Luka 11
11
Okwegesya kwa Yesu oku ngeri ya kusaba
(Mat 6:9-13; 7:7-11)
1Ekiro kimwei oYesu yaali antu nakusaba. Niyamaare okusaba, omwei oku beegesebwa#11:1 Omuntu omwegi, omusomi oba aikiriza era nʼatambuura omu bigambo bya mwegesya waamwe. OYesu yaalina abeegesebwa ikumi nʼababiri, baitu leero naiswe abamwikiriza twetebwa beegesebwa. baamwe nʼamukoba, “Mukama, twegesye okusaba nkʼoYokaana#11:1 Oni niye omwei oku ba Yokaana ababazibwaku omu Bbaibbuli, niye gwebeeta oYokaana oMubatiza, omwana wa Elizaabeeti nʼoZaakaliya, niye yabuuliire okwenenya nakuteekaniriza oYesu omuwanda. OKerode yamubbwere nʼamutemaku omutwe olwa kumunenya okuswera oKerodiya omuka mugande. niyayegeserye abeegesebwa baamwe.”
2OYesu nʼakoba ati, “Nimwabbanga mukusaba, mukobenge muti,
‘Ite waiswe,
eibara lyamu libbenge lyeru.
Obukama bwamu bwize.
3Tuweerye emere yaiswe eya buli kiro.
4Otusaasire ebibbi byaiswe
nka iswe nitusaasira abatukola okubbi.
Ototutwala mu kwoyeerwa.#11:4 Nikyo kikolwa kya kusendebwasendebwa okukola ekibbi Yak 1:13-14. Ositaani niye aleeta okwoyeerwa. OKanca atuweerya amaani okukusingula era nitukusingula tufuna emikisa nʼokukula omu bya mwoyo. 1Kol 10:13.’”
5Ni yeeyongera okubeegesya oku kusaba nʼabakoba ati: “Omwei oku nywe nabba nʼomunywani waamwe, nʼayaba gyali omwitumbi okumuwola akamere, nʼamukoba ati, 6‘Omunywani wange aizire, alugire alai, baitu tindina kyakumuwa.’
7“Odi gyayabire ayinza okumwiramu ati, ‘Otongadya. Nje nʼabaana bange twekingire irai era tubbasirye ndoowo kyetwakuweerya.’ 8Kambakobere gonze odi abbasirye tiyaimuke kumuweerya mere lwa mukago, baitu akwiza kwimuka olwa butaisyaku bwodi akusaba.”
9“Njeena kye nkubakoba musabenge, mwakuweebwanga; mutoolyenge mwakubonanga; mukonkonenge; mwakukinguurwangawo. 10Olwakubba, buli asaba aweebwa, buli atoolya abona, buli akonkona akinguurwawo.
11“Itewamwana ki eyaakuweerya omwana waamwe onjoka namusabire oncwi? 12Oba naani eyaakumuweerya onkwaya#11:12 Kika kya kisiisa ekiisanana onyambubyai, kinenesya mukira era kya busagwa. namusabire eiwuli? Ndoowo! 13Nywe abakoli ba bibbi nimumaite okuweerya abaana baanywe ebintu ebisai, oitewaanywe owa mwiguru tiyaakukirawo okuweerya oMwoyo Akwera#11:13 OMwoyo wa Kanca oYesu gweyatusindikiire, naireyo omwiguru, okutusobooranga Yok 16:13. egiri abo ababba nibamusabire!”
OYesu nʼoBbeeluzebbuli
(Mat 12:22-30,43-45; Mak 3:20-27)
14Ekiro kimwei oYesu yaali nakupeka omuzumu ogukibbubbu oku musaiza. Omuzumu nigwayabire omusaiza eyaali okibbubbu nʼabaza, abantu ni bawuniikiira. 15Baitu abamwei okubo ni bakoba, “Akukolesya buyinza bwa Bbeeluzebbuli omukulu wa mizumu okupeka emizumu.” 16Abandi ni bamukema nibakumusaba akabonero okuluga omwiguru.
17OYesu niyeetejerye ebirowoozo byabwe nʼabakoba, “Obukama bwona nibwetiicaamu bwonkai na bwonkai busiisikala, nʼenyumba niyeebaganiamu efa. 18OSitaani niyaabba yeebagainiemu yenkai, obukama bwamwe bwayemeerawo butyai? Kini nkibazire kubba mukukoba mpeka emizumu ninkukolesya maani ga Bbeeluzebbuli. 19Ale ninaabba mpeka emizumu ninkukolesya maani ga Bbeeluzebbuli, abeegesebwa baanywe bakolesya ga naani? Abo nibo baabba balamuli baanywe. 20Baitu ninaabba nga mpeka emizumu ninkukolesya maani ga Kanca, obwo obukama bwa Kanca bwizire gyemuli.”
21Omuntu owʼamaani alina ebyakulwanisya byamwe ebikumala, nalinda eka yaamwe, ebintu byamwe bibba mirembe. 22Baitu akumukira amaani namwizira nʼamusingula, atwala ebyakulwanisya byeyaali nakwesiga nʼebintu byamunyagireku nʼabigaba.
23Oyo atabba ku lwange munyanzugu wange, nʼoyo atakumbaanirya amwei nanje, ararangya.
24“Omuzumu niguliga oku muntu, gwaba awambula maizi nigukutoolya ekifo we gwawumuura. Nigutakibona gukoba, ‘Nairayo omu nyumba yange mwenazwire.’ 25Nigwira gugisanga neyeyeibwe nʼeteekaniziibwe kusai. 26Nigwaba ni guleetana emizumu egindi musanju egikugusinga obubbi, ni gyaba ni gibba omwo. Embeera ya muntu oyo eya luzwannyuma ebba gibbi okukira eyeekereire.”
27Awo oYesu niyaali akubaza bini, omukali eyaali omu bantu nʼaimula eiraka nʼakoba ati, “Enda eyakubyaire ya mukisa nʼamabeere agakwonkyerye.”
28Baitu oYesu nʼamwiramu, “Abakukira okubba aba mukisa nibo abo abawura ekigambo kya Kanca ni bakiikiriza.”
Akabonero ka Yona
(Mat 12:38-42)
29Abantu nibaakanyire oYesu nʼakoba, “Omulembe guni gubbi. Gukusaba akabonero aka byamaano, baitu ndoowo kabonero kalibaweebwa okutoolaku aka Yona. 30Olwakubba nkʼoYona niyaali akabonero egiri abantu ba Nineeve, nʼoMwana wa Muntu yeena nimwo yaabba atyo egiri omulembe guni. 31OMukama omukali owa Sebba aliimuka ekiro kya kusala omusango nʼalumiirya abantu aba mulembe guni, kubba yaligire oku mpero ya nsi nʼaiza okuwuliirya ebigambo ebya magezi ebya Solomooni, ati akukira oSolomooni, aliwo ani, baitu timukumuwuliirya. 32Ekiro kya kusaaraku omusango nʼabantu ba Nineeve baliimuka okulumiirya omulembe guni, olwakubba bo beenenyeze oYona niyababuuliire, era ati akukira oYona obukulu aliwo ani, baitu timukumuwuliirya.”
Etaala ya mubiri
(Mat 5:15; 6:22,23)
33Ndoowo akoleerya taala nʼagibbisa oba nʼagijuumukaku ekigega. Baitu agita oku kikondo kyagyo leke emolekere abakwingira omu nyumba. 34Eriiso lyamu nigyo taala ya mubiri gwamu. Amaiso gaamu nigabba agasai omubiri gwamu gwona gwizula ekyengeezi. Baitu amaiso gaamu nigabba agabbi omubiri gwamu gwona gwizula kiiruma. 35Mwerinde ekyengeezi ekiri omu nywe kitabba kiiruma. 36Omubiri gwamu nigwabba gwizwire ekyengeezi, nigutalumu katundu akalumu ekiiruma gubonenkanira kimwei nkʼamolekerwe ekyengeezi kya taala.
OYesu akuzumiira abeebembezi ba diini
(Mat 23:1-36; Mak 12:38-40)
37OYesu niyamaare okubaza, oMufarisaayo nʼamweta oku kiibulo; oYesu nʼaingira nʼaikala okulya. 38Baitu oMufarisaayo, niyaboine oYesu aliire atabandiize kunaaba ngalo, ni yeewuunya.
39OMukama nikwo okumukoba, “Nywe aBafarisaayo munaabya ebyereza nʼencuba ku ruguru baitu omu mitima gyanywe mwizwire omwolonko nʼebibbi. 40Badoma nywe eyakoore oku ruguru tiniye yakoore nʼomunda? 41Muweeryenge nʼomutima ogusai abaseege, obwo nimwo mwaikiira omu byona omu maiso ga Kanca.”
42“Zibaajirye nywe aBafarisaayo, abaweerya nʼekitundu ekyaikumi ekya buli kantu nʼobusiko obucuunyisya omukubi, baitu amazima nʼokwendya oKanca ni mubinagiriza. Bini mwakubikoore baitu nimutanagiriza na bidi ebyekereire.
43“Zibaagirye nywe aBafarisaayo, kubanga mwendya okwikaara omu bifo ebisinga obusai omu makumbaaniro nʼokubalamuca omu butale.
44“Zibaajirye nywe, olwakubba mukwisana ebituulo ebinambula mabbaale, abantu bye batambuuraku nibatakubimanya.”
45Omwei oku beeteja ba mateeka nʼamukoba, “Mwegesya, nʼobaza otyo inswena obba otuzumire.”
46OYesu nʼamwiramu, “Naanywe abeeteja ba mateeka, zibaajirye kubba mutiika abantu emigugu gye batakusobola kwetiika, ni mutabajunaku gonze akadooli.
47“Zibaajirye, kubba mwombokera abalangi ebituulo, nga abaizebaanywe nibo baabaitire. 48Obwo mubba mukulanga nti musiimire ebyo abaizebaanywe bye baakoore; baitire abalangi, nywe ni mubombokera ebituulo. 49Olwa kini, oKanca, omu magezi gaamwe yakobere, ‘ndib abalangi nʼabakwenda, abamwei oku bani balibaita nʼabandi balibararaanja.’ 50Ale leke omulembe guni gujunaanwe omusaayi gwa balangi ogusensekere oku nsi okuzwa niyatonderwe. 51Okuluga oku musaayi gwʼAbbeeri okwika oku musaayi gwa Zaakaliya, eyaitiirwe akati wa itambiro nʼekifo ekikwera. Nkubakoba omulembe guni gulijunaanibwa omusaayi ogwo gwona gwona.
52“Zibaajirye nywe abeeteja bʼamateeka, olwakubba mwatoirewo ekisandabula olwige olwa kumanya. Nywe abenyenere timwaingire, nʼabaali bakwingira ni mubagaana.”
53OYesu niyalugirewo, aBafarisaayo nʼabeegesya bʼamateeka ni batandika okumuwakanisya omuno nibakumutega nʼebibuulyo, 54nibakwendya okumukwatisya nʼebigambo byeyabaza.
Àwon tá yàn lọ́wọ́lọ́wọ́ báyìí:
Luka 11: RUULI-NYALA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Luka 11
11
Okwegesya kwa Yesu oku ngeri ya kusaba
(Mat 6:9-13; 7:7-11)
1Ekiro kimwei oYesu yaali antu nakusaba. Niyamaare okusaba, omwei oku beegesebwa#11:1 Omuntu omwegi, omusomi oba aikiriza era nʼatambuura omu bigambo bya mwegesya waamwe. OYesu yaalina abeegesebwa ikumi nʼababiri, baitu leero naiswe abamwikiriza twetebwa beegesebwa. baamwe nʼamukoba, “Mukama, twegesye okusaba nkʼoYokaana#11:1 Oni niye omwei oku ba Yokaana ababazibwaku omu Bbaibbuli, niye gwebeeta oYokaana oMubatiza, omwana wa Elizaabeeti nʼoZaakaliya, niye yabuuliire okwenenya nakuteekaniriza oYesu omuwanda. OKerode yamubbwere nʼamutemaku omutwe olwa kumunenya okuswera oKerodiya omuka mugande. niyayegeserye abeegesebwa baamwe.”
2OYesu nʼakoba ati, “Nimwabbanga mukusaba, mukobenge muti,
‘Ite waiswe,
eibara lyamu libbenge lyeru.
Obukama bwamu bwize.
3Tuweerye emere yaiswe eya buli kiro.
4Otusaasire ebibbi byaiswe
nka iswe nitusaasira abatukola okubbi.
Ototutwala mu kwoyeerwa.#11:4 Nikyo kikolwa kya kusendebwasendebwa okukola ekibbi Yak 1:13-14. Ositaani niye aleeta okwoyeerwa. OKanca atuweerya amaani okukusingula era nitukusingula tufuna emikisa nʼokukula omu bya mwoyo. 1Kol 10:13.’”
5Ni yeeyongera okubeegesya oku kusaba nʼabakoba ati: “Omwei oku nywe nabba nʼomunywani waamwe, nʼayaba gyali omwitumbi okumuwola akamere, nʼamukoba ati, 6‘Omunywani wange aizire, alugire alai, baitu tindina kyakumuwa.’
7“Odi gyayabire ayinza okumwiramu ati, ‘Otongadya. Nje nʼabaana bange twekingire irai era tubbasirye ndoowo kyetwakuweerya.’ 8Kambakobere gonze odi abbasirye tiyaimuke kumuweerya mere lwa mukago, baitu akwiza kwimuka olwa butaisyaku bwodi akusaba.”
9“Njeena kye nkubakoba musabenge, mwakuweebwanga; mutoolyenge mwakubonanga; mukonkonenge; mwakukinguurwangawo. 10Olwakubba, buli asaba aweebwa, buli atoolya abona, buli akonkona akinguurwawo.
11“Itewamwana ki eyaakuweerya omwana waamwe onjoka namusabire oncwi? 12Oba naani eyaakumuweerya onkwaya#11:12 Kika kya kisiisa ekiisanana onyambubyai, kinenesya mukira era kya busagwa. namusabire eiwuli? Ndoowo! 13Nywe abakoli ba bibbi nimumaite okuweerya abaana baanywe ebintu ebisai, oitewaanywe owa mwiguru tiyaakukirawo okuweerya oMwoyo Akwera#11:13 OMwoyo wa Kanca oYesu gweyatusindikiire, naireyo omwiguru, okutusobooranga Yok 16:13. egiri abo ababba nibamusabire!”
OYesu nʼoBbeeluzebbuli
(Mat 12:22-30,43-45; Mak 3:20-27)
14Ekiro kimwei oYesu yaali nakupeka omuzumu ogukibbubbu oku musaiza. Omuzumu nigwayabire omusaiza eyaali okibbubbu nʼabaza, abantu ni bawuniikiira. 15Baitu abamwei okubo ni bakoba, “Akukolesya buyinza bwa Bbeeluzebbuli omukulu wa mizumu okupeka emizumu.” 16Abandi ni bamukema nibakumusaba akabonero okuluga omwiguru.
17OYesu niyeetejerye ebirowoozo byabwe nʼabakoba, “Obukama bwona nibwetiicaamu bwonkai na bwonkai busiisikala, nʼenyumba niyeebaganiamu efa. 18OSitaani niyaabba yeebagainiemu yenkai, obukama bwamwe bwayemeerawo butyai? Kini nkibazire kubba mukukoba mpeka emizumu ninkukolesya maani ga Bbeeluzebbuli. 19Ale ninaabba mpeka emizumu ninkukolesya maani ga Bbeeluzebbuli, abeegesebwa baanywe bakolesya ga naani? Abo nibo baabba balamuli baanywe. 20Baitu ninaabba nga mpeka emizumu ninkukolesya maani ga Kanca, obwo obukama bwa Kanca bwizire gyemuli.”
21Omuntu owʼamaani alina ebyakulwanisya byamwe ebikumala, nalinda eka yaamwe, ebintu byamwe bibba mirembe. 22Baitu akumukira amaani namwizira nʼamusingula, atwala ebyakulwanisya byeyaali nakwesiga nʼebintu byamunyagireku nʼabigaba.
23Oyo atabba ku lwange munyanzugu wange, nʼoyo atakumbaanirya amwei nanje, ararangya.
24“Omuzumu niguliga oku muntu, gwaba awambula maizi nigukutoolya ekifo we gwawumuura. Nigutakibona gukoba, ‘Nairayo omu nyumba yange mwenazwire.’ 25Nigwira gugisanga neyeyeibwe nʼeteekaniziibwe kusai. 26Nigwaba ni guleetana emizumu egindi musanju egikugusinga obubbi, ni gyaba ni gibba omwo. Embeera ya muntu oyo eya luzwannyuma ebba gibbi okukira eyeekereire.”
27Awo oYesu niyaali akubaza bini, omukali eyaali omu bantu nʼaimula eiraka nʼakoba ati, “Enda eyakubyaire ya mukisa nʼamabeere agakwonkyerye.”
28Baitu oYesu nʼamwiramu, “Abakukira okubba aba mukisa nibo abo abawura ekigambo kya Kanca ni bakiikiriza.”
Akabonero ka Yona
(Mat 12:38-42)
29Abantu nibaakanyire oYesu nʼakoba, “Omulembe guni gubbi. Gukusaba akabonero aka byamaano, baitu ndoowo kabonero kalibaweebwa okutoolaku aka Yona. 30Olwakubba nkʼoYona niyaali akabonero egiri abantu ba Nineeve, nʼoMwana wa Muntu yeena nimwo yaabba atyo egiri omulembe guni. 31OMukama omukali owa Sebba aliimuka ekiro kya kusala omusango nʼalumiirya abantu aba mulembe guni, kubba yaligire oku mpero ya nsi nʼaiza okuwuliirya ebigambo ebya magezi ebya Solomooni, ati akukira oSolomooni, aliwo ani, baitu timukumuwuliirya. 32Ekiro kya kusaaraku omusango nʼabantu ba Nineeve baliimuka okulumiirya omulembe guni, olwakubba bo beenenyeze oYona niyababuuliire, era ati akukira oYona obukulu aliwo ani, baitu timukumuwuliirya.”
Etaala ya mubiri
(Mat 5:15; 6:22,23)
33Ndoowo akoleerya taala nʼagibbisa oba nʼagijuumukaku ekigega. Baitu agita oku kikondo kyagyo leke emolekere abakwingira omu nyumba. 34Eriiso lyamu nigyo taala ya mubiri gwamu. Amaiso gaamu nigabba agasai omubiri gwamu gwona gwizula ekyengeezi. Baitu amaiso gaamu nigabba agabbi omubiri gwamu gwona gwizula kiiruma. 35Mwerinde ekyengeezi ekiri omu nywe kitabba kiiruma. 36Omubiri gwamu nigwabba gwizwire ekyengeezi, nigutalumu katundu akalumu ekiiruma gubonenkanira kimwei nkʼamolekerwe ekyengeezi kya taala.
OYesu akuzumiira abeebembezi ba diini
(Mat 23:1-36; Mak 12:38-40)
37OYesu niyamaare okubaza, oMufarisaayo nʼamweta oku kiibulo; oYesu nʼaingira nʼaikala okulya. 38Baitu oMufarisaayo, niyaboine oYesu aliire atabandiize kunaaba ngalo, ni yeewuunya.
39OMukama nikwo okumukoba, “Nywe aBafarisaayo munaabya ebyereza nʼencuba ku ruguru baitu omu mitima gyanywe mwizwire omwolonko nʼebibbi. 40Badoma nywe eyakoore oku ruguru tiniye yakoore nʼomunda? 41Muweeryenge nʼomutima ogusai abaseege, obwo nimwo mwaikiira omu byona omu maiso ga Kanca.”
42“Zibaajirye nywe aBafarisaayo, abaweerya nʼekitundu ekyaikumi ekya buli kantu nʼobusiko obucuunyisya omukubi, baitu amazima nʼokwendya oKanca ni mubinagiriza. Bini mwakubikoore baitu nimutanagiriza na bidi ebyekereire.
43“Zibaagirye nywe aBafarisaayo, kubanga mwendya okwikaara omu bifo ebisinga obusai omu makumbaaniro nʼokubalamuca omu butale.
44“Zibaajirye nywe, olwakubba mukwisana ebituulo ebinambula mabbaale, abantu bye batambuuraku nibatakubimanya.”
45Omwei oku beeteja ba mateeka nʼamukoba, “Mwegesya, nʼobaza otyo inswena obba otuzumire.”
46OYesu nʼamwiramu, “Naanywe abeeteja ba mateeka, zibaajirye kubba mutiika abantu emigugu gye batakusobola kwetiika, ni mutabajunaku gonze akadooli.
47“Zibaajirye, kubba mwombokera abalangi ebituulo, nga abaizebaanywe nibo baabaitire. 48Obwo mubba mukulanga nti musiimire ebyo abaizebaanywe bye baakoore; baitire abalangi, nywe ni mubombokera ebituulo. 49Olwa kini, oKanca, omu magezi gaamwe yakobere, ‘ndib abalangi nʼabakwenda, abamwei oku bani balibaita nʼabandi balibararaanja.’ 50Ale leke omulembe guni gujunaanwe omusaayi gwa balangi ogusensekere oku nsi okuzwa niyatonderwe. 51Okuluga oku musaayi gwʼAbbeeri okwika oku musaayi gwa Zaakaliya, eyaitiirwe akati wa itambiro nʼekifo ekikwera. Nkubakoba omulembe guni gulijunaanibwa omusaayi ogwo gwona gwona.
52“Zibaajirye nywe abeeteja bʼamateeka, olwakubba mwatoirewo ekisandabula olwige olwa kumanya. Nywe abenyenere timwaingire, nʼabaali bakwingira ni mubagaana.”
53OYesu niyalugirewo, aBafarisaayo nʼabeegesya bʼamateeka ni batandika okumuwakanisya omuno nibakumutega nʼebibuulyo, 54nibakwendya okumukwatisya nʼebigambo byeyabaza.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀