Mariko 9
9
1Ne Yesu kavawolera, “Ng'ali, vawolera, valiwo valala avemire ano avachalifwa nivasiri okhuwona owami wa Nyasaye niwakhacha namaani.”
Yesu Akalukhana ekondo
(Mat. 17.1-13; Lk. 9.28-36)
2Endalo sita nichiakhavicha Yesu kawukula Petero, Yakopo nende Yohana, kachia navo khusikulu mana vavayo vong'ene. Kakalusaniwa ekondo emberi wawe, 3enguo chichie chiava endafu chwee, ata siwumao khusialo esinyala okhwoka sichio. 4Vawonekhana Elia nende Musa, nivalomaloma nende Yesu. 5Petero kawolera Yesu, “Omukali, wulayi mbo khuli ano, khakhwombakhe amakaali katachu, elala elilio, elindi elia Musa, ne elindi elia Elia.” 6Sikira sikali namanyire esiokhuwola ta, okhuvera vali nowuchi owungi. 7Eleesi liavafunikha, nomwoyo kwachula muleesi, “Ono nje Omwana wange omusime, mumuchekerese.” 8Aonao valengera ne sivawona omunju yesiyesi nundi tawe nausa Yesu Yeng'ene.
9Nga vali nivekha okhuchula khusikulu, kavalakirisa vachawolerakho omunju yesiyesi akavawene tawe, okhwola Omwana womunju ave nikakhasisimukha okhuchula muvafu. 10Kho vawulera namakhuwako, nivacheva esi okhusisimukha okhuchula mufwa njokhuwola sina. 11Vamucheva, “Esikira sina avekesi vamalako nivawola mbo Elia okhwola achangirire kache?” 12Naye kavawolera, “Elia kacha emberi okhukoosa evinju viosi, nga viaandikwa khu Omwana womunju, alikhunyakhana muvinju evingi, vamukholere esienyaenye? 13Nausa vawolera mbo Elia kacha khale mana vamukholera wusa kosikosi aka venya, nga kaandikwa khuniye.”
Yesu Awonia Omusoliri wali Nesisieno
(Mat. 17.14-20; Lk. 9.43a)
14Nolu vacha khuvalondi, vawona esituma esikali aasovere, navekesi vamalako vali vayingana ninavo. 15Aonao, olu esituma siamuwona, vawuka muno, nevamutimira vamukhesa. 16Kavacheva, “Siosi simunalomalomanga ninavo?” 17Mulala khuvesituma kamuchipa, “Omwekesi, ndechire omwana wange omusoliri khwiwe, sikira ali nesisieno sia masiru. 18Olu simutiranga, simukhupanga aasi, achula efwove nalumania ameno mana akhanana. Enjevire avalondi vavo okhusichusa, vakhaywa.” 19Yesu kavachipa, “Enywe olwiwulo luwuma esuvira, njia okhuva nanywe okhwola lina? Evefwira okhwola lina? Mundechere.” 20Vamulechera omusoliri oyo. Olu esisieno siamuwona, aonao kachanikha okhunyicha, kakwa aasi kachanikha okhukalakala, nachusa efwove mumunwa. 21Ne Yesu kacheva simwana, “Kakhava achi khulwenyinga chinga?” Ne simwana kawola, “Okhuchula nikewulwa. 22Evise vilala simukwisanga mumuliro evindi mumachi, okhumuwumisa, nausa nunyala okhukhola siosisiosi, chuwonere esisa, ochuyete.” 23Yesu kamuwolera, “Niva onyala! Wulisinju sinyalikha khuyo osuvira.” 24Aonao simwana womwana kayula nawola, “Esuvira, yeta okhuchasuvira khwange!” 25Yesu olu kawona esituma nisicha alala, kafuchira esisieno sichafu, kasiwolera, “Ewe esisieno sia masiru, khulakirisa, muchulemo, nochalimukoolakhomo nundi tawe.” 26Ne nisiakhayula nokhumukhupa aasi owuvi, siachula, omusoliri kava ngomulambo, okhwola avangi khunivo vawola, “Afwiye.” 27Nausa Yesu kamuwukula nomukhono kamukingula amukulu, kenyokha 28Nolu kali nikakhengira munju, avalondi vave vamucheva muwekisi, “Sikira sina nikhuchanyalire okhusichusa?” 29Naye kavawolera, “Embia yino sivichulanga na siosisiosi wusa ta nichali nende esala.”
Yesu Alomaloma Nundi khu efwa Lilie
30Vachula ao vavichira Galilaya. Ne sikafukirira yesiyesi amanye ta, 31sikira kali anasomianga avalondi vave, kavawolera, “Omwana womunju achia khuanwa mumakhono kavanju, vachia okhumwicha, nikakhechwa, endalo chitachu nichiakhawa ali khusisimukha.” 32Nausa sivamanyirisa elomaloma elio ta, ne vali variye okhumucheva.
Njanu Omukali?
(Mat. 18.1-5; Lk. 9.46-48)
33Ne vacha Kafernaumu, olu kali munju kavacheva, “Muwolanirenge sina khungira?” 34Vawulera wusa, sikira khungira vali vachevanirenge mbo njanu omukhongo. 35Kekhala aasi kalanga avo ekhumi navaviri, kavawolera, “Niva yesiyesi kenya okhuva owamberi, okhwola ave wokhumalirikha khuvosi nave omukhalavani wavosi.” 36Kawukula omwana mana kamucha emberi wawe, namuwukula mumakhono kake, kavawolera, 37“Yesiyesi ofukirira omwana ngono mulicha liange kafukirira ese, ne yesiyesi owufukirira ese, siafukirira wusa ese ta nausa noyo owanjuma.”
Ocha Chukaira ali Nafwe
(Lk. 9.49-50)
38Yohana kamuwolera, “Omwekesi, khuwene omunju nachusa evisieno mulicha lilio, ne khwamukania, sikira sikali anachulondanga efwe tawe.” 39Nausa Yesu kawola, “Muchamukania tawe, sikira awumao yesiyesi okhola emilimo emikali mulicha liange, siakoola nundi enyuma okhuwola amavi khwise ta. 40Sikira oyo ochangaira ali eluveka wefwe. 41Sikira ng'ali vawolera, yesiyesi ovawa esikombe siamachi okhunywa sikira muchumikhira elicha lia Kristo, mungira chiosi sialikosia esianwa sisie ta.
Okhutemwa Muwoni
(Mat. 18.6-9; Lk. 17.1,2)
42“Yesiyesi okira mulala khuvatiti vano avasuvira mwise okhukhola owoni, wakhali wulayi olukina olukali luwoywe mukosi nasukunwe munyanja. 43Niva omukhono kukwo kukira wakhola owoni, kuchemekho. Wulayi wingire muwulamu nowuleme okhukhira namakhono kaviri ochie Kehana, mumuliro kuchasima. [44Omwo enyende chiamwo sichifwanga nomuliro sikusimanga ta.] 45Niva okhukulu khukhwo khukira okhole owoni, khuchemekho. Wulayi wingire muwulamu nowuleme okhukhira namakulu kaviri osukunwe Kehana. [46Omwo enyende chiamwo sichifwanga ne omuliro sikusimanga ta.] 47Niva emoni yiyo yikira okhole owoni, yikhule. Wulayi wengira muwami wa Nyasaye nemoni ndala okhukhira nemoni chiviri osukunwe Kehana. 48Eyi nyende chichafwanga, nomuliro sikusimanga. 49Sikira wuli mulala alicherwamo chumbe nomuliro. 50Chumbe ndayi, nausa niva chumbe yichalala, yiri khulombwa yichie? Ve nichumbe mumwavene, ne muve nomulembe nende wuli mulala.”
Àwon tá yàn lọ́wọ́lọ́wọ́ báyìí:
Mariko 9: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Mariko 9
9
1Ne Yesu kavawolera, “Ng'ali, vawolera, valiwo valala avemire ano avachalifwa nivasiri okhuwona owami wa Nyasaye niwakhacha namaani.”
Yesu Akalukhana ekondo
(Mat. 17.1-13; Lk. 9.28-36)
2Endalo sita nichiakhavicha Yesu kawukula Petero, Yakopo nende Yohana, kachia navo khusikulu mana vavayo vong'ene. Kakalusaniwa ekondo emberi wawe, 3enguo chichie chiava endafu chwee, ata siwumao khusialo esinyala okhwoka sichio. 4Vawonekhana Elia nende Musa, nivalomaloma nende Yesu. 5Petero kawolera Yesu, “Omukali, wulayi mbo khuli ano, khakhwombakhe amakaali katachu, elala elilio, elindi elia Musa, ne elindi elia Elia.” 6Sikira sikali namanyire esiokhuwola ta, okhuvera vali nowuchi owungi. 7Eleesi liavafunikha, nomwoyo kwachula muleesi, “Ono nje Omwana wange omusime, mumuchekerese.” 8Aonao valengera ne sivawona omunju yesiyesi nundi tawe nausa Yesu Yeng'ene.
9Nga vali nivekha okhuchula khusikulu, kavalakirisa vachawolerakho omunju yesiyesi akavawene tawe, okhwola Omwana womunju ave nikakhasisimukha okhuchula muvafu. 10Kho vawulera namakhuwako, nivacheva esi okhusisimukha okhuchula mufwa njokhuwola sina. 11Vamucheva, “Esikira sina avekesi vamalako nivawola mbo Elia okhwola achangirire kache?” 12Naye kavawolera, “Elia kacha emberi okhukoosa evinju viosi, nga viaandikwa khu Omwana womunju, alikhunyakhana muvinju evingi, vamukholere esienyaenye? 13Nausa vawolera mbo Elia kacha khale mana vamukholera wusa kosikosi aka venya, nga kaandikwa khuniye.”
Yesu Awonia Omusoliri wali Nesisieno
(Mat. 17.14-20; Lk. 9.43a)
14Nolu vacha khuvalondi, vawona esituma esikali aasovere, navekesi vamalako vali vayingana ninavo. 15Aonao, olu esituma siamuwona, vawuka muno, nevamutimira vamukhesa. 16Kavacheva, “Siosi simunalomalomanga ninavo?” 17Mulala khuvesituma kamuchipa, “Omwekesi, ndechire omwana wange omusoliri khwiwe, sikira ali nesisieno sia masiru. 18Olu simutiranga, simukhupanga aasi, achula efwove nalumania ameno mana akhanana. Enjevire avalondi vavo okhusichusa, vakhaywa.” 19Yesu kavachipa, “Enywe olwiwulo luwuma esuvira, njia okhuva nanywe okhwola lina? Evefwira okhwola lina? Mundechere.” 20Vamulechera omusoliri oyo. Olu esisieno siamuwona, aonao kachanikha okhunyicha, kakwa aasi kachanikha okhukalakala, nachusa efwove mumunwa. 21Ne Yesu kacheva simwana, “Kakhava achi khulwenyinga chinga?” Ne simwana kawola, “Okhuchula nikewulwa. 22Evise vilala simukwisanga mumuliro evindi mumachi, okhumuwumisa, nausa nunyala okhukhola siosisiosi, chuwonere esisa, ochuyete.” 23Yesu kamuwolera, “Niva onyala! Wulisinju sinyalikha khuyo osuvira.” 24Aonao simwana womwana kayula nawola, “Esuvira, yeta okhuchasuvira khwange!” 25Yesu olu kawona esituma nisicha alala, kafuchira esisieno sichafu, kasiwolera, “Ewe esisieno sia masiru, khulakirisa, muchulemo, nochalimukoolakhomo nundi tawe.” 26Ne nisiakhayula nokhumukhupa aasi owuvi, siachula, omusoliri kava ngomulambo, okhwola avangi khunivo vawola, “Afwiye.” 27Nausa Yesu kamuwukula nomukhono kamukingula amukulu, kenyokha 28Nolu kali nikakhengira munju, avalondi vave vamucheva muwekisi, “Sikira sina nikhuchanyalire okhusichusa?” 29Naye kavawolera, “Embia yino sivichulanga na siosisiosi wusa ta nichali nende esala.”
Yesu Alomaloma Nundi khu efwa Lilie
30Vachula ao vavichira Galilaya. Ne sikafukirira yesiyesi amanye ta, 31sikira kali anasomianga avalondi vave, kavawolera, “Omwana womunju achia khuanwa mumakhono kavanju, vachia okhumwicha, nikakhechwa, endalo chitachu nichiakhawa ali khusisimukha.” 32Nausa sivamanyirisa elomaloma elio ta, ne vali variye okhumucheva.
Njanu Omukali?
(Mat. 18.1-5; Lk. 9.46-48)
33Ne vacha Kafernaumu, olu kali munju kavacheva, “Muwolanirenge sina khungira?” 34Vawulera wusa, sikira khungira vali vachevanirenge mbo njanu omukhongo. 35Kekhala aasi kalanga avo ekhumi navaviri, kavawolera, “Niva yesiyesi kenya okhuva owamberi, okhwola ave wokhumalirikha khuvosi nave omukhalavani wavosi.” 36Kawukula omwana mana kamucha emberi wawe, namuwukula mumakhono kake, kavawolera, 37“Yesiyesi ofukirira omwana ngono mulicha liange kafukirira ese, ne yesiyesi owufukirira ese, siafukirira wusa ese ta nausa noyo owanjuma.”
Ocha Chukaira ali Nafwe
(Lk. 9.49-50)
38Yohana kamuwolera, “Omwekesi, khuwene omunju nachusa evisieno mulicha lilio, ne khwamukania, sikira sikali anachulondanga efwe tawe.” 39Nausa Yesu kawola, “Muchamukania tawe, sikira awumao yesiyesi okhola emilimo emikali mulicha liange, siakoola nundi enyuma okhuwola amavi khwise ta. 40Sikira oyo ochangaira ali eluveka wefwe. 41Sikira ng'ali vawolera, yesiyesi ovawa esikombe siamachi okhunywa sikira muchumikhira elicha lia Kristo, mungira chiosi sialikosia esianwa sisie ta.
Okhutemwa Muwoni
(Mat. 18.6-9; Lk. 17.1,2)
42“Yesiyesi okira mulala khuvatiti vano avasuvira mwise okhukhola owoni, wakhali wulayi olukina olukali luwoywe mukosi nasukunwe munyanja. 43Niva omukhono kukwo kukira wakhola owoni, kuchemekho. Wulayi wingire muwulamu nowuleme okhukhira namakhono kaviri ochie Kehana, mumuliro kuchasima. [44Omwo enyende chiamwo sichifwanga nomuliro sikusimanga ta.] 45Niva okhukulu khukhwo khukira okhole owoni, khuchemekho. Wulayi wingire muwulamu nowuleme okhukhira namakulu kaviri osukunwe Kehana. [46Omwo enyende chiamwo sichifwanga ne omuliro sikusimanga ta.] 47Niva emoni yiyo yikira okhole owoni, yikhule. Wulayi wengira muwami wa Nyasaye nemoni ndala okhukhira nemoni chiviri osukunwe Kehana. 48Eyi nyende chichafwanga, nomuliro sikusimanga. 49Sikira wuli mulala alicherwamo chumbe nomuliro. 50Chumbe ndayi, nausa niva chumbe yichalala, yiri khulombwa yichie? Ve nichumbe mumwavene, ne muve nomulembe nende wuli mulala.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024