li koj muaj ob sab tes es koj poob mus rau hauv ntujtawg uas muaj hluavtaws cig tsis txawj tuag li.#Math 5:30 44#9:44: Tej phau ntawv qub uas xuas tes sau ntxiv nqe 44 no rau: Qhov ntawd, tej kas uas noj lawv kuj tsis txawj tuag, thiab tej hluavtaws uas hlawv lawv yuav cig mus ibtxhis li (saib nqe 48). 45Thiab yog koj ib sab kotaw ua rau koj ua txhaum, ciali muab sab kotaw ntawd txiav povtseg! Koj muaj ib sab taw xwb tiamsis koj tau txojsia, zoo dua li koj muaj ob sab taw, es raug muab pov rau hauv ntujtawg. 46#9:46: Tej phau ntawv qub uas xuas tes sau ntxiv nqe 46 no rau: Qhov ntawd tej kas uas noj lawv kuj tsis txawj tuag, thiab tej hluavtaws uas hlawv lawv yuav cig mus ibtxhis li (saib nqe 48). 47Thiab yog koj ib sab qhovmuag ua rau koj ua txhaum, ciali muab sab qhovmuag ntawd kaus povtseg! Koj muaj ib sab qhovmuag xwb tiamsis koj tau mus Vajtswv lub Tebchaws, zoo dua li koj muaj ob sab qhovmuag, tiamsis raug muab pov rau hauv ntujtawg. #Math 5:29 48‘Qhov ntawd tej kas uas noj lawv yeej tsis txawj tuag, thiab tej hluavtaws uas hlawv lawv yuav cig mus ibtxhis li.’ #Yaxaya 66:24
49“Txhua tus yuavtsum raug hluavtaws hlawv ib yam li tej nqaij uas yuav muab fij yuavtsum raug las ntsev.
50“Ntsev yeej zoo, tiamsis yog ntsev tsuag lawm, yuav ua licas thiaj rov daw tau?
“Nej yuavtsum muaj cov ntsev ntawm txoj kev phoojywg nyob rau hauv nej, thiab nej yuavtsum nrog lwmtus nyob sib haumxeeb.” #Math 5:13; Lukas 14:34-35
© 2022 United Bible Societies. All rights reserved.