IBRI 12
12
Thrünpuh Isa Abuh
1Jumonü boto ato thiyumütsanbonü isa mükamdoa lale, isa kheak kapkihde arükhi limkhudo tüsho neak bahkhianü, tüsho mikhuh lümkihbah alihanü. 2Isanü isa akin putungpuh tüsho khiukchimshihbuh Jisu kheak mük kheahkihanü. Api müngüh asühpü lakhi hode sangkim kheak shepü mungchih ah de mülüm, tüsho kheakü Thrünpuh kiulongthsübinkiu tsülim binlah.
3Aneak mihtsürünü api azhihde mukthsükhi apinü arümkheamkhi lümakheahang, junangde nüsa müyiuhyiuh tüsho mulong müdükheak. 4Neak bede shochihkhi ching nüsanü thiyih bukpü khiungde mazhihyi. 5Nüsa ki tsührübo jide atuthsukyu thakhi nüsanü mihdü de?
“I tsah-a, Atungpuhnü adanyukkhi süpsüpde dülüm,
yungsho apinü nü thsümüchichoki mulong dünini.
6Tümüde apinü shepü muzholanü Atungpuhnü danchoh,
tüsho apinü aleangkhikhi tsührü aban thürühchoh.”
7Adanyukrü thsungkheak nüsanü arümkheambeah. Thrünpuhnü nüsa ki tsührübo nangde rhimochoh; tümütüsho abuhnü müdanyukkhi tsührü ju tümü a? 8Shihcham lukhi alala ching nüsa müdanyuka lasho, nüsa ju tsührü tsütsü yungde aleangkheak tsührübo ah. 9Alomi ching isa danyukpü buhrübo lah, tüsho isanü arü ki wüntre jihchoh, isanü küdükhüh she mebo tüsho arhang Thrünpuh ki wüntre jihbea? 10Tümüde arünü kim akhihkhüh thsungkheak arü künkhinü isa danchoh, tüshe isanü api amüsüh ching shihcham lupü thsüde apinü atsü thsungkheak isa danchoh. 11Adanyukkhi ju anükhühkheak asühpü yungde thsünükhi lah; ju dunglim judürünü adanyukrü kilim thiyuro-lungki mungtsü sangaso akhiukshihchoh.
Thsangdankhi tüsho Atünadoyubo
12Jumonü nüsa bin keahkhikhi shuhkihang tüsho nüsa mukhung süh keakeakhi düküngshang. 13Limro arihkhibo kheak tsahang, junangde nü jing nüpkhi müphülapkhit, tüshe athsüngubah. 14Mihtsürü alala kheak mungtsü tüsho amüsüh rhangdung lapü mürangang, tüsho ju mübedüa shenü she Atungpuh müngü. 15Sheshe Thrünpuh amüthsüm mülakphahpü tüsho akhüh sangrung asürübah ahihkhüh küpkhuk jihde amüneanjihpü lakhi atünadoang. 16Sheshe müzammüram mülapü yungsho jim phuru khülang dün nihbuh adüjirü alim yinabahkhi amükinrü Esau nangde mülapü kurhangang. 17Tümüde ju dunglim apinü müngühmühi yamrüplurüp lupü künchoki api bahyukkhi nüsanü mükheahlah, tümüde apinü chike bukde yimyim she mulong müthripü kim müngüdebah.
18Nüsanü aqiupü thsüde mo trukhi, amiting, akhüpdokhi, tüsho chinthrüm ching marü, 19hulipungpung lim yungsho asorünü mushubah arü ki müthalopü düsheak lim, 20tümütüsho, “Shiwühnü she awung qiusho lungnü arusahbah,” de thiyukhüm jihkhi arünü marümkhuk. 21Kheah-a khide atrebe lakhinü Mosanü tha, “Atrekhinü I ajanchoh.” 22Tüshe nüsa Zion Müzüng, yinmi Jirusalem arhang Thrünpuh kiuto ching, tüsho mükhebinkhi yunirü mukhungpung arüa lah, 23tüsho yinmi ching adüjirü mung thrüta lakhi mukhungpung, tüsho alala Thrünpuh mahkhaprü tüsho thiyurolungkirü khiukdahde akamshihkhi mebo kilim, 24tüsho aso tangzüng limburü Jisu kilim, tüsho Abel thiyih kheaknü alü muzhode athakhi arhakkihkhi thiyih kilim.
25Shepünü asukchonü, api ki müreanglopü atünadoang. Alomi ching akin yusheak jihrü ki sherünü reanglokheanü mutsokhide lado. Dale tüsho yinmi chingnü asukrü kheaknü isanü rholode tsosho isanü atsokhipü küdükhüh achak laba? 26Ju kim ching api düsheaknü alomi ajanshih, tüshe kheakü apinü alokhido: “Inü kheaküshe khülangki alomi lang yung tüshe thüningbo she ajanshihbah.” 27“Kheaküshe khülangki” de athakhi yubo amütsan thrüna lakhi ju aniukbah tüsho alahkhitbah, junangde müniukkhukkhi a aninga labah. 28Jumonü isanü müniukkhukpü lakhi kiulongthsü leangkhikhi thsungkheak asühanü, tüsho junangde isanü wüntre tüsho trede Thrünpuh kilim aleangkhikhukbe kingaünanü; 29tümüde isa Thrünpuh a aniuabahbe mo ah.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
IBRI 12
12
Thrünpuh Isa Abuh
1Jumonü boto ato thiyumütsanbonü isa mükamdoa lale, isa kheak kapkihde arükhi limkhudo tüsho neak bahkhianü, tüsho mikhuh lümkihbah alihanü. 2Isanü isa akin putungpuh tüsho khiukchimshihbuh Jisu kheak mük kheahkihanü. Api müngüh asühpü lakhi hode sangkim kheak shepü mungchih ah de mülüm, tüsho kheakü Thrünpuh kiulongthsübinkiu tsülim binlah.
3Aneak mihtsürünü api azhihde mukthsükhi apinü arümkheamkhi lümakheahang, junangde nüsa müyiuhyiuh tüsho mulong müdükheak. 4Neak bede shochihkhi ching nüsanü thiyih bukpü khiungde mazhihyi. 5Nüsa ki tsührübo jide atuthsukyu thakhi nüsanü mihdü de?
“I tsah-a, Atungpuhnü adanyukkhi süpsüpde dülüm,
yungsho apinü nü thsümüchichoki mulong dünini.
6Tümüde apinü shepü muzholanü Atungpuhnü danchoh,
tüsho apinü aleangkhikhi tsührü aban thürühchoh.”
7Adanyukrü thsungkheak nüsanü arümkheambeah. Thrünpuhnü nüsa ki tsührübo nangde rhimochoh; tümütüsho abuhnü müdanyukkhi tsührü ju tümü a? 8Shihcham lukhi alala ching nüsa müdanyuka lasho, nüsa ju tsührü tsütsü yungde aleangkheak tsührübo ah. 9Alomi ching isa danyukpü buhrübo lah, tüsho isanü arü ki wüntre jihchoh, isanü küdükhüh she mebo tüsho arhang Thrünpuh ki wüntre jihbea? 10Tümüde arünü kim akhihkhüh thsungkheak arü künkhinü isa danchoh, tüshe isanü api amüsüh ching shihcham lupü thsüde apinü atsü thsungkheak isa danchoh. 11Adanyukkhi ju anükhühkheak asühpü yungde thsünükhi lah; ju dunglim judürünü adanyukrü kilim thiyuro-lungki mungtsü sangaso akhiukshihchoh.
Thsangdankhi tüsho Atünadoyubo
12Jumonü nüsa bin keahkhikhi shuhkihang tüsho nüsa mukhung süh keakeakhi düküngshang. 13Limro arihkhibo kheak tsahang, junangde nü jing nüpkhi müphülapkhit, tüshe athsüngubah. 14Mihtsürü alala kheak mungtsü tüsho amüsüh rhangdung lapü mürangang, tüsho ju mübedüa shenü she Atungpuh müngü. 15Sheshe Thrünpuh amüthsüm mülakphahpü tüsho akhüh sangrung asürübah ahihkhüh küpkhuk jihde amüneanjihpü lakhi atünadoang. 16Sheshe müzammüram mülapü yungsho jim phuru khülang dün nihbuh adüjirü alim yinabahkhi amükinrü Esau nangde mülapü kurhangang. 17Tümüde ju dunglim apinü müngühmühi yamrüplurüp lupü künchoki api bahyukkhi nüsanü mükheahlah, tümüde apinü chike bukde yimyim she mulong müthripü kim müngüdebah.
18Nüsanü aqiupü thsüde mo trukhi, amiting, akhüpdokhi, tüsho chinthrüm ching marü, 19hulipungpung lim yungsho asorünü mushubah arü ki müthalopü düsheak lim, 20tümütüsho, “Shiwühnü she awung qiusho lungnü arusahbah,” de thiyukhüm jihkhi arünü marümkhuk. 21Kheah-a khide atrebe lakhinü Mosanü tha, “Atrekhinü I ajanchoh.” 22Tüshe nüsa Zion Müzüng, yinmi Jirusalem arhang Thrünpuh kiuto ching, tüsho mükhebinkhi yunirü mukhungpung arüa lah, 23tüsho yinmi ching adüjirü mung thrüta lakhi mukhungpung, tüsho alala Thrünpuh mahkhaprü tüsho thiyurolungkirü khiukdahde akamshihkhi mebo kilim, 24tüsho aso tangzüng limburü Jisu kilim, tüsho Abel thiyih kheaknü alü muzhode athakhi arhakkihkhi thiyih kilim.
25Shepünü asukchonü, api ki müreanglopü atünadoang. Alomi ching akin yusheak jihrü ki sherünü reanglokheanü mutsokhide lado. Dale tüsho yinmi chingnü asukrü kheaknü isanü rholode tsosho isanü atsokhipü küdükhüh achak laba? 26Ju kim ching api düsheaknü alomi ajanshih, tüshe kheakü apinü alokhido: “Inü kheaküshe khülangki alomi lang yung tüshe thüningbo she ajanshihbah.” 27“Kheaküshe khülangki” de athakhi yubo amütsan thrüna lakhi ju aniukbah tüsho alahkhitbah, junangde müniukkhukkhi a aninga labah. 28Jumonü isanü müniukkhukpü lakhi kiulongthsü leangkhikhi thsungkheak asühanü, tüsho junangde isanü wüntre tüsho trede Thrünpuh kilim aleangkhikhukbe kingaünanü; 29tümüde isa Thrünpuh a aniuabahbe mo ah.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.