Efɛzɛ̀n anmàn-bɔ̀ 1 的热门经文

分享

Nɛ̀n vuru nyɛ̀n anvɛ̀ n'ɛyri-kàn lɔ mɛ̀n, ô nyɛ́n cɔ̀ nyɛ́n nyri esɛ́ léyi, hɩ kruhú, nɛ̀n bi nyɛ̀n, ô nyɛ́n nyri anvrɛn hɔ̀n léyi nɛ̀n tán anwrɔn hɔ̀n léyi dú nɛ tɛn, anvrɛn ndɔ hɔ̀n lɔ, nyɛ́n nyri n'ɛnnɛ̀ncüì-dì mán n'eci-zrɔ, ô, nyɛ́n nyri ɛkɔrɛ̀-srɔn vri léyi nɛ́n ẅɛ̀n hɩ dú bɔ́ tɛ́n bɔ́ ankàẅì-bùtan-ẅɛn-bɔ̀ lɔ nɔn. Ɛkɔrɛ̀-srɔn ndɔ lɔ, dú ɛkɔrɛ̀-srɔn léyi Ɔwɔ yé n'ecüì kɔrɛ̀levriemɛ̀n nɔn, Ɛnvra léyi nɛ̀n bɩ́ Krisì owú-bɔ̀ mɛ̀n nɛ̀n sɩ́ ɔkɔrɛ-bɔ̀ mɛ̀n kɩ nɛ̀n hán yi yɛ́ nɛ̀n ezì-kɔrɛ̀a anhobɩ́ anmàn nɔn. Anhobɩ́ anmàn lɔ, Krisì dú ɛkɔrɛ̀-levri lɔ fɛn wú, ecüì lɔ fɛn wú, ɛkɔrɛ̀-srɔn lɔ fɛn wú, ɛyri-ẅɛ̀n lɔ fɛn wú mán ɛkɔrɛ̀-wú-ci lɔ fɛn léyi yɛ lɛ cɔ́ ɛnhi ndɔ lɔ wú mán hɩ le yɛ lɛ cɔ́ ɛnhi anmàn léyi dú ezì kɛ và nɔn wú.

Ɛnhibù kɛ vá bukru, Ɔwɔ gɔ́ mrɛ́n bɔ̀ nbɩ̀, ô bɔ́ dú nɛ tɛn Krisì bɩmɛ̀n, ô bɔ́ dú prɔnprɔn mán ɛfifiemɛ̀n n'ezìwú. N'ɛcüɛ̀n lɔ mɛ̀n, Ɔwɔ gɔ́ wá tán le nɛ lɛ srɔ bɔ̀ n'ɛẅì hɔ̀n Zhezü Krisì bɩmɛ̀n; n'ɛnhyɔ̀bɔ-nyrì lɔ mɛ̀n, nyàn eci léyi nɛ̀n ji nɔn.

Ɔmuhi, Krisì cice léyi dú nɛ́n dùku nɔn, n'ɛmɛ̀n lɔ bɔ̀ cɔ́ esrúze, kɩ bɔ́ ɛgbàn hɔ̀n lɔ bɩ́ ce bɔ̀. Ɔmu lɔ de Ɔwɔ yé bɔ̀ n'ɛnshifù nɛncüì-dì

Bɔ̀ mrɛ́n Ɔwɔ léyi dú bɔ́ Ɛẅɛnwrɔn Zhezü Krisì nɛ́n Zi nɔn! Nɛ̀n fú bɔ̀ ɛnshi bɔ́ mán Krisì mɛhi b'ɔbɔ̀sɔ̀ lɔ mɛ̀n, ɛnvra léyi nɛ̀n tán bɔ̀ ɛnhɛ́n mɛ̀n shifù lɔ fɛn léyi dú anhobɩ́ nɔn.