IBRI 10
10
1Yakzan ju atsütsü yungde arüpü lakhi atsü kukruk me lang ah. Jumonü kam abande ju ruk lang laksah-a jihkhinü kingaünpü thüninde arürü küyimkishe khiukdahde mükamshihchoh. 2Jude yungkhülaa, arünü kingaünpü mutuklobea de? Kingaünrü ju khülangkinü müsüh-a lakhülaa, arünü kheaküa neak lah de mülüm. 3Tüshe harü laksah-a kingaünkhibo chingnü kam abande neak lakhi lümkhitshihchoh. 4Tümüde moshipungbo tüsho mihnubo thiyihnü neakbo hande atsopü amukuk ah.
5Jumonü küyimki Khrista alomi ching arükheanü, apinü tha,
“Laksah-a jihkhi tüsho kingaünkhibo nünü mümürüh,
tüshe nünü I thsungkheak pang khülang thsakhamjih;
6taka kingaünkhi tüsho neak kingaünbo ching nünü masüh.
7Judüki inü tha, ‘Kheahang, I dünkheak küpqiu ching thrüta lakhi nangde nü lümkhi rhimopü I arüdo,
O Thrünpuh.’ ”
8Apinü akhuhde tha, “Laksah-a kingaünkhi tüsho taka kingaünkhi le neak kingaünbo nünü mümürüh yungsho masüh” (harü yakzan nangde jihchoh), 9apinü thalo, “Kheahang, I nü mulongkhi rhimopü arüdo.” Mahnepü lashihpü thsüde apinü akhuhbe ju mülade kamshihchoh. 10Tüsho ju lümkhinü Jisu Khrista pang rüpde khülangki lang ajihkhi hode isa tsangkhit.
11Tüsho amükeamrü abannü nimung aban api tankih rhimo ching küyimkishe neak hande mutsokhukbe ju ruk lang laksah-a kingaünkhi alochode jihchoh. 12Tüshe küyimki Khristanü kim alala dün neakbo thsungkheak khülangki shuhmülanga jihkheanü api Thrünpuh khah tsülim bin. 13Ju kimnü rünbah api riribo ajing jungpung thsüpü apinü aleanglah. 14Tümüde khülangki kingaünkhinü kim alala thsungkheak tsangkhita larü khiukdahde kamshihdo. 15Tüsho Amüsüh Menü she I thiyumütsan thsüchoh; akhuhde apinü thachoh,
16“Arübe nimungbo ching inü arü ki tangzüngpü ju ha lah,
Atungpuhnü thachoh:
Inü arü mulongbo ching I yakzanbo yukjihbah tüsho arü lümkhibo ching thrütbah,”
17apinü thalochoh,
“Inü arü neakbo tüsho amülim rhimobo mülümkhitlo.”
18Küching harü neak bahjihkhi lanü ju ching kheaküa neak thsungkheak kingaün müla.
Isanü Thrünpuh Thüninanü
19Jumonü keoniorübo, Jisu thiyih hode arüngakopung ching isa yüzahpü lale, 20api shih, zhindokhim hode apinü isa thsungkheak khimshuhkhi aso tüsho rhangdung limronü, 21tüsho Thrünpuh yam kurungkheak isa amükeamrü ato lale, 22isanü amülim chingnü atsangkhitkhi mulong tüsho ke amüsühnü amüsühkhitkhi pangnü mulong jihde tüsho akin mütsankhinü Thrünpuh ki thüninde yüanü. 23Isanü maphapde isa mulonglam alokhikhi kheak düküngde ramrihanü, tümüde shepünü alokhikheanü thiyuro lah; 24isanü muzhoachihpü tüsho rhimo atsü rhimopü khülangnü khülang thurumusuachihpü lümanü, 25khürünü susu thsüde alakhi nangde isanü rukhüh mukhungpü mutuklonü, tüshe Atungpuh nimung thüninde arükhi nüsanü ngülale khülangnü khülang tuthsukachihanü.
26Thiyuro mükheahmudu leangkhi dunglim isanü khekhungde neak yihbeakde lasho neak dünkheak shuhmülanga jihpü aninga müla, 27tüshe atrebe mahkhap tüsho thiriribo aniuabahpü motru mükkin thsüpü lang lah. 28Mihtsürü shepünü Mosa yakzan thsümünimkheanü, mahne yungsho mahsam thiyumütsan hode mihmuzho mülade sheshihdo. 29Shepünü Thrünpuh tsührü jing khüp jungde, api tsangkhitkhi tangzüng thiyih müneankhea, tüsho amüthsüm Me mükhemükimrü küdükhüh she athsümüchipü thülünba de nüsanü lümcho? 30Tümüde shepünü athakheanü isanü mükheahlah, “Royimpü I yo, inü athrihlobah.” Tüsho kheaküshe, “Atungpuhnü api mihtsürü mahkhapbah.” 31Arhang Thrünpuh khah ching yüzahpü ju atrebe lah.
32Tüshe adüso nimungbo ching nüsa ayin ngü dunglim thsümütsü amüküp arümkhi lümkhitang. 33Kim khürü ching a nüsa ju boto mikinü mükhemükim tüsho thsümüchi; kim khürü ching a jude arhimorü lung atruachih. 34Nüsanü aramrü lung thsünürung, tüsho küyimki nüsa kukruk alala yankhia luabahjihkhea, nüsanü asühde adükheakkhi arüm, tümütüsho kheaküshe lünnü tsüpde alabe atsübe lakhi nüsanü mükheah-a lakheah, 35jumonü thsambah ato lakhi nüsa mulongram dübah. 36Tümüde nüsanü arümkheampü yihnüpü lah, junangde nüsanü Thrünpuh lümkhi rhimobah tüsho alokhia lakhi leangkhibah. 37Amüsühyunü thachoh,
“Tümütüsho anükhühkheak labah,
shepü arüde lanü mashude arübah;
38tüshe I yo thiyuro-lungkirü akin hode alabah,
tüsho apinü tuklode tsosho I menü api kheak masüh.”
39Tüshe isa a tuklode tsobah adükheakrü yung, tüshe akin lah tüsho khümkhita lah.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
IBRI 10
10
1Yakzan ju atsütsü yungde arüpü lakhi atsü kukruk me lang ah. Jumonü kam abande ju ruk lang laksah-a jihkhinü kingaünpü thüninde arürü küyimkishe khiukdahde mükamshihchoh. 2Jude yungkhülaa, arünü kingaünpü mutuklobea de? Kingaünrü ju khülangkinü müsüh-a lakhülaa, arünü kheaküa neak lah de mülüm. 3Tüshe harü laksah-a kingaünkhibo chingnü kam abande neak lakhi lümkhitshihchoh. 4Tümüde moshipungbo tüsho mihnubo thiyihnü neakbo hande atsopü amukuk ah.
5Jumonü küyimki Khrista alomi ching arükheanü, apinü tha,
“Laksah-a jihkhi tüsho kingaünkhibo nünü mümürüh,
tüshe nünü I thsungkheak pang khülang thsakhamjih;
6taka kingaünkhi tüsho neak kingaünbo ching nünü masüh.
7Judüki inü tha, ‘Kheahang, I dünkheak küpqiu ching thrüta lakhi nangde nü lümkhi rhimopü I arüdo,
O Thrünpuh.’ ”
8Apinü akhuhde tha, “Laksah-a kingaünkhi tüsho taka kingaünkhi le neak kingaünbo nünü mümürüh yungsho masüh” (harü yakzan nangde jihchoh), 9apinü thalo, “Kheahang, I nü mulongkhi rhimopü arüdo.” Mahnepü lashihpü thsüde apinü akhuhbe ju mülade kamshihchoh. 10Tüsho ju lümkhinü Jisu Khrista pang rüpde khülangki lang ajihkhi hode isa tsangkhit.
11Tüsho amükeamrü abannü nimung aban api tankih rhimo ching küyimkishe neak hande mutsokhukbe ju ruk lang laksah-a kingaünkhi alochode jihchoh. 12Tüshe küyimki Khristanü kim alala dün neakbo thsungkheak khülangki shuhmülanga jihkheanü api Thrünpuh khah tsülim bin. 13Ju kimnü rünbah api riribo ajing jungpung thsüpü apinü aleanglah. 14Tümüde khülangki kingaünkhinü kim alala thsungkheak tsangkhita larü khiukdahde kamshihdo. 15Tüsho Amüsüh Menü she I thiyumütsan thsüchoh; akhuhde apinü thachoh,
16“Arübe nimungbo ching inü arü ki tangzüngpü ju ha lah,
Atungpuhnü thachoh:
Inü arü mulongbo ching I yakzanbo yukjihbah tüsho arü lümkhibo ching thrütbah,”
17apinü thalochoh,
“Inü arü neakbo tüsho amülim rhimobo mülümkhitlo.”
18Küching harü neak bahjihkhi lanü ju ching kheaküa neak thsungkheak kingaün müla.
Isanü Thrünpuh Thüninanü
19Jumonü keoniorübo, Jisu thiyih hode arüngakopung ching isa yüzahpü lale, 20api shih, zhindokhim hode apinü isa thsungkheak khimshuhkhi aso tüsho rhangdung limronü, 21tüsho Thrünpuh yam kurungkheak isa amükeamrü ato lale, 22isanü amülim chingnü atsangkhitkhi mulong tüsho ke amüsühnü amüsühkhitkhi pangnü mulong jihde tüsho akin mütsankhinü Thrünpuh ki thüninde yüanü. 23Isanü maphapde isa mulonglam alokhikhi kheak düküngde ramrihanü, tümüde shepünü alokhikheanü thiyuro lah; 24isanü muzhoachihpü tüsho rhimo atsü rhimopü khülangnü khülang thurumusuachihpü lümanü, 25khürünü susu thsüde alakhi nangde isanü rukhüh mukhungpü mutuklonü, tüshe Atungpuh nimung thüninde arükhi nüsanü ngülale khülangnü khülang tuthsukachihanü.
26Thiyuro mükheahmudu leangkhi dunglim isanü khekhungde neak yihbeakde lasho neak dünkheak shuhmülanga jihpü aninga müla, 27tüshe atrebe mahkhap tüsho thiriribo aniuabahpü motru mükkin thsüpü lang lah. 28Mihtsürü shepünü Mosa yakzan thsümünimkheanü, mahne yungsho mahsam thiyumütsan hode mihmuzho mülade sheshihdo. 29Shepünü Thrünpuh tsührü jing khüp jungde, api tsangkhitkhi tangzüng thiyih müneankhea, tüsho amüthsüm Me mükhemükimrü küdükhüh she athsümüchipü thülünba de nüsanü lümcho? 30Tümüde shepünü athakheanü isanü mükheahlah, “Royimpü I yo, inü athrihlobah.” Tüsho kheaküshe, “Atungpuhnü api mihtsürü mahkhapbah.” 31Arhang Thrünpuh khah ching yüzahpü ju atrebe lah.
32Tüshe adüso nimungbo ching nüsa ayin ngü dunglim thsümütsü amüküp arümkhi lümkhitang. 33Kim khürü ching a nüsa ju boto mikinü mükhemükim tüsho thsümüchi; kim khürü ching a jude arhimorü lung atruachih. 34Nüsanü aramrü lung thsünürung, tüsho küyimki nüsa kukruk alala yankhia luabahjihkhea, nüsanü asühde adükheakkhi arüm, tümütüsho kheaküshe lünnü tsüpde alabe atsübe lakhi nüsanü mükheah-a lakheah, 35jumonü thsambah ato lakhi nüsa mulongram dübah. 36Tümüde nüsanü arümkheampü yihnüpü lah, junangde nüsanü Thrünpuh lümkhi rhimobah tüsho alokhia lakhi leangkhibah. 37Amüsühyunü thachoh,
“Tümütüsho anükhühkheak labah,
shepü arüde lanü mashude arübah;
38tüshe I yo thiyuro-lungkirü akin hode alabah,
tüsho apinü tuklode tsosho I menü api kheak masüh.”
39Tüshe isa a tuklode tsobah adükheakrü yung, tüshe akin lah tüsho khümkhita lah.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.