Luka 14
14
Yesu okutamba omusaiza eyazimbagataine
1Ekiro kya Sabbiiti kimwei oYesu niyayabire okulya omu maka ga mukulu wʼaBafarisaayo, abantu abaalowo ni bamuwanga amaiso. 2Omu maiso ga Yesu waalowo omusaiza eyaali azimbagataine emikono nʼamagulu. 3OYesu nʼabuulya aBafarisaayo nʼabeeteja bʼamateeka, “Omu mateeka kiikirizibwa okutamba oku Sabbiiti kanda bbe?” 4Nibataamwiremu kigambo, oYesu nʼakwata oku musaiza nʼamutamba nʼamulaga.
5Ye nikwo okubabuulya nti, “Naani oku nywe omwana waamwe oba ondaawo waamwe nagwa omwizuba oku Sabbiiti ataimukiramu nʼamutoolamu?” 6Mwona pai tibaamwiremu.
Okwedendeeka oku bugenyi
7OYesu niyaboine abagenyi engeri gye beekomyangamu ebifo ebya kitiinisya oku bugenyi, nʼabakobera olufumo luni: 8“Nibakwetanga oku bugenyi bwa kuswera, toikalanga mu bifo kya kitiinisya, kubba omuntu akukusinga ekitiinisya ayinza okubba nga yayeteibwe. 9Naika, eyabacalisirye mukali babiri aliiza nʼakukoba, ‘Ligira oni aikaare omu kifo mwoli.’ Olikirugamu nʼamansoninsoni nʼoyaba nʼoikaara omu kifo ekya nnyuma. 10We noyetebwanga oku bugenyi bwa kuswera, oikaaranga nnyuma okwikya omukama wa bugenyi naliiza, nʼakukoba, ‘Munywani wange, iza oikale omu ntebe eya kitiinisya.’ Obwo olitunga ekitiinisya omu bagenyi abairaawo boona. 11Buli muntu eyeekulya alidendeekebwa, nʼoyo eyeedendeeka, alikulisibwa.”
12Era oYesu nʼakoba eyamucalisirye ati, “Nosumbanga ekyamisana gonze ekyaigolo, toyetanga bakaagwa gonze bagandaabo, gonze aba kika kyamu, gonze aba ku mucaamu abaguuda; kubba nʼobeeta, boona andaake bakwete obwo obbe nosaswirwe. 13Baitu we nosumbanga obugenyi, oyetanga abaseege, enzingo, abalema, abaigali ba maiso, 14leke otunge omukisa. Gonze nga bo tibasobola kukusasula, oKanca alikusasula oku kuyimbooka kwa baikiriire.”
Olufumo lwa bugenyi obwa maani obwagaanibwe
(Mat 22:1-10)
15Omwei oku bagenyi abaali oku kiibulo niyawuliire kini, nʼakoba oYesu, “Ka yeesiimire oyo alibba oku bugenyi omu bukama bwa Kanca.”
16OYesu nʼamwiramu ati, “Waalowo omusaiza eyateekaniize obugenyi obukooto, nʼayeta abagenyi baingi. 17Obwire bwa bugenyi nibwaikire, nʼatuma omuweereza waamwe okumanyisya abagenyi abeete nti, ‘Mwize, buli kimwei kiweire okuteekaniza.’
18“Baitu boona boona ni batandika okwejunaaniira. Eyeekereire nʼakoba, ‘Naakagula ekibanja, nteekwa okwaba okukirola. Nkwesengereirye nsaasira.’
19“Owondi yeena nʼakoba, ‘Naakagulambe endaawo zange eza cuuka ikumi, kubba nkwaba kuzegesya. Nkwesengereirye nsaasira.’
20“Nʼowondi nʼakoba, ‘Nje naakaswera, tinkusobola kwiza.’
21“Omuweereza nʼaira nʼakobera omukama waamwe bye bakobere. Omukama waamwe nʼagongera muno era nʼalagira omuwereza waamwe nti, ‘Yaba mangu omu nguudo nʼomu miwanda gya mu kibuga oleete abaseege, enzingo, abaigali ba maiso nʼabalema.’
22“Omuweereza nʼaira nʼamukoba, ‘Mukama wange kyolagiire kikoleibwe, baitu wacaalowo ebifo.’
23“Omukama waamwe nʼamukoba, ‘Yaba omu miwanda nʼobuwanda omu byalo oyete abaliyo baize enyumba yange giizule. 24Ka mbakobere, ndoowo gonze omwei okwabo abaayeteibwe alibba oku bugenyi bwange.’”
Abeegesebwa ba Yesu beerekeeseerya bingi
(Mat 10:37,38)
25Ekiro kimwei, oYesu niyaali akutambula nʼabantu abaingi, nʼayinduka nʼabakoba, 26“Omuntu nayendya okubba omweegesebwa wange, nʼatanoba itewaamwe nʼomawaamwe, omukali waamwe nʼomwana waamwe, omugande nʼomunyaanya, gonze obwomi bwamwe tasobola kubba mwegesebwa wange. 27Buli muntu ateetiika musaalaba gwamwe, tasobola kubba mwegesebwa wange.
28“Omuntu niyaakwenderye okwomboka omunaala, tiyaakwekereire kubaliira muwendo, okubona oba, alina empiiya ezikumala? 29Nataawo omusingi nʼatamaliirya munaala, abagubona boona boona batandika okumusekeera, 30nibakumukoba, ‘Omuntu oni yatandikire enyumba nʼatasobola kugimaliirya!’
31“Oba omukama nabba akwaba okulwanisya omukama owondi tiyaakwekereire kwikaara nʼabona niyaabba akusobola nʼabasaiza omutwalo ogumwei, okulwanisya odi alina emitwalo ebiri? 32Nabona nga takusobola, amutumira abakwenda okumwitirana nacaali alai, nʼamusaba bateese emirembe. 33Omu ngeri nigyo gimwei, omuntu naterekeeseerya byona tasobola kubba mwegesebwa wange.
Omuunyu okuwaamu ensai
(Mat 5:13; Mak 9:50)
34“Omuunyu gusai, baitu niguwaamu ensai bagiiryamu batyai? 35Gubba tigucagasa okuguta omwitakali gonze nkʼekijimusa. Kale buli alina amatwi aga kuwura awure.”
Àwon tá yàn lọ́wọ́lọ́wọ́ báyìí:
Luka 14: RUULI-NYALA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Luka 14
14
Yesu okutamba omusaiza eyazimbagataine
1Ekiro kya Sabbiiti kimwei oYesu niyayabire okulya omu maka ga mukulu wʼaBafarisaayo, abantu abaalowo ni bamuwanga amaiso. 2Omu maiso ga Yesu waalowo omusaiza eyaali azimbagataine emikono nʼamagulu. 3OYesu nʼabuulya aBafarisaayo nʼabeeteja bʼamateeka, “Omu mateeka kiikirizibwa okutamba oku Sabbiiti kanda bbe?” 4Nibataamwiremu kigambo, oYesu nʼakwata oku musaiza nʼamutamba nʼamulaga.
5Ye nikwo okubabuulya nti, “Naani oku nywe omwana waamwe oba ondaawo waamwe nagwa omwizuba oku Sabbiiti ataimukiramu nʼamutoolamu?” 6Mwona pai tibaamwiremu.
Okwedendeeka oku bugenyi
7OYesu niyaboine abagenyi engeri gye beekomyangamu ebifo ebya kitiinisya oku bugenyi, nʼabakobera olufumo luni: 8“Nibakwetanga oku bugenyi bwa kuswera, toikalanga mu bifo kya kitiinisya, kubba omuntu akukusinga ekitiinisya ayinza okubba nga yayeteibwe. 9Naika, eyabacalisirye mukali babiri aliiza nʼakukoba, ‘Ligira oni aikaare omu kifo mwoli.’ Olikirugamu nʼamansoninsoni nʼoyaba nʼoikaara omu kifo ekya nnyuma. 10We noyetebwanga oku bugenyi bwa kuswera, oikaaranga nnyuma okwikya omukama wa bugenyi naliiza, nʼakukoba, ‘Munywani wange, iza oikale omu ntebe eya kitiinisya.’ Obwo olitunga ekitiinisya omu bagenyi abairaawo boona. 11Buli muntu eyeekulya alidendeekebwa, nʼoyo eyeedendeeka, alikulisibwa.”
12Era oYesu nʼakoba eyamucalisirye ati, “Nosumbanga ekyamisana gonze ekyaigolo, toyetanga bakaagwa gonze bagandaabo, gonze aba kika kyamu, gonze aba ku mucaamu abaguuda; kubba nʼobeeta, boona andaake bakwete obwo obbe nosaswirwe. 13Baitu we nosumbanga obugenyi, oyetanga abaseege, enzingo, abalema, abaigali ba maiso, 14leke otunge omukisa. Gonze nga bo tibasobola kukusasula, oKanca alikusasula oku kuyimbooka kwa baikiriire.”
Olufumo lwa bugenyi obwa maani obwagaanibwe
(Mat 22:1-10)
15Omwei oku bagenyi abaali oku kiibulo niyawuliire kini, nʼakoba oYesu, “Ka yeesiimire oyo alibba oku bugenyi omu bukama bwa Kanca.”
16OYesu nʼamwiramu ati, “Waalowo omusaiza eyateekaniize obugenyi obukooto, nʼayeta abagenyi baingi. 17Obwire bwa bugenyi nibwaikire, nʼatuma omuweereza waamwe okumanyisya abagenyi abeete nti, ‘Mwize, buli kimwei kiweire okuteekaniza.’
18“Baitu boona boona ni batandika okwejunaaniira. Eyeekereire nʼakoba, ‘Naakagula ekibanja, nteekwa okwaba okukirola. Nkwesengereirye nsaasira.’
19“Owondi yeena nʼakoba, ‘Naakagulambe endaawo zange eza cuuka ikumi, kubba nkwaba kuzegesya. Nkwesengereirye nsaasira.’
20“Nʼowondi nʼakoba, ‘Nje naakaswera, tinkusobola kwiza.’
21“Omuweereza nʼaira nʼakobera omukama waamwe bye bakobere. Omukama waamwe nʼagongera muno era nʼalagira omuwereza waamwe nti, ‘Yaba mangu omu nguudo nʼomu miwanda gya mu kibuga oleete abaseege, enzingo, abaigali ba maiso nʼabalema.’
22“Omuweereza nʼaira nʼamukoba, ‘Mukama wange kyolagiire kikoleibwe, baitu wacaalowo ebifo.’
23“Omukama waamwe nʼamukoba, ‘Yaba omu miwanda nʼobuwanda omu byalo oyete abaliyo baize enyumba yange giizule. 24Ka mbakobere, ndoowo gonze omwei okwabo abaayeteibwe alibba oku bugenyi bwange.’”
Abeegesebwa ba Yesu beerekeeseerya bingi
(Mat 10:37,38)
25Ekiro kimwei, oYesu niyaali akutambula nʼabantu abaingi, nʼayinduka nʼabakoba, 26“Omuntu nayendya okubba omweegesebwa wange, nʼatanoba itewaamwe nʼomawaamwe, omukali waamwe nʼomwana waamwe, omugande nʼomunyaanya, gonze obwomi bwamwe tasobola kubba mwegesebwa wange. 27Buli muntu ateetiika musaalaba gwamwe, tasobola kubba mwegesebwa wange.
28“Omuntu niyaakwenderye okwomboka omunaala, tiyaakwekereire kubaliira muwendo, okubona oba, alina empiiya ezikumala? 29Nataawo omusingi nʼatamaliirya munaala, abagubona boona boona batandika okumusekeera, 30nibakumukoba, ‘Omuntu oni yatandikire enyumba nʼatasobola kugimaliirya!’
31“Oba omukama nabba akwaba okulwanisya omukama owondi tiyaakwekereire kwikaara nʼabona niyaabba akusobola nʼabasaiza omutwalo ogumwei, okulwanisya odi alina emitwalo ebiri? 32Nabona nga takusobola, amutumira abakwenda okumwitirana nacaali alai, nʼamusaba bateese emirembe. 33Omu ngeri nigyo gimwei, omuntu naterekeeseerya byona tasobola kubba mwegesebwa wange.
Omuunyu okuwaamu ensai
(Mat 5:13; Mak 9:50)
34“Omuunyu gusai, baitu niguwaamu ensai bagiiryamu batyai? 35Gubba tigucagasa okuguta omwitakali gonze nkʼekijimusa. Kale buli alina amatwi aga kuwura awure.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀