Tɛ́n ɛnvra léyi Ɔwɔ, bɔ́ Ebɩ̀die-wrɔn yé bɔ̀ n'anwɔwɔ mán n'ɛcüɛ̀n, anwrɔnẅì kruhú nɔn, nɛ̀n bɩ́ bɔ̀ nɛ̀n die, kɩ kè sɩ̀ dù bɔ́ ɛnyrɔnnan mán bɔ́ eci-ankrankran-hán mɛ̀n, tɛ́n ɔmuhi nɛ̀n ẅɛn bɔ́ ɛnhyɔ̀bɔ̀-nyrì nɔn. Nɛ̀n bɩ́ bɔ̀ nɛ̀n die ɛnshikru-wá léyi Ɛnhɛ́n Prɔnprɔn cüemɛ̀n tán bɔ̀ ebîemɛ̀n mán ɛwúvà wrù mɛ̀n nɔn. Ɔmuhi Ɔwɔ wá bɔ̀ Ɛnhɛ́n Prɔnprɔn cüì bobrebe edomɛ̀n bɔ́ Ebɩ̀die-wrɔn Zhezü Krisì bɩ́mɛ̀n, ɔmu lɔ de nɛ́n nboafɔ̀n kɛ srɔ bɔ̀ ɛnyrɔnnan-bɔ̀ n'ezìwú, ô kɛ̀ hán bɔ̀ bɔ́ cɔ́ ɛwúvà léyi ke sɩ́ trɔa hɩ bɔ̀ ẅɛn esɛ́ n'ɛwú nɔn.