IBRI 11
11
Akin
1Kheakü akin ju mulonglamde alakhi mütsankhi, müngüde alakhi mütsandakkhi ah. 2Tümüde ha hode adüso mihtsürübonü Thrünpuhnü amülüjihkhi leangkhi. 3#Jhn 1.3Thrünpuh yu hode alomiküp thrünkheah de akin hode isanü anikhitchoh, junangde tümü ngülanü amülakhi kukruk chingnü thrünkhit.
4Akin hode Abelnü Kain kheaknü atsübe laksah-a kingaünkhi Thrünpuh kilim jih, ju hode Thrünpuhnü api thsambah leangkhikhinü thiyumütsan thsüde thiyuro-lungki mülükhi ngü; api shedo, tüshe api akin hode kheakü khiungde asukchoh. 5Akin hode apinü ashekhi müngüde Enok bekih-a lu; tüsho api müngü, tümütüsho Thrünpuhnü api bea lu. Api bea muluyichoki api ju Thrünpuh asühshihrü khede alakheah. 6Tüsho akin mübedüa Thrünpuh asühshihpü mukuk. Tümütüsho shepünü Thrünpuh thüninde yüchonü api lah tüsho api yimrü thsambahbo jihchoh de akin labeah. 7Akin hode Noanü adünjipü lakhi müngüyia lalashe Thrünpuhnü athakhi yande api yamkhün khümkhitpü sangkung khülang thsü; ha hode apinü alomiküp bahyuk tüsho akin hode arükhi thiyuro-lungki yamrüplurüp lurü kam.
8Akin hode Abrahamnü apinü yamrüplurüp lupü dangpung ching yüpü jichoki mihyuani; tüsho apinü küching yübeanü mümükheahde wukhiuk. 9Akin hode apinü alokhikhi, khiungkerü lomi ching api ki ju rukhüh alokhikhi yamrüplurüp lurü Isak le Jakob büne lungnü khimyam ching la. 10Tümüde apinü Thrünpuhnü akhude thrüna lakhi khimtanbo lakhi kiuto mikhuh kheahde alakheah. 11Akin hode Saranü anihbe ashinshu she mübünkeangpü wu leangkhi, tümütüsho anihbenü alokhibuh ju thiyuro lakhi khejih. 12Tüsho api sheabah-a lalashe, mihtsürü khülang kheaknü thüning chiningbo hihdakkhi nangde tüsho kemungyean mükhebinkhi loyi nangde tsühsoniusobo trükkhit.
13Harü mihtsürü alala akin ching lade she. Alokhia lakhi arünü müleangkhi; arünü limshu chingnü lang ngü tüsho leangkhi. Tüsho arübo alomi kheak khiungkerü tüsho hanrü ah de mütsan. 14Mihtsürü sherünü hadürü thachonü arü nihbuh lomi kheahde alakhi huhchoh. 15Arünü zojihbah arükhi arünü lümde lakhülaa, arü alode ayüpü kim ngüa labah. 16Tüshe arünü atsübe, yinmi lomi müshamde la. Jumonü Thrünpuhnü arü Thrünpuh de ajipü machih, tümüde apinü arü kilim kiuto khülang thsakhamjih.
17Akin hode Abrahamnü api rükakheahchoki Isak jih, tüsho shepünü alokhikhibo leangkhikheanü api tsührü lapkhiung lakhi jihabahpü thsakhambah alakheah, 18shepü dünkheak ha tha, “Isak hode nü tsühsoniuso mung jibah.” 19Thrünpuhnü mihtsürü ashe chingnü she arhang kamshihpü kuklah de apinü lüm; jumonü athapüa, apinü ashe chingnü anihbuh ngülo. 20Akin hode Isaknü Jakob tüsho Esau arübe kuhi müngühjih. 21Akin hode Jakobnü api shechoki, Josep tsührübo abande müngühjih, tüsho api tso kheak atsunglobah kingaün. 22Akin hode Josepnü api rhangdung akheam ching, Israelrü bekhitpü tha tüsho api mi bahpü dünkheak thaa jih.
23Akin hode Mosa zübechoki api bebuhrünü khinu mahsam müyima zo, tümütüsho khungarü ju akheahakham lakheah; tüsho arünü kiulongthsüpuh yukhüm mütrede alakheah. 24Akin hode Mosanü, api zoshu Pharao tsührübe tsührü ah de athapü arochih. 25Apinü anükhühkheak neak asühakopü yungde Thrünpuh mihtsürü thsünükhi lung berung. 26Apinü Ijip rahpungbo kheaknü alü thsüde Khrista dünkheaknü mungchih ngüpü muzho, tümütüsho apinü nihbuh thsambah mikhuh kheahde alakheah. 27Akin hode apinü kiulongthsüpuh bukakhiukkhi mütrede Ijip bahbah tso; tümüde apinü amüngübuh ngükhinü arümkhuk. 28Akin hode apinü phungho-thünio tüsho thiyih rhakkihpü rhimo, junangde adüjirü thsümünimrünü Israelrü tsührü adüjirü müqiupü lakheah.
29Akin hode mihtsürübonü alo akung kheak nangde Amürüm Keto ho; tüshe Ijiprü a ju ruk thsüpü mürangchoki thüraksahabah. 30Akin hode arünü nimung thüne mükamdo dunglim Jirikho chipi keamabah. 31Akin hode müzammürambe Rahab mihyumanirü lung müdükheakshih, tümütüsho alibenü zütakheahrübo asühde beyuk.
32Tüsho kheaküshe inü tümü thaba? Inü Gideon, Barak, Samson, Jephtha, David, Samuel tüsho wukihrübo dünkheak thapü kim müla, 33sherünü akin hode kiulongthsübo kuk, thiyuro rhimo, tüsho alokhia lakhi leangkhi, kekhüzübo mün tukloshih, 34mo aniukhi zünmüt, nukshang chingnü tsokhi, yiuhyiuhde sühmüh lakhi kuk, thirithsü ching thrungde kam, khiungkerü thiriribo alihde tsoshih. 35Aliberübonü arü betsührü asherü arhang kamloa leangkhi. Khürü a atsübe rhangdung ching arhang kamlopü thsüde adükheshihpü reanglode thsümüchide sheshih. 36Püpübo kheah-a münejih tüsho rhap, tüsho rihyam ching rhüka yukde thsünü. 37Arübo lungnü rusah, arübo mahne thsüde rhütshak, arübo nukshangnü laksah; arübo zhochihde, thsümüchide, tüsho mükhemükimde namfimihnubo tüsho mihnubo küpbo phuyubah rümde yü. 38Arünü alomi müthülünde, tsotsahrümtsahrü nangde loshelobo, awungbo, lungkhünbo tüsho alo khünbo ching rümde tsah.
39Harü alala arü akin hode thiyumütsan atsü thsüde ngü, tütüshe alokhikhi a müleangkhi, 40tümütüsho Thrünpuhnü tümüanü atsübe isa thsungkheak ngüjung, junangde isa rukhühnü lang arü khiukdahde akamshihpü lakheah.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
IBRI 11
11
Akin
1Kheakü akin ju mulonglamde alakhi mütsankhi, müngüde alakhi mütsandakkhi ah. 2Tümüde ha hode adüso mihtsürübonü Thrünpuhnü amülüjihkhi leangkhi. 3#Jhn 1.3Thrünpuh yu hode alomiküp thrünkheah de akin hode isanü anikhitchoh, junangde tümü ngülanü amülakhi kukruk chingnü thrünkhit.
4Akin hode Abelnü Kain kheaknü atsübe laksah-a kingaünkhi Thrünpuh kilim jih, ju hode Thrünpuhnü api thsambah leangkhikhinü thiyumütsan thsüde thiyuro-lungki mülükhi ngü; api shedo, tüshe api akin hode kheakü khiungde asukchoh. 5Akin hode apinü ashekhi müngüde Enok bekih-a lu; tüsho api müngü, tümütüsho Thrünpuhnü api bea lu. Api bea muluyichoki api ju Thrünpuh asühshihrü khede alakheah. 6Tüsho akin mübedüa Thrünpuh asühshihpü mukuk. Tümütüsho shepünü Thrünpuh thüninde yüchonü api lah tüsho api yimrü thsambahbo jihchoh de akin labeah. 7Akin hode Noanü adünjipü lakhi müngüyia lalashe Thrünpuhnü athakhi yande api yamkhün khümkhitpü sangkung khülang thsü; ha hode apinü alomiküp bahyuk tüsho akin hode arükhi thiyuro-lungki yamrüplurüp lurü kam.
8Akin hode Abrahamnü apinü yamrüplurüp lupü dangpung ching yüpü jichoki mihyuani; tüsho apinü küching yübeanü mümükheahde wukhiuk. 9Akin hode apinü alokhikhi, khiungkerü lomi ching api ki ju rukhüh alokhikhi yamrüplurüp lurü Isak le Jakob büne lungnü khimyam ching la. 10Tümüde apinü Thrünpuhnü akhude thrüna lakhi khimtanbo lakhi kiuto mikhuh kheahde alakheah. 11Akin hode Saranü anihbe ashinshu she mübünkeangpü wu leangkhi, tümütüsho anihbenü alokhibuh ju thiyuro lakhi khejih. 12Tüsho api sheabah-a lalashe, mihtsürü khülang kheaknü thüning chiningbo hihdakkhi nangde tüsho kemungyean mükhebinkhi loyi nangde tsühsoniusobo trükkhit.
13Harü mihtsürü alala akin ching lade she. Alokhia lakhi arünü müleangkhi; arünü limshu chingnü lang ngü tüsho leangkhi. Tüsho arübo alomi kheak khiungkerü tüsho hanrü ah de mütsan. 14Mihtsürü sherünü hadürü thachonü arü nihbuh lomi kheahde alakhi huhchoh. 15Arünü zojihbah arükhi arünü lümde lakhülaa, arü alode ayüpü kim ngüa labah. 16Tüshe arünü atsübe, yinmi lomi müshamde la. Jumonü Thrünpuhnü arü Thrünpuh de ajipü machih, tümüde apinü arü kilim kiuto khülang thsakhamjih.
17Akin hode Abrahamnü api rükakheahchoki Isak jih, tüsho shepünü alokhikhibo leangkhikheanü api tsührü lapkhiung lakhi jihabahpü thsakhambah alakheah, 18shepü dünkheak ha tha, “Isak hode nü tsühsoniuso mung jibah.” 19Thrünpuhnü mihtsürü ashe chingnü she arhang kamshihpü kuklah de apinü lüm; jumonü athapüa, apinü ashe chingnü anihbuh ngülo. 20Akin hode Isaknü Jakob tüsho Esau arübe kuhi müngühjih. 21Akin hode Jakobnü api shechoki, Josep tsührübo abande müngühjih, tüsho api tso kheak atsunglobah kingaün. 22Akin hode Josepnü api rhangdung akheam ching, Israelrü bekhitpü tha tüsho api mi bahpü dünkheak thaa jih.
23Akin hode Mosa zübechoki api bebuhrünü khinu mahsam müyima zo, tümütüsho khungarü ju akheahakham lakheah; tüsho arünü kiulongthsüpuh yukhüm mütrede alakheah. 24Akin hode Mosanü, api zoshu Pharao tsührübe tsührü ah de athapü arochih. 25Apinü anükhühkheak neak asühakopü yungde Thrünpuh mihtsürü thsünükhi lung berung. 26Apinü Ijip rahpungbo kheaknü alü thsüde Khrista dünkheaknü mungchih ngüpü muzho, tümütüsho apinü nihbuh thsambah mikhuh kheahde alakheah. 27Akin hode apinü kiulongthsüpuh bukakhiukkhi mütrede Ijip bahbah tso; tümüde apinü amüngübuh ngükhinü arümkhuk. 28Akin hode apinü phungho-thünio tüsho thiyih rhakkihpü rhimo, junangde adüjirü thsümünimrünü Israelrü tsührü adüjirü müqiupü lakheah.
29Akin hode mihtsürübonü alo akung kheak nangde Amürüm Keto ho; tüshe Ijiprü a ju ruk thsüpü mürangchoki thüraksahabah. 30Akin hode arünü nimung thüne mükamdo dunglim Jirikho chipi keamabah. 31Akin hode müzammürambe Rahab mihyumanirü lung müdükheakshih, tümütüsho alibenü zütakheahrübo asühde beyuk.
32Tüsho kheaküshe inü tümü thaba? Inü Gideon, Barak, Samson, Jephtha, David, Samuel tüsho wukihrübo dünkheak thapü kim müla, 33sherünü akin hode kiulongthsübo kuk, thiyuro rhimo, tüsho alokhia lakhi leangkhi, kekhüzübo mün tukloshih, 34mo aniukhi zünmüt, nukshang chingnü tsokhi, yiuhyiuhde sühmüh lakhi kuk, thirithsü ching thrungde kam, khiungkerü thiriribo alihde tsoshih. 35Aliberübonü arü betsührü asherü arhang kamloa leangkhi. Khürü a atsübe rhangdung ching arhang kamlopü thsüde adükheshihpü reanglode thsümüchide sheshih. 36Püpübo kheah-a münejih tüsho rhap, tüsho rihyam ching rhüka yukde thsünü. 37Arübo lungnü rusah, arübo mahne thsüde rhütshak, arübo nukshangnü laksah; arübo zhochihde, thsümüchide, tüsho mükhemükimde namfimihnubo tüsho mihnubo küpbo phuyubah rümde yü. 38Arünü alomi müthülünde, tsotsahrümtsahrü nangde loshelobo, awungbo, lungkhünbo tüsho alo khünbo ching rümde tsah.
39Harü alala arü akin hode thiyumütsan atsü thsüde ngü, tütüshe alokhikhi a müleangkhi, 40tümütüsho Thrünpuhnü tümüanü atsübe isa thsungkheak ngüjung, junangde isa rukhühnü lang arü khiukdahde akamshihpü lakheah.
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.