ROME-TE 6 的热门经文

分享

Azieh pen mawna’ thaman in sina hi a, ahi vangin Pasien ei’ hlawnpieh letsong ahile TOPA Jesu Khris sunga a om kumtawn hinna ahi hi.

Bangzieh ahei cile thukham nei-ah na om nawn sih vua, hepina nei-ah om zo ta na hi ziehun note tungah mawna in thu a nei nawn sih ding hi.

Tua ahi ziehin sina-ah i ki-baptize ziehin ama tawh a kivuiton i hi vua, tuaci’n Pa’ vanglietna tawh misite lah panin Khris ang thawkia ma bangin eite zong hinna tha-ah i hin thei nading uh ahi hi.

Na pumpi nate uh gitlona vanzah dingin mawna-ah na pie nawn sih unlen, sina pan tho-in hinna a ngasa mite bangin dihna vanzah dingin Pasien tungah na pumpi uh’ nate na piezaw un.

Eite in mawna pumpi kisusie-in mawna sungah sal tanga i op nawn lo nadingin Khris tawh singlamte tungah i milui uh kikhailia zo hi, ci thu i thei uhi.

Tuaci’n noma mama zong mawna lamah si-in Pasien lamah Jesu Khris ziehin a hinga na kingaisut ding uh ahi hi.

Tua ahile bang i gen ding vuoi? Hepina a khan thei nadingin mawna bawlbawl ding i hi uh amah? Bawlbawl buong lo e! Mawna thu-a a sisa eite in bangci bangin tua mawna sungah hing thei lai ding i hi uh ahei?

Sila thumangte bangin mi khatpo kungah noma mama na kipieh uleh tua a thu na man pa uh’ sila na hi pai ta vua, sina ang tut mawna sila ahi a, dihna ang tut thumanna sila ahi zongin, khat zawzaw’ sila na hi lam thei lo na hi uh amah?

Ahi vangin nidang lai-in mawna sila ahi ngai note in lungsim tahpi tawh na tung vua ang ki-apsa thuhilnate na man zo tah ziehun Pasien kungah nuom thu i tut uhi. Note pen mawna panin suohta-in dihna’ sila na hi ta uhi.