Luka 16
16
Omubiiki omugobya
1OYesu nʼakoba abeegesebwa baamwe nti, “Waaliwo omusaiza omuguuda eyaalina omubiiki waamwe. Omubiiki oni ni bamuloopa olwa kusiisasiisa ebyamubiikisiibwe. 2Omubiikisya waamwe nʼamwetesya nʼamubuulya nti, ‘Bini bye nkukuwuuraku biri bityai? Mbaara bye nyakubiikisirye olwakubba tocasobola kubba mubiiki wange.’”
3“Omubiiki nʼakoba omu mwoyo gwamwe, ‘Ati nkole ki? Omukama wange akwaba okuntoolaku omulumu gwange, amaani agakuluma tindinago nʼokukodoomeerya kukunkwatisya ensoni. 4Ati kye nakola, leke abantu bantangiire omu maka gaabwe nibampekere oku mulimu, nkikengere.’”
5“Nʼayetesya buli omwei omukama waamwe gwe yatonganga; nʼabuulya eyasookere nti, ‘Omukama wange akukutonga ki?’”
6“Eyatongebwanga nʼairamu nti, ‘Ebidomola bya mafuta kikumi munsanju nabitaanu.’#16:6 Zini nizo elita 3500, buli kidomola kibbaamu elita 20. Omubiiki nʼamukoba, ‘Toola endagaano yaamu oyabe mangu owandiike kinaanai namusanju nʼekitundu.’”
7“Nʼabuulya owondi, ‘Wete okutongebwaki?’
“Oyo nʼamwiramu, ‘Ebigega bya ŋaano lukumi.’#16:7 Ekigega ekimwei kyenkanankananga ekilo 10, ebigega 1000 nizo kilo 10000, ne bigega 800 nizo kilo 8000.
“Omubiiki nʼamukoba, ‘Toola endagaano yaamu owandiike lunaanai.’”
8“Omuguuda nʼatenda omubiiki oni omugobya olwʼamagezi ge yasaare.” OYesu nʼakoba, Kini kikulanga nti abantu aba nsi babba bagezigezi omu nkolagana yaabwe okukira abantu aba isana. 9Kambakobere, mukolesye eitungo lya ku nsi okwenywanira, ale nilyalibba liweirewo, mutangiirwe omu maka gaanywe agataliwaawo.
10Akabba omwesigwa oku bidooli nʼoku bingi abba mwesigwa. Nʼoyo atabba mwesigwa oku bidooli nʼoku bingi tabba mwesigwa. 11Nʼolwʼekyo, nimwabba mutabbaire beesigwa omu nkwata ya itungo lya ku nsi, naani alibeesiga oku buguuda obwenyenere? 12Era nimutaabbe beesigwa oku bintu ebya muntu owondi naani alibaweerya ebyanywe.
13“Ndoowo muweereza asobola okuweereza abakama babiri. Akiri agaya era nʼanoba omwei, nʼayendya era ni yeemaara oku wondi. Timuyinza kwendya bikali bibiri oKanca nʼeitungo lya nsi.”
14ABafarisaayo abaayendyanga eitungo lya nsi nibaawuliire bini ni bamuseka. 15Ye nʼabakoba, “Nywe muli bantu abalanga abandi nti mwikiriire, baitu oKanca amaite emitima gyanywe. Abantu kye batumbya, omu maiso ga Kanca kibba kibbi.
Amateeka ga Musa nʼobukama bwa Kanca
16“Amateeka ga Musa nʼebigambo ebyawandiikiibwe abalangi byalangiriirwe okwikya omu biro bya Yokaana oMubatiza. Okutandikira omu biro ebyo, Amawuro Agasai aga bukama bwa Kanca gakubuulirwa era buli omwei akwekamba okubwingira. 17Kyangu ensi nʼeiguru okuwaawo okusinga akatundu ka nyuguta akamwei okuluga omu mateeka.
18“Omuntu apeka omukali waamwe nʼabandula owondi abba asiiyaine, nʼomusaiza abandula omukali eyapekerwe abba asiiyaine.
Omusaiza omuguuda nʼoLazaalo
19“Waalowo omusaiza omuguuda eyazwalanga engoye za kikingo nʼeza liiri era eyaabbanga omu bwomi bwa kwejalabya. 20Oku mulyango gwamwe waabbangawo omusaiza omuseege eyaali naizwire ebyoya, eyayetebwanga Lazaalo. 21OLazaalo yeegombanga okulya obukunkumukire okuluga oku meeza ya muguuda, nʼembwene zaizanga ni zikombeera ebyoya byamwe.
22“Ebiro nibyaikire omusaiza omuseege nʼafa, abamalaika ni batwala omwoyo gwamwe okubba amwei nʼoIbbulaimu. Omuguuda yeena nʼafa nʼaziikibwa. 23Niyaali omu Geyeena omu kulumwa okwingi nʼaimula amaiso, nʼabona oIbbulaimu, oLazaalo namuli e rubaju. 24Namwamiira nakukoba ati, ‘Ibbulaimu, ite wange nkwatirwa ekisa otume oLazaalo ainike akasonga ka kyala kyamwe omu maizi leke awoleerye orulimi lwange, olwakubba nkubabiirwa omu muuro guni.’”
25“OIbbulaimu nʼairamu, ‘Mwana wange, Izukira niwaali nocaali mwomi nʼotunga ebyamu ebisai baitu oLazaalo nʼabona ebibbi. Ati ye akusemereerwa, we okubabiirwa. 26Ekindi akati waiswe naawe watairwewo olwina abantu batasala kuliga eni kwiza eyo, oba okuzwa eyo okwiza egye tuli.’”
27“Nʼairamu ati, ‘Itewange, nkwesengereirye tuma oLazaalo egiri aba kika kyange, 28olwakubba waliyo abaganda bange bataanu. Abalabule boonate bataliiza mu kifo kini ekya bulumi obwingi.’”
29“OIbbulaimu nʼairamu, ‘Balina oMusa nʼabalangi, babawuliirye.’
30“Omuguuda nʼakoba nti, ‘Bbe, itewange Ibbulaimu, omwei oku bafu niyayaba gyebali bakwiza kwenenya.’
31“OIbbulaimu nʼamukoba, ‘Nibaabba batawura Musa nʼabalangi bazira kwikiriza gonze omuntu niyayimboka.’”
Àwon tá yàn lọ́wọ́lọ́wọ́ báyìí:
Luka 16: RUULI-NYALA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Luka 16
16
Omubiiki omugobya
1OYesu nʼakoba abeegesebwa baamwe nti, “Waaliwo omusaiza omuguuda eyaalina omubiiki waamwe. Omubiiki oni ni bamuloopa olwa kusiisasiisa ebyamubiikisiibwe. 2Omubiikisya waamwe nʼamwetesya nʼamubuulya nti, ‘Bini bye nkukuwuuraku biri bityai? Mbaara bye nyakubiikisirye olwakubba tocasobola kubba mubiiki wange.’”
3“Omubiiki nʼakoba omu mwoyo gwamwe, ‘Ati nkole ki? Omukama wange akwaba okuntoolaku omulumu gwange, amaani agakuluma tindinago nʼokukodoomeerya kukunkwatisya ensoni. 4Ati kye nakola, leke abantu bantangiire omu maka gaabwe nibampekere oku mulimu, nkikengere.’”
5“Nʼayetesya buli omwei omukama waamwe gwe yatonganga; nʼabuulya eyasookere nti, ‘Omukama wange akukutonga ki?’”
6“Eyatongebwanga nʼairamu nti, ‘Ebidomola bya mafuta kikumi munsanju nabitaanu.’#16:6 Zini nizo elita 3500, buli kidomola kibbaamu elita 20. Omubiiki nʼamukoba, ‘Toola endagaano yaamu oyabe mangu owandiike kinaanai namusanju nʼekitundu.’”
7“Nʼabuulya owondi, ‘Wete okutongebwaki?’
“Oyo nʼamwiramu, ‘Ebigega bya ŋaano lukumi.’#16:7 Ekigega ekimwei kyenkanankananga ekilo 10, ebigega 1000 nizo kilo 10000, ne bigega 800 nizo kilo 8000.
“Omubiiki nʼamukoba, ‘Toola endagaano yaamu owandiike lunaanai.’”
8“Omuguuda nʼatenda omubiiki oni omugobya olwʼamagezi ge yasaare.” OYesu nʼakoba, Kini kikulanga nti abantu aba nsi babba bagezigezi omu nkolagana yaabwe okukira abantu aba isana. 9Kambakobere, mukolesye eitungo lya ku nsi okwenywanira, ale nilyalibba liweirewo, mutangiirwe omu maka gaanywe agataliwaawo.
10Akabba omwesigwa oku bidooli nʼoku bingi abba mwesigwa. Nʼoyo atabba mwesigwa oku bidooli nʼoku bingi tabba mwesigwa. 11Nʼolwʼekyo, nimwabba mutabbaire beesigwa omu nkwata ya itungo lya ku nsi, naani alibeesiga oku buguuda obwenyenere? 12Era nimutaabbe beesigwa oku bintu ebya muntu owondi naani alibaweerya ebyanywe.
13“Ndoowo muweereza asobola okuweereza abakama babiri. Akiri agaya era nʼanoba omwei, nʼayendya era ni yeemaara oku wondi. Timuyinza kwendya bikali bibiri oKanca nʼeitungo lya nsi.”
14ABafarisaayo abaayendyanga eitungo lya nsi nibaawuliire bini ni bamuseka. 15Ye nʼabakoba, “Nywe muli bantu abalanga abandi nti mwikiriire, baitu oKanca amaite emitima gyanywe. Abantu kye batumbya, omu maiso ga Kanca kibba kibbi.
Amateeka ga Musa nʼobukama bwa Kanca
16“Amateeka ga Musa nʼebigambo ebyawandiikiibwe abalangi byalangiriirwe okwikya omu biro bya Yokaana oMubatiza. Okutandikira omu biro ebyo, Amawuro Agasai aga bukama bwa Kanca gakubuulirwa era buli omwei akwekamba okubwingira. 17Kyangu ensi nʼeiguru okuwaawo okusinga akatundu ka nyuguta akamwei okuluga omu mateeka.
18“Omuntu apeka omukali waamwe nʼabandula owondi abba asiiyaine, nʼomusaiza abandula omukali eyapekerwe abba asiiyaine.
Omusaiza omuguuda nʼoLazaalo
19“Waalowo omusaiza omuguuda eyazwalanga engoye za kikingo nʼeza liiri era eyaabbanga omu bwomi bwa kwejalabya. 20Oku mulyango gwamwe waabbangawo omusaiza omuseege eyaali naizwire ebyoya, eyayetebwanga Lazaalo. 21OLazaalo yeegombanga okulya obukunkumukire okuluga oku meeza ya muguuda, nʼembwene zaizanga ni zikombeera ebyoya byamwe.
22“Ebiro nibyaikire omusaiza omuseege nʼafa, abamalaika ni batwala omwoyo gwamwe okubba amwei nʼoIbbulaimu. Omuguuda yeena nʼafa nʼaziikibwa. 23Niyaali omu Geyeena omu kulumwa okwingi nʼaimula amaiso, nʼabona oIbbulaimu, oLazaalo namuli e rubaju. 24Namwamiira nakukoba ati, ‘Ibbulaimu, ite wange nkwatirwa ekisa otume oLazaalo ainike akasonga ka kyala kyamwe omu maizi leke awoleerye orulimi lwange, olwakubba nkubabiirwa omu muuro guni.’”
25“OIbbulaimu nʼairamu, ‘Mwana wange, Izukira niwaali nocaali mwomi nʼotunga ebyamu ebisai baitu oLazaalo nʼabona ebibbi. Ati ye akusemereerwa, we okubabiirwa. 26Ekindi akati waiswe naawe watairwewo olwina abantu batasala kuliga eni kwiza eyo, oba okuzwa eyo okwiza egye tuli.’”
27“Nʼairamu ati, ‘Itewange, nkwesengereirye tuma oLazaalo egiri aba kika kyange, 28olwakubba waliyo abaganda bange bataanu. Abalabule boonate bataliiza mu kifo kini ekya bulumi obwingi.’”
29“OIbbulaimu nʼairamu, ‘Balina oMusa nʼabalangi, babawuliirye.’
30“Omuguuda nʼakoba nti, ‘Bbe, itewange Ibbulaimu, omwei oku bafu niyayaba gyebali bakwiza kwenenya.’
31“OIbbulaimu nʼamukoba, ‘Nibaabba batawura Musa nʼabalangi bazira kwikiriza gonze omuntu niyayimboka.’”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀