Luka 18
18
Olufumo lwa namwandu nʼomulamuli
1OYesu nikwo okukobera abeegesebwa baamwe olufumo okubalanga nka nibalina okusabanga obutaiyisyaku. 2Nʼabakoba, “Omu kibuga ekimwei mwalumu omulamuli ataatiinanga Kanca gonze okufa oku bantu. 3Era waalowo onamwandu omu kibuga eyaizanga gyali nʼamusaba, ‘Ndamula nʼomunyanzugu wange.’”
4“Omulamuli nʼalwawo nacagaine okumulamula, niyamaare ni yeiramu nʼakoba, ‘Nebwenaabba ntatiina Kanca gonze okufa oku bantu, 5baitu olwa kungadya onamwandu oni kwangadirye namulamula alekere awo okungadya nakwizanga obutaiyisyaku.’”
6Omukama nʼaira nʼakoba, “Muwure omulamuli oyo atali wa mazima kyeyakoore. 7OKanca talilamula nʼamazima abakomye baamwe abamukungiira emisana nʼobwire? Alikeereerwa okubalamulamula? 8Nkambakobere alibalamula mangu. Baitu oMwana wa Muntu naliiza aliyaja okwikiriza oku nsi?”
Olufumo lwa Mufarisaayo nʼo musoloolya wa musolo
9Abo abeerowoozanga okubba abaikiriire era nibakugaya abantu abandi, oYesu nʼabakobera olufumo luni: 10“Abasaiza babiri baayabire omwiramyo okusaba, omwei yaali Mufarisaayo nʼowondi yaali musoroorya wa musolo. 11OMufarisaayo nʼayemeera ni yeesabira ati: ‘Kanca nkukwebalya kubba tindi nkʼabantu abandi, abanyagi, abagobya, abasiyani—gonze nkʼoni omusoroorya wa musolo. 12Nsiiba emirundi ebiri omu wiiki era mpeerya ekimwei kyaikumi oku buli kintu kyona kye ntunga.’”
13“Baitu omusoroorya wa musolo nʼayemeera niyeenagireku akabbanga. Natakusobola na kurola aiguru, baitu ni yeekubba omu kisubba nʼakoba ati, ‘Kanca, nsaasira nje omusiisi.’”
14“Kambakobere omusaiza oni yaireyo e waamwe ngʼali kusai omu maiso ga Kanca okukira odi owondi. Buli muntu eyeekulya alibundaazibwa, nʼoyo eyebundaaza alikulisibwa.”
OYesu akuweerya abaana abato omukisa
(Mat 19:13-15; Mak 10:13-16)
15Abantu ni bamuleetera nʼabaana abato okubakwataku. Abeegesebwa nibaakiboine ni babanenya. 16Baitu oYesu nʼayeta abaana abato nʼakoba, “Muleke abaana abato baize e gyendi, mutabagaana, kubba obukama bwa Kanca bwʼabo abaisana nka bani. 17Mazima nkubakobera, ataikiriza bukama bwa Kanca nkʼomwana omuto talibwingiramu.”
Omufuzi omuguuda
(Mat 19:16-30; Mak 10:17-31)
18Omufuzi omwei nʼamubuulya, “Mwegesya omusai, nkole ki okugweta obwomi obutawaawo?”
19OYesu nʼamwiramu, “Lwaki okunyeta omusai? Ndoowo musai okwiyaku oKanca yenkai. 20Amateeka ogamaite: ‘Otalisiyana, otaliita, otaliwangiirya mwiraawo, oitewo nʼomaawo obatangamu ekitiinisya.’#Kuz 20:12; Tek 5:16-20”
21Omusaiza nʼairamu, “Bini byona byona mbiikiriirye okuzwa omu buto bwange.”
22OYesu niyawuliire kini, nʼamukoba, “Ocabulwaku ekintu kimwei. Tunda ebyamu byona byona empiiya ozigabire abaseege, ofune obuguuda omwiguru. Ale oize onsengeerye.”
23Niyawuliire kini, nakwatibwa obujune kubba yaali muguuda muno. 24OYesu nʼamuroleera nʼamukoba, “Ka kizibu abaguuda okwingira omu bukama bwa Kanca! 25Kyangu munno onkaina okwakala omu kawulu ka nkinzo okusinga omuguuda okwingira omu bukama bwa Kanca.”
26Abaawuliire kini ni babuulya, “Obwote naani asobola okujunwa?”
27OYesu nʼairamu, “Ebitasoboka egiri abantu bisoboka egiri oKanca.”
28OPeetero nʼamukoba, “Twalekerewo ebyaiswe byona nitukusengeerya!”
29OYesu nabakoba, “Kambakobere amazima, ndoowo eyalekere eka yaamwe oba mukali oba mugande oba ababyaire baamwe oba abaana baamwe oku lwa bukama bwa Kanca 30atalifuna ebikusinga obwingi omu mulembe guni, nʼobwomi obutaliwaawo omu mulembe ogukwiza.”
OYesu akubaza omulundi ogwakasatu oku kufa kwamwe
(Mat 20:17-19; Mak 10:32-34)
31OYesu nʼairya eikumi nʼababiri oku ntando nʼabakoba, “Tukutembatemba okwaba e Yerusaalemu, ebya wandiikiibwe abalangi oku Mwana wa Muntu byona byona gye byaikiriira. 32Akwiza okuweebwayo egiri abanyamanga.#18:32 Abantu abatali Bayudaaya oba abo abataikiririza omu Yesu Kurisito. Balimukiina, bamuzume, bamucwere ebicwantai, balimusuunya#18:32 Omu Bbaibbuli ezimwei olunyiriri olwa 33 lutandikira mpani. ni bamwita. 33Baitu ekiro kyakasatu aliyimbooka.”
34Kini abeegesebwa tibaakyetejerye gonze akadooli. Amakulu gaakyo gaali gababbisirweku, era tibaamaite kye yabazangaku.
Omusabiirya omwigali wʼamaiso akulibbulya
(Mat 20:29-34; Mak 10:46-52)
35OYesu niyaigereire oYeriko, omwigali wa maiso yaali nʼaikare oku ntando wa luguudo nakusabiirya. 36Niyawuliire abantu nibakwakalawo, nʼabuulya kiki ekiriwo. 37Ni bamukoba, “OYesu oMunazaaleesi niye akwakala.”
38Nʼakokooma, “Yesu! OMwizukulu wa Dawudi, nkwatirwa ekisa!”
39Abaali nibeebembeire ni bamwamira, “Sirika.” Naye ye ni yeeyongera oku kokoomera kimwei, “OMwizukulu wa Dawudi, nkwatirwa ekisa!”
40OYesu nʼayemeera, nʼalagira bamumuleetere. Niyaigereire oYesu, nʼamubuulya, 41“Okwendya nkukoore ki?”
Nʼamwiramu, “Mukama, nkwendya ndibbulye.”
42OYesu nʼamukoba, “Libbulya; okwikiriza kwamu kukutambire.” 43Amangu ago nʼabonia nʼasengeerya oYesu, nakuwaisya oKanca. Abantu boona boona nibaakiboine, boona ni bawaisya oKanca.
Àwon tá yàn lọ́wọ́lọ́wọ́ báyìí:
Luka 18: RUULI-NYALA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Luka 18
18
Olufumo lwa namwandu nʼomulamuli
1OYesu nikwo okukobera abeegesebwa baamwe olufumo okubalanga nka nibalina okusabanga obutaiyisyaku. 2Nʼabakoba, “Omu kibuga ekimwei mwalumu omulamuli ataatiinanga Kanca gonze okufa oku bantu. 3Era waalowo onamwandu omu kibuga eyaizanga gyali nʼamusaba, ‘Ndamula nʼomunyanzugu wange.’”
4“Omulamuli nʼalwawo nacagaine okumulamula, niyamaare ni yeiramu nʼakoba, ‘Nebwenaabba ntatiina Kanca gonze okufa oku bantu, 5baitu olwa kungadya onamwandu oni kwangadirye namulamula alekere awo okungadya nakwizanga obutaiyisyaku.’”
6Omukama nʼaira nʼakoba, “Muwure omulamuli oyo atali wa mazima kyeyakoore. 7OKanca talilamula nʼamazima abakomye baamwe abamukungiira emisana nʼobwire? Alikeereerwa okubalamulamula? 8Nkambakobere alibalamula mangu. Baitu oMwana wa Muntu naliiza aliyaja okwikiriza oku nsi?”
Olufumo lwa Mufarisaayo nʼo musoloolya wa musolo
9Abo abeerowoozanga okubba abaikiriire era nibakugaya abantu abandi, oYesu nʼabakobera olufumo luni: 10“Abasaiza babiri baayabire omwiramyo okusaba, omwei yaali Mufarisaayo nʼowondi yaali musoroorya wa musolo. 11OMufarisaayo nʼayemeera ni yeesabira ati: ‘Kanca nkukwebalya kubba tindi nkʼabantu abandi, abanyagi, abagobya, abasiyani—gonze nkʼoni omusoroorya wa musolo. 12Nsiiba emirundi ebiri omu wiiki era mpeerya ekimwei kyaikumi oku buli kintu kyona kye ntunga.’”
13“Baitu omusoroorya wa musolo nʼayemeera niyeenagireku akabbanga. Natakusobola na kurola aiguru, baitu ni yeekubba omu kisubba nʼakoba ati, ‘Kanca, nsaasira nje omusiisi.’”
14“Kambakobere omusaiza oni yaireyo e waamwe ngʼali kusai omu maiso ga Kanca okukira odi owondi. Buli muntu eyeekulya alibundaazibwa, nʼoyo eyebundaaza alikulisibwa.”
OYesu akuweerya abaana abato omukisa
(Mat 19:13-15; Mak 10:13-16)
15Abantu ni bamuleetera nʼabaana abato okubakwataku. Abeegesebwa nibaakiboine ni babanenya. 16Baitu oYesu nʼayeta abaana abato nʼakoba, “Muleke abaana abato baize e gyendi, mutabagaana, kubba obukama bwa Kanca bwʼabo abaisana nka bani. 17Mazima nkubakobera, ataikiriza bukama bwa Kanca nkʼomwana omuto talibwingiramu.”
Omufuzi omuguuda
(Mat 19:16-30; Mak 10:17-31)
18Omufuzi omwei nʼamubuulya, “Mwegesya omusai, nkole ki okugweta obwomi obutawaawo?”
19OYesu nʼamwiramu, “Lwaki okunyeta omusai? Ndoowo musai okwiyaku oKanca yenkai. 20Amateeka ogamaite: ‘Otalisiyana, otaliita, otaliwangiirya mwiraawo, oitewo nʼomaawo obatangamu ekitiinisya.’#Kuz 20:12; Tek 5:16-20”
21Omusaiza nʼairamu, “Bini byona byona mbiikiriirye okuzwa omu buto bwange.”
22OYesu niyawuliire kini, nʼamukoba, “Ocabulwaku ekintu kimwei. Tunda ebyamu byona byona empiiya ozigabire abaseege, ofune obuguuda omwiguru. Ale oize onsengeerye.”
23Niyawuliire kini, nakwatibwa obujune kubba yaali muguuda muno. 24OYesu nʼamuroleera nʼamukoba, “Ka kizibu abaguuda okwingira omu bukama bwa Kanca! 25Kyangu munno onkaina okwakala omu kawulu ka nkinzo okusinga omuguuda okwingira omu bukama bwa Kanca.”
26Abaawuliire kini ni babuulya, “Obwote naani asobola okujunwa?”
27OYesu nʼairamu, “Ebitasoboka egiri abantu bisoboka egiri oKanca.”
28OPeetero nʼamukoba, “Twalekerewo ebyaiswe byona nitukusengeerya!”
29OYesu nabakoba, “Kambakobere amazima, ndoowo eyalekere eka yaamwe oba mukali oba mugande oba ababyaire baamwe oba abaana baamwe oku lwa bukama bwa Kanca 30atalifuna ebikusinga obwingi omu mulembe guni, nʼobwomi obutaliwaawo omu mulembe ogukwiza.”
OYesu akubaza omulundi ogwakasatu oku kufa kwamwe
(Mat 20:17-19; Mak 10:32-34)
31OYesu nʼairya eikumi nʼababiri oku ntando nʼabakoba, “Tukutembatemba okwaba e Yerusaalemu, ebya wandiikiibwe abalangi oku Mwana wa Muntu byona byona gye byaikiriira. 32Akwiza okuweebwayo egiri abanyamanga.#18:32 Abantu abatali Bayudaaya oba abo abataikiririza omu Yesu Kurisito. Balimukiina, bamuzume, bamucwere ebicwantai, balimusuunya#18:32 Omu Bbaibbuli ezimwei olunyiriri olwa 33 lutandikira mpani. ni bamwita. 33Baitu ekiro kyakasatu aliyimbooka.”
34Kini abeegesebwa tibaakyetejerye gonze akadooli. Amakulu gaakyo gaali gababbisirweku, era tibaamaite kye yabazangaku.
Omusabiirya omwigali wʼamaiso akulibbulya
(Mat 20:29-34; Mak 10:46-52)
35OYesu niyaigereire oYeriko, omwigali wa maiso yaali nʼaikare oku ntando wa luguudo nakusabiirya. 36Niyawuliire abantu nibakwakalawo, nʼabuulya kiki ekiriwo. 37Ni bamukoba, “OYesu oMunazaaleesi niye akwakala.”
38Nʼakokooma, “Yesu! OMwizukulu wa Dawudi, nkwatirwa ekisa!”
39Abaali nibeebembeire ni bamwamira, “Sirika.” Naye ye ni yeeyongera oku kokoomera kimwei, “OMwizukulu wa Dawudi, nkwatirwa ekisa!”
40OYesu nʼayemeera, nʼalagira bamumuleetere. Niyaigereire oYesu, nʼamubuulya, 41“Okwendya nkukoore ki?”
Nʼamwiramu, “Mukama, nkwendya ndibbulye.”
42OYesu nʼamukoba, “Libbulya; okwikiriza kwamu kukutambire.” 43Amangu ago nʼabonia nʼasengeerya oYesu, nakuwaisya oKanca. Abantu boona boona nibaakiboine, boona ni bawaisya oKanca.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀