Efɛzɛ̀n anmàn-bɔ̀ 2 的热门经文

分享

Annànwɔrɛ mɛ̀n lɔ, Ɔwɔ de hán bɔ̀ antà-hi mɛ̀n; nɛ̀n hán bɔ̀, bɔ́ mán Zhezü Krisì mɛhi b'ɔbɔ̀sɔ̀ lɔ mɛ̀n, ô bɔ̀ ẅɛn ɛwúvà léyi di ɛnnɛ̀ncüì ɛci-ankrankran-hán mɛ̀n, ɛci-ankrankran hɔ̀n léyi nɛ́n gɔ̀ hán nɛ̀n hɛ́n, ô bɔ̀ hán hɩ ci nɔn.

Ɔmuhi Ɔwɔ boafɔ̀n mɛ̀n de nyɛ́n cɔ́ ebɩ̀die ankaẅì-bùtan-ẅɛn mɛ̀n nɔn. Ɛnkrukɔrɛ̀ ndɔ lɔ, kè sɩ̀ dù ny'eyri kɛ̀ và, nɛ̀n dú Ɔwɔ cice tɔ̀n; nɛ̀n sɩ̀ dù ny'ɛgbànkàn vɔ̀nshɛ́ ci, kɩ ɔmu lɔ, ɔwrɔn zriɛmɛ́n ke sɩ̀ mrɛ́n n'edomɛ̀n rɔ́.

Tɛ́n Ɔwɔ yɔ̀bɔ̀-nyrì lɔ sevri, ecüɛ̀n léyi nɛ̀n ẅɛn bɔ́ ɛwú nɔn, hán tán, kɩ ɛnvra léyi bɔ̀ wú ɛnhɛ́n mɛ̀n, bɔ̀ ɛgbàn hɔ̀n lɔ kruhú nɔn, nɛ̀n hán bɔ̀, bɔ́ dú ɔkɔrɛ mɛ̀n bɔ́ mán Krisì mɛhi. Ɔwɔ boafɔ̀n mɛ̀n de nyɛ́n cɔ́ ebɩ̀die nɔn.

Bɔ́ mán Krisì mɛhi b'ɔbɔ̀sɔ̀ lɔ mɛ̀n, Ɔwɔ hán nɛ́n mán bɔ́ mɛhi bɔ̀ vá ɔkɔrɛ-bɔ̀ mɛ̀n, ô nɛ́n mán bɔ́ mɛhi bɔ̀ ẅɛn ɛyri anhobɩ́ anmàn.

Hɩ le kruhú, nyɛ́n léyi nyɛ́n sɩ̀ dù Zhüifɛ̀n-bɔ̀ nɔn, nyɛ́n sɩ̀ vrù dù ɛmɛ̀n-nyàntɛn-mɛ̀n-bɔ̀, anwrɔn hɔ̀n léyi dú ɛyri nyàntɛn nvà nɔn; tɛ́n nyɛ́n dú zɛtɛ̀ lɔ Ɔwɔ-fɛcüè-mɛ̀n-bɔ̀, nyɛ́n dú Ɔwɔ mɛ̀n mɛ̀n-bɔ̀. Nyɛ́n dú ɔwɔn léyi ye kù, kɩ ɔkɔhɔ̀n-wá-bɔ̀ mán Ɔwɔ-mùanwú-ankà-dɔ́-bɔ̀ dú ɛnhi-nan-bù, kɩ Zhezü Krisì dùku dú Ɔwɔn-kàvà-mɛ̀n-bù.