Titɛ̀n 2 的热门经文

分享

Ɔmuhi Ɔwɔ yé nɛ́n nboafɔ̀n léyi dú ɛnkrukɔrɛ shi-bɛ́ tán anwrɔnẅì lɔ fɛn nɔn. Nboafɔ̀n ndɔ lɔ kɛ wá tán bɔ̀, bɔ́ teze bɔ́ ɛwúvà gbàngbàn mán bɔ́ ɛnhibù wú ankà-tro hɔ̀n lɔ, ô bɔ̀ ẅɛn ankà-nyrì wúvà, bɔ̀ dú ɛnyrɔnnanmɛ̀n, ô bɔ̀ di ɔmùan-zri Ɔwɔ tɛ̀sɛ̀n.

Ɔmu lɔ de ke ji le bɔ̀ vrá ɛnbɔrɛbru léyi bɔ̀ ẅɛn esɛ́ n'ɛwú ɛnbì léyi Zhezü Krisì léyi dú b'Ɔwɔ vri mán bɔ́ Ebɩdie-wrɔn ci-zrɔ kɛ lɛ srɔ nɔn. Nɛ̀n bɩ́ n'edomɛ̀n nɛ́n dí bɔ́ ɛgbàn-ẅɔ̀ɛn, ô nɛ̀n srɔ bɔ̀ fɛcüè fifi tɔ̀n léyi ke le dú nɛ́n zri nɛ tɛn, ô kɛ̀ ẅɛn edùyì ɛci-ankrànkràn-hán mɛ̀n.

Vɛ́n dùku mán ke ji le è dú sɛnpò v'eci-ankrànkràn-hán mɛ̀n. V'eci-yé kè dú ɔmùan-zri mán anvrɛnvrɛn. Ɛ̀ dɔ́ ɛnyrɔnnan ankà léyi ye sɩ̀ cɔ́ n'edù-jrɛ́-yri, ô kɛ hán tán v'egbri-bɔ̀ kè dú anvɛvrà mɛ̀n, ɔmuhi ye sɩ̀ cɔ́ ankà gbàngbàn yɔ dɔ́ bɔ́ ɛwú nɔn.