လုကာ 8 的热门经文

分享

မှီဟေက ကဇက်ဖုံးငါ ဟြတ်ဟေကအတူးနာ ဘုရားရှင်ကနူတ်က ပတ်တော်ရက်အင် အတေးပိုကရပ် အမာရက်ကဖြောင့်မတ်စင်ကြယ်ဟေကား စိတ်နှလုံးထဲယာ ကနင်းဖူးဆာသိမ်းကို လိုက်နာဟေကတောင်း အဆီရက်ဖြစ်ထွန်းကအဖင်းရက်အိမ်တူကို ဘုရားရှင်နှစ်သက်ဟေကဟင်းပိုကလူးရက်ဖြစ်ဟေ။

မရက်ခြုံပုတ်အာဂါ ဟြက်ဟေကားအတူ(ဖ်)နာ ဘုရားရှင်ဂါ နူတ်ကပတ်တော်ရက်အင် အတေးပိုကယေ့ အမာရက်နာ လောကီအိမ်ဆိုင်ဟေကားစိုးရိမ်ပူပန်မူရက်၊ ကြွယ်ဝချမ်းသာဟေကာအိမ် ကာမဂုဏ်ရက် ကာဆီးပိတ်ဆို့ပီကို့ အမာရက်နာ အဆီပန်းအဖြစ်ကအဖင်းရက်အိမ်တူဟေကား လူးရက်မယ်ဖြစ်ဟေ။

တလုံဖုန်ငါဟြက်ဟေကားအတူ(ဖ်)နာ ဘုရားရှင်က နူတ်ကပတ်တော်ရက်အင် တတ်ပေါ်ကရပ် ဝမ်းသာကယေ့ အမာရက်ကစိတ်နှလုံးထဲယာ အတည်မြဲထမ်း အချိန်နာရာဆာမယ် ယုံကြည်လက်ခံကို ဘဝယာခက်ခဲကြမ်းတမ်းမူရက်အိမ် ရင်ဆိုင်ကြုံတွေ့ပေါ်ကရပ် အမာရက်ကယုံကြည်ချက်ရက်နာ ချက်ချင်းဒင့် ရပ်တန့်ကလင်ကား လူးရက်ဖြစ်ဟေ။

မှနောက်အာ ကိုယ်တော်နာ တပည့်တော်ရက်အင် "နနိန်ရက်ကားယုံကြည်ချက်နာ အဆာမာယာ" ငါးဂို့ ကတာလင်ဟေကရပ် တပည့်တော်ရက်နာ တဗျင်းအံ့ဩကို့ "မှလူးနာ အဆာမီကလူးဝါး။ လှိုင်းလုံးရက်အိမ် မုန်တိုင်းရက်တင့် အမာကအမိန့်အင် နာခံပိုဟေကျော့" ငါးဂို့ အချင်းချင်း ငှားတုန်းလင်ကဟေ။

လင်းဖော်ငါဟြတ်ဟေကား အတူ(ဖ်)ငါ့ဟေကနာ ဘုရားရှင်က နူတ်ကပတ်တော်ယင် အတေးပေါ်ကအခါ မာရ်နတ်နာ ထုန်ဗာ(ဖ်)ကို အိမ်မာလူးရက်ကား ယုံကြည်ခြင်းအိမ် ဘုရားရှင်က ကယ်တင်ဟေကအဟင်းပိုမှာ အမာရက်က နှလုံးသားထဲယာက ဘုရားရှင်ကနူတ်ကပတ်တော်ရက်အင် လာကလင်ကားဟင်းပေါ်ကားလူးရက်အိမ် တူဟေ။

အပေါ်မား အဆေးပီလှုကားအူဇာအငါ့ပါ(လ်)။ အချေးမနီး ပီလှုကား လျှို့ဝှက်ချက်ငါ့ကယေ အငါပါ(လ်)။

အိမ်မှတဆာလောင်င(လ်) အမာကအမာ ဖုံးကွယ်အပီလှုနန်းကတောင်း အစက်ကို့ ကိုယ်တော်ရှေ့ယာ ဒူးထောက်တုန်းကို လူးရက်ကရှေ့ယာ အဇာရိကို့ ကိုယ်တော်ယင်တိုးပိုကအိမ် အမာစာချက်ချင်း ရောဂါပျောက်ကလင်ကား ငါ့ဆနပ်လင်ကဟေ။ ကိုယ်တော်ယေ့ မှတာဆာလောင်ငင် အဆာအိပ် "နင်ကယုံကြည်ချက်စာ နင်ကရောဂါယင် ပျောက်ဇိစ်ဒက်ကားဖြစ်ဟေ။ စိတ်ချမ်းချမ်းသာသာအိမ်လင်ဒက်" ငါ့ကို င့ါလင်ကဟေ။

အိမ်မအခါ တပည့်တော်ရက်စာ ကိုယ်တော်ယင် ရမိ(လ်)ကိုအဆူကို "ကိုယ်တော်၊ ကိုယ်တော် ငါရက်ဆိန်းပေါ်ကဟေ"ငါ့ကို လျှောက်တင်လင်ကရပ် ကိုယ်တော်နာ အိပ်ဟြရ်ငါဘင်းရိကို မုန်တိုင်းအိမ် လှိုင်းလုံးပြောင်ရက်အင် တန့်ကဇိစ် အမိန့်အီနက်ကရပ် ချက်ချင်းဒင့် မုန်တိုင်းအိမ် လှိုင်းလုံးပြောင်ရက်နာ ရပ်တန့်ကလင်ကို့ ငြိမ်ကလင်ကဟေ။