Luka 15
15
Olufumo lwa ntaama eyabuure
(Mat 18:12-14)
1Ekiro kimwei abasoroorya ba musolo baingi nʼabasiisi baakumbaine okuwuliirya oYesu. 2Baitu aBafarisaayo nʼabeegesya bʼamateeka nibaakiboine, ni bagongoizoka bati, “Oni aigerya abasiisi, nʼalya nabo!”
3OYesu nikwo okubasubiira olufumo luni: 4“Omwei oku nywe nabba nʼentaama ekikumi baitu omwei oku zo nabula, taleka ekyendai nomwendai omu kisiko asai nʼayaba okuswaga abuure, okwikya namubona? 5Namubona, amuta okwibega nʼamutwala eka nasemereirwe. 6Naika eka ayeta abanywani baamwe nʼabataayi baamwe nʼabakoba ati, ‘Musagaruke nanje; ontaama wange eyaali abuure mmuboine.’ 7Kambakobere, omu ngeri nigyo gimwei, wabbaawo okusemereerwa kwingi omwiguru olwa musiisi omwei eyeenenya, okukira abantu ekyendai nomwendai abaikiriire abatataka kwenenya.
Olufumo lwa rupiiya eyabuure
8“Oba mukali ki abba nʼerupiiya eikumi nʼabulwaku egimwei, atakoleerya taala, nʼayeya enyumba, nʼaswaganiirya okwikya nagibona? 9Yeena nʼagibona, ayeta abanywani nʼabataayi baamwe nʼabakoba, ‘Munsemereerweku; erupiiya yange eyaali nebuure ngiboine.’ 10Kambakobere omu ngeri nigyo gimwei, oKanca nʼabamalaika baamwe basemereerwa omusiisi omwei eyeenenya.”
Olufumo lwa mwana eyabuure
11OYesu nʼabakoberate olufumo olundi, “Waalowo omusaiza eyaalina abataani baamwe babiri. 12Omuto nʼakoba oitewaamwe ati, ‘Taata, mpeerya omugabo gwa bugwetwa bwange.’ Oitewaabwe nʼababaganiryamu ebintu byamwe.”
13“Niwaakaire ebiro bidooli, omwana omuto nʼakumbania ebintu byamwe byona, nʼayaba omu nsi e yʼalai. Nʼasiisirasiisira eyo ebintu byamwe omu ngeso ezibbi. 14Niyabimaarewo byona, ni wagwa enzala gingi omu nsi egyo yoona yoona, nʼatandika okutaaga olwa nzala. 15Nikwo okwaba okukoora omuntu omu nsi egyo eyamuwaire okuliisyanga emberege omu iriisiryo lyamwe. 16Yayendyanga okulya ebimere emberege bye zaalyanga, baitu niwatalowo akubimuweerya.”
17“Baitu niyairemu akabugezi nʼakoba, ‘Abakoli ba itewange baingai abalya emere ni baikuta nʼesaagawo, baitu nje nkufeera ani enzala! 18Nkwiza okwimuka nyireyo e wa itewange mukobe: Itewange nsiisire egiri oKanca nʼomu maiso gaamu. 19Tincalooma na kwetebwa mwana waamu; nfoola nkʼomwei oku bakoli baamu.’ 20Nikwo okwimuka nʼairayo e wa itewaamwe.”
“Niyaali nʼacaali alaiku oitewaamwe nʼamukwatirwa ekisa, nʼamusaasira, nʼairuka, nʼayaba gyali, nʼamugwa omu kisubba.
21“Baitu omwana nʼamukoba, ‘Itewange nsiisire egiri oKanca nʼegiri we. Tincalooma kwetebwa mwana waamu.’
22“Baitu oitewaamwe nʼakoba abaweereza baamwe ati, ‘Mulabukeku! Muleete ekizwalibwa ekikusinga obusai, mukimuzwalikisye. Mumuzwalikisye empeta nʼenkaito. 23Muleete ondaawo omunoli mumwite leke tusumbe obugenyi; tusemereerwe. 24Kubba omwana wange yaali nafiire baitu ati ayimbookere; yaali nabuure baitu ati azyawukire.’ Obwo ni batandika okusemereerwa.”
25“Omwana omukulu yaali nacaali ku musiri. Niyaali nakwira, nali ampi okwika eka, nʼawura engoma nʼebyembo nibakubina. 26Nikwo okweta omwei oku baweereza nʼamubuulya ekiri eka. 27Ye nʼamwiramu, ‘Omugandaawo aizire, nʼoiteewo amwitiire ondaawo omunoli olwakubba aire nali mwomi kusai.’”
28“Omwana omukulu nʼagongera nʼagaana okwingira. Nikyo oitewaamwe yawulukiire enzai nʼamwesengeerya aingire. 29Baitu omwana nʼamukoba, ‘Nje mbaire naawe emyaka gini gyona ninkukuweereza era tingaanangaku gonze omulundi ogumwei kyonkoba. Era mazima tompeeryangaku gonze akabbuli okukalya nʼokusemereerwaku nʼabanywani bange. 30Baitu omwana waamu oni eyasiisiresiisire ebintu byamwe omu bamalaaya naire, omwitiire ondaawo omunoli!’
31“Oitewaamwe nʼamukoba, ‘Mwana wange, bulinca obba nanje, nʼeitungo lyona lyona lyendina lyamu. 32Kisemeire okukola obugenyi buni nʼokusemeerwa, kubba omugandaawo eyaali afiire ati ayimbookere; eyaali abuure azyawukire.’”
Àwon tá yàn lọ́wọ́lọ́wọ́ báyìí:
Luka 15: RUULI-NYALA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Luka 15
15
Olufumo lwa ntaama eyabuure
(Mat 18:12-14)
1Ekiro kimwei abasoroorya ba musolo baingi nʼabasiisi baakumbaine okuwuliirya oYesu. 2Baitu aBafarisaayo nʼabeegesya bʼamateeka nibaakiboine, ni bagongoizoka bati, “Oni aigerya abasiisi, nʼalya nabo!”
3OYesu nikwo okubasubiira olufumo luni: 4“Omwei oku nywe nabba nʼentaama ekikumi baitu omwei oku zo nabula, taleka ekyendai nomwendai omu kisiko asai nʼayaba okuswaga abuure, okwikya namubona? 5Namubona, amuta okwibega nʼamutwala eka nasemereirwe. 6Naika eka ayeta abanywani baamwe nʼabataayi baamwe nʼabakoba ati, ‘Musagaruke nanje; ontaama wange eyaali abuure mmuboine.’ 7Kambakobere, omu ngeri nigyo gimwei, wabbaawo okusemereerwa kwingi omwiguru olwa musiisi omwei eyeenenya, okukira abantu ekyendai nomwendai abaikiriire abatataka kwenenya.
Olufumo lwa rupiiya eyabuure
8“Oba mukali ki abba nʼerupiiya eikumi nʼabulwaku egimwei, atakoleerya taala, nʼayeya enyumba, nʼaswaganiirya okwikya nagibona? 9Yeena nʼagibona, ayeta abanywani nʼabataayi baamwe nʼabakoba, ‘Munsemereerweku; erupiiya yange eyaali nebuure ngiboine.’ 10Kambakobere omu ngeri nigyo gimwei, oKanca nʼabamalaika baamwe basemereerwa omusiisi omwei eyeenenya.”
Olufumo lwa mwana eyabuure
11OYesu nʼabakoberate olufumo olundi, “Waalowo omusaiza eyaalina abataani baamwe babiri. 12Omuto nʼakoba oitewaamwe ati, ‘Taata, mpeerya omugabo gwa bugwetwa bwange.’ Oitewaabwe nʼababaganiryamu ebintu byamwe.”
13“Niwaakaire ebiro bidooli, omwana omuto nʼakumbania ebintu byamwe byona, nʼayaba omu nsi e yʼalai. Nʼasiisirasiisira eyo ebintu byamwe omu ngeso ezibbi. 14Niyabimaarewo byona, ni wagwa enzala gingi omu nsi egyo yoona yoona, nʼatandika okutaaga olwa nzala. 15Nikwo okwaba okukoora omuntu omu nsi egyo eyamuwaire okuliisyanga emberege omu iriisiryo lyamwe. 16Yayendyanga okulya ebimere emberege bye zaalyanga, baitu niwatalowo akubimuweerya.”
17“Baitu niyairemu akabugezi nʼakoba, ‘Abakoli ba itewange baingai abalya emere ni baikuta nʼesaagawo, baitu nje nkufeera ani enzala! 18Nkwiza okwimuka nyireyo e wa itewange mukobe: Itewange nsiisire egiri oKanca nʼomu maiso gaamu. 19Tincalooma na kwetebwa mwana waamu; nfoola nkʼomwei oku bakoli baamu.’ 20Nikwo okwimuka nʼairayo e wa itewaamwe.”
“Niyaali nʼacaali alaiku oitewaamwe nʼamukwatirwa ekisa, nʼamusaasira, nʼairuka, nʼayaba gyali, nʼamugwa omu kisubba.
21“Baitu omwana nʼamukoba, ‘Itewange nsiisire egiri oKanca nʼegiri we. Tincalooma kwetebwa mwana waamu.’
22“Baitu oitewaamwe nʼakoba abaweereza baamwe ati, ‘Mulabukeku! Muleete ekizwalibwa ekikusinga obusai, mukimuzwalikisye. Mumuzwalikisye empeta nʼenkaito. 23Muleete ondaawo omunoli mumwite leke tusumbe obugenyi; tusemereerwe. 24Kubba omwana wange yaali nafiire baitu ati ayimbookere; yaali nabuure baitu ati azyawukire.’ Obwo ni batandika okusemereerwa.”
25“Omwana omukulu yaali nacaali ku musiri. Niyaali nakwira, nali ampi okwika eka, nʼawura engoma nʼebyembo nibakubina. 26Nikwo okweta omwei oku baweereza nʼamubuulya ekiri eka. 27Ye nʼamwiramu, ‘Omugandaawo aizire, nʼoiteewo amwitiire ondaawo omunoli olwakubba aire nali mwomi kusai.’”
28“Omwana omukulu nʼagongera nʼagaana okwingira. Nikyo oitewaamwe yawulukiire enzai nʼamwesengeerya aingire. 29Baitu omwana nʼamukoba, ‘Nje mbaire naawe emyaka gini gyona ninkukuweereza era tingaanangaku gonze omulundi ogumwei kyonkoba. Era mazima tompeeryangaku gonze akabbuli okukalya nʼokusemereerwaku nʼabanywani bange. 30Baitu omwana waamu oni eyasiisiresiisire ebintu byamwe omu bamalaaya naire, omwitiire ondaawo omunoli!’
31“Oitewaamwe nʼamukoba, ‘Mwana wange, bulinca obba nanje, nʼeitungo lyona lyona lyendina lyamu. 32Kisemeire okukola obugenyi buni nʼokusemeerwa, kubba omugandaawo eyaali afiire ati ayimbookere; eyaali abuure azyawukire.’”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀