Luka 10
10
OYesu akutuma ensanju nʼababiri
1Bini nibyaweire, oMukama nʼakoma abeegesebwa abandi nsanju nʼababiri nʼabatuma babiri babiri bamwebembere okwaba omu bibuga nʼebifo gyeyaali nali ampi okwaba. 2Nʼabakoba, “Ebyakukesa bingi, baitu abakesi badooli. Ale ati musabe oMukama wa kukesa atume abakesi omu musiri gwamwe. 3Nkubatuma mwabe nkʼabaana ba ntaama omu misege. 4Mutatwalana mpiiya, gonze nsawu gonze enkaito, era mutalamuca muntu yeena yeena omu muwanda.”
5“Nimwaingiranga omu nyumba mwekeerenge kubakoba, ‘Emirembe gibbe omu nyumba gini.’ 6Nimwakubbangamu omuntu ayendya emirembe, emirembe gyanywe gyakusigalanga naye; baitu nataabbengemu emirembe gyabairiiranga. 7Muraarenge omu nyumba egyo nimukulya era nimukunywa byebaakubaweeryanga kubba omukoli asemeire okutunga empeera yaamwe.”
8“Nimwaingiranga omu kibuga nibabatangiriira, mulyenge kyona kyona kyebakubaweeryanga. 9Mutambenge abalwaire abalumu era mubakobenge, ‘Obukama bwa Kanca bwigereire gyemuli.’ 10Baitu nimwakwingiranga omu kibuga ni batabatangiira, mwabenge omu nguudo zaakyo, mukobe muti, 11‘Nʼocuucu owa kibuga kyanywe ali oku magulu gaiswe, tukubamukubbaiguurya. Baitu kini mukyeteje, obukama bwa Kanca bwigereire.’ 12Kambakobere, ekiro ekya kusaaraku emisango oSodoma#10:12 Kyali kibuga oKanca kyeyawerekereirye olwa kusiisa kwa bantu baamwo. Kwe 18:20; 19:24-28. alisaasirwa okusinga ekibuga ekyo.”
13“Zikwajirye we, Koraziini! Zikwajirye we, Bbesusaida! Kubba ebyamaano ebyakoleirwe omu we nibyakuli bikoleirwe omu Tiiro nʼoSidoni,#10:13 Ebibuga bikali bibiri byali mu nsi ya Foininsiya era nibimanyiibwe muno olwa busiisi bwabyo. Isa 23:1-18; Amo 1:9-10. abantu baamwo baakuli beenenyeze irai, nibazwaire ebikutiya#10:13 Bini baabizwalanga okulanga okwenatira. nʼokwikala omwikoke. 14Baitu ekiro kya kusaarwa omusango oTiiro nʼoSidoni byalisaasirwa okukira nywe. 15We Kaperenawumu olideedebwa okwika omu bicu? Bbe olyanulibwa nʼoteebwa e kuzumu!”
16Ale nʼakoba abeegesebwa, “Eyaakwikirizanga obukwenda bwanywe naikiriize ninje; nʼoyo eyaakubugaananga nagaine ninje; nʼeyaakugaananga nje nagaine oyo eyantumire.”
17Ensanju nʼababiri ni baira nibasemereirwe, ni bakoba, “Mukama, nitukolesya eibara lyamu nʼemizumu gituwura.”
18OYesu nʼabairamu, “Naboine oSetaani nakugwa nkʼokuserya kwa nkuba, okuluga omwiguru. 19Mbawaire obusobozi okwemanga oku njoka nʼenkwaya, nʼokwendayenda amaani goona goona aga munyanzugu; ndoowo kintu kyalibasuumira. 20Baitu mutasemereerwa olwakubba emizumu gikubawura, musemereerwe olwakubba amabara gaanywe gawandiikiibwe omwiguru.”
21Omu bwire obwo oYesu naizula okusemereerwa okwa Mwoyo Akwera nʼakoba, “Nkukuwaisya Taata, oMukama owa iguru nʼensi, kubba obbisire abagezi nʼabeeteja, ebintu bini nʼobiranga abaana abato. Taata nikwo kwali okusiima kwamu.”
22“OIte wange byona byona yabimpaire, ate nje oMwana ndoowo ammaite okwiyaku oIte wange, era ndoowo amaite Ite wange okwiyaku nje oMwana, nʼoyo gwemba nyenderye amanye oIte wange.”
23Nibaali bonkai nʼayindukira abeegesebwa baamwe nʼakoba ati, “Mulina omukisa okubona bini byemuboine. 24Mazima nkubakoba nti abalangi nʼabakama baayenderye okubona bini byemukubona baitu ni batabibona nʼokuwura byemukuwura baitu ni batabiwura.”
Olufumo lwa Musamaliya eyakoore okusai
25Ekiro kimwei omweeteja wa mateeka ga kiyudaaya yayemereire okugezesya oYesu. Nʼamubuulya, “Mwegesya, nkole ki okugweta#10:25 Okugweta Nikwo okufuna ekintu ekyali kya muntu omufu nkʼoiteewo oba ozeizaawo. obwomi obutawaawo?”
26OYesu nʼamwiramu, “Omu mateeka kyawandiikiibwe kityai? Okyeteja otyai?”
27Omweeteja wa mateeka nʼairamu, “Yendyanga oMukama, oKanca#10:27 Kanca Niryo erimwei oku mabara ga muwangi wa nsi, abamwei bamweta Katonda abandi Nyamwanga. waamu nʼomutima gwamu gwona gwona, nʼomwoyo gwamu gwona gwona, nʼamaani gaamu goona goona nʼamagezi gaamu goona goona.#Tek 6:5 Era yendyanga omutaayiwo nka niweeyendya.”#Lev 19:18
28OYesu nʼamwiramu, “Oiremu kusai, weena kolanga otyo olibba mwomi.”
29Olwakutaka okusinga, omweeteja wa mateeka nʼabuulya oYesu, “Omutaayi wange niye naani?”
30OYesu nʼamwiramu, “Omusaiza yaali akusirimuka akuzwa e Yerusaalemu nakwaba omu kabuga aka Yeriko nʼagwa omu banyagi. Baamukubbire, ni bamwambula ni bamuleka nakabire. 31Waalowo okabona#10:31 OKabona Niye muntu eyakiikiiranga abantu omu maiso ga Kanca. eyaali akwakala omu muwanda ogwo. Niyaboine omusaiza, yamukengeiterembe. 32NʼoMuleevi#10:32 OMuleevi Niye omwei oku bamunyumba ya Leevi egyaweereibwe okuweereza omu Iramyo. niyaikirewo nʼabona omusaiza nʼamukengeita. 33Baitu omusaiza oMusamaliya,#10:33 Omusamaliya Niye omuntu yeena yeena eyaabbanga e Samaliya oba owa iyanga lya Samaliya. eyaali akutambula omu muwanda ogwo niyaikirewo nʼamubona, nʼamukwatirwa ekisa. 34Niyaigereire we yaali nʼatoonyerya amafuta#10:34 Amafuta gani gaanyuukibwanga mu mizaituuni. nʼeviini oku biwuta byamwe, nʼabibbwa. Niyamaare nʼamuta oku ndogoyi waamwe nʼamutwala omu kiraaro kyʼabagenyi nʼamurwaza. 35Enceege nʼaweerya omukama wa kiraaro empiiya.#10:35 Yamuwaire edinaari ibiri era egimwei yamalanga okusasuura omulimu ogwa kiro ekimwei. Nʼamukoba ati, ‘Omuntu oni murwaze, empiiya ezaabba zaakairemu ndizikwiriiryawo ninyiire.’
36“Okulowooza muntu ki oku bani abasatu eyaali omutaayi wa musaiza eyagwire omu banyagi?”
37Omweeteja wa mateeka nʼairamu ati, “Oyo eyamukwatiirwe ekisa.”
OYesu nʼamukoba, “Yaba okolenge otyo.”
OYesu akucaara oMaliza nʼoMalyamu
38OYesu nʼabeegesebwa baamwe nibaali bakwaba e Yerusaalemu, omukali eyayetebwanga Maliza nʼamutangiriira omu nyumba yaamwe. 39Baitu oMaliza yaalina omugande eyayetebwanga Malyamu, eyaali naikaliire ampi nʼamagulu ga Mukama nakuwuliirya byeyaali nakubaza. 40Baitu oMaliza yaali nakutalibanizibwa emirumu egingi gyeyaali nakukola. Nʼaiza egiri oYesu nʼamubuulya, “Mukama tokufaayo omuganda wange nandekereirye emirumu? Mukobe anjuneku.” 41OMukama nʼamwiramu, “Maliza, Maliza, otuntwire era nʼokutalibanizibwa ebintu bingi, 42Baitu ekikwendebwa kiri kimwei. OMalyamu akomerye ekikusinga obusai, era ndoowo alikimutoolaku.”
Àwon tá yàn lọ́wọ́lọ́wọ́ báyìí:
Luka 10: RUULI-NYALA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Luka 10
10
OYesu akutuma ensanju nʼababiri
1Bini nibyaweire, oMukama nʼakoma abeegesebwa abandi nsanju nʼababiri nʼabatuma babiri babiri bamwebembere okwaba omu bibuga nʼebifo gyeyaali nali ampi okwaba. 2Nʼabakoba, “Ebyakukesa bingi, baitu abakesi badooli. Ale ati musabe oMukama wa kukesa atume abakesi omu musiri gwamwe. 3Nkubatuma mwabe nkʼabaana ba ntaama omu misege. 4Mutatwalana mpiiya, gonze nsawu gonze enkaito, era mutalamuca muntu yeena yeena omu muwanda.”
5“Nimwaingiranga omu nyumba mwekeerenge kubakoba, ‘Emirembe gibbe omu nyumba gini.’ 6Nimwakubbangamu omuntu ayendya emirembe, emirembe gyanywe gyakusigalanga naye; baitu nataabbengemu emirembe gyabairiiranga. 7Muraarenge omu nyumba egyo nimukulya era nimukunywa byebaakubaweeryanga kubba omukoli asemeire okutunga empeera yaamwe.”
8“Nimwaingiranga omu kibuga nibabatangiriira, mulyenge kyona kyona kyebakubaweeryanga. 9Mutambenge abalwaire abalumu era mubakobenge, ‘Obukama bwa Kanca bwigereire gyemuli.’ 10Baitu nimwakwingiranga omu kibuga ni batabatangiira, mwabenge omu nguudo zaakyo, mukobe muti, 11‘Nʼocuucu owa kibuga kyanywe ali oku magulu gaiswe, tukubamukubbaiguurya. Baitu kini mukyeteje, obukama bwa Kanca bwigereire.’ 12Kambakobere, ekiro ekya kusaaraku emisango oSodoma#10:12 Kyali kibuga oKanca kyeyawerekereirye olwa kusiisa kwa bantu baamwo. Kwe 18:20; 19:24-28. alisaasirwa okusinga ekibuga ekyo.”
13“Zikwajirye we, Koraziini! Zikwajirye we, Bbesusaida! Kubba ebyamaano ebyakoleirwe omu we nibyakuli bikoleirwe omu Tiiro nʼoSidoni,#10:13 Ebibuga bikali bibiri byali mu nsi ya Foininsiya era nibimanyiibwe muno olwa busiisi bwabyo. Isa 23:1-18; Amo 1:9-10. abantu baamwo baakuli beenenyeze irai, nibazwaire ebikutiya#10:13 Bini baabizwalanga okulanga okwenatira. nʼokwikala omwikoke. 14Baitu ekiro kya kusaarwa omusango oTiiro nʼoSidoni byalisaasirwa okukira nywe. 15We Kaperenawumu olideedebwa okwika omu bicu? Bbe olyanulibwa nʼoteebwa e kuzumu!”
16Ale nʼakoba abeegesebwa, “Eyaakwikirizanga obukwenda bwanywe naikiriize ninje; nʼoyo eyaakubugaananga nagaine ninje; nʼeyaakugaananga nje nagaine oyo eyantumire.”
17Ensanju nʼababiri ni baira nibasemereirwe, ni bakoba, “Mukama, nitukolesya eibara lyamu nʼemizumu gituwura.”
18OYesu nʼabairamu, “Naboine oSetaani nakugwa nkʼokuserya kwa nkuba, okuluga omwiguru. 19Mbawaire obusobozi okwemanga oku njoka nʼenkwaya, nʼokwendayenda amaani goona goona aga munyanzugu; ndoowo kintu kyalibasuumira. 20Baitu mutasemereerwa olwakubba emizumu gikubawura, musemereerwe olwakubba amabara gaanywe gawandiikiibwe omwiguru.”
21Omu bwire obwo oYesu naizula okusemereerwa okwa Mwoyo Akwera nʼakoba, “Nkukuwaisya Taata, oMukama owa iguru nʼensi, kubba obbisire abagezi nʼabeeteja, ebintu bini nʼobiranga abaana abato. Taata nikwo kwali okusiima kwamu.”
22“OIte wange byona byona yabimpaire, ate nje oMwana ndoowo ammaite okwiyaku oIte wange, era ndoowo amaite Ite wange okwiyaku nje oMwana, nʼoyo gwemba nyenderye amanye oIte wange.”
23Nibaali bonkai nʼayindukira abeegesebwa baamwe nʼakoba ati, “Mulina omukisa okubona bini byemuboine. 24Mazima nkubakoba nti abalangi nʼabakama baayenderye okubona bini byemukubona baitu ni batabibona nʼokuwura byemukuwura baitu ni batabiwura.”
Olufumo lwa Musamaliya eyakoore okusai
25Ekiro kimwei omweeteja wa mateeka ga kiyudaaya yayemereire okugezesya oYesu. Nʼamubuulya, “Mwegesya, nkole ki okugweta#10:25 Okugweta Nikwo okufuna ekintu ekyali kya muntu omufu nkʼoiteewo oba ozeizaawo. obwomi obutawaawo?”
26OYesu nʼamwiramu, “Omu mateeka kyawandiikiibwe kityai? Okyeteja otyai?”
27Omweeteja wa mateeka nʼairamu, “Yendyanga oMukama, oKanca#10:27 Kanca Niryo erimwei oku mabara ga muwangi wa nsi, abamwei bamweta Katonda abandi Nyamwanga. waamu nʼomutima gwamu gwona gwona, nʼomwoyo gwamu gwona gwona, nʼamaani gaamu goona goona nʼamagezi gaamu goona goona.#Tek 6:5 Era yendyanga omutaayiwo nka niweeyendya.”#Lev 19:18
28OYesu nʼamwiramu, “Oiremu kusai, weena kolanga otyo olibba mwomi.”
29Olwakutaka okusinga, omweeteja wa mateeka nʼabuulya oYesu, “Omutaayi wange niye naani?”
30OYesu nʼamwiramu, “Omusaiza yaali akusirimuka akuzwa e Yerusaalemu nakwaba omu kabuga aka Yeriko nʼagwa omu banyagi. Baamukubbire, ni bamwambula ni bamuleka nakabire. 31Waalowo okabona#10:31 OKabona Niye muntu eyakiikiiranga abantu omu maiso ga Kanca. eyaali akwakala omu muwanda ogwo. Niyaboine omusaiza, yamukengeiterembe. 32NʼoMuleevi#10:32 OMuleevi Niye omwei oku bamunyumba ya Leevi egyaweereibwe okuweereza omu Iramyo. niyaikirewo nʼabona omusaiza nʼamukengeita. 33Baitu omusaiza oMusamaliya,#10:33 Omusamaliya Niye omuntu yeena yeena eyaabbanga e Samaliya oba owa iyanga lya Samaliya. eyaali akutambula omu muwanda ogwo niyaikirewo nʼamubona, nʼamukwatirwa ekisa. 34Niyaigereire we yaali nʼatoonyerya amafuta#10:34 Amafuta gani gaanyuukibwanga mu mizaituuni. nʼeviini oku biwuta byamwe, nʼabibbwa. Niyamaare nʼamuta oku ndogoyi waamwe nʼamutwala omu kiraaro kyʼabagenyi nʼamurwaza. 35Enceege nʼaweerya omukama wa kiraaro empiiya.#10:35 Yamuwaire edinaari ibiri era egimwei yamalanga okusasuura omulimu ogwa kiro ekimwei. Nʼamukoba ati, ‘Omuntu oni murwaze, empiiya ezaabba zaakairemu ndizikwiriiryawo ninyiire.’
36“Okulowooza muntu ki oku bani abasatu eyaali omutaayi wa musaiza eyagwire omu banyagi?”
37Omweeteja wa mateeka nʼairamu ati, “Oyo eyamukwatiirwe ekisa.”
OYesu nʼamukoba, “Yaba okolenge otyo.”
OYesu akucaara oMaliza nʼoMalyamu
38OYesu nʼabeegesebwa baamwe nibaali bakwaba e Yerusaalemu, omukali eyayetebwanga Maliza nʼamutangiriira omu nyumba yaamwe. 39Baitu oMaliza yaalina omugande eyayetebwanga Malyamu, eyaali naikaliire ampi nʼamagulu ga Mukama nakuwuliirya byeyaali nakubaza. 40Baitu oMaliza yaali nakutalibanizibwa emirumu egingi gyeyaali nakukola. Nʼaiza egiri oYesu nʼamubuulya, “Mukama tokufaayo omuganda wange nandekereirye emirumu? Mukobe anjuneku.” 41OMukama nʼamwiramu, “Maliza, Maliza, otuntwire era nʼokutalibanizibwa ebintu bingi, 42Baitu ekikwendebwa kiri kimwei. OMalyamu akomerye ekikusinga obusai, era ndoowo alikimutoolaku.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀