Luka 12
12
Okulabula nʼokwiryamu amaani
1Omu bwire nibwo bumwei obwo, abantu banyamwingi baali nibakumbaine amwei nʼokwemanganaku nibakwemanganaku. OYesu nʼatandikira ku kubaza nʼabeegesebwa baamwe, nʼabakoba, “Mwerinde ekitumbisya kyʼaBafarisaayo, nibwo bugobya bwabwe. 2Olwakubba buli ekiswekerwe kyaliswekulwa nʼekibbisiibwe kyalimanyibwa. 3Ebyemwabaziire omu kiiruma byaliwurwa misana ndoraine, nʼekyemwaweweteire eisimbi kyalilangiirwa oku nkanga za nyumba.
4“Banywani bange kambakobere, abo abaita omubiri ni batakola kintu kindi kyona timubatiinanga. 5Kambalange gwe mulina okutiina. Oyo alina obusobozi okubanaga omu muuro ogutalikira, nabba namaare okwita omubiri, nigwo mutiinenge. Nkubakoba mumutiinenge. 6Mumaite entaaye eitaanu nizigula obusente obudooli omuno, baitu ndoowo gonze omwei oku zo oKanca gweyaali niyeebereire. 7Baitute nywe nʼeisoke eriri oku mitwe gyanywe alimaite omuwendo. Nʼolwʼekyo mutatiina, muli ba muwendo okusinga entaaye ezingi.
8“Kambakobere, buli anyatuuranga omu maiso gʼabantu, nʼoMwana wa Muntu alimwatuura omu maiso ga bamalaika ba Kanca nti, ‘Oyo mwegesebwa wange.’ 9Aneegaana omu maiso ga bantu, yeena alyegaanirwa omu maiso ga bamalaika ba Kanca. 10Buli muntu eyaakubazanga okubbi oku Mwana wa Muntu alisaasirwa, baitu eyaakuzumanga OMwoyo Akwera talisaasirwa.
11“Nibaakubaleetanga omu makumbaaniro, omu maiso ga bacwi ba misango oba aga bakama, mutalyebuulya byakubaza nimukwejunaaniira, 12oMwoyo Akwera yaakubakoberanga ebyemulina okubaza omu bwire obwo.”
Olufumo lwa muguuda omudoma
13Omwei oku bantu abanyamwingi abaalowo nʼakoba, “Mwegesya koba omuganda wange tubagane ebya bugwetwa bwaiswe.”
14OYesu nʼairamu, “Musaiza we naani yankomerye okubalamula oba okubasaarawo oku byanywe?” 15Nʼairate nʼabakoba, “Nkubalabula mwekendekeke obutabba na mwolonko, obwomi bwa muntu tibubbaawo ku lwa bwingi bwa itungo lyamwe.”
16Nʼabakobera olufumo luni, “Waalowo omusaiza omuguuda eyayeerye ebirume ebingi. 17Niyeebuulya omu mwoyo gwamwe ati, ‘Nkole ki? Tindina wantu wa kubiikira birume byange.’
18“Nʼaira nʼakoba, ‘Nkwiza kukola nti; nkwiza okukubbawo ebideero byange, leke nyombooke ebikusingawo obukooto. Omwo nimwo nyabiikira ebirume nʼebintu byange byona.’ 19Ale nkobe omwoyo gwange, ‘Olina ebyabuguuda bingi ebibiikiibwe olwa myaka egingi. Wuumula; olye, onywe, era osagaaruke.’
20“Baitu oKanca nʼamukoba, ‘Mudoma we! Ekyaleero obwire obwomi bwamu nibwakwiyibwaku naani yatwala bye weekoleire?’
21“Nimwo kiribba kityo oku muntu eyeebiikira ebyabuguuda baitu nali museege egiri Kanca.”
Mwesige oKanca
(Mat 6:19-21,25-34)
22OYesu nikwo okukoba abeegesebwa baamwe nti, “Nʼolwʼekyo nkubakoba emyoyo gyanywe gitalyaraara nimukwebuulya olwa bwomi bwanywe, kiki kyemwalya era olwa mibiri gyanywe kiki kyemwazwala. 23Obwomi tibumanyisya mere yonkai, nʼomubiri tigumanyisya bizwalibwa byonkai. 24Mubone enamuŋoona: Tizisiga era tizikesa, tizirina ibiikiro gonze ekideero baitu oKanca aziriisya. Nywete ka muli ba muwendo gwingi okukira ebinyonyi! 25Naani oku nywe, omwoyo gwamwe nigwaraara, asobola okwongera oku bwomi bwamwe gonze esaawa egimwei? 26Nimwabba mutasobola kukola kintu ekidooli omuno kini, emyoyo gyanywe lwaki gyaraara olwa bindi?
27“Mubone amalanga nka nigakula: Tigakola mulimu gonze okutata olugoye, baitu nkubakoba nʼoSolomooni#12:27 Yaali mutaani wa mukama oDawudi era niye mukama wa Bayudaaya akira boona boona amagezi. omu kitiinisya kyamwe tiyazwaire nkʼerimwei oku go. 28OKanca niyaabba nimwo azwalikisya atyo ekisiko ekya mu ndumiro, ekibbaawo ekiro kyaleero, enceege ni kinagibwa omu muuro, nywete abanyakwikiriza okudooli talibazwalikisya okukirawo? 29Emitima gyanywe timugitanga ku byakulya oba byakunywa, gitaaraara olwʼekyo. 30Olwakubba nʼabantu abatamaite Kanca bata emitima gyabwe oku bintu nkʼebyo, baitu nywe oitewaanywe amaite nimusemeire okubba nabyo. 31Nywe muswage obukama bwamwe, nʼebindi byemwendya alibibongeraku.
32“Nʼolwʼekyo nywe ekisibo ekidooli mutatiina olwakubba oitewaanywe asiimire okubaweerya obukama. 33Mutunde byemuli nabyo mugabire abaseege, mwabba mwebiikiire obuguuda omwiguru obutaliwaawo, omu nsawu ezitakairika gonze okusumuka. Ndoowo mwibbi aikayo, nʼebiyenje tibirirya. 34Obuguuda egyebukali nʼomutima gwamu nigyo gubba.
Okweteekaniza
35“Muzwale mweteekanize okuweereza, etaala zaanywe ziikale nizikwaka. 36Mwisane abasaiza abakulindiirya omukama waabwe nakwira okuluga oku bugenyi bwa kuswera. Naika akonkona, boona ni balabukaku okumukinguurawo. 37Abaweereza abo babba beesiimire omukama waabwe naira nʼasanga nibakubonia. Kambakobere ekiikire; omukama waabwe omwenyenere ataaku etaawo, nʼabaikalisya nʼaiza nʼabagabula. 38Abaweereza abo babba beesiimire omukama naira, gonze mu kisusumuko kyakabiri oba kyakasatu, nʼabasanga nibeeteekaniize. 39Mweteje kini, omukama wa nyumba niyaakumaite esaawa omwibbi gyeyaiziraku, tiyaakulekere nyumba yaamwe kwendebwa mwibbi aingire. 40Nywena mwikale nimweteekaniize olwakubba oMwana wa Muntu aliizira omu saawa gyemutakumusuubiriiramu.”
Omwiru omwesigwa nʼatali mwesigwa
(Mat 24:45-51)
41OPeetero nʼabuulya, “Mukama olufumo luni okulusubiira niiswe kanda buli omwei?”
42OMukama nʼairamu, “Ati omuweereza omwesigwa era omugezi, omukama waabwe gwalekera omulimu gwa kukuura abaweereza baamwe, okubaweeryanga emere omu bwire obusemeire, niye ali ayi? 43Omuweereza oyo, oMukama waamwe naire gwasanga nakukola atyo, abba yeesiimire. 44Kambakobere amazima: OMukama waamwe amuweerya okuroleera ebya buguuda bwamwe byona byona. 45Baitu omuweereza nakoba omu mutima gwamwe, ‘OMukama wange alwirewo okwira,’ nʼatandika okukubba abaweereza nʼabazyana, nʼalya nʼanywa nʼatamiira, 46omukama waamwe airiira oku kiro kyatakumusuubiriiraku era oku saawa gyatakumanya. Omukama amubonereza muno nka nakola abataikiriza.”
47“Omuweereza oyo amanya omukama waamwe kyakwendya akole baitu nateeteekaniza, gonze okukola nkomukama waamwe kyakwendya, akubbwa muno. 48Baitu omuweereza atamaite omukama waamwe kyakwendya akole, gonze nakola ekiroomere okumukubbisya takubbwa muno. Aweereibwe ebingi alitongebwa bingi nʼeyabiikisiibwe ebingi alibuulibwa bingi okusinga oku byeyabiikisiibwe.”
Obukwenda bwa Yesu bubaganiamu abantu
(Mat 10:34-36)
49“Naizire kukoleerya muuro ku nsi, akiri nigubbutuka! 50Aliwo okubatizibwa kwenkwaba okwakalamu, okuntuntwirye okwikya nikwaliikiira! 51Mukulowooza naizire kuleeta mirembe oku nsi? Bbe, kambakobere, naizire kubagania mu bantu. 52Okuliga ati abantu abataanu omu nyumba egimwei bakwiza kwebaganiamu, leke bawakanisyengane, abasatu bawakanisye ababiri nʼababiri bawakanisye abasatu. 53Bakwiza okwebaganiamu; oitewamwana awakanisye omwana, omwana awakanisye oitewaamwe, omawamwala awakanisye omuwaara nʼomuwaara awakanisye omawaamwe. Onyibyala akwiza okuwakanisya omweiryana nʼomweiryana awakanisye onyibyala.”
Okusoboora ebiro
(Mat 16:2,3)
54Nʼakoba abantu boona boona, “Nimubona ekicu nikiimukire e buwuluka, mulabuka okukoba nti, ‘Enjura yatoonya,’ era nʼetoonya. 55ONganda nawunga, mukoba, ‘Eisana lyayaka,’ era ni ryaka. 56Bagobya nywe! Mumaite okuroleera eiguru nʼensi ni musoboora ebyabbaawo, kikite ekibagaana okusoboora oku biro bini?
Muyimbye nʼomunyanzugu waamu
(Mat 5:25,26)
57“Lwaki nywe abenyenere muteesaarawo ekiikire? 58Nobba okwaba e wa mucwi wa misango nʼomuntu akuwaabiire, akuwaabiire mwesengeerye mwiremu okuyimbya naye nimucaali omu muwanda, notokola otyo akwica ewa mucwi wa misango nʼakukwatisya osirikale, osirikale nʼakuta omu nkomo. 59Kambakobere, omu nkomo tolirugamu otakasaswire erupiiya ekusembayo.”
Àwon tá yàn lọ́wọ́lọ́wọ́ báyìí:
Luka 12: RUULI-NYALA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Luka 12
12
Okulabula nʼokwiryamu amaani
1Omu bwire nibwo bumwei obwo, abantu banyamwingi baali nibakumbaine amwei nʼokwemanganaku nibakwemanganaku. OYesu nʼatandikira ku kubaza nʼabeegesebwa baamwe, nʼabakoba, “Mwerinde ekitumbisya kyʼaBafarisaayo, nibwo bugobya bwabwe. 2Olwakubba buli ekiswekerwe kyaliswekulwa nʼekibbisiibwe kyalimanyibwa. 3Ebyemwabaziire omu kiiruma byaliwurwa misana ndoraine, nʼekyemwaweweteire eisimbi kyalilangiirwa oku nkanga za nyumba.
4“Banywani bange kambakobere, abo abaita omubiri ni batakola kintu kindi kyona timubatiinanga. 5Kambalange gwe mulina okutiina. Oyo alina obusobozi okubanaga omu muuro ogutalikira, nabba namaare okwita omubiri, nigwo mutiinenge. Nkubakoba mumutiinenge. 6Mumaite entaaye eitaanu nizigula obusente obudooli omuno, baitu ndoowo gonze omwei oku zo oKanca gweyaali niyeebereire. 7Baitute nywe nʼeisoke eriri oku mitwe gyanywe alimaite omuwendo. Nʼolwʼekyo mutatiina, muli ba muwendo okusinga entaaye ezingi.
8“Kambakobere, buli anyatuuranga omu maiso gʼabantu, nʼoMwana wa Muntu alimwatuura omu maiso ga bamalaika ba Kanca nti, ‘Oyo mwegesebwa wange.’ 9Aneegaana omu maiso ga bantu, yeena alyegaanirwa omu maiso ga bamalaika ba Kanca. 10Buli muntu eyaakubazanga okubbi oku Mwana wa Muntu alisaasirwa, baitu eyaakuzumanga OMwoyo Akwera talisaasirwa.
11“Nibaakubaleetanga omu makumbaaniro, omu maiso ga bacwi ba misango oba aga bakama, mutalyebuulya byakubaza nimukwejunaaniira, 12oMwoyo Akwera yaakubakoberanga ebyemulina okubaza omu bwire obwo.”
Olufumo lwa muguuda omudoma
13Omwei oku bantu abanyamwingi abaalowo nʼakoba, “Mwegesya koba omuganda wange tubagane ebya bugwetwa bwaiswe.”
14OYesu nʼairamu, “Musaiza we naani yankomerye okubalamula oba okubasaarawo oku byanywe?” 15Nʼairate nʼabakoba, “Nkubalabula mwekendekeke obutabba na mwolonko, obwomi bwa muntu tibubbaawo ku lwa bwingi bwa itungo lyamwe.”
16Nʼabakobera olufumo luni, “Waalowo omusaiza omuguuda eyayeerye ebirume ebingi. 17Niyeebuulya omu mwoyo gwamwe ati, ‘Nkole ki? Tindina wantu wa kubiikira birume byange.’
18“Nʼaira nʼakoba, ‘Nkwiza kukola nti; nkwiza okukubbawo ebideero byange, leke nyombooke ebikusingawo obukooto. Omwo nimwo nyabiikira ebirume nʼebintu byange byona.’ 19Ale nkobe omwoyo gwange, ‘Olina ebyabuguuda bingi ebibiikiibwe olwa myaka egingi. Wuumula; olye, onywe, era osagaaruke.’
20“Baitu oKanca nʼamukoba, ‘Mudoma we! Ekyaleero obwire obwomi bwamu nibwakwiyibwaku naani yatwala bye weekoleire?’
21“Nimwo kiribba kityo oku muntu eyeebiikira ebyabuguuda baitu nali museege egiri Kanca.”
Mwesige oKanca
(Mat 6:19-21,25-34)
22OYesu nikwo okukoba abeegesebwa baamwe nti, “Nʼolwʼekyo nkubakoba emyoyo gyanywe gitalyaraara nimukwebuulya olwa bwomi bwanywe, kiki kyemwalya era olwa mibiri gyanywe kiki kyemwazwala. 23Obwomi tibumanyisya mere yonkai, nʼomubiri tigumanyisya bizwalibwa byonkai. 24Mubone enamuŋoona: Tizisiga era tizikesa, tizirina ibiikiro gonze ekideero baitu oKanca aziriisya. Nywete ka muli ba muwendo gwingi okukira ebinyonyi! 25Naani oku nywe, omwoyo gwamwe nigwaraara, asobola okwongera oku bwomi bwamwe gonze esaawa egimwei? 26Nimwabba mutasobola kukola kintu ekidooli omuno kini, emyoyo gyanywe lwaki gyaraara olwa bindi?
27“Mubone amalanga nka nigakula: Tigakola mulimu gonze okutata olugoye, baitu nkubakoba nʼoSolomooni#12:27 Yaali mutaani wa mukama oDawudi era niye mukama wa Bayudaaya akira boona boona amagezi. omu kitiinisya kyamwe tiyazwaire nkʼerimwei oku go. 28OKanca niyaabba nimwo azwalikisya atyo ekisiko ekya mu ndumiro, ekibbaawo ekiro kyaleero, enceege ni kinagibwa omu muuro, nywete abanyakwikiriza okudooli talibazwalikisya okukirawo? 29Emitima gyanywe timugitanga ku byakulya oba byakunywa, gitaaraara olwʼekyo. 30Olwakubba nʼabantu abatamaite Kanca bata emitima gyabwe oku bintu nkʼebyo, baitu nywe oitewaanywe amaite nimusemeire okubba nabyo. 31Nywe muswage obukama bwamwe, nʼebindi byemwendya alibibongeraku.
32“Nʼolwʼekyo nywe ekisibo ekidooli mutatiina olwakubba oitewaanywe asiimire okubaweerya obukama. 33Mutunde byemuli nabyo mugabire abaseege, mwabba mwebiikiire obuguuda omwiguru obutaliwaawo, omu nsawu ezitakairika gonze okusumuka. Ndoowo mwibbi aikayo, nʼebiyenje tibirirya. 34Obuguuda egyebukali nʼomutima gwamu nigyo gubba.
Okweteekaniza
35“Muzwale mweteekanize okuweereza, etaala zaanywe ziikale nizikwaka. 36Mwisane abasaiza abakulindiirya omukama waabwe nakwira okuluga oku bugenyi bwa kuswera. Naika akonkona, boona ni balabukaku okumukinguurawo. 37Abaweereza abo babba beesiimire omukama waabwe naira nʼasanga nibakubonia. Kambakobere ekiikire; omukama waabwe omwenyenere ataaku etaawo, nʼabaikalisya nʼaiza nʼabagabula. 38Abaweereza abo babba beesiimire omukama naira, gonze mu kisusumuko kyakabiri oba kyakasatu, nʼabasanga nibeeteekaniize. 39Mweteje kini, omukama wa nyumba niyaakumaite esaawa omwibbi gyeyaiziraku, tiyaakulekere nyumba yaamwe kwendebwa mwibbi aingire. 40Nywena mwikale nimweteekaniize olwakubba oMwana wa Muntu aliizira omu saawa gyemutakumusuubiriiramu.”
Omwiru omwesigwa nʼatali mwesigwa
(Mat 24:45-51)
41OPeetero nʼabuulya, “Mukama olufumo luni okulusubiira niiswe kanda buli omwei?”
42OMukama nʼairamu, “Ati omuweereza omwesigwa era omugezi, omukama waabwe gwalekera omulimu gwa kukuura abaweereza baamwe, okubaweeryanga emere omu bwire obusemeire, niye ali ayi? 43Omuweereza oyo, oMukama waamwe naire gwasanga nakukola atyo, abba yeesiimire. 44Kambakobere amazima: OMukama waamwe amuweerya okuroleera ebya buguuda bwamwe byona byona. 45Baitu omuweereza nakoba omu mutima gwamwe, ‘OMukama wange alwirewo okwira,’ nʼatandika okukubba abaweereza nʼabazyana, nʼalya nʼanywa nʼatamiira, 46omukama waamwe airiira oku kiro kyatakumusuubiriiraku era oku saawa gyatakumanya. Omukama amubonereza muno nka nakola abataikiriza.”
47“Omuweereza oyo amanya omukama waamwe kyakwendya akole baitu nateeteekaniza, gonze okukola nkomukama waamwe kyakwendya, akubbwa muno. 48Baitu omuweereza atamaite omukama waamwe kyakwendya akole, gonze nakola ekiroomere okumukubbisya takubbwa muno. Aweereibwe ebingi alitongebwa bingi nʼeyabiikisiibwe ebingi alibuulibwa bingi okusinga oku byeyabiikisiibwe.”
Obukwenda bwa Yesu bubaganiamu abantu
(Mat 10:34-36)
49“Naizire kukoleerya muuro ku nsi, akiri nigubbutuka! 50Aliwo okubatizibwa kwenkwaba okwakalamu, okuntuntwirye okwikya nikwaliikiira! 51Mukulowooza naizire kuleeta mirembe oku nsi? Bbe, kambakobere, naizire kubagania mu bantu. 52Okuliga ati abantu abataanu omu nyumba egimwei bakwiza kwebaganiamu, leke bawakanisyengane, abasatu bawakanisye ababiri nʼababiri bawakanisye abasatu. 53Bakwiza okwebaganiamu; oitewamwana awakanisye omwana, omwana awakanisye oitewaamwe, omawamwala awakanisye omuwaara nʼomuwaara awakanisye omawaamwe. Onyibyala akwiza okuwakanisya omweiryana nʼomweiryana awakanisye onyibyala.”
Okusoboora ebiro
(Mat 16:2,3)
54Nʼakoba abantu boona boona, “Nimubona ekicu nikiimukire e buwuluka, mulabuka okukoba nti, ‘Enjura yatoonya,’ era nʼetoonya. 55ONganda nawunga, mukoba, ‘Eisana lyayaka,’ era ni ryaka. 56Bagobya nywe! Mumaite okuroleera eiguru nʼensi ni musoboora ebyabbaawo, kikite ekibagaana okusoboora oku biro bini?
Muyimbye nʼomunyanzugu waamu
(Mat 5:25,26)
57“Lwaki nywe abenyenere muteesaarawo ekiikire? 58Nobba okwaba e wa mucwi wa misango nʼomuntu akuwaabiire, akuwaabiire mwesengeerye mwiremu okuyimbya naye nimucaali omu muwanda, notokola otyo akwica ewa mucwi wa misango nʼakukwatisya osirikale, osirikale nʼakuta omu nkomo. 59Kambakobere, omu nkomo tolirugamu otakasaswire erupiiya ekusembayo.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀