Luka 19
19
OZaakayo omusoroorya wa musolo
1OYesu nʼaingira omu Yeriko, nʼatambula nʼakwakalamu. 2Omu Yeriko mwalimu omukulu wʼabasoroorya ba musolo, omuguuda, eyayetebwanga Zaakayo. 3OZaakayo yayenderye okubona oYesu baitu olwakubba yaali mumpi nʼatasobola olwʼabantu abanyamwingi. 4Awo nʼairuka ni yeebemberamu nʼatemba omusaale omusikamoowa leke amubone, anti oYesu yaali akutwalibwa muwanda ogwo.
5OYesu niyaikire oku musaale nʼarola aiguru nʼamukoba, “Zaakayo anukayo olwakubba ekiro kyaleero nteekerwe okucaalaku e waamu.” 6OZaakayo nʼanukayo mangu nʼamutangiira nʼokusemeerwa.
7Abantu boona boona nibaaboine kini ni batandika okwetongolola nti, “Ayabire okucaara omukoli wa bibbi.”
8OZaakayo nʼayemeera nʼakoba oMukama nti, “Mukama ekimwei ekyakabiri ekya itungo lyange nkwiza okukigabira abaseege. Era niwaabbaawo omuntu yeena yeena gwenagoberyeku ekintu kyona kyona, nkwiza kumuliyira emirundi enai.”
9OYesu nʼamukoba, “Ekyaleero okujunwa kwizire omweka gini, olwakubba omusaiza oni yeena mwana wa Ibbulaimu. 10Anti oMwana wa Muntu yaizire kutoolya nʼokujuna abaabuure.”
Olufumo lwa mina
(Mat 25:14-30)
11Nibaali bakuwuliirya bini nʼabakobera nʼolufumo, olwakubba yaali nʼali ampi nʼe Yerusaalemu era abantu nibakulowooza nti obukama bwa Kanca bukwaba kwizirawo. 12Nʼabakoba, “Omusaiza owa kitiinisya yayabire omu nsi eyʼalai okuweebwa obukama niyamala aire. 13Niyaali acaali kwaba, nʼayeta ikumi oku baweereza baamwe nʼabaweerya emina#19:13 Yenkananga empiiya ezisasulwa omukoli olwa kukoora ebiro ekikumi. ikumi. Nʼakoba, ‘Muzisuubulisye okwikya nindiira.’
14“Baitu olwakubba abantu ba mu nsi yaamwe baali bamunobere, ni batuma abakwenda nibakumulugaku enyuma leke bakobe nti, ‘Titukwendya musaiza oyo kubba mukama waiswe.’
15“Baitu nʼaweebwa obukama era nʼaira omu nsi yaamwe. Niyaire nʼayetesya abaweereza beyawaire empiiya leke abone nibaabba baazigobeseryemu.
16“Eyekereire nʼaiza nʼakoba, ‘Mukama wange, emina yaamu ebyaireyo ezindi ikumi.’ Omukama waamwe nʼamwiramu nti, 17‘Weebale, oli muweereza musai!’ Nka nʼobbaire omwesigwa oku kintu ekidooli, nkuwaire obuyinza okufuga ebibuga ikumi.
18“Owakabiri nʼaiza nʼakoba, ‘Mukama wange, emina yaamu ebyaireyo ezindi itaanu.’
19“Omukama waamwe nʼamwiramu, ‘Nkuwaire obuyinza okufuga ebibuga bitaanu.’
20“Nʼomuweereza owondi nʼaiza nʼakoba ati, ‘Mukama wange, emina yaamu ngini, nagiziringire omu kigoye ni ngibiika. 21Nakutiinire olwakubba ota musaiza muzubu. Otwala ekitali kyamu, okesa bwotasigire.’
22“Omukama waamwe nʼamwiramu, ‘Oli muweereza mubbi! Ebigambo byobazire nibyo nakusaaramu omusango. Niweetejerye ninta muzubu, nintwala ekitali kyange era ninkesa bwentasigire, 23lwaki empiiya zange otazibiikisirye basuubuli, ale ninakwire ni nzifuna nʼamagoba gazo?’
24“Omukama nikwo okukoba abaali nibeemereire awo nti, ‘Mumwiyeku emina yaamwe mugiweerye odi alina eikumi.’
25“Ni bamukoba, ‘Mukama waiswe ye asangirwete nalina emina eikumi!’
26“Nairamu ati, ‘Kambakobere nywe, buli alina alyongerwaku leke abbe na bingi muno. Baitu buli atalina, aliiyibwaku nʼakadooli kaali nako. 27Baitu abanyanzugu bange abo abatansiimire kubba mukama waabwe mubaleete mubaitire ani omu maiso gange.’”
OYesu akwingira nʼekitiinisya omu Yerusaalemu
(Mat 21:1-11; Mak 11:1-11; Yok 12:12-19)
28OYesu niyamaare okubaza kini ni yeebembera abeegesebwa baamwe okwaba e Yerusaalemu. 29Niyaigereire e Bbesifaage#19:29 Kyali kyalo ekyerereire olusozi lwa Oliva, emairo 2 oba kilomita 3 okuliga e Yerusaalemu. nʼe Bbesaniya, oku Lusozi olwetebwa olwa Oliva, nʼatuma babiri oku beegesebwa baamwe, nʼabakoba, 30“Mwabe oku kyalo ekiri omu maiso gaanywe, nimwabba mukukitandika muti, mukwiza okubona omwana wa ndogoyi abbwerwe, ataikaarwangaku muntu yeena yeena mumusandabule mumuleete ani. 31Omuntu yeena yeena niyababuulya nti, ‘Lwaki mukumusandabula?’ Mumukobe nti, ‘OMukama akumwendya.’”
32Abaatumiibwe ni baaba, ni basangambe ni kiri nka niyabakobere. 33Nibaali bakusandabula omwana wa ndogoyi abakama baamwe ni bababuulya, “Lwaki mu kusandabula omwana wa ndogoyi?”
34Ni bairamu nti, “OMukama akumwendya.”
35Ni bamuleeta egiri Yesu, ni bamwaliiraku engoye zaabwe ni baikalisyaku oYesu. 36Niyaali nakwaba, abantu ni baaliira engoye zaabwe omu muwanda.
37Niyaali naigereire e Yerusaalemu, nakusirimuka okuluga oku Lusozi lwa Oliva, ekibiina kyona ekya beegesebwa baamwe omu kusemereerwa okwingi ni bawaisya oKanca omu maraka agʼaiguru olwa byamaano byebaali baboine ni bakoba bati,
38“Awairwe omukisa oMukama akwizira omwibara lya Kanca!#Zab 118:26
Emirembe gibbe omwiguru nʼekitiinisya kibbe aiguru omuno!”
39Abamwei oku Bafarisaayo abaali omu kibiina ni bakoba oYesu nti, “Mwegesya, koba oku beegesebwa baamu, bakututokooteera!”
40OYesu nʼabairamu nti, “Kambakobere, nibaasirika amabbaale gaakokooma!”
OYesu akukungiraku oYerusaalemu
41Awo niyaali akwigeera ampi nʼe Yerusaalemu, nʼabona ekibuga nʼakikungiraku nakukirumiriirwa, 42nʼakoba ati, “Akiri, we omu boona boona, ekiro kyaleero niwaakumaite ekireeta emirembe! Baitu ati kikubbisirweku. 43Ebiro birikwizira abanyanzugu baamu nibalikukubbaku olukorogo okukweruguurya, leke bakufundye buli rubaju. 44Balikwendawo nʼabantu baamu okwikira kimwei okwitakali. Tibalireka ibbaale niliri oku riira lyalyo, olwakubba tiweetejerye biro oKanca bye yaiziiremu okukujuna.”
OYesu akupeka abakutundira omwIramyo
(Mat 21:12-17; Mak 11:15-19; Yok 2:13-22)
45Awo nʼaingira omu mbuga ya iramyo, nʼatandika okupekamu abaali bakutundiramu. 46Nʼabakoba, “Kyawandiikiibwe kiti, ‘Enyumba yange yaakubbanga nyumba yakusabiramu,’#Isa 56:7 baitu nywe mugifoire, ‘Mbiso ya banyagi.’#Yer 7:11”
47Buli kiro yayegesyanga omwiramyo, baitu abakabona abakulu, abeegesya bʼamateeka nʼabakulu ba iyanga ni baswaganga amagezi agakumwita, 48baitu ni batagafuna olwakubba abantu boona boona baataire eigani oku bigambo byamwe.
Àwon tá yàn lọ́wọ́lọ́wọ́ báyìí:
Luka 19: RUULI-NYALA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Luka 19
19
OZaakayo omusoroorya wa musolo
1OYesu nʼaingira omu Yeriko, nʼatambula nʼakwakalamu. 2Omu Yeriko mwalimu omukulu wʼabasoroorya ba musolo, omuguuda, eyayetebwanga Zaakayo. 3OZaakayo yayenderye okubona oYesu baitu olwakubba yaali mumpi nʼatasobola olwʼabantu abanyamwingi. 4Awo nʼairuka ni yeebemberamu nʼatemba omusaale omusikamoowa leke amubone, anti oYesu yaali akutwalibwa muwanda ogwo.
5OYesu niyaikire oku musaale nʼarola aiguru nʼamukoba, “Zaakayo anukayo olwakubba ekiro kyaleero nteekerwe okucaalaku e waamu.” 6OZaakayo nʼanukayo mangu nʼamutangiira nʼokusemeerwa.
7Abantu boona boona nibaaboine kini ni batandika okwetongolola nti, “Ayabire okucaara omukoli wa bibbi.”
8OZaakayo nʼayemeera nʼakoba oMukama nti, “Mukama ekimwei ekyakabiri ekya itungo lyange nkwiza okukigabira abaseege. Era niwaabbaawo omuntu yeena yeena gwenagoberyeku ekintu kyona kyona, nkwiza kumuliyira emirundi enai.”
9OYesu nʼamukoba, “Ekyaleero okujunwa kwizire omweka gini, olwakubba omusaiza oni yeena mwana wa Ibbulaimu. 10Anti oMwana wa Muntu yaizire kutoolya nʼokujuna abaabuure.”
Olufumo lwa mina
(Mat 25:14-30)
11Nibaali bakuwuliirya bini nʼabakobera nʼolufumo, olwakubba yaali nʼali ampi nʼe Yerusaalemu era abantu nibakulowooza nti obukama bwa Kanca bukwaba kwizirawo. 12Nʼabakoba, “Omusaiza owa kitiinisya yayabire omu nsi eyʼalai okuweebwa obukama niyamala aire. 13Niyaali acaali kwaba, nʼayeta ikumi oku baweereza baamwe nʼabaweerya emina#19:13 Yenkananga empiiya ezisasulwa omukoli olwa kukoora ebiro ekikumi. ikumi. Nʼakoba, ‘Muzisuubulisye okwikya nindiira.’
14“Baitu olwakubba abantu ba mu nsi yaamwe baali bamunobere, ni batuma abakwenda nibakumulugaku enyuma leke bakobe nti, ‘Titukwendya musaiza oyo kubba mukama waiswe.’
15“Baitu nʼaweebwa obukama era nʼaira omu nsi yaamwe. Niyaire nʼayetesya abaweereza beyawaire empiiya leke abone nibaabba baazigobeseryemu.
16“Eyekereire nʼaiza nʼakoba, ‘Mukama wange, emina yaamu ebyaireyo ezindi ikumi.’ Omukama waamwe nʼamwiramu nti, 17‘Weebale, oli muweereza musai!’ Nka nʼobbaire omwesigwa oku kintu ekidooli, nkuwaire obuyinza okufuga ebibuga ikumi.
18“Owakabiri nʼaiza nʼakoba, ‘Mukama wange, emina yaamu ebyaireyo ezindi itaanu.’
19“Omukama waamwe nʼamwiramu, ‘Nkuwaire obuyinza okufuga ebibuga bitaanu.’
20“Nʼomuweereza owondi nʼaiza nʼakoba ati, ‘Mukama wange, emina yaamu ngini, nagiziringire omu kigoye ni ngibiika. 21Nakutiinire olwakubba ota musaiza muzubu. Otwala ekitali kyamu, okesa bwotasigire.’
22“Omukama waamwe nʼamwiramu, ‘Oli muweereza mubbi! Ebigambo byobazire nibyo nakusaaramu omusango. Niweetejerye ninta muzubu, nintwala ekitali kyange era ninkesa bwentasigire, 23lwaki empiiya zange otazibiikisirye basuubuli, ale ninakwire ni nzifuna nʼamagoba gazo?’
24“Omukama nikwo okukoba abaali nibeemereire awo nti, ‘Mumwiyeku emina yaamwe mugiweerye odi alina eikumi.’
25“Ni bamukoba, ‘Mukama waiswe ye asangirwete nalina emina eikumi!’
26“Nairamu ati, ‘Kambakobere nywe, buli alina alyongerwaku leke abbe na bingi muno. Baitu buli atalina, aliiyibwaku nʼakadooli kaali nako. 27Baitu abanyanzugu bange abo abatansiimire kubba mukama waabwe mubaleete mubaitire ani omu maiso gange.’”
OYesu akwingira nʼekitiinisya omu Yerusaalemu
(Mat 21:1-11; Mak 11:1-11; Yok 12:12-19)
28OYesu niyamaare okubaza kini ni yeebembera abeegesebwa baamwe okwaba e Yerusaalemu. 29Niyaigereire e Bbesifaage#19:29 Kyali kyalo ekyerereire olusozi lwa Oliva, emairo 2 oba kilomita 3 okuliga e Yerusaalemu. nʼe Bbesaniya, oku Lusozi olwetebwa olwa Oliva, nʼatuma babiri oku beegesebwa baamwe, nʼabakoba, 30“Mwabe oku kyalo ekiri omu maiso gaanywe, nimwabba mukukitandika muti, mukwiza okubona omwana wa ndogoyi abbwerwe, ataikaarwangaku muntu yeena yeena mumusandabule mumuleete ani. 31Omuntu yeena yeena niyababuulya nti, ‘Lwaki mukumusandabula?’ Mumukobe nti, ‘OMukama akumwendya.’”
32Abaatumiibwe ni baaba, ni basangambe ni kiri nka niyabakobere. 33Nibaali bakusandabula omwana wa ndogoyi abakama baamwe ni bababuulya, “Lwaki mu kusandabula omwana wa ndogoyi?”
34Ni bairamu nti, “OMukama akumwendya.”
35Ni bamuleeta egiri Yesu, ni bamwaliiraku engoye zaabwe ni baikalisyaku oYesu. 36Niyaali nakwaba, abantu ni baaliira engoye zaabwe omu muwanda.
37Niyaali naigereire e Yerusaalemu, nakusirimuka okuluga oku Lusozi lwa Oliva, ekibiina kyona ekya beegesebwa baamwe omu kusemereerwa okwingi ni bawaisya oKanca omu maraka agʼaiguru olwa byamaano byebaali baboine ni bakoba bati,
38“Awairwe omukisa oMukama akwizira omwibara lya Kanca!#Zab 118:26
Emirembe gibbe omwiguru nʼekitiinisya kibbe aiguru omuno!”
39Abamwei oku Bafarisaayo abaali omu kibiina ni bakoba oYesu nti, “Mwegesya, koba oku beegesebwa baamu, bakututokooteera!”
40OYesu nʼabairamu nti, “Kambakobere, nibaasirika amabbaale gaakokooma!”
OYesu akukungiraku oYerusaalemu
41Awo niyaali akwigeera ampi nʼe Yerusaalemu, nʼabona ekibuga nʼakikungiraku nakukirumiriirwa, 42nʼakoba ati, “Akiri, we omu boona boona, ekiro kyaleero niwaakumaite ekireeta emirembe! Baitu ati kikubbisirweku. 43Ebiro birikwizira abanyanzugu baamu nibalikukubbaku olukorogo okukweruguurya, leke bakufundye buli rubaju. 44Balikwendawo nʼabantu baamu okwikira kimwei okwitakali. Tibalireka ibbaale niliri oku riira lyalyo, olwakubba tiweetejerye biro oKanca bye yaiziiremu okukujuna.”
OYesu akupeka abakutundira omwIramyo
(Mat 21:12-17; Mak 11:15-19; Yok 2:13-22)
45Awo nʼaingira omu mbuga ya iramyo, nʼatandika okupekamu abaali bakutundiramu. 46Nʼabakoba, “Kyawandiikiibwe kiti, ‘Enyumba yange yaakubbanga nyumba yakusabiramu,’#Isa 56:7 baitu nywe mugifoire, ‘Mbiso ya banyagi.’#Yer 7:11”
47Buli kiro yayegesyanga omwiramyo, baitu abakabona abakulu, abeegesya bʼamateeka nʼabakulu ba iyanga ni baswaganga amagezi agakumwita, 48baitu ni batagafuna olwakubba abantu boona boona baataire eigani oku bigambo byamwe.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀