Luka 9
9
Yesu Achuma Ekhumi navaviri
(Mat. 10.5-15; Mrk. 6.7-13)
1Yesu kalanga ekhumi navaviri alala ne kavawa owunyali nende amaani khuvisieno nokhuwonia amalwaye. 2Kavachuma okhuchia okhwirwacha Owami wa Nyasaye nende okhuwonia avalwaye. 3Kavawolera, “Muchawukula khusinju mulukendo luno tawe, muchawukula esimbo, namwe emifuko, namwe omukati, namwe esende, ne muchava nenguo chiviri tawe. 4Enju yosiyosi eyimwingiramo, yikhalemo okhwola nga muwao. 5Navo avachamwingisa, nimuchula mwitookho elio sisimule olufu okhuchula khumakulu kenywe ngowuloli khunivo.” 6Vachekukha vachia mulukongo, verwacha Amakhuwa Malayi nende okhuwonia wuli awunju.
Eenda Mwoyo lia Herode
(Mat. 14.1-12; Mrk. 6.14-29)
7Herode omuchuki kawulira kosi akekholekha, ne kaenda, sikira valala vawolanga mbo “Yohana asisimukhire muvafu”, 8avandi vawola, “Elia awonekhire,” navo avandi vawola, “Mulala khuvanabii avakhale kenyokhire.” 9Herode kawola, “Yohana nakhengakho omuchwe, naye ono njanu oyu embulirakho evinju vino?” Ne katakha okhumuwona.
Yesu Alisa Avanju Eelefu Chichanu
(Mat. 14.13-21; Mrk. 6.30-44; Yoh. 6.1-14)
10Olu vakoola, avachumwa vawolera Yesu koosi akavali nivakholire. Kavawukula kavayira vong'ene mwitookho lilangwa Bethsaida. 11Olu esituma siamanya eyi achiye, vamulondakho, naye kavengisa ne kavalomalomakho khukowami wa Nyasaye, ne kaonia avali nivenya okhuwonisiwa
12Khanu wali wuneranga, navachumwa ekhumi navaviri vamuwolera, “Wolera avanju vaweo, vachie mumatala nende mulukongo vakonemo nundi vanyoleyo esivalia, sikira khuli musichimi.” 13Naye kavawolera, “Vawe esinju siokhulia.” Vamuwolera, “Sikhulikho nesinju tawe nichali emikati kichanu nende eng'eni chiviri, namwe khuchie khukule esiokhulia siavanju vano vosi?” 14Vali avasacha aambi eelefu chichanu. Yesu kawolera avalondi vave, “Lombe vekhale muvituma via amakhumi kachanu.” 15Ne vakhola vachio, ne vavekhasa aasi vosi. 16Yesu kawukula emikati kichanu nende eng'eni chiviri, kalengera mwikulu, kaana ekhavi ne kamekula, kaweresa avalondi vave vakavire avanju. 17Avanju vosi valia vekucha. Vawusa eviali nivitong'ire viechula evimwero ekhumi na viviri.
Petero Awumia Yesu Okhuva Kristo
(Mat. 16.13-19; Mrk. 8.27-29)
18Olu Yesu kali nasala yeng'ene ne avalondi vave vali ninaye, kavacheva, “Avanju vawola mbo nise anu?” 19Navo vachipa, “Valala vawola mboniwe Yohana omuvatisi, avandi vawola mbo, Elia, navandi mbo omunabii mukhale akenyokhire.”
20Naye kavacheva, “Nanywe muwola mbo nise anu?” Petero kachipa, “Niwe Kristo wa Nyasaye.”
Yesu Alomaloma Khumunyakhano nende Efwa Lilie
(Mat. 16.20-28; Mrk. 8.30—9.1)
21Nausa Yesu kavalakirisa vachawolera lino khumunju yesiyesi tawe, 22kawola, “Omwana womunju achia khunyakhana khuvinju evingi, ne avasakhulu nende avakuhani vakhongo, nende avekesi vamalako vachia okhumwekana ne vamwiche, nendalo yakhatachu achia okhusisimuswa.”
23Kawolera vosi, “Niva omunju yesiyesi ali okhunondakho, lekha kekane omwene ne awukule omusalaba kukwe wulinyinga mana kanonde. 24Sikira oyo ochia okhuwonia owulamu wuwe achia okhuwukosia. Naye oyo okosia owulamu wuwe okhuvera ese, achia okhuwuwonia. 25Nganga sina omunju okhunyola esialo siosi, ne akosie owulamu wuwe? 26Oyo owumbonera esoni nende amakhuwa kange, khuniye Omwana womunju alimuwonera esoni nakoola muwukhumi wuwe nende owukhumi wa Papa nende owengelosi enjwenufu. 27Nausa vawolera ng'ali yene, valiwo valala avemire ano avachalifwa nivasiri okhuwona Owami wa Nyasaye.”
Yesu Akalukhana Ekondo
(Mat. 17.1-8; Mrk. 9.2-8)
28Aambi endalo munane nichiakhawa nawoyenge amakhuwa ako, Yesu kawukula Petero nende Yohana nende Yakopo, ne vachia musikulu okhusala. 29Nga kali nasala ekondo lilie liakalukhana, nenguo chichie chiava endafu chwee. 30Wona, avanju vaviri valomaloma naye, Musa nende Elia, 31Vawonekhana muwukhumi ne vawola okhuchulao khukhwe, okhukali afutuse Yerusalemu. 32Khanu Petero nende ava kali navo vali vatiywe nendoolo esicho, nolu venyokha vawona owukhumi wuwe nende avasacha vaviri nivemire naye. 33Navanju vaviri avo olu vali nivawao, Petero kawolera Yesu, “Omukhongo, wulayi khuvaye ano, khwombakhe amakaali katachu, elala elilio ne elindi elia Musa ne elindi elia Elia.” Ne sikamanya akawola tawe.
34Nga kawola achio eleesi liacha liavafunikha, ne vava nowuchi nga vengira mwileesi. 35Omwoyo kwachula mwileesi, kwawola, “Ono nje Omwana wange, Omuchoole, mumuwulire!”
36Nolu omwoyo kwali nikwakhawola, Yesu katong'a yeng'ene. Avalondi vawulera sivawolera khumunju enyinga echio akekholekha tawe.
Yesu Awonia Omusoliri wali Nesisieno
(Mat. 17.14-18; Mrk. 9.14-27)
37Endalo yalondakho, olu vali nivakhekha okhuchula khusikulu, esituma esikali siawukanana naye. 38Ne wona, omunju okhuchula musituma kayula, “Omwekesi, khwesaya overerere omwana wange, njomwana wange yeng'ene. 39Esisieno simutiranga, namala akukuula, simukwisa enjulume, nefwove lichula mumunwa, sichianakana okhumunyasa, ne sisimulekhulanga lwangu tawe. 40Nesayire avalondi vavo okhusichusa vakhaywa.”
41Yesu kavachipa, “Enywe olwiwulo luwuma esuvira nende olwakoyana, njia khuva nanywe okhwola lina nende okhuvefwira? Lecha omwana wuwo ano.”
42Olu kali nikacha, esisieno siamukwisa aasi enjulume. Yesu kasifuchira, kawonia omusoliri oyo ne kamwakanisira simwana 43Avanju vosi vawuka khuwunyali wa Nyasaye.
Yesu nundi Alomaloma Khufwa Lilie
(Mat. 17.22-23; Mrk. 9.30-32)
Nolu vali nivasiwuka khu kosi aka kali nakholire, kawolera avalondi vave, 44“Amakhuwa kano kengire mumachwi kenywe, Omwana womunju achia khuanwa mumakhono kavanju.” 45Navo sivamanya aka kawola tawe, ekhuwa elio liekisa khunivo, ne sivalimanya tawe, varia okhucheva ekhuwa elio.
Njanu Omukhongo?
(Mat. 18.1-5; Mrk. 9.33-37)
46Amayingano kanja akachi wavachumwa mbo njanu omukhongo munivo. 47Nolu Yesu kamanya enganakani chiemioyo kiawe kawukula omwana omutiti kava naye, 48kavawolera, “Oyo owingisa omwana ono mulicha liange ava kanyingisise, naye owunyingisa ava kengisise owanjuma, oyo omutiti mwinywe mwesi njomukhongo.”
Ochayingana Nanywe ali Oluveka Lwenywe
(Mrk. 9.38-40)
49Yohana kachipa, “Omukhongo, khuwene omunju nachusa evisieno mulicha lilio, ne khwamukania, sikira simulondi nafwe tawe.”
50Yesu kavawolera, “Muchamukania tawe, oyo ochavayingania tawe ali eluveka wenywe.”
Avasamaria Valova Okhwingisa Yesu
51Olu endalo chiola echiokhuwukulwa mwikulu, keteka okhuchia Yerusalemu. 52Ne kachuma avachumwa emberi wuwe, vachie vengire musikwenyi sia Avasamaria, vamucheresere awunju, 53Navo avanju sivamwingisa tawe, sikira kali achia Yerusalemu. 54Nolu avalondi vave Yakopo nende Yohana vawona, vawola, “Omwami, wenya khulange omuliro okhuchula mwikulu kuvasambe?”
55Nausa kakalukhana kavafuchira. 56Yesu navalondi vave vachia musikwenyi sindi.
Avenyekha Vave Avalondi va Yesu
(Mat. 8.19-22)
57Olu vali nivakenda khungira, omunju mulala kawolera Yesu, “Ndi khukhulondakho wuli awunju aochia.” 58Yesu kamuwolera, “Amakipwe kali nowina, ne enyuni chiri neviswi, naye Omwana womunju awuma aacha omuchwe kukwe.”
59Khuwundi kawola, “Nondekho.” Naye kachipa, “Omwami, khanjangire njie sikhe Papa wange.”
60Nausa kamuwolera, “Lekha avafu vasikhe avafu vawe, nawe chia wirwache Owami wa Nyasaye.”
61Owundi kawola, “Ndikhukhulonda, Omwami, lekha njie sewule avengo yange.”
62Yesu kamuwolera awumao otiranga embako yokhulima ne akhupa amakhemo tawe, sikolanire Owami wa Nyasaye tawe.
Àwon tá yàn lọ́wọ́lọ́wọ́ báyìí:
Luka 9: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Luka 9
9
Yesu Achuma Ekhumi navaviri
(Mat. 10.5-15; Mrk. 6.7-13)
1Yesu kalanga ekhumi navaviri alala ne kavawa owunyali nende amaani khuvisieno nokhuwonia amalwaye. 2Kavachuma okhuchia okhwirwacha Owami wa Nyasaye nende okhuwonia avalwaye. 3Kavawolera, “Muchawukula khusinju mulukendo luno tawe, muchawukula esimbo, namwe emifuko, namwe omukati, namwe esende, ne muchava nenguo chiviri tawe. 4Enju yosiyosi eyimwingiramo, yikhalemo okhwola nga muwao. 5Navo avachamwingisa, nimuchula mwitookho elio sisimule olufu okhuchula khumakulu kenywe ngowuloli khunivo.” 6Vachekukha vachia mulukongo, verwacha Amakhuwa Malayi nende okhuwonia wuli awunju.
Eenda Mwoyo lia Herode
(Mat. 14.1-12; Mrk. 6.14-29)
7Herode omuchuki kawulira kosi akekholekha, ne kaenda, sikira valala vawolanga mbo “Yohana asisimukhire muvafu”, 8avandi vawola, “Elia awonekhire,” navo avandi vawola, “Mulala khuvanabii avakhale kenyokhire.” 9Herode kawola, “Yohana nakhengakho omuchwe, naye ono njanu oyu embulirakho evinju vino?” Ne katakha okhumuwona.
Yesu Alisa Avanju Eelefu Chichanu
(Mat. 14.13-21; Mrk. 6.30-44; Yoh. 6.1-14)
10Olu vakoola, avachumwa vawolera Yesu koosi akavali nivakholire. Kavawukula kavayira vong'ene mwitookho lilangwa Bethsaida. 11Olu esituma siamanya eyi achiye, vamulondakho, naye kavengisa ne kavalomalomakho khukowami wa Nyasaye, ne kaonia avali nivenya okhuwonisiwa
12Khanu wali wuneranga, navachumwa ekhumi navaviri vamuwolera, “Wolera avanju vaweo, vachie mumatala nende mulukongo vakonemo nundi vanyoleyo esivalia, sikira khuli musichimi.” 13Naye kavawolera, “Vawe esinju siokhulia.” Vamuwolera, “Sikhulikho nesinju tawe nichali emikati kichanu nende eng'eni chiviri, namwe khuchie khukule esiokhulia siavanju vano vosi?” 14Vali avasacha aambi eelefu chichanu. Yesu kawolera avalondi vave, “Lombe vekhale muvituma via amakhumi kachanu.” 15Ne vakhola vachio, ne vavekhasa aasi vosi. 16Yesu kawukula emikati kichanu nende eng'eni chiviri, kalengera mwikulu, kaana ekhavi ne kamekula, kaweresa avalondi vave vakavire avanju. 17Avanju vosi valia vekucha. Vawusa eviali nivitong'ire viechula evimwero ekhumi na viviri.
Petero Awumia Yesu Okhuva Kristo
(Mat. 16.13-19; Mrk. 8.27-29)
18Olu Yesu kali nasala yeng'ene ne avalondi vave vali ninaye, kavacheva, “Avanju vawola mbo nise anu?” 19Navo vachipa, “Valala vawola mboniwe Yohana omuvatisi, avandi vawola mbo, Elia, navandi mbo omunabii mukhale akenyokhire.”
20Naye kavacheva, “Nanywe muwola mbo nise anu?” Petero kachipa, “Niwe Kristo wa Nyasaye.”
Yesu Alomaloma Khumunyakhano nende Efwa Lilie
(Mat. 16.20-28; Mrk. 8.30—9.1)
21Nausa Yesu kavalakirisa vachawolera lino khumunju yesiyesi tawe, 22kawola, “Omwana womunju achia khunyakhana khuvinju evingi, ne avasakhulu nende avakuhani vakhongo, nende avekesi vamalako vachia okhumwekana ne vamwiche, nendalo yakhatachu achia okhusisimuswa.”
23Kawolera vosi, “Niva omunju yesiyesi ali okhunondakho, lekha kekane omwene ne awukule omusalaba kukwe wulinyinga mana kanonde. 24Sikira oyo ochia okhuwonia owulamu wuwe achia okhuwukosia. Naye oyo okosia owulamu wuwe okhuvera ese, achia okhuwuwonia. 25Nganga sina omunju okhunyola esialo siosi, ne akosie owulamu wuwe? 26Oyo owumbonera esoni nende amakhuwa kange, khuniye Omwana womunju alimuwonera esoni nakoola muwukhumi wuwe nende owukhumi wa Papa nende owengelosi enjwenufu. 27Nausa vawolera ng'ali yene, valiwo valala avemire ano avachalifwa nivasiri okhuwona Owami wa Nyasaye.”
Yesu Akalukhana Ekondo
(Mat. 17.1-8; Mrk. 9.2-8)
28Aambi endalo munane nichiakhawa nawoyenge amakhuwa ako, Yesu kawukula Petero nende Yohana nende Yakopo, ne vachia musikulu okhusala. 29Nga kali nasala ekondo lilie liakalukhana, nenguo chichie chiava endafu chwee. 30Wona, avanju vaviri valomaloma naye, Musa nende Elia, 31Vawonekhana muwukhumi ne vawola okhuchulao khukhwe, okhukali afutuse Yerusalemu. 32Khanu Petero nende ava kali navo vali vatiywe nendoolo esicho, nolu venyokha vawona owukhumi wuwe nende avasacha vaviri nivemire naye. 33Navanju vaviri avo olu vali nivawao, Petero kawolera Yesu, “Omukhongo, wulayi khuvaye ano, khwombakhe amakaali katachu, elala elilio ne elindi elia Musa ne elindi elia Elia.” Ne sikamanya akawola tawe.
34Nga kawola achio eleesi liacha liavafunikha, ne vava nowuchi nga vengira mwileesi. 35Omwoyo kwachula mwileesi, kwawola, “Ono nje Omwana wange, Omuchoole, mumuwulire!”
36Nolu omwoyo kwali nikwakhawola, Yesu katong'a yeng'ene. Avalondi vawulera sivawolera khumunju enyinga echio akekholekha tawe.
Yesu Awonia Omusoliri wali Nesisieno
(Mat. 17.14-18; Mrk. 9.14-27)
37Endalo yalondakho, olu vali nivakhekha okhuchula khusikulu, esituma esikali siawukanana naye. 38Ne wona, omunju okhuchula musituma kayula, “Omwekesi, khwesaya overerere omwana wange, njomwana wange yeng'ene. 39Esisieno simutiranga, namala akukuula, simukwisa enjulume, nefwove lichula mumunwa, sichianakana okhumunyasa, ne sisimulekhulanga lwangu tawe. 40Nesayire avalondi vavo okhusichusa vakhaywa.”
41Yesu kavachipa, “Enywe olwiwulo luwuma esuvira nende olwakoyana, njia khuva nanywe okhwola lina nende okhuvefwira? Lecha omwana wuwo ano.”
42Olu kali nikacha, esisieno siamukwisa aasi enjulume. Yesu kasifuchira, kawonia omusoliri oyo ne kamwakanisira simwana 43Avanju vosi vawuka khuwunyali wa Nyasaye.
Yesu nundi Alomaloma Khufwa Lilie
(Mat. 17.22-23; Mrk. 9.30-32)
Nolu vali nivasiwuka khu kosi aka kali nakholire, kawolera avalondi vave, 44“Amakhuwa kano kengire mumachwi kenywe, Omwana womunju achia khuanwa mumakhono kavanju.” 45Navo sivamanya aka kawola tawe, ekhuwa elio liekisa khunivo, ne sivalimanya tawe, varia okhucheva ekhuwa elio.
Njanu Omukhongo?
(Mat. 18.1-5; Mrk. 9.33-37)
46Amayingano kanja akachi wavachumwa mbo njanu omukhongo munivo. 47Nolu Yesu kamanya enganakani chiemioyo kiawe kawukula omwana omutiti kava naye, 48kavawolera, “Oyo owingisa omwana ono mulicha liange ava kanyingisise, naye owunyingisa ava kengisise owanjuma, oyo omutiti mwinywe mwesi njomukhongo.”
Ochayingana Nanywe ali Oluveka Lwenywe
(Mrk. 9.38-40)
49Yohana kachipa, “Omukhongo, khuwene omunju nachusa evisieno mulicha lilio, ne khwamukania, sikira simulondi nafwe tawe.”
50Yesu kavawolera, “Muchamukania tawe, oyo ochavayingania tawe ali eluveka wenywe.”
Avasamaria Valova Okhwingisa Yesu
51Olu endalo chiola echiokhuwukulwa mwikulu, keteka okhuchia Yerusalemu. 52Ne kachuma avachumwa emberi wuwe, vachie vengire musikwenyi sia Avasamaria, vamucheresere awunju, 53Navo avanju sivamwingisa tawe, sikira kali achia Yerusalemu. 54Nolu avalondi vave Yakopo nende Yohana vawona, vawola, “Omwami, wenya khulange omuliro okhuchula mwikulu kuvasambe?”
55Nausa kakalukhana kavafuchira. 56Yesu navalondi vave vachia musikwenyi sindi.
Avenyekha Vave Avalondi va Yesu
(Mat. 8.19-22)
57Olu vali nivakenda khungira, omunju mulala kawolera Yesu, “Ndi khukhulondakho wuli awunju aochia.” 58Yesu kamuwolera, “Amakipwe kali nowina, ne enyuni chiri neviswi, naye Omwana womunju awuma aacha omuchwe kukwe.”
59Khuwundi kawola, “Nondekho.” Naye kachipa, “Omwami, khanjangire njie sikhe Papa wange.”
60Nausa kamuwolera, “Lekha avafu vasikhe avafu vawe, nawe chia wirwache Owami wa Nyasaye.”
61Owundi kawola, “Ndikhukhulonda, Omwami, lekha njie sewule avengo yange.”
62Yesu kamuwolera awumao otiranga embako yokhulima ne akhupa amakhemo tawe, sikolanire Owami wa Nyasaye tawe.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024