Luka 9
9
OYesu akutuma abakwenda eikumi nʼababiri
(Mat 10:5-15; Mak 6:7-13)
1OYesu niyayetere eikumi nʼababiri, nʼabaweerya obusobozi nʼamaani okupeka emizumu nʼokutamba endwaire. 2Nʼabatuma okwaba okukoba oku bukama bwa Kanca nʼokutamba abalwaire. 3Nʼabakoba, “Mutatwalana kintu kyona kyona omu lugendo luni, gonze omwigo, gonze ensawu, gonze emere, gonze empiiya, gonze ekizwalibwa ekyakabiri. 4Buli nyumba gye mwakwingirangamu ni babacaamiira, mwikalenge omwo okwikya nimwaliriga omu kibuga ekyo. 5Abantu nibataakubatangiiranga, mwekubbaigulyengeku ocuucu wa ku magulu gaanywe ni mukuliga omu kibuga ekyo, abbe nkʼomujuurwa oku bo.” 6Ale ni baaba omu byalo byona byona, nibakukoba Amawuro Agasai nʼokutamba abantu buli amwei.
7OKerode owa isaza lya Galiraaya niyawuliire byona byona ebyalowo nʼasoberwa kubba abamwei bakobanga nti oYokaana ayimbookere okuzwa omu bafu, 8abandi nti Eriya abonekere, nʼabandi nti omwei oku balangi aba irai yaali ayimbookere okuzwa omu bafu. 9Baitu oKerode ni yeebuulya, “OYokaana namutemereku omutwe. Naanite oni gwe nkuwura akukola bini byona?” Nʼagezaaku okumubona.
OYesu akuliisya abantu enkumi eitaanu
(Mat 14:13-21; Mak 6:30-44; Yok 6:1-14)
10Abakwenda nibaire ni bakobera oYesu byona byona byebakoore. Awo nʼabatwalana, ni beesoroora omu kibuga ekyetebwa Bbesusaida, 11Baitu abantu baingi ni beeteja gyeyaali nakwaba ni bamusengeerya. Nʼabatangiira nʼabaza nabo oku bukama bwa Kanca nʼatamba nʼabo abaayendyanga okutambwa.
12Eisana niryali likugwa, eikumi nʼababiri ni baiza gyali ni bamukoba, “Koba abantu baabe omu byalo ebyerereirewo batoolye ebyakulya nʼoburaaro, olwakubba ani we tuli weenagire.”
13Nʼabairamu, “Mubaweerye ekyakulya.”
Ni bamwiramu, “Iswe tulina emigaati etaanu nʼencwi ibiri zonkai—kanda nitwayaba ni tugula emere eyamala abantu bani boona boona.” 14(Baali abasaiza nkʼenkumi itaanu.)
OYesu nʼakoba abeegesebwa, “Mubaikaarye abantu nkʼataanu ataanu.” 15Ni bakola batyo, ni babaikaarya boona boona. 16OYesu nʼakwata emigaati etaanu nʼencwi eibiri nʼaroleera egiri eiguru, ni yeebalya nʼabyendamu, nʼabiweerya abeegesebwa baamwe babiweerye abantu. 17Boona boona ni balya ni baikuta, abeegesebwa baamwe ni bakomakoma ebitundutundu ebyasaagirewo, ebigega ikumi nabibiri.
OPeetero akwatula oYesu nali Kurisito
(Mat 16:13-28; Mak 8:27–9:1)
18Ekiro kimwei oYesu niyeesoroire okusaba nali nʼabeegesebwa baamwe, nʼababuulya, “Abantu bannyeta naani?”
19Ni bamwiramu nti, “Abamwei bakweta Yokaana oMubatiza, abandi Eriya nʼabandi omwei oku balangi aba irai ayimbookere.”
20Nʼababuulya, “Baitute nywe munyeta naani?”
OPeetero nʼamwiramu, “Niiwe Kurisito wa Kanca.”
21OYesu nʼabakunkuniza kini obutakisubiiraku muntu yeena yeena. 22Nʼabakoba, “OMwana wa Muntu ateekwa okubonaabona omuno era agaanibwe abakaire, abakabona abakulu nʼabeegesya bʼamateeka, era ateekwa okwitibwa, baitu ekiro kyakasatu ayimbooke.”
23Nʼaira nʼabakoba boona boona ati, “Omuntu yeena yeena akwendya okunsengeerya, ateekwa okwerekeeseerya ni yeetiika buli kiro omusaalaba gwamwe nʼansengeerya. 24Olwakubba buli muntu ayendya okutaatira obwomi bwamwe alibufeerwa, na buli omwei afeerwa obwomi bwamwe oku lwange alibutaatira. 25Kirigasa ki omuntu okulya ensi yoona, baitu nʼafiirwa obwomi bwamwe? 26Buli omwei alinkwatirwa ensoni nʼebigambo byange, oyo nʼoMwana wa Muntu alimukwatirwa ensoni naliiza omu kitiinisya kyamwe nʼekya itewaamwe nʼekya bamalaika abakwera. 27Kambakobere amananu; abamwei oku bantu abali ani, tibalifa batakaboine Bukama bwa Kanca.”
Okuyinduka kwa nyisana ya Yesu
(Mat 17:1-8; Mak 9:2-8)
28Niwaayakairewo ebiro munaanai namaare okubaza bini, nʼatwalana oPeetero, oYokaana nʼoYakobo okusaba aiguru oku lusozi. 29Niyaali nakusaba, obusyo bwamwe ni buyinduka nʼengoye zaamwe ni ziseryaserya muno. 30Amangu ago, abasaiza babiri, oMusa nʼEriya ni baboneka nibakubaza naye; 31baabonekeire omu kitiinisya nibakubaza nʼoYesu oku kufa kwamwe kwe yaali nakwaba okwikiirya omu Yerusaalemu. 32OPeetero nʼabaira baamwe baali bawungukire, baitu nibaasusumukire ni babona ekitiinisya kya Yesu nʼabasaiza ababiri abaali beemereire naye. 33Awo abasaiza nibaali bakuliga oYesu weyaali, oPeetero nʼamukoba, “Mwegesya kisemeire iswe okubba ani. Leka twomboke ebitinde bisatu, ekimwei kyamu, nʼekindi kya Musa, nʼekindi kyʼEriya.” (Tiyamaite bye yaali nakubaza.)
34Niyaali acaabaza, ekicu ni kiiza ni kibakingiirya, kini ni kibatiinisya muno. 35Eiraka ni lizwa omu kicu, nilikukoba, “Oni niye oMwana wange gwe nkomerye; mumuwuliirye.” 36Eiraka nilimaare okubaza, ni babona oYesu nali yenkai. Abeegesebwa ni bakyekuumira bonkai, ni batakoberaku muntu yeena kyebaboine.
OYesu akutamba omwojo eyaaliku omuzumu
(Mat 17:14-18,22-23; Mak 9:14-27,30-32)
37Nibaazwire oku lusozi ekiro ekyaiririire, abantu abanyamwingi ni baitirana oYesu. 38Omusaiza eyaali omu bantu abo nʼabazira aiguru nʼakoba, “Mwegesya nkwesengereirye, lola omutaani wange gwendina yenkai. 39Omuzumu gukumugweranga, amangu ago nʼakokooma muno, ni gumukubbirawo, nʼafukeera. Gumuwutaaza era tigutera kumuzwaku. 40Neesengereirye abeegesebwa baamu bapeke omuzumu guni baitu ni batasobola.”
41OYesu nʼairamu nʼabakoba, “Bantu nywe aba mulembe ogutalina kwikiriza era ogwabbaamire, ndiikya di okubba naanywe nʼokubagumiikiriza? Leeta ani omutaani waamu.”
42Omwojo ne bweyaali akwiza, omuzumu ni gumunaga ansi nʼakunkuma. Baitu oYesu nʼalagira omuzumu okumuzwaku, nʼamutamba nʼamwiriirya oitewaamwe. 43Boona boona ni bawuniikiira olwa maani ga Kanca.
Buli omwei niyaali akyewuunya olwa byona oYesu byeyakoore, nʼakoba abeegesebwa baamwe ati, 44“Muwuliirye nimwekendekekere kye nkwaba okubakoba: oMwana wa Muntu akwaba okuliiranwa, aweebweyo omu mikono gyʼabantu.” 45Baitu tibeetejerye kyeyaali akumanyisya; kyali kibabbisirweku baleke kukyeteja, ate ni batiina okukimubuulya.
Akira okubba owa kitiinisya
(Mat 18:1-5; Mak 9:33-40)
46Awo abeegesebwa baamwe ni batandika okuwakana nibakukoba nti naani omu bo akukira okubba omukulu. 47Olwa kumanya ebirowoozo byabwe, oYesu nʼakwata omwana omuto nʼamwemeerya e rubaju waamwe; 48nʼabakoba, “Buli omwei atangiira omwana omuto oni omwibara lyange abba atangiriire ninje, na buli omwei atangiira nje abba atangiriire oyo eyantumire. Olwakubba akusinga obuculeeri omu nywe niye akusinga obukulu.”
49OYokaana nʼamukoba, “Mukama, twaboine omusaiza nakupeka emizumu omwibara lyamu, ni tugezaaku okumugaana, olwakubba tali amwei naiswe.”
50OYesu nʼakoba, “Mutamugaana, olwakubba buli atakutulwanisya abba ku lwaiswe.”
Okugaanibwa e Samaliya
51Obwire bwamwe obwa kutemba omwiguru nibwali bwigereire oYesu nʼamaliira okwaba e Yerusaalemu. 52Nʼatuma abakwenda okumwebembera okwaba omu kyalo ekya Samaliya okuteekanizayo okucaala kwamwe; 53Baitu abantu ba Samaliya tibaamutangiriire, olwakubba yaali nakwaba Yerusaalemu. 54Abeegesebwa baamwe, oYakobo nʼoYokaana, nibaaboine kini, ni babuulya oYesu, “Mukama okwendya twete omuro okuzwa omwiguru gubazikye?” 55Baitu oYesu nʼabayindukira nʼabanenya, 56ni baaba oku kyalo ekindi.
Omwegesebwa wa Yesu byeyeerekeeseerya
(Mat 8:19-22)
57Nibaali bakutambula omu muwanda, omusaiza nʼakoba oYesu nti, “Nkwiza kubba mwegesebwa waamu gye waakwabanga woona woona.” 58OYesu nʼamwiramu, “Ebbwa zirina ebiina mweziraara, nʼebinyonyi byʼamwibbanga birina ebinyumba, baitu oMwana wa Muntu talina wʼakuta mutwe gwamwe.”
59Nʼakoba omusaiza owondi, “Nsengeerya.” Omusaiza nʼamwiramu, “Mukama, banza ondeke nyabe nziike oitewange.”
60OYesu nʼamukoba, “Leka abafu baziike abafu abaira baabwe, baitu we yaba okobe ebya bukama bwa Kanca.”
61Nʼowondi nʼakoba, “Mukama, naabba mwegesebwa waamu, baitu banza ondeke nyire eka ndage abantu bange.”
62OYesu nʼamwiramu, “Ndoowo akwata cuuka naira nʼalola enyuma asemeire okuweereza omu bukama bwa Kanca.”
Àwon tá yàn lọ́wọ́lọ́wọ́ báyìí:
Luka 9: RUULI-NYALA
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
Luka 9
9
OYesu akutuma abakwenda eikumi nʼababiri
(Mat 10:5-15; Mak 6:7-13)
1OYesu niyayetere eikumi nʼababiri, nʼabaweerya obusobozi nʼamaani okupeka emizumu nʼokutamba endwaire. 2Nʼabatuma okwaba okukoba oku bukama bwa Kanca nʼokutamba abalwaire. 3Nʼabakoba, “Mutatwalana kintu kyona kyona omu lugendo luni, gonze omwigo, gonze ensawu, gonze emere, gonze empiiya, gonze ekizwalibwa ekyakabiri. 4Buli nyumba gye mwakwingirangamu ni babacaamiira, mwikalenge omwo okwikya nimwaliriga omu kibuga ekyo. 5Abantu nibataakubatangiiranga, mwekubbaigulyengeku ocuucu wa ku magulu gaanywe ni mukuliga omu kibuga ekyo, abbe nkʼomujuurwa oku bo.” 6Ale ni baaba omu byalo byona byona, nibakukoba Amawuro Agasai nʼokutamba abantu buli amwei.
7OKerode owa isaza lya Galiraaya niyawuliire byona byona ebyalowo nʼasoberwa kubba abamwei bakobanga nti oYokaana ayimbookere okuzwa omu bafu, 8abandi nti Eriya abonekere, nʼabandi nti omwei oku balangi aba irai yaali ayimbookere okuzwa omu bafu. 9Baitu oKerode ni yeebuulya, “OYokaana namutemereku omutwe. Naanite oni gwe nkuwura akukola bini byona?” Nʼagezaaku okumubona.
OYesu akuliisya abantu enkumi eitaanu
(Mat 14:13-21; Mak 6:30-44; Yok 6:1-14)
10Abakwenda nibaire ni bakobera oYesu byona byona byebakoore. Awo nʼabatwalana, ni beesoroora omu kibuga ekyetebwa Bbesusaida, 11Baitu abantu baingi ni beeteja gyeyaali nakwaba ni bamusengeerya. Nʼabatangiira nʼabaza nabo oku bukama bwa Kanca nʼatamba nʼabo abaayendyanga okutambwa.
12Eisana niryali likugwa, eikumi nʼababiri ni baiza gyali ni bamukoba, “Koba abantu baabe omu byalo ebyerereirewo batoolye ebyakulya nʼoburaaro, olwakubba ani we tuli weenagire.”
13Nʼabairamu, “Mubaweerye ekyakulya.”
Ni bamwiramu, “Iswe tulina emigaati etaanu nʼencwi ibiri zonkai—kanda nitwayaba ni tugula emere eyamala abantu bani boona boona.” 14(Baali abasaiza nkʼenkumi itaanu.)
OYesu nʼakoba abeegesebwa, “Mubaikaarye abantu nkʼataanu ataanu.” 15Ni bakola batyo, ni babaikaarya boona boona. 16OYesu nʼakwata emigaati etaanu nʼencwi eibiri nʼaroleera egiri eiguru, ni yeebalya nʼabyendamu, nʼabiweerya abeegesebwa baamwe babiweerye abantu. 17Boona boona ni balya ni baikuta, abeegesebwa baamwe ni bakomakoma ebitundutundu ebyasaagirewo, ebigega ikumi nabibiri.
OPeetero akwatula oYesu nali Kurisito
(Mat 16:13-28; Mak 8:27–9:1)
18Ekiro kimwei oYesu niyeesoroire okusaba nali nʼabeegesebwa baamwe, nʼababuulya, “Abantu bannyeta naani?”
19Ni bamwiramu nti, “Abamwei bakweta Yokaana oMubatiza, abandi Eriya nʼabandi omwei oku balangi aba irai ayimbookere.”
20Nʼababuulya, “Baitute nywe munyeta naani?”
OPeetero nʼamwiramu, “Niiwe Kurisito wa Kanca.”
21OYesu nʼabakunkuniza kini obutakisubiiraku muntu yeena yeena. 22Nʼabakoba, “OMwana wa Muntu ateekwa okubonaabona omuno era agaanibwe abakaire, abakabona abakulu nʼabeegesya bʼamateeka, era ateekwa okwitibwa, baitu ekiro kyakasatu ayimbooke.”
23Nʼaira nʼabakoba boona boona ati, “Omuntu yeena yeena akwendya okunsengeerya, ateekwa okwerekeeseerya ni yeetiika buli kiro omusaalaba gwamwe nʼansengeerya. 24Olwakubba buli muntu ayendya okutaatira obwomi bwamwe alibufeerwa, na buli omwei afeerwa obwomi bwamwe oku lwange alibutaatira. 25Kirigasa ki omuntu okulya ensi yoona, baitu nʼafiirwa obwomi bwamwe? 26Buli omwei alinkwatirwa ensoni nʼebigambo byange, oyo nʼoMwana wa Muntu alimukwatirwa ensoni naliiza omu kitiinisya kyamwe nʼekya itewaamwe nʼekya bamalaika abakwera. 27Kambakobere amananu; abamwei oku bantu abali ani, tibalifa batakaboine Bukama bwa Kanca.”
Okuyinduka kwa nyisana ya Yesu
(Mat 17:1-8; Mak 9:2-8)
28Niwaayakairewo ebiro munaanai namaare okubaza bini, nʼatwalana oPeetero, oYokaana nʼoYakobo okusaba aiguru oku lusozi. 29Niyaali nakusaba, obusyo bwamwe ni buyinduka nʼengoye zaamwe ni ziseryaserya muno. 30Amangu ago, abasaiza babiri, oMusa nʼEriya ni baboneka nibakubaza naye; 31baabonekeire omu kitiinisya nibakubaza nʼoYesu oku kufa kwamwe kwe yaali nakwaba okwikiirya omu Yerusaalemu. 32OPeetero nʼabaira baamwe baali bawungukire, baitu nibaasusumukire ni babona ekitiinisya kya Yesu nʼabasaiza ababiri abaali beemereire naye. 33Awo abasaiza nibaali bakuliga oYesu weyaali, oPeetero nʼamukoba, “Mwegesya kisemeire iswe okubba ani. Leka twomboke ebitinde bisatu, ekimwei kyamu, nʼekindi kya Musa, nʼekindi kyʼEriya.” (Tiyamaite bye yaali nakubaza.)
34Niyaali acaabaza, ekicu ni kiiza ni kibakingiirya, kini ni kibatiinisya muno. 35Eiraka ni lizwa omu kicu, nilikukoba, “Oni niye oMwana wange gwe nkomerye; mumuwuliirye.” 36Eiraka nilimaare okubaza, ni babona oYesu nali yenkai. Abeegesebwa ni bakyekuumira bonkai, ni batakoberaku muntu yeena kyebaboine.
OYesu akutamba omwojo eyaaliku omuzumu
(Mat 17:14-18,22-23; Mak 9:14-27,30-32)
37Nibaazwire oku lusozi ekiro ekyaiririire, abantu abanyamwingi ni baitirana oYesu. 38Omusaiza eyaali omu bantu abo nʼabazira aiguru nʼakoba, “Mwegesya nkwesengereirye, lola omutaani wange gwendina yenkai. 39Omuzumu gukumugweranga, amangu ago nʼakokooma muno, ni gumukubbirawo, nʼafukeera. Gumuwutaaza era tigutera kumuzwaku. 40Neesengereirye abeegesebwa baamu bapeke omuzumu guni baitu ni batasobola.”
41OYesu nʼairamu nʼabakoba, “Bantu nywe aba mulembe ogutalina kwikiriza era ogwabbaamire, ndiikya di okubba naanywe nʼokubagumiikiriza? Leeta ani omutaani waamu.”
42Omwojo ne bweyaali akwiza, omuzumu ni gumunaga ansi nʼakunkuma. Baitu oYesu nʼalagira omuzumu okumuzwaku, nʼamutamba nʼamwiriirya oitewaamwe. 43Boona boona ni bawuniikiira olwa maani ga Kanca.
Buli omwei niyaali akyewuunya olwa byona oYesu byeyakoore, nʼakoba abeegesebwa baamwe ati, 44“Muwuliirye nimwekendekekere kye nkwaba okubakoba: oMwana wa Muntu akwaba okuliiranwa, aweebweyo omu mikono gyʼabantu.” 45Baitu tibeetejerye kyeyaali akumanyisya; kyali kibabbisirweku baleke kukyeteja, ate ni batiina okukimubuulya.
Akira okubba owa kitiinisya
(Mat 18:1-5; Mak 9:33-40)
46Awo abeegesebwa baamwe ni batandika okuwakana nibakukoba nti naani omu bo akukira okubba omukulu. 47Olwa kumanya ebirowoozo byabwe, oYesu nʼakwata omwana omuto nʼamwemeerya e rubaju waamwe; 48nʼabakoba, “Buli omwei atangiira omwana omuto oni omwibara lyange abba atangiriire ninje, na buli omwei atangiira nje abba atangiriire oyo eyantumire. Olwakubba akusinga obuculeeri omu nywe niye akusinga obukulu.”
49OYokaana nʼamukoba, “Mukama, twaboine omusaiza nakupeka emizumu omwibara lyamu, ni tugezaaku okumugaana, olwakubba tali amwei naiswe.”
50OYesu nʼakoba, “Mutamugaana, olwakubba buli atakutulwanisya abba ku lwaiswe.”
Okugaanibwa e Samaliya
51Obwire bwamwe obwa kutemba omwiguru nibwali bwigereire oYesu nʼamaliira okwaba e Yerusaalemu. 52Nʼatuma abakwenda okumwebembera okwaba omu kyalo ekya Samaliya okuteekanizayo okucaala kwamwe; 53Baitu abantu ba Samaliya tibaamutangiriire, olwakubba yaali nakwaba Yerusaalemu. 54Abeegesebwa baamwe, oYakobo nʼoYokaana, nibaaboine kini, ni babuulya oYesu, “Mukama okwendya twete omuro okuzwa omwiguru gubazikye?” 55Baitu oYesu nʼabayindukira nʼabanenya, 56ni baaba oku kyalo ekindi.
Omwegesebwa wa Yesu byeyeerekeeseerya
(Mat 8:19-22)
57Nibaali bakutambula omu muwanda, omusaiza nʼakoba oYesu nti, “Nkwiza kubba mwegesebwa waamu gye waakwabanga woona woona.” 58OYesu nʼamwiramu, “Ebbwa zirina ebiina mweziraara, nʼebinyonyi byʼamwibbanga birina ebinyumba, baitu oMwana wa Muntu talina wʼakuta mutwe gwamwe.”
59Nʼakoba omusaiza owondi, “Nsengeerya.” Omusaiza nʼamwiramu, “Mukama, banza ondeke nyabe nziike oitewange.”
60OYesu nʼamukoba, “Leka abafu baziike abafu abaira baabwe, baitu we yaba okobe ebya bukama bwa Kanca.”
61Nʼowondi nʼakoba, “Mukama, naabba mwegesebwa waamu, baitu banza ondeke nyire eka ndage abantu bange.”
62OYesu nʼamwiramu, “Ndoowo akwata cuuka naira nʼalola enyuma asemeire okuweereza omu bukama bwa Kanca.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀