လုကာ 7 的热门经文

分享

မှဒေရိဂိုး နင်ငင် ငါငါ့ကက်ကနာ မှတဆာလောင်ဂါ အပြစ်လိစ်ပီးဟေကား အပြစ်မွတ်မွတ်အင် ခွင့်လွတ်ကားဟင်းပိုကစာ အမာက ချစ်ခြင်းမိတ္တာကြီးမားကိုဖြစ်ဟေ။ အိမ်မဒေလေဟုန်း စီဆာ ခွင့်လွှတ်ကားဟင်းပိုလူးနာ စီဆာမေချစ်ခြင်းမေတ္တာ ဆနပ်လင်ကား" ငါးဂို့ ငှားလင်ကဟေ။ မှနောက်အာ ကိုယ်တော်နာ အိမ်မားတာဆလောင်ငင် "နင်ဂါ အပြစ်ရက်အင် ခွင့်လွတ်အင်နန်း" ငါးဂို့ ငှားလင်ကဟေ။

ညီးင့ဒင့်ယဲ့ ကိုယ်တော်ယေရှုနာ အိမ်မှတာဆလောင်ငင် "နင်ကယုံကြည်ကစာ နင်ငင် ကယ်တင်ငန်ဂါးဖြစ်ဟေ။ စိတ်ချမ်းချမ်းသာသာအိမ် လင်ဒက်"ငါ့ကို ငှားလင်ကဟေ။

မှနောက်အာ အမှာနာ ကိုယ်တော်ဂါ အလိုဝါဗန်(ဖ်)ကိုစက်ကို့ အတာရင်းငါတုန်းဟြက်ကိုး အမှာဂာား အမာအိန်းအိမ် ကိုယ်တော်က အတာအကျီးဇိစ်ကို အမာကအဟူးဖုံးငါက အဟူးမိအိမ်ပွတ်အီဂို့ ဆာကာဇိစ်လင်ကဟေ။ ကျီးကအိမ် ကိုယ်တော်က အတာနိန်ဖက်အင် အတိ(လ်)နက်ကို ဆီမွှေးအိမ် ပွတ်လင်ကဟေ။

အိမ်မှတောင်မာဒင့် ငါယေ့ ကိုယ်တော်ထနဲ့ ဗန်ဂို့ကဒိန်ကဇီစ်အတွက်ယေ့ အထိုက်တန်ပါ(လ်)။ အိမ်မှအစား ကိုယ်တော်တုန်းဟေကနေရာဘင်း အမိန့်အီနက်အန်ကအိမ်းဒင့် ငါ့ဂါ အငှားဆာက ရောဂါနာပျောက်ကလင်ငန်ကား။ အဇာရိကို့အငါနဲ့ ငါကိုယ်တိုင်ယေ့ အထက်အရာရှိကလက်အောက်အာ ငါကဒေလေ ငါကလက်အောက်အာယေ့ တပ်သားရက်ဘောင်းကို ငါနက်ဟေ။ ငါနာ တပ်သားဟူးဝါယင် "လင်"ငါ့နက်နဲ့က(လ်) အမာနာ လင်ပေါ်ကို "ဗန်(ဖ်)"င့ါနက်နဲ့အ(လ်) အမာနာ ဗန်(ဖ်)ပေါ်ဟေ။ ငါက အငှားဆာရက်အင်ယေ့ "မှလိစ်အင်း"ငါ့နက်နဲ့က(လ်) အမာရက်လိစ်ပေါ်ဟေ"ငါ့ကို လျှောက်တင်လင်ကဟေ။ ကိုယ်တော်ယေရူနာ အိမ်မှတူးဝါတပ်ဟေကားခါ အံ့ဩကလင်ကို အလိုဝါယောဝန်ကလူးရက်အင် လှည့်ယူကို "နနိန်ရက်အင် ငါပြိစ်ဝန်ကား အစ္စရေးလူမျိုးရက်ကအထဲယာ အတတ်ကဒေလေ ယုံကြည်မူပြောင်ဟေကားလူးဝင် ငါအပေါ်ဟာနိမ်ပါ(လ်)"ငါ့ကို င့ါလင်ကဟေ။

အိမ်မှအချိန်ငါ ကိုယ်တော်ယေရှုနာ အဆန်ကနာကလူးရက်အင် ဟာပိုဆာငါ့ဇိစ်ကို မကောင်းဆိုးဝါပူးကပ်တုန်းကလူးရက်ကမားက မကောင်းဆိုးဝါးရက်အင်ယေ့ ကတောက်ကိုအီကတောင်မှာဒင့် မိတ်ကြည်ရက်အင်ယေ့ အမိတ်ပေါ်မနီး ကုအီတုန်းလင်ကဟေ။ ကိုယ်တော်ယေ့ ယောဟန်ဂါတပည့်တော်ရက်အင် "နနိန်ရက်ပိုဟေကား တတ်ဟေကား အူဇာရက်အင်၊ ယောဟန်ဇိစ် လင်ဂို့ငှားဆနပ်အာ။ အမိတ်အပိုကလူးနာ အတတ်အမိတ်ပိုဂို့။ အတားအကာမှတ်ကားလူးရက်အ(လ်) လမ်းလျှောက်ဂို့။ အမန်ရောဂါသည်ရက်အ(လ်) ပျောက်ကပ်ဂို့။ အကာနားအတတ်ကလူးယေ့ အကာနား တတ်ကဟေ။ ဆိန်းဟေကားလူးယေ့ ပြန်းဂို့ဆိမ်ယောဝန်ဂို့။ ဆင်းရဲဆာရက်အ(လ်) သတင်းကောင်းရက်အင် တတ်အင်ပေါ်နန်း။