Galasi anmàn-bɔ̀ 6 的热门经文

分享

Edù ke bɩ́ ká bɔ̀ anvrɛn-hán mɛ̀n; ɔmuhi ke dú kɛ edù ke sɩ̀ wú bɔ̀ hô, bɔ́ lɛ cɔ́ bɔ́ antɛ̀-ẅì ɛnvra léyi n'ɛküɛ vra kɛ lɛ cɔ̀ nɔn.

Ɔmu lɔ, ɛnvra totɔtɔ̀n léyi bɔ́ ẅɛn ɛkɔrɛ̀-levri nɔn, bɔ̀ hán anwrɔn lɔ fɛn anvrɛn, kɩ annannan le anwrɔn-nɛ́n-muan-ẅì hɔ̀n léyi dú ankaẅì-bùtan mɛ̀n nɔn.

Nyɛ́n wá ny'edomɛ̀n ɛkɔrɛ̀ ny'ɛnlowru wɔrɔ mɛ̀n: ɔmu lɔ de nyɛ lɛ ẅɛn Krisì nyànmàn kɔrɛ̀-zì nyɛ́n hɛ́n nɔn.

Hɩ mɛ̀n lɔ nyɛ́n bɩ́ zɛ́n hán: ye sɩ́ hán Ɔwɔ ɛnhyürɛ̀. Ɔwrɔnẅì kɛ lɛ küɛ eci léyi nɛ́n tɛ̀ nɔn.

Ke dú kɛ nɛ tɛ́ eci léyi nɛ́n dùku n'antà dùwrú kɛ cüɛ̀n nɔn hô, antɛ̀-ẅì léyi nɛ lɛ küɛ nɔn dú owù; tɛ́n ke dú kɛ nɛ tɛ́ eci léyi Ɛnhɛ́n Prɔnprɔn kɛ cüɛ̀n nɔn hô, antɛ̀-ẅì léyi nɛ lɛ küɛ nɔn dú ɛwúvà léyi ke sɩ́ trɔa nɔn.

Anwrɔn-nɛ́n-muan-ẅì hɔ̀n, ke dú kɛ ɔwrɔn tɔ̀n ke bru ɛgbàn mɛ̀n hô, nyɛ́n léyi nyɛ́n ẅɛn Ɔwɔ Hɛ́n nɔn, nyɛ́n bɩ́ nɛ̀n nyɛ́n sɩ́ ɛnlevri ankrankran wú; tɛ́n nyɛ́n ẅɛn ɛnbɔrɛ-wɔ̀ n'ɛtɛ̀sɛ̀n. Kɩ nyɛ́n mán nyɛ́n wá esùva anvrɛnvrɛn, ô nyɛ́n bɩ́ teze ny'edòmɛ̀n ɔwɔɛ̀nnyan mɛ̀n.

Ke dú kɛ ɔwrɔn tɔ̀n ke tro le nɛ̀n ẅɛn vɔ̀nshɛ́, tɛ́n nɛ̀n sɩ̀ dù eci zriɛmɛ́n, nɛ frɛ́n n'edomɛ̀n. Ke ji le ɔwrɔnwrɔn kɛ̀ crɛ́n nɛ́n dùku n'esùnàn; ke dú kɛ hɩ wú lɔ, nɛ lɛ mrɛ́n n'edomɛ̀n tɛ̀ hô, zɛtɛn ɛmrɛ́n ndɔ lɔ dú nɛ́n zri nɛ tɛn, kɩ ye sɩ̀ bɩ́ nɛ̀n yɛ krɔn ɔwrɔn nyantɛn. Ɔmuhi ke ji le ɔwrɔnwrɔn kɛ̀ wɔrɔ nɛ́n dùku n'ɛnlowrú lɔ nɔn.