IBRI 9
9
Alomi tüsho Yinmi Kingaün
1Kheakü akhuhbe tangzüngkhi ju kingaün yuzüngbo tüsho alomi arüngakopung lakheah. 2Arüngkhimyam ju thsü. Akhuhbe khiungshak ching tsünpung-zopung, dükhüm tüsho müsühkhitkhi yikhap lakheah; ha Amüsüh Dangpung de ji. 3Mahnepü zhindokhim dunglim ju Khide Amüsüh Dangpung de ajikhi khiungshak khülang lakheah. 4Ju ching rhümthünea takbe suna kingaün sadam tüsho sunanü alüpdokhi tangzüng sangdan lakheah. Ha sangdan ching ju manna zahkhi suna pangjiphüh, apungkhi Aron tso, tüsho tangzüng lungbeakbo lakheah; 5ju kumung mihmüthsüm binkiu alamdode müretahkhi cherubim lakheah. Harü dünkheak kheakü isanü mütsanmükhide athapü mukuk.
6Küyimki harü tsanglungkhi banbanü, amükeamrübonü arü tankih rhimopü mutuklode aleangbe khiungshak ching yüzah; 7tüshe achangbe amükeamrü lang alungbe khiungshak ching kam ching khülangki yüzah, tüsho api le mihtsürübonü mümükheahde ayihbeakkhi neak dünkheak jihkhi thiyih muludüa müyüzah. 8Ha hode aleangbe arüngkhimyam zhip khiungdüa arüngakopung ching yüzahpü limro mükhimshuh de Amüsüh Menü huhchoh. 9Thsambahbo tüsho laksah-a kingaünkhinü kingaünrü lümkhi mümüsühkhuk dükhi huhde ha lün thsungkheak haju amütsan khülang lah, 10tümütüsho arünü jim, ayungbe, tüsho atsangkhitbe aphuaphu arüngako thsungkheak lang amüthrilokhi khiungde arhimokhukpü lakhi akhualokhi lah.
11Tüshe ha ching lakhi atsübo dünkheaknü, atobe tüsho khide athülün, mihtsürü khahnü müthsükhi, ha thrüta lakhi ching mübekhi arüngkhimyam hode Khrista ju achangbe amükeamrü thsüde arü. 12Mihnubo tüsho moshipungbo thiyih hode yung tüshe anihbuh thiyih hode lünnü isa rhokhitpü rüpde khülangkinü lang Amüsüh Dangpung ching yüzah. 13Mümüsühkhi mihtsürü kheak mihnubo le moshipungbo thiyih rhakkhi tüsho moshinunu takkhi wahbonü arü shih mümüsühkhi tsangkhitchosho, 14lün lakhi Me hode areak mükihde Thrünpuh kilim anihbuh jihkhi Khrista thiyihnü ashekhi rhimo chingnü arhang Thrünpuh tankihpü nüsa lümkhi küdükhüh she atsangkhitba!
15Jumonü api ju aso tangzüng limburü ah, junangde sherü jia lanü alokhikhi lün yamrüplurüp leangkhibah, tümütüsho akhuhbe tangzüng bukkhüp thsümünimkhi chingnü arü rhokhitpü ashekhi dünji. 16Küching tangzüng lanü tangzüng-jihrü shekhi mütsanpü yihnüpü labeah. 17Tangzüng ju ashechoki lang tankihchoh, tümütüsho athsübuh arhang la khiungde ju marü. 18Jumonü akhuhbe tangzüng she thiyih ahorikhi hodü lang atankihkheah. 19Tümüde küyimki yakzan yukhüm Mosanü mihtsürü alala ki khipkhitkhea, apinü ke bede moshinunu le mihnubo thiyih lubah alamlam-hing mürüm tüsho monam sangkhah kheaknü küpqiu le mihtsürübo alala kheak rhakkih. 20Apinü tha, “Ha Thrünpuhnü nüsa ki thiyukhüm jihkhi tangzüng thiyih ah.” 21Tüsho ju ruk apinü arüngkhimyam le kingaün ching ahoribe kukrukbo alala kheak thiyih rhakkih. 22Dükde, yakzan bukkhüp lüpdükhi thiyihnü atsangkhitpü lah, tüsho thiyih mübukkihdüa neak bahkhi müla.
Khrista hode Neakbo Lude Tsochoh
23Hanangde yinmi kukrukbo kheahkhikhi ju atsangkhitpü yihnüpü lakheah, tüshe yinmi kukrukbo a harü kheaknü atsüdakbe shuhmülanga jihkhibo lah. 24Tümüde Khrista ju atsütsübe kheahkhikhi, khahnü athsükhi arüngakopung ching yungde, kheakü isa thsung thsüde Thrünpuh miki yüpü yinmi ching yüzahkheah. 25Yungsho achangbe amükeamrünü nihbuh yo yungkhi thiyih lubah kam aban Khide Amüsüh Dangpung ching yüzahkhi nangde alochode api kingaünpü yinmi ching yüzahkhi yung; 26dükhülaa alomi thrünchoki Khrista ahihdo ki thsünüa labah. Tüshe kheakü lün akheam ching anihbuh shuhmülanga jihkhinü neak hande atsopü thsüde rüpde khülangki lang api arüdo. 27Tüsho mihtsürübo khülangki shebah jushu thiyukhap arüpü lakhi nangde, 28ahihkhüh neak hanpü Khrista khülangki jihkhi ju, neak phüpü yung tüshe mulong dukde api aleangrü khümkhitpü mahne kipü arübah.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
IBRI 9
9
Alomi tüsho Yinmi Kingaün
1Kheakü akhuhbe tangzüngkhi ju kingaün yuzüngbo tüsho alomi arüngakopung lakheah. 2Arüngkhimyam ju thsü. Akhuhbe khiungshak ching tsünpung-zopung, dükhüm tüsho müsühkhitkhi yikhap lakheah; ha Amüsüh Dangpung de ji. 3Mahnepü zhindokhim dunglim ju Khide Amüsüh Dangpung de ajikhi khiungshak khülang lakheah. 4Ju ching rhümthünea takbe suna kingaün sadam tüsho sunanü alüpdokhi tangzüng sangdan lakheah. Ha sangdan ching ju manna zahkhi suna pangjiphüh, apungkhi Aron tso, tüsho tangzüng lungbeakbo lakheah; 5ju kumung mihmüthsüm binkiu alamdode müretahkhi cherubim lakheah. Harü dünkheak kheakü isanü mütsanmükhide athapü mukuk.
6Küyimki harü tsanglungkhi banbanü, amükeamrübonü arü tankih rhimopü mutuklode aleangbe khiungshak ching yüzah; 7tüshe achangbe amükeamrü lang alungbe khiungshak ching kam ching khülangki yüzah, tüsho api le mihtsürübonü mümükheahde ayihbeakkhi neak dünkheak jihkhi thiyih muludüa müyüzah. 8Ha hode aleangbe arüngkhimyam zhip khiungdüa arüngakopung ching yüzahpü limro mükhimshuh de Amüsüh Menü huhchoh. 9Thsambahbo tüsho laksah-a kingaünkhinü kingaünrü lümkhi mümüsühkhuk dükhi huhde ha lün thsungkheak haju amütsan khülang lah, 10tümütüsho arünü jim, ayungbe, tüsho atsangkhitbe aphuaphu arüngako thsungkheak lang amüthrilokhi khiungde arhimokhukpü lakhi akhualokhi lah.
11Tüshe ha ching lakhi atsübo dünkheaknü, atobe tüsho khide athülün, mihtsürü khahnü müthsükhi, ha thrüta lakhi ching mübekhi arüngkhimyam hode Khrista ju achangbe amükeamrü thsüde arü. 12Mihnubo tüsho moshipungbo thiyih hode yung tüshe anihbuh thiyih hode lünnü isa rhokhitpü rüpde khülangkinü lang Amüsüh Dangpung ching yüzah. 13Mümüsühkhi mihtsürü kheak mihnubo le moshipungbo thiyih rhakkhi tüsho moshinunu takkhi wahbonü arü shih mümüsühkhi tsangkhitchosho, 14lün lakhi Me hode areak mükihde Thrünpuh kilim anihbuh jihkhi Khrista thiyihnü ashekhi rhimo chingnü arhang Thrünpuh tankihpü nüsa lümkhi küdükhüh she atsangkhitba!
15Jumonü api ju aso tangzüng limburü ah, junangde sherü jia lanü alokhikhi lün yamrüplurüp leangkhibah, tümütüsho akhuhbe tangzüng bukkhüp thsümünimkhi chingnü arü rhokhitpü ashekhi dünji. 16Küching tangzüng lanü tangzüng-jihrü shekhi mütsanpü yihnüpü labeah. 17Tangzüng ju ashechoki lang tankihchoh, tümütüsho athsübuh arhang la khiungde ju marü. 18Jumonü akhuhbe tangzüng she thiyih ahorikhi hodü lang atankihkheah. 19Tümüde küyimki yakzan yukhüm Mosanü mihtsürü alala ki khipkhitkhea, apinü ke bede moshinunu le mihnubo thiyih lubah alamlam-hing mürüm tüsho monam sangkhah kheaknü küpqiu le mihtsürübo alala kheak rhakkih. 20Apinü tha, “Ha Thrünpuhnü nüsa ki thiyukhüm jihkhi tangzüng thiyih ah.” 21Tüsho ju ruk apinü arüngkhimyam le kingaün ching ahoribe kukrukbo alala kheak thiyih rhakkih. 22Dükde, yakzan bukkhüp lüpdükhi thiyihnü atsangkhitpü lah, tüsho thiyih mübukkihdüa neak bahkhi müla.
Khrista hode Neakbo Lude Tsochoh
23Hanangde yinmi kukrukbo kheahkhikhi ju atsangkhitpü yihnüpü lakheah, tüshe yinmi kukrukbo a harü kheaknü atsüdakbe shuhmülanga jihkhibo lah. 24Tümüde Khrista ju atsütsübe kheahkhikhi, khahnü athsükhi arüngakopung ching yungde, kheakü isa thsung thsüde Thrünpuh miki yüpü yinmi ching yüzahkheah. 25Yungsho achangbe amükeamrünü nihbuh yo yungkhi thiyih lubah kam aban Khide Amüsüh Dangpung ching yüzahkhi nangde alochode api kingaünpü yinmi ching yüzahkhi yung; 26dükhülaa alomi thrünchoki Khrista ahihdo ki thsünüa labah. Tüshe kheakü lün akheam ching anihbuh shuhmülanga jihkhinü neak hande atsopü thsüde rüpde khülangki lang api arüdo. 27Tüsho mihtsürübo khülangki shebah jushu thiyukhap arüpü lakhi nangde, 28ahihkhüh neak hanpü Khrista khülangki jihkhi ju, neak phüpü yung tüshe mulong dukde api aleangrü khümkhitpü mahne kipü arübah.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.