Luka 13
13
Mwenenye oba muwereekeere
1Omu bwire nibwo bumwei waalowo abamwei abaakobeire oYesu oku Bagaliraaya abaitirwe oPiraato nibakuweeryayo esadaaka. 2OYesu nʼababuulya ati, “Mukulowooza aBagaliraaya bani baali basiisi muno okusinga aBagaliraaya abandi, era nikyo baaboneeboneire bati? 3Bbe! Kambakobere okwiyaku nimwenenyeze, nywena mukwiza kuwereekeera. 4Oba abo eikumi nomunaanai abaitirwe oku munaala gwa Sirowaamu nilwabagwireku, mukulowooza nibo baali abasiisi okukira abandi abaabbanga omu Yerusaalemu? 5Bbe! Kambakobere okwiyaku nimwenenyeze nywena mukwiza kuwereekeera.”
Olufumo lwa mutiini ogutagwisya
6OYesu nʼabakobera olufumo luni, “Omusaiza yaalina omusaale omutiini gweyasimbire omu musiri gwamwe ogwa mizabbibbu, nʼayaba okutoolyaku ebyana baitu natayajaaku gonze ekimwei. 7Nʼakoba omusaiza eyaroleeranga omusiri, ‘Mmaare emyaka esatu ninkwizanga okutoolya ebyana oku mutiini guni baitu ni ntayajaaku gonze ekimwei. Gutemewo gukumala ekifo kya bwereere.’
8“Omulumi wa ndumiro nʼamukoba, ‘Mukama wange, guleke gubbeewo omwaka ogundi, ngwimuureimuure etakali nʼokugutaaku ebijimusa. 9Nigwagwisya kisai! Ni gutaagwisye oligutemawo.’”
OYesu akutamba omukali ondeema oku Sabbiiti
10Ekiro kya Sabbiiti kimwei oYesu yaali nakwegesya omu rimwei oku makumbaaniro. 11Omwikumbaaniro mwalumu omukali eyaali nagoderwe omuzumu okumala emyaka ikumi namunaanai. Yaali niyeegodere natakusobola kwinunuka. 12OYesu niyamuboine nʼamweta omu maiso nʼamukoba, “Mukali we, otambirwe obulwaire bwamu!” 13Nʼamutaaku emikono gyamwe, amangu ago omukali nainunuka, nʼawaisya oKanca.
14Omukulu waikumbaaniro nʼakwatibwa ekiniga, olwakubba oYesu yaali natambire omukali oku Sabbiiti. Nʼakoba abantu, “Aliwo ebiro mukaaga ebyakukooramu emirumu. Mwizenge omu biro ebyo mutambibwe, baitu ti ku kya Sabbiiti.”
15Omukama nʼamwiramu, “Bagobya nywe, buli omwei oku nywe tasandabula ndaawo waamwe oba ndogoyi waamwe omu kisibo oku Sabbiiti nʼamutwala okunywa amaizi? 16Ati omukali oni, omwizukulu wa Ibbulaimu oSetaani gweyaali nabbwere okumala emyaka eikumi nʼomunaanai, tasemeire kusandabulwa omu kubbwebwa kuni, oku kiro kya Sabbiiti?”
17Awo ni yabazire bini abanyanzugu baamwe ni bakwatibwa ensoni, baitu abantu abandi boona boona nibasemereerwa olwa bikwewuunyisya bye yakoore.
Olufumo lwʼakasigo ka kaladaali
(Mat 13:31-33; Mak 4:30-32)
18OYesu nʼaira nʼabuulya, “Obukama bwa Kanca mbwisanisyeki? Mbulengalenganisye ki? 19Bwisana nkʼakasigo ka Kaladaali, omusaiza ke yatwaire nʼakasimba omu musiri gwamwe. Ni kamera ni kakula ni kafooka omusaale, nʼebinyonyi ebya mwibanga ni byomboka ebinyumba oku mataagi gaagwo.”
20Nʼairamu nʼabuulya, “Obukama bwa Kanca mbulengalenganisye ki? 21Bwisana ekitumbisya omukali kyeyatabwire omu ndengo za ŋaano isatu ni kigitumbisya yoona yoona.”
Omulyango ogufundi
(Mat 7:13,14,21-23)
22OYesu nʼatambula nakwegesya omu bibuga nʼebyalo niyaali nakwaba e Yerusaalemu. 23Omuntu omwei nʼamubuulya, “Mukama, abantu abadooli nibo balijunwa?”
Nʼabakoba, 24“Mwekambe okwingira omu mulyango ogufundi, olwakubba, nkubakobera, abantu baingi abaligezaaku okwingira baitu tibalisobola. 25Omukama wa nyumba naliimuka nʼakingawo mulyemeera enzai nimukukonkona era nimukwesengeerya muti, ‘Mukama tukinguurewo.’”
“Baitu yeena alibairamu, ‘Timbamaite, gonze gyemukuzwa?’”
26“Muliiramu ni mukoba, ‘Twaliiranga ni tunywera amwei naawe, era wayegesyanga omu nguudo zaiswe.’”
27“Baitu alibairamu, ‘Timbamaite gonze gye mukuzwa. Munzwere nywe abakoli ba bibbi!’”
28“Walibbaawo okukunga nʼokunena amaino, nimwalibona oIbbulaimu nʼoIsaaka nʼoYakobo nʼabalangi boona omu bukama bwa Kanca, baitu nywe nimunagiibwe enzai. 29Abantu balizwa oku mbaju zoona eza nsi, ni baikala omu bifo byabwe oku bugenyi omu bukama bwa Kanca. 30Mazima walowo aba nnyuma abalibba aba kubanza, nʼaba kubanza abalibba aba nnyuma.”
OYesu akukungiraku oYerusalemu
(Mat 23:37-39)
31Omu bwire obwo aBafarisaayo abamwei ni baiza e wa Yesu ni bamukoba, “Zwa ani oyabe awandi; olwakubba oKerode akwendya okukwita.”
32Nʼabairamu, “Mwabe mukobe obbwa oyo nti nkwiza okupeka emizumu nʼokutamba abantu ekyaleero nʼemambya nʼekiro kyakasatu naikiirya ekigendeerwa kyange. 33Baitu ndina okwaba omu maiso ekiro ekyaleero nʼemambya nʼekiro ekikwiriira—olwakubba ndoowo mulangi asobola okufeera enzai wa Yerusaalemu!
34“We Yerusaalemu, Yerusaalemu, we aita abalangi, nʼokubba amabbaale abo abatumiibwe gyoli, emirundi gingai gye nyenderye okukumbaania abaana baamu amwei, nkʼonkoko nakumbaania obwana bwamwe omu bipapa, baitu notoikiriza! 35Mubone enyumba yaanywe ebalekeirwe kifurukwa. Era nkubakoba timuliirayo kumbona okwica nimukobere, ‘Wa mukisa oyo aiza omwibara lya Kanca.’#Zab 118:26”
Àwon tá yàn lọ́wọ́lọ́wọ́ báyìí:
Luka 13: RUULI-NYALA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Luka 13
13
Mwenenye oba muwereekeere
1Omu bwire nibwo bumwei waalowo abamwei abaakobeire oYesu oku Bagaliraaya abaitirwe oPiraato nibakuweeryayo esadaaka. 2OYesu nʼababuulya ati, “Mukulowooza aBagaliraaya bani baali basiisi muno okusinga aBagaliraaya abandi, era nikyo baaboneeboneire bati? 3Bbe! Kambakobere okwiyaku nimwenenyeze, nywena mukwiza kuwereekeera. 4Oba abo eikumi nomunaanai abaitirwe oku munaala gwa Sirowaamu nilwabagwireku, mukulowooza nibo baali abasiisi okukira abandi abaabbanga omu Yerusaalemu? 5Bbe! Kambakobere okwiyaku nimwenenyeze nywena mukwiza kuwereekeera.”
Olufumo lwa mutiini ogutagwisya
6OYesu nʼabakobera olufumo luni, “Omusaiza yaalina omusaale omutiini gweyasimbire omu musiri gwamwe ogwa mizabbibbu, nʼayaba okutoolyaku ebyana baitu natayajaaku gonze ekimwei. 7Nʼakoba omusaiza eyaroleeranga omusiri, ‘Mmaare emyaka esatu ninkwizanga okutoolya ebyana oku mutiini guni baitu ni ntayajaaku gonze ekimwei. Gutemewo gukumala ekifo kya bwereere.’
8“Omulumi wa ndumiro nʼamukoba, ‘Mukama wange, guleke gubbeewo omwaka ogundi, ngwimuureimuure etakali nʼokugutaaku ebijimusa. 9Nigwagwisya kisai! Ni gutaagwisye oligutemawo.’”
OYesu akutamba omukali ondeema oku Sabbiiti
10Ekiro kya Sabbiiti kimwei oYesu yaali nakwegesya omu rimwei oku makumbaaniro. 11Omwikumbaaniro mwalumu omukali eyaali nagoderwe omuzumu okumala emyaka ikumi namunaanai. Yaali niyeegodere natakusobola kwinunuka. 12OYesu niyamuboine nʼamweta omu maiso nʼamukoba, “Mukali we, otambirwe obulwaire bwamu!” 13Nʼamutaaku emikono gyamwe, amangu ago omukali nainunuka, nʼawaisya oKanca.
14Omukulu waikumbaaniro nʼakwatibwa ekiniga, olwakubba oYesu yaali natambire omukali oku Sabbiiti. Nʼakoba abantu, “Aliwo ebiro mukaaga ebyakukooramu emirumu. Mwizenge omu biro ebyo mutambibwe, baitu ti ku kya Sabbiiti.”
15Omukama nʼamwiramu, “Bagobya nywe, buli omwei oku nywe tasandabula ndaawo waamwe oba ndogoyi waamwe omu kisibo oku Sabbiiti nʼamutwala okunywa amaizi? 16Ati omukali oni, omwizukulu wa Ibbulaimu oSetaani gweyaali nabbwere okumala emyaka eikumi nʼomunaanai, tasemeire kusandabulwa omu kubbwebwa kuni, oku kiro kya Sabbiiti?”
17Awo ni yabazire bini abanyanzugu baamwe ni bakwatibwa ensoni, baitu abantu abandi boona boona nibasemereerwa olwa bikwewuunyisya bye yakoore.
Olufumo lwʼakasigo ka kaladaali
(Mat 13:31-33; Mak 4:30-32)
18OYesu nʼaira nʼabuulya, “Obukama bwa Kanca mbwisanisyeki? Mbulengalenganisye ki? 19Bwisana nkʼakasigo ka Kaladaali, omusaiza ke yatwaire nʼakasimba omu musiri gwamwe. Ni kamera ni kakula ni kafooka omusaale, nʼebinyonyi ebya mwibanga ni byomboka ebinyumba oku mataagi gaagwo.”
20Nʼairamu nʼabuulya, “Obukama bwa Kanca mbulengalenganisye ki? 21Bwisana ekitumbisya omukali kyeyatabwire omu ndengo za ŋaano isatu ni kigitumbisya yoona yoona.”
Omulyango ogufundi
(Mat 7:13,14,21-23)
22OYesu nʼatambula nakwegesya omu bibuga nʼebyalo niyaali nakwaba e Yerusaalemu. 23Omuntu omwei nʼamubuulya, “Mukama, abantu abadooli nibo balijunwa?”
Nʼabakoba, 24“Mwekambe okwingira omu mulyango ogufundi, olwakubba, nkubakobera, abantu baingi abaligezaaku okwingira baitu tibalisobola. 25Omukama wa nyumba naliimuka nʼakingawo mulyemeera enzai nimukukonkona era nimukwesengeerya muti, ‘Mukama tukinguurewo.’”
“Baitu yeena alibairamu, ‘Timbamaite, gonze gyemukuzwa?’”
26“Muliiramu ni mukoba, ‘Twaliiranga ni tunywera amwei naawe, era wayegesyanga omu nguudo zaiswe.’”
27“Baitu alibairamu, ‘Timbamaite gonze gye mukuzwa. Munzwere nywe abakoli ba bibbi!’”
28“Walibbaawo okukunga nʼokunena amaino, nimwalibona oIbbulaimu nʼoIsaaka nʼoYakobo nʼabalangi boona omu bukama bwa Kanca, baitu nywe nimunagiibwe enzai. 29Abantu balizwa oku mbaju zoona eza nsi, ni baikala omu bifo byabwe oku bugenyi omu bukama bwa Kanca. 30Mazima walowo aba nnyuma abalibba aba kubanza, nʼaba kubanza abalibba aba nnyuma.”
OYesu akukungiraku oYerusalemu
(Mat 23:37-39)
31Omu bwire obwo aBafarisaayo abamwei ni baiza e wa Yesu ni bamukoba, “Zwa ani oyabe awandi; olwakubba oKerode akwendya okukwita.”
32Nʼabairamu, “Mwabe mukobe obbwa oyo nti nkwiza okupeka emizumu nʼokutamba abantu ekyaleero nʼemambya nʼekiro kyakasatu naikiirya ekigendeerwa kyange. 33Baitu ndina okwaba omu maiso ekiro ekyaleero nʼemambya nʼekiro ekikwiriira—olwakubba ndoowo mulangi asobola okufeera enzai wa Yerusaalemu!
34“We Yerusaalemu, Yerusaalemu, we aita abalangi, nʼokubba amabbaale abo abatumiibwe gyoli, emirundi gingai gye nyenderye okukumbaania abaana baamu amwei, nkʼonkoko nakumbaania obwana bwamwe omu bipapa, baitu notoikiriza! 35Mubone enyumba yaanywe ebalekeirwe kifurukwa. Era nkubakoba timuliirayo kumbona okwica nimukobere, ‘Wa mukisa oyo aiza omwibara lya Kanca.’#Zab 118:26”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀