ROME-TE 5 的热门经文

分享

Ahi vangin mawnei mi i hi laitahin eite adingin Khris ang sina ziehin Pasien in eite ei itna thu ei lah zo hi.

Tua lametna in eite ei lungkiesah lo hi, bangzieh ahei cile eite tunga ei kipie Hlagau Siengtho tungtawnin eite’ lungsim sungah Pasien’ itna ang kibuosuh zo hi.

Tua tham loin i thuoh gimnate vuah zong eite i kipah veve vua, tua gimnate in thuoh zawhna piengsahin, thuoh zawhna in gamtat hoi piengsah a, gamtat hoi in lametna piengsah hi.

Tua ahi ziehin upna ziehin dih tang zo i hi ziehin, eite in TOPA Jesu Khris tungtawnin Pasien tawh kilemna i nei ta uhi. Ama tungtawnin i opna uh tami hepina sungah eite in lut theina thu i nga zo ta uhi; tuale eite in Pasien tawh minthanna a ngaton dingin i kinep ziehun i kipah uhi.

Eite thanem-a i op laitah a kilawm hunin Pasien thei lote adingin Khris ang si hi.

Tua ciengin tu-in ama’ sisan ziehin dihtansah i hi ngalun, ama tungtawnin Pasien’ lungthahna panin hutdamin i omzaw kan lai ding uhi.

Azieh pen mi khat’ thuman lona in mi tampitah mawnei a suosah bang lienin mi khat’ thumanna in mi tampite midih a suohsah ding hi.

Tua teng beh ahi khop sih a, tu-in ama tungtawna kilemna i ngana uh ahi i TOPA Jesu Khris tungtawnin Pasien tung nangawnah i kisiel uhi.