IBRI 8
8
Jisu Isa Achangbe Amükeamrü
1Isanü athakhi yu ju ha ah: Yinmi ching wüntre-müretah kiulongthsü-binkiu tsülim binkhi isa hadürü amükeamrü lah. 2Apinü mihtsürü yungde, Atungpuhnü athsükhi thiyuro arüngkhimyam yo arüngakopung ching tankihchoh. 3Tümüde achangbe amükeamrü aban thsambahbo tüsho laksah-a kingaünkhi jihpü mokhita lah; jumonü ha amükeambuhnü she tümüanü ajihbeah. 4Api alomi ching lakhülaa, api amükeamrü müthsüde alabah, tümütüsho yakzan yande thsambahbo jihpü amükeamrübo lah. 5Arünü yinmi ching lakhi arüngakopung kiphahkhi tüsho ame ching tankihchoh; tümüde Mosanü khimyam thsüpü lachoki Thrünpuhnü api ki thsangdande tha, “Inü müzüng kheak nü ki huhkhi nangde lüpdükhi rhimopü thsang.” 6Tüshe api tangzüng yo limburü thsükhi awünbe kheaknü atobe lakhi nangde Jisunü aleangkhikhi tankihpü ju arü yo kheaknü atobe ah, tüsho ju alokhikhibo atsübe kheak ningkihlah. 7Akhuhbe tangzüngkhi ching amülim mülakhülaa, mahnepü lapü yihnüpü mülade alabah.
8Tümüde apinü arü kheak amülim yimkhit tüsho tha:
“Atungpuhnü thachoh,
Küyimki inü Israel yamkhün tüsho Juda yamkhün kheak tangzüng aso thsübanü nimungbo arübah;
9inü Ijip lomi chingnü arü khah kheaknü bekhitkhi nimung arü jipürü ki tangzüngkhi nangde yung;
tümüde arünü I tangzüng ching müladebah,
jumonü inü arü ki manijih,
Atungpuhnü thachoh.
10Ju nimung dunglim inü Israel yamkhün kheak tangzüngpü ha lah,
Atungpuhnü thachoh:
Inü arü lümkhi ching yakzan yukjihbah,
tüsho arü mulongbo kheak thrütbah,
I arü Thrünpuh thsübah tüsho arü I mihtsürü thsübah.
11Tüsho arü mihbüm abannü müyamrü yungsho keoniorü ki,
‘Atungpuh mükheahang’ de müthsangyu,
tümüde aninibenü atobe khiungde arü alalanü l mükheahbah.
12Tümüde arü mülimkhibo lim inü mihmüthsüm labah,
tüsho inü arü neakbo kheaküa mülümkhit.”
13Aso tangzüng thade apinü akhuhbe ju yihnüpü mülakhi kamshihchoh, tüsho küpü yihnüpü mülade kamcho tüsho awün kamchonü nahde dükheakabahbah.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
IBRI 8
8
Jisu Isa Achangbe Amükeamrü
1Isanü athakhi yu ju ha ah: Yinmi ching wüntre-müretah kiulongthsü-binkiu tsülim binkhi isa hadürü amükeamrü lah. 2Apinü mihtsürü yungde, Atungpuhnü athsükhi thiyuro arüngkhimyam yo arüngakopung ching tankihchoh. 3Tümüde achangbe amükeamrü aban thsambahbo tüsho laksah-a kingaünkhi jihpü mokhita lah; jumonü ha amükeambuhnü she tümüanü ajihbeah. 4Api alomi ching lakhülaa, api amükeamrü müthsüde alabah, tümütüsho yakzan yande thsambahbo jihpü amükeamrübo lah. 5Arünü yinmi ching lakhi arüngakopung kiphahkhi tüsho ame ching tankihchoh; tümüde Mosanü khimyam thsüpü lachoki Thrünpuhnü api ki thsangdande tha, “Inü müzüng kheak nü ki huhkhi nangde lüpdükhi rhimopü thsang.” 6Tüshe api tangzüng yo limburü thsükhi awünbe kheaknü atobe lakhi nangde Jisunü aleangkhikhi tankihpü ju arü yo kheaknü atobe ah, tüsho ju alokhikhibo atsübe kheak ningkihlah. 7Akhuhbe tangzüngkhi ching amülim mülakhülaa, mahnepü lapü yihnüpü mülade alabah.
8Tümüde apinü arü kheak amülim yimkhit tüsho tha:
“Atungpuhnü thachoh,
Küyimki inü Israel yamkhün tüsho Juda yamkhün kheak tangzüng aso thsübanü nimungbo arübah;
9inü Ijip lomi chingnü arü khah kheaknü bekhitkhi nimung arü jipürü ki tangzüngkhi nangde yung;
tümüde arünü I tangzüng ching müladebah,
jumonü inü arü ki manijih,
Atungpuhnü thachoh.
10Ju nimung dunglim inü Israel yamkhün kheak tangzüngpü ha lah,
Atungpuhnü thachoh:
Inü arü lümkhi ching yakzan yukjihbah,
tüsho arü mulongbo kheak thrütbah,
I arü Thrünpuh thsübah tüsho arü I mihtsürü thsübah.
11Tüsho arü mihbüm abannü müyamrü yungsho keoniorü ki,
‘Atungpuh mükheahang’ de müthsangyu,
tümüde aninibenü atobe khiungde arü alalanü l mükheahbah.
12Tümüde arü mülimkhibo lim inü mihmüthsüm labah,
tüsho inü arü neakbo kheaküa mülümkhit.”
13Aso tangzüng thade apinü akhuhbe ju yihnüpü mülakhi kamshihchoh, tüsho küpü yihnüpü mülade kamcho tüsho awün kamchonü nahde dükheakabahbah.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.