Mariko 10
10
Okhulekhana
(Mat. 19.1-12; Lk. 16.18)
1Yesu kachula ao kachia eluveka wa Yudea nende engerekha wa Yordani, esituma siakhung'ana khuniye nundi, nga kwali omwima kukwe, kavekesa. 2Avafarisayo vamwichakho okhumutema nivacheva, “Yiri awene omusacha okhulekhana nomukhasi wuwe?” 3Kavachipa, “Musa kavalakirisa sina?” 4Vamuwolera, “Musa kasiwula omusacha okhuandika ebarua yokhulekhana, namutimanie.” 5Nausa Yesu kavawolera, “Esikira yowomu wemioyo kavaandikira elako lino. 6Nausa okhuchula mukhwanja khwa okhulonga esialo, ‘Nyasaye kavalomba omusacha nende omukhasi.’ 7‘Sikira khulwako omusacha achiakhulekha papa ni mayi wuwe natirane nomukhasi wuwe, 8navo vaviri valikhuva omuviri mulala.’ Kho sivali khuva nundi vaviri ta nausa omuviri mulala. 9Khulwako esi Nyasaye achaye alala, omunju yesiyesi achakaukhania ta.” 10Munju avalondi nundi vamucheva khukhuwa lino. 11Ne kavawolera, “Oyo olekhana nomukhasi wuwe nayira owundi, aheya khumukhasi wuwe. 12Niva omukhasi alekha omusacha wuwe navayira khuwundi, akhola owuheyi.”
Yesu Acha Omukhono Khuvana
(Mat. 19.13-15; Lk. 18.15-17)
13Vali vanalechanga avana vatiti khuniye, mbo kole okhuvachakho omukhono, navalondi vavekalira. 14Nausa olu Yesu kawona kawulira owuvi kavawolera, “Lekhe avana vache khwise, muchavakaira tawe, sikira khuvachi njava owami wa Nyasaye wuli. 15Mung'ali vawolera, yesiyesi ochawukula owami wa Nyasaye ngomwana sialingiramo ta.” 16Mana kavawukula mumikhono kikie kavawa ekhavi, navachakho amakhono.
Omunju wali Omuyinda
(Mat. 19.16-30; Lk. 18.18-30)
17Nolu kali ananjanga olukendo lulwe, omusacha katima kacha kasikama emberi wuwe, kamucheva, “Omwekesi Mulayi, siosina esinola ekhole okhunyola owulamu wa wuli lwosi?” 18Yesu kamuwolera, “Mbo sina niwunanga omulayi? Awumao omulayi nachali Nyasaye yeng'ene. 19Omanyire amalako, ‘Ochecha ta, ochaheya ta, ocheva ta, ochachusa owuloli wowuveyi ta, ochakonjia ta, weresa papa ni mayi wuwo oluyali.’ ” 20Naye kamuwolera, “Omwekesi, kano kosi nakhalonda okhuchula muwuraka wange.” 21Yesu kamulengera ne kamusima, kamuwolera, “Okhayiswe esinju silala, chia, kusia eviuli navyo, nowerese avamanani, nolikhuva nevikhiro mwikulu, mana wiche wunonde.” 22Okhuwulira ako, kaverera, mana kachulao nesivera, esikira kali nemiandu emingi.
23Yesu kalengera embeka chiosi ne kawolera avalondi vave, “Viriva vitinyu khwavo avali nende emiandu okhwingira muwami wa Nyasaye!” 24Navalondi vawuka khumakhuwa kake. Nausa Yesu kavawolera nundi, “Avana, vitinyu nivyo okhwingira muwami wa Nyasaye! 25Yiri lwangu engamia okhwingira mumoni yesindani okhukhira omunju muyinda okhwingira muwami wa Nyasaye.” 26Ne vawuka muno, vamuwolera, “Mana kho njanu onyala okhuwoniwa?” 27Yesu kavalengera mana kawola, “Khuvanju, sikanyalikha ta, nausa siwutinyu khu Nyasaye ta, sikira wulisinju sinyalikha ni Nyasaye.” 28Petero kachanikha okhumuwolera, “Lengera, khwalekha wulisinju khwakhulonda ewe.” 29Yesu kawola, “Ng'ali vawolera, awumao yesiyesi owakhalekha enju nomba avawandaye namwe ng'ina ni simwana namwe avana namwe emikunda, sikira yekhuwa liange, 30ochalinyola amakhavi emia khanu muvise vino, enju, navasoliri vawe, navakhana vawe nende avang'ina, navana, nende emikunda, niviri neminyakhano, mumiaka kicha owulamu wa wuli lwosi. 31Nausa avangi avachangira valimalirikha, navamalirikha vachangire.”
Yesu Awola olwa Khatachu khufwa nende Esisimukha Lilie
(Mat. 20.17-19; Lk. 18.31-34)
32Vali khumwanda, nivanina Yerusalemu, ne Yesu kali akenda emberi wawe, ne vawuka, avo avamulondakho varia. Kawukula avo ekhumi navaviri nundi, kachanikha okhuvawolera esiali nisiri khumwekholekhakho, 33nawola, “Mbao, khunachianga Yerusalemu, Omwana womunju alikhuanwa khuvakuhani vakhongo nende avekesi vamalako, vali khumukhalakira okhufwa, vamuane khu Avachali Avayahudi. 34Vali khumukholera esienyaenye, vamufuchekho amache, vamukhupe eviwoko, vamwiche, nenyinga chitachu nichiakhawa alikhusisimukha.”
Esava lia Yakopo nende Yohana
(Mat. 20.20-28)
35Yakopo nende Yohana, avasoliri va Sebedayo, vacha emberi khuniye, vamuwolera, “Omwekesi, khwenya ochukholere siosisiosi sikhukhucheva.” 36Naye kavawolera, “Siosina simwenya evakholere?” 37Vamuwolera, “Chuwerese khwikhale, mulala khumukhono kukwo omukota nowundi omulungi muluyali lulwo.” 38Nausa Yesu kavawolera, “Simumanyire simunachevanga tawe. Munyala okhunywa esikombe esinywa, namwe muvatiswe musivatiso simbatiswa?” 39Navo vamuchipa, “Khunyala.” Yesu kavawolera, “Esikombe sinywa, mulinywa, evatiswa limbatiswa mulivatiswa. 40Nausa okhwikhala khumukhono mulungi namwe omukota sisiange okhuaana ta, siri khulwavo ava sialomberwa.” 41Nolu avo ekhumi vawulira, vasinyikhira Yakopo ni Yohana. 42Yesu kavalanga vache mana kavawolera, “Mumanyire mbo avo avenyekha okhuchuka Avachali Avayahudi vavaminanga, navakali vawe vava nowunyali khunivo. 43Sikali okhuva kachio mwinywe tawe, yesiyesi ova omukali mwinywe okhwola ave omukhalavani wenywe, 44yesiyesi ova owamberi okhwola ave omuchumikhi khuvosi. 45Sikira Omwana womunju kacha siyiri mbo vamutende ta nausa atende, nokhuana owulamu wuwe ngomuchungo kwa avangi.”
Yesu Awonia Omuofu Batimayo
46Vola Yeriko, nolu kali nanachulanga Yeriko navalondi vave nende esituma siavanju, Batimayo, omusavirisi muofu, omusoliri wa Timayo, kali kekhaye khulukuku lwomwanda. 47Nolu kawulira mbo nje Yesu wa Nazareti, kachanikha okhwayula nawola, “Yesu Omwana wa Daudi, mbonere esisa!” 48Navangi vamualavira nivamuwolera, awulere, naye kameta okhwayula, “Omwana wa Daudi, kholere esisa!” 49Yesu kema mana kawola, “Mulange kache.” Valanga omusacha muofu oyo, nivamuwolera, “Tinya omwoyo, yinyokha, anakhulanganga.” 50Katupa oluvaala lulwe, kenyokha lwangulwangu kacha khu Yesu. 51Yesu kamuwolera, “Wenya khukholere sina?” Nomusacha muofu kamuwolera, “Omukali, nenya enyole okhuwona.” 52Yesu kamuwolera, “Chia eyuchia, esuvira lilio likhuwonisie.” Naonao kanyola okhuwona ne kamulondakho khungira.
Àwon tá yàn lọ́wọ́lọ́wọ́ báyìí:
Mariko 10: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Mariko 10
10
Okhulekhana
(Mat. 19.1-12; Lk. 16.18)
1Yesu kachula ao kachia eluveka wa Yudea nende engerekha wa Yordani, esituma siakhung'ana khuniye nundi, nga kwali omwima kukwe, kavekesa. 2Avafarisayo vamwichakho okhumutema nivacheva, “Yiri awene omusacha okhulekhana nomukhasi wuwe?” 3Kavachipa, “Musa kavalakirisa sina?” 4Vamuwolera, “Musa kasiwula omusacha okhuandika ebarua yokhulekhana, namutimanie.” 5Nausa Yesu kavawolera, “Esikira yowomu wemioyo kavaandikira elako lino. 6Nausa okhuchula mukhwanja khwa okhulonga esialo, ‘Nyasaye kavalomba omusacha nende omukhasi.’ 7‘Sikira khulwako omusacha achiakhulekha papa ni mayi wuwe natirane nomukhasi wuwe, 8navo vaviri valikhuva omuviri mulala.’ Kho sivali khuva nundi vaviri ta nausa omuviri mulala. 9Khulwako esi Nyasaye achaye alala, omunju yesiyesi achakaukhania ta.” 10Munju avalondi nundi vamucheva khukhuwa lino. 11Ne kavawolera, “Oyo olekhana nomukhasi wuwe nayira owundi, aheya khumukhasi wuwe. 12Niva omukhasi alekha omusacha wuwe navayira khuwundi, akhola owuheyi.”
Yesu Acha Omukhono Khuvana
(Mat. 19.13-15; Lk. 18.15-17)
13Vali vanalechanga avana vatiti khuniye, mbo kole okhuvachakho omukhono, navalondi vavekalira. 14Nausa olu Yesu kawona kawulira owuvi kavawolera, “Lekhe avana vache khwise, muchavakaira tawe, sikira khuvachi njava owami wa Nyasaye wuli. 15Mung'ali vawolera, yesiyesi ochawukula owami wa Nyasaye ngomwana sialingiramo ta.” 16Mana kavawukula mumikhono kikie kavawa ekhavi, navachakho amakhono.
Omunju wali Omuyinda
(Mat. 19.16-30; Lk. 18.18-30)
17Nolu kali ananjanga olukendo lulwe, omusacha katima kacha kasikama emberi wuwe, kamucheva, “Omwekesi Mulayi, siosina esinola ekhole okhunyola owulamu wa wuli lwosi?” 18Yesu kamuwolera, “Mbo sina niwunanga omulayi? Awumao omulayi nachali Nyasaye yeng'ene. 19Omanyire amalako, ‘Ochecha ta, ochaheya ta, ocheva ta, ochachusa owuloli wowuveyi ta, ochakonjia ta, weresa papa ni mayi wuwo oluyali.’ ” 20Naye kamuwolera, “Omwekesi, kano kosi nakhalonda okhuchula muwuraka wange.” 21Yesu kamulengera ne kamusima, kamuwolera, “Okhayiswe esinju silala, chia, kusia eviuli navyo, nowerese avamanani, nolikhuva nevikhiro mwikulu, mana wiche wunonde.” 22Okhuwulira ako, kaverera, mana kachulao nesivera, esikira kali nemiandu emingi.
23Yesu kalengera embeka chiosi ne kawolera avalondi vave, “Viriva vitinyu khwavo avali nende emiandu okhwingira muwami wa Nyasaye!” 24Navalondi vawuka khumakhuwa kake. Nausa Yesu kavawolera nundi, “Avana, vitinyu nivyo okhwingira muwami wa Nyasaye! 25Yiri lwangu engamia okhwingira mumoni yesindani okhukhira omunju muyinda okhwingira muwami wa Nyasaye.” 26Ne vawuka muno, vamuwolera, “Mana kho njanu onyala okhuwoniwa?” 27Yesu kavalengera mana kawola, “Khuvanju, sikanyalikha ta, nausa siwutinyu khu Nyasaye ta, sikira wulisinju sinyalikha ni Nyasaye.” 28Petero kachanikha okhumuwolera, “Lengera, khwalekha wulisinju khwakhulonda ewe.” 29Yesu kawola, “Ng'ali vawolera, awumao yesiyesi owakhalekha enju nomba avawandaye namwe ng'ina ni simwana namwe avana namwe emikunda, sikira yekhuwa liange, 30ochalinyola amakhavi emia khanu muvise vino, enju, navasoliri vawe, navakhana vawe nende avang'ina, navana, nende emikunda, niviri neminyakhano, mumiaka kicha owulamu wa wuli lwosi. 31Nausa avangi avachangira valimalirikha, navamalirikha vachangire.”
Yesu Awola olwa Khatachu khufwa nende Esisimukha Lilie
(Mat. 20.17-19; Lk. 18.31-34)
32Vali khumwanda, nivanina Yerusalemu, ne Yesu kali akenda emberi wawe, ne vawuka, avo avamulondakho varia. Kawukula avo ekhumi navaviri nundi, kachanikha okhuvawolera esiali nisiri khumwekholekhakho, 33nawola, “Mbao, khunachianga Yerusalemu, Omwana womunju alikhuanwa khuvakuhani vakhongo nende avekesi vamalako, vali khumukhalakira okhufwa, vamuane khu Avachali Avayahudi. 34Vali khumukholera esienyaenye, vamufuchekho amache, vamukhupe eviwoko, vamwiche, nenyinga chitachu nichiakhawa alikhusisimukha.”
Esava lia Yakopo nende Yohana
(Mat. 20.20-28)
35Yakopo nende Yohana, avasoliri va Sebedayo, vacha emberi khuniye, vamuwolera, “Omwekesi, khwenya ochukholere siosisiosi sikhukhucheva.” 36Naye kavawolera, “Siosina simwenya evakholere?” 37Vamuwolera, “Chuwerese khwikhale, mulala khumukhono kukwo omukota nowundi omulungi muluyali lulwo.” 38Nausa Yesu kavawolera, “Simumanyire simunachevanga tawe. Munyala okhunywa esikombe esinywa, namwe muvatiswe musivatiso simbatiswa?” 39Navo vamuchipa, “Khunyala.” Yesu kavawolera, “Esikombe sinywa, mulinywa, evatiswa limbatiswa mulivatiswa. 40Nausa okhwikhala khumukhono mulungi namwe omukota sisiange okhuaana ta, siri khulwavo ava sialomberwa.” 41Nolu avo ekhumi vawulira, vasinyikhira Yakopo ni Yohana. 42Yesu kavalanga vache mana kavawolera, “Mumanyire mbo avo avenyekha okhuchuka Avachali Avayahudi vavaminanga, navakali vawe vava nowunyali khunivo. 43Sikali okhuva kachio mwinywe tawe, yesiyesi ova omukali mwinywe okhwola ave omukhalavani wenywe, 44yesiyesi ova owamberi okhwola ave omuchumikhi khuvosi. 45Sikira Omwana womunju kacha siyiri mbo vamutende ta nausa atende, nokhuana owulamu wuwe ngomuchungo kwa avangi.”
Yesu Awonia Omuofu Batimayo
46Vola Yeriko, nolu kali nanachulanga Yeriko navalondi vave nende esituma siavanju, Batimayo, omusavirisi muofu, omusoliri wa Timayo, kali kekhaye khulukuku lwomwanda. 47Nolu kawulira mbo nje Yesu wa Nazareti, kachanikha okhwayula nawola, “Yesu Omwana wa Daudi, mbonere esisa!” 48Navangi vamualavira nivamuwolera, awulere, naye kameta okhwayula, “Omwana wa Daudi, kholere esisa!” 49Yesu kema mana kawola, “Mulange kache.” Valanga omusacha muofu oyo, nivamuwolera, “Tinya omwoyo, yinyokha, anakhulanganga.” 50Katupa oluvaala lulwe, kenyokha lwangulwangu kacha khu Yesu. 51Yesu kamuwolera, “Wenya khukholere sina?” Nomusacha muofu kamuwolera, “Omukali, nenya enyole okhuwona.” 52Yesu kamuwolera, “Chia eyuchia, esuvira lilio likhuwonisie.” Naonao kanyola okhuwona ne kamulondakho khungira.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024