လုကာ 6 的热门经文

分享

လူးရက်ဇိစ် ပေးကမ်းယင်။ အိမ်မဒေလေလိစ်နဲ့က(လ်) နနိန်ရက်ဇိစ်ယေ့ ပေးကမ်းလင်ကား။ နနိန်ရက်က အိတ်ထဲယာ ဘောင်းကိုထည့်လှုမနီး ရမှိ(လ်)ကို့ထည့်ကယေ့ ဘေးယာဟြန်မနီးက များပြားဟေကားပမဏာယင် ဘုရားရှင်နာ ထည်အီလင်ကား။ နနိန်ရက်တိုင်တာကို့အီဟေကား ပမာဏာအတိုင်း နနိန်ရက်ဇိစ်ယေ့ တိုင်းတာကို့အီလင်ကား"ငါ့ကို ငါ့လင်ကဟေ။

အိမ်နည်းအတိုင်း မီဟေကားလူးနာ အမာကစိတ်နှလုံးထဲယာကား မီဟေကအူဇာရက်အင်မယ် ဆနပ်ဟေ။ အမီကလူးနာ အမာရက်ကစိတ်နှလုံးထဲယာကား အမီကအူဇာရက်အင်မယ် ဆနပ်ဟေ။ မှအကြောင့်အိမ် နနိန်ရက်က အင်းဆီငါဘင်း ပြုဟေကား စကားလုံးရက်နာ နနိန်ရက်ကစိတ်နေစိတ်ထားယင် ဆနပ်တုန်းကဖြစ်ဟေ"ငါ့ကို ငါ့လင်ကဟေ။

ညီးငါ့ဒင့်ယေ နနိန်းရက်နာ ရန်သူရက်အင် မေတ္တာပီကို အမာရက်ကအတွက် ကောင်းကျိူးလိစ်အီယင့်။ ပြန်ဂိုလှုဂါးငါဂို့အမျှော်လင့်ထန်း တင်္ဂါချေးအီယင်း။ ဘုရားရှင်စာ ကျေးဇူးအချေးကလှုရက်အိမ် အကျင့်ဆိုးကလူးရက်အင်ဒင့် မေတ္တာပီဟေဖြစ်ကို နနိန်ရက် အိမ်မဒေလေလိစ်နဲ့က(လ်) အကျိူးကျေးဇူးဘောင်းကိုလှုဂို့ အမြင့်မြတ်ဆုံးက ဘုရားရှင်ကအဆာ၊ဆာအိရက် ဖြစ်လင်ကား။

နနိန်ရက်က အဗား(ဖ်)ဘုရားရှင်စာ နနိန်ရက်ကအပေါ်ဝါ မေတ္တာဂရုဏာပီးဟေဖြစ်ကို နနိန်ရက်အ(လ်) အယောက်ကလူးရက်ကအပေါ်ဝါ မေတ္တာကရုဏာပီးယင့်ဂီး။

အယောက်ဟက်တာ ကိုယ်တော်နာ လူးရက်အင် အစီရင်ငဲ့။ ညီးင့တောင်မယ် နနိန်ရက်အ(လ်) စီရင်ဟေကားဟင်းလင်ပေါ်ကအရိ(လ်)ပါ(လ်)။ လူးရက်အင် ပြစ်တင်အဝေဖန်ယဲ့၊ ညီးင့တောင်မယ် နနိန်ရက်အ(လ်) ပြစ်တင်ဝေဖန်ဟေကား ဟင်းလင်ပေါ်ကားအရိ(လ်)ပါ(လ်)။ လူးရက်အင် ခွင့်လွတ်အီယင်း။ အိမ်မဒေလေငါ့တောင်မယ် နနိန်ရက်အ(လ်) ခွင့်လွတ်ကဟင်းလင်ပိုကား။

ညီးငါ့ဒင့်ယေ ကိုယ်တော်နာ ဆက်ကို့ အတတ်အတေးတုန်းကနနိန်ရက်အင် ငါပြိစ်ယန်ကား။ ရန်သူကအပေါ် မေတ္တာပီးယင့်။ အပါနာယင် မုန်းတီးတုန်းကလူးရက်ဇိစ် အမာရက်ကကောင်းကျိူးယင် လိစ်အီယင့်။ နင်ငင် အတျဲကလူးဝင်ယဲ့ ဘုရားရှင်ကောင်းကျိူးမင်္ဂလာအီယန်မာနီး ဆုစိန်အီးယင်။ နနိန်ရက်အင် ရက်စက်ဟေကား လူးအပေါင်းရက်အင်ယဲ့ ဆုစိန်အီယင့်။

အပါနာရက်ကအပေါ်ဝါ ပြုမူဆက်ဆံဇိစ်ကက်ကဒေလေ အယောက်ကလူးရက်ကအပေါ်ဝါယဲ့ ပြုမူဆက်ဆံအီးယင်။

လူးဟူးဝါနာ နင်ကအာနာဘင်း ဟိုက်တာပေါက်နဲက(လ်) အယောက်ဟိုက်တာယဲ့ ပေါက်ဇိစ်ယင့်။ လူးဝါနာ နင်ကပါဇူယင် စိန်နဲ့က(လ်) နင်ကအထဲခံယင်ဒင့်အီယင့်။ နင်ကမား ဆူဝါပါဆာ စိန်ဗာ(ဖ်)ဟေကားလူးရက်ဇိစ်ယေ့ အီနက်အင့်ဂီ။ လူးဟူးဝါနာ နင်ကအူဇာရက်အင် လာပီနဲ့က(လ်) အိမ်မှလူးထနဲ့က ပြန်ကိုအစိန်ယဲ့။

အယောက်ဟက်တာ ကိုယ်တော်နာ မီဟေကားအဖင်းနာ အမီကအဆီယင် အဆီလှုကဒေလေ အမီကအဖင်းယေ့ မီကားအဆီယင် ဆီလင်လှုကအရိ(လ်)ပါ(လ်)။

အဆီးငင်ယူဂို့ အဖင်အကြောင့်ငင် ချေးဟေ။ အဇာရိကို့အငါနဲ့ မရက်အဖင်းငါဘင်း သဖန်းသီးယင် အလာလှုကဒေလေ ခြုံပုတ်အင်ဘင်းယေ့ စပျစ်ဆီးအင် တန့်ဂို့အလှုဝိုင်းပါ(လ်)ဂါး။