Luka 8
8
Avakhasi Avalondananga nende Yesu
1Olunyuma, Yesu kamala kachia mumatookho nende muvikwenyi ne kerwacha nalecha amakhuwa malayi akowami wa Nyasaye. Avalondi ekhumi navaviri vali naye, 2Avakhasi valala avali nivawonire okhuchula khu roho vavi nende amatekhere, Maria, owalangwa Magdalena, oyu evisieno Saba viamuchulamo, 3nende Yoana, omukhasi wa Chusa, omukhalavani wa Herode, nende Susana, navandi avangi, aveana okhuvaanira okhuchula khumiandu kiawe.
Olukaato lwa Omuchaki
(Mat. 13.1-9; Mrk. 4.1-9)
4Nolu esituma siewusa alala navanju okhuchula musiawuli etookho vacha khu Yesu, kawola mulukaato
5“Omuchaki kachula kachia okhuchaka emwo yiye, ne nga kaanya, emwo ndala chiakwa khungira, navavicha khungira vachisenaka, nenyuni chiachiwocha. 6Echindi chiakwa mumakina, ne nga chiamera chianiala, sichiali namachi tawe. 7Echindi chiakwa mumawa, namawa kamera nachio ne kachimina. 8Echindi chiakwa mwilova elayi chiamera, ne chiama amakhavi emia.” Nga kawola achio, kakhupa omwoyo, “Oli namachwi kokhuwulira, lekha awulire.”
Esifune Siengaato
(Mat. 13.10-17; Mrk. 4.10-12)
9Ngavalondi vave vamucheva olukaato luno lwekesa sina, 10kawola, “Enywe mwaweresiwa owunyali okhumanya akekisa akowami wa Nyasaye, nausa khuvandi kali mungaato, mbo khukhulengera valove okhuwona tawe, okhuwulira vachanyala okhumanya tawe.”
Yesu Avawolera Esifune Siolukaato Lwomuchaki
(Mat. 13.18-23; Mrk. 4.13-20)
11Khanu esifune siolukaato nje sino, emwo njekhuwa lia Nyasaye. 12Echiakwa khungira njavawulira ekhuwa, ne setani kacha nachusa ekhuwa mumioyo kiawe, mbo vakhaywe okhusuvira nokhuwoniwa. 13Nachio echiakwa khulwanda njavo, nivawulira ekhuwa, valinyola nowusangafu, nausa vano vawuma emisi, vasuvira khulwevise evititi, nendalo yokhutemwa vakwa. 14Echio echiakwa mumawa, njavo avawulira, ne nga vachia mungira chiawe, vafutulwa nende enganakani nende owuyinda nende omwekhoyo kwowulamu, ne amatunda kawe sikaangala tawe. 15Nachio echio mwilova elayi, njavo, nivakhawulira ekhuwa, valitira muwusuvirwa mumwoyo mulayi, ne vesimirisa okhwola vame amatunda.
Etaa Yafunikhwa
(Mrk. 4.21-25)
16Awumao owambianga etaa nayifunikha nesilingiro tawe, namwe ache aasi wesitanda, nausa ayicha khusichivi, avo avengira vawone owulafu.
17“Siwumao esiekisa esichaliwikhulwa, namwe esiowekisi esichalimanyikha awulafu.
18“Khanu chekerese nga muwulira, khuyo oli navio achia khumetwa evingi, noyo owuma, ata esiapaara mbo ali nasio, sichia okhuwukulwa.”
Mayi wa Yesu nende Avawandaye
(Mat. 12.46-50; Mrk. 3.31-35)
19Mayi wuwe nende avawandaye vamwichira, nausa sivanyala okhumwolakho tawe okhuvera esituma siavanju. 20Nekawolerwa, “Mayi wuwo nende avawandayo vemire erwanyi, venya okhukhuwona.”
21Naye kavawolera, mayi wange nende wandaye vange njavawulira ekhuwa lia Nyasaye ne valikhole.
Yesu Apoyia Oluwucho
(Mat. 8.23-27; Mrk. 4.35-41)
22Endalo yindi Yesu kengira muliacho nende avalondi vave ne kavawolera, “Lekha khwambukhe engerekha wenyanja.” Khanu vachekukha, 23ne nga vali nivachia, Yesu kakona. Oluwucho lwacha khunyanja, ne amachi kali kengira muliacho, vali muwutinyu. 24Vachia vamwinyosa, nivawola, Omukhongo, Omukhongo! Khusikha! Kenyokha ne kafuchira oluwucho nende amase, mana viawulera, khwava nokhwewunjesa. 25Kavacheva, “Esuvira lienywe liri?” Navo vachichikana, ne vawuka, vawolana, “Ono njanu, afuchira oluwuucho nenyanja, vimuwulira?”
Yesu Awonia Omunju Wevisieno
(Mat. 8.28-34; Mrk. 5.1-20)
26Vola musialo sia Avagerase, esiri ewuleka wundi wa Galilaya. 27Nga kachula okhusena khulova, kawukanana nomunju womwitookho omwo owali nevisieno, ne khulwendalo enyingi sikafwala khunguo tawe, ne sikamenyanga munju tawe kamenyanga muvirindwa. 28Olu kawona Yesu, kayula ne kakwa emberi wuwe, kawola mumwoyo kwamukulu, “Wenyasi khwise, Yesu, Omwana wa Nyasaye Owamukulu Muno? Ekhusava, ochanyasa ta.” 29Sikira kali afuchiye esisieno simuchulemo. (Sikira evise evingi siamutiranga, kali kalindwa, nekawoywa neminyololo nende epingo, nausa kakhalakanga evi vamuwoyeye evio ne evisieno vimuyira musiangalamwe).
30Yesu kamucheva, “Elicha lilio niwe anu?” Naye kachipa, “Lechioni,” okhuva evisieno evingi viamulimo. 31Navio evisieno evio viamwesaya achaviyira mulina ekhongo eliwuma esiakamo tawe.
32Engurwe enyingi chiali chilia musikulu, ne viasava Yesu avilekhe vingire mungurwe. Kavisiwula. 33Evisieno viachula mumunju oyo ne viengira mungurwe, ne engurwe chiasalamata nichichia emwalo wolukuku chiakwa munyanja chieyinikha.
34Avayi olu vawona esiali nisiekholekhire, verukha, ne vakawola mwitookho nende mulukongo. 35Avanju vacha okhuwona esiali nisiekholekhire, ne vacha khu Yesu, ne vanyola omunju oyo oyu evisieno vichuliremo, nikekhaye mumakulu mwa Yesu, nikefwaye enguo ne nali awene munganakani, nevaria. 36Navo avo avawona, vavawolera ngowevisieno amalire okhuwona. 37Kho avanju vosi avesialo nolukongo lwa Gerasi vawolera Yesu awewo, sikira vatirwa nowuchi, kho kengira muliacho kakoola. 38Omunju oyu evisieno viali nivichuliremo kamusava mbo achie ninaye, nausa kamulekha, kamuwolera, 39“Koola engo wenywe ovawolere aka Nyasaye akhukholeye.” Kawao, ne kawola awulafu mwitookho liosi aka Yesu kali namukholeye.
Omukhana wa Jairo nende Omukhasi Owatira Khunguo ya Yesu
(Mat. 9.18-26; Mrk. 5.21-43)
40Khanu olu Yesu kakoola, esituma siavanju vamwingisa, vali vosi vamulindire. 41Kacha omunju olangwa Jairo, omuchuki wesinagogi, ne kakwa mumakulu ka Yesu kamwesaya achiekho munju yiye, 42kali nomwana omukhana yeng'ene, owemiaka aambi ekhumi nakiviri, ne kali afwa.
Yesu nga kali nachia, avanju vamweminakanakho. 43Naye Omukhasi wali nikatacha amalasire khumiaka ekhumi nakiviri nawumao owanyala okhumuwonia ta, 44kacha enyuma wuwe ne katira khukemo lienguo yiye, ne aonao amalasire kema okhutacha. 45Yesu kacheva, “Njanu owundiyekho?”
Nolu vosi vekana, Petero kawola, “Omukhongo, esituma siavanju vakhwichuyekho nundi vakhuwotokhanire ne vakhweminakanakho!”
46Naye Yesu kawola, “Omunju kandiyekho, mbona owunyali wunjuliremo.” 47Nolu Omukhasi oyo kawona mbo siviokhwekisa tawe, kacha nachenga, ne kakwa aasi emberi wuwe, ne kawola muvanju vosi esikira namutiyekho, ne ngawonire lwangu. 48Yesu kamuwolera, “Mukhana wange esuvira lilio likhuwonisie, chia nomulembe.”
49Nolu kali nasilomaloma, omunju kachumwa okhuchula munju wa Yairo kawola, “Omukhana wuwo afwiye, ochanyasa Omwekesi nundi tawe.”
50Naye Yesu olu kawulira elienelio kamuchipa, “Ocharia tawe, suvira wusa, ne achiakhuva omulamu.”
51Nolu kacha aanju, sikasiwula omunju kengire naye mukachi tawe, nichali Petero nende Yohana nende Yakopo, nende simwana ni ng'ina yomwana. 52Navo avanju vosi vali valira nivakhukhusa ofwiye. Ne Yesu kawola, “Muchalira tawe, siafwiye tawe ali mundoolo.”
53Navo vamuchekha, nivamanyire mbo afwiye, 54Nausa kamuwukula nomukhono, kalanga, kawola “Omwana yinyokha!” 55Omwana keusa, mana kenyokha lwangu, ne Yesu kavawolera vamuwe esiokhulia 56Avewusi vave vawuka, nausa kavakania okhuwolera khumunju yesiyesi akekholekhire.
Àwon tá yàn lọ́wọ́lọ́wọ́ báyìí:
Luka 8: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Luka 8
8
Avakhasi Avalondananga nende Yesu
1Olunyuma, Yesu kamala kachia mumatookho nende muvikwenyi ne kerwacha nalecha amakhuwa malayi akowami wa Nyasaye. Avalondi ekhumi navaviri vali naye, 2Avakhasi valala avali nivawonire okhuchula khu roho vavi nende amatekhere, Maria, owalangwa Magdalena, oyu evisieno Saba viamuchulamo, 3nende Yoana, omukhasi wa Chusa, omukhalavani wa Herode, nende Susana, navandi avangi, aveana okhuvaanira okhuchula khumiandu kiawe.
Olukaato lwa Omuchaki
(Mat. 13.1-9; Mrk. 4.1-9)
4Nolu esituma siewusa alala navanju okhuchula musiawuli etookho vacha khu Yesu, kawola mulukaato
5“Omuchaki kachula kachia okhuchaka emwo yiye, ne nga kaanya, emwo ndala chiakwa khungira, navavicha khungira vachisenaka, nenyuni chiachiwocha. 6Echindi chiakwa mumakina, ne nga chiamera chianiala, sichiali namachi tawe. 7Echindi chiakwa mumawa, namawa kamera nachio ne kachimina. 8Echindi chiakwa mwilova elayi chiamera, ne chiama amakhavi emia.” Nga kawola achio, kakhupa omwoyo, “Oli namachwi kokhuwulira, lekha awulire.”
Esifune Siengaato
(Mat. 13.10-17; Mrk. 4.10-12)
9Ngavalondi vave vamucheva olukaato luno lwekesa sina, 10kawola, “Enywe mwaweresiwa owunyali okhumanya akekisa akowami wa Nyasaye, nausa khuvandi kali mungaato, mbo khukhulengera valove okhuwona tawe, okhuwulira vachanyala okhumanya tawe.”
Yesu Avawolera Esifune Siolukaato Lwomuchaki
(Mat. 13.18-23; Mrk. 4.13-20)
11Khanu esifune siolukaato nje sino, emwo njekhuwa lia Nyasaye. 12Echiakwa khungira njavawulira ekhuwa, ne setani kacha nachusa ekhuwa mumioyo kiawe, mbo vakhaywe okhusuvira nokhuwoniwa. 13Nachio echiakwa khulwanda njavo, nivawulira ekhuwa, valinyola nowusangafu, nausa vano vawuma emisi, vasuvira khulwevise evititi, nendalo yokhutemwa vakwa. 14Echio echiakwa mumawa, njavo avawulira, ne nga vachia mungira chiawe, vafutulwa nende enganakani nende owuyinda nende omwekhoyo kwowulamu, ne amatunda kawe sikaangala tawe. 15Nachio echio mwilova elayi, njavo, nivakhawulira ekhuwa, valitira muwusuvirwa mumwoyo mulayi, ne vesimirisa okhwola vame amatunda.
Etaa Yafunikhwa
(Mrk. 4.21-25)
16Awumao owambianga etaa nayifunikha nesilingiro tawe, namwe ache aasi wesitanda, nausa ayicha khusichivi, avo avengira vawone owulafu.
17“Siwumao esiekisa esichaliwikhulwa, namwe esiowekisi esichalimanyikha awulafu.
18“Khanu chekerese nga muwulira, khuyo oli navio achia khumetwa evingi, noyo owuma, ata esiapaara mbo ali nasio, sichia okhuwukulwa.”
Mayi wa Yesu nende Avawandaye
(Mat. 12.46-50; Mrk. 3.31-35)
19Mayi wuwe nende avawandaye vamwichira, nausa sivanyala okhumwolakho tawe okhuvera esituma siavanju. 20Nekawolerwa, “Mayi wuwo nende avawandayo vemire erwanyi, venya okhukhuwona.”
21Naye kavawolera, mayi wange nende wandaye vange njavawulira ekhuwa lia Nyasaye ne valikhole.
Yesu Apoyia Oluwucho
(Mat. 8.23-27; Mrk. 4.35-41)
22Endalo yindi Yesu kengira muliacho nende avalondi vave ne kavawolera, “Lekha khwambukhe engerekha wenyanja.” Khanu vachekukha, 23ne nga vali nivachia, Yesu kakona. Oluwucho lwacha khunyanja, ne amachi kali kengira muliacho, vali muwutinyu. 24Vachia vamwinyosa, nivawola, Omukhongo, Omukhongo! Khusikha! Kenyokha ne kafuchira oluwucho nende amase, mana viawulera, khwava nokhwewunjesa. 25Kavacheva, “Esuvira lienywe liri?” Navo vachichikana, ne vawuka, vawolana, “Ono njanu, afuchira oluwuucho nenyanja, vimuwulira?”
Yesu Awonia Omunju Wevisieno
(Mat. 8.28-34; Mrk. 5.1-20)
26Vola musialo sia Avagerase, esiri ewuleka wundi wa Galilaya. 27Nga kachula okhusena khulova, kawukanana nomunju womwitookho omwo owali nevisieno, ne khulwendalo enyingi sikafwala khunguo tawe, ne sikamenyanga munju tawe kamenyanga muvirindwa. 28Olu kawona Yesu, kayula ne kakwa emberi wuwe, kawola mumwoyo kwamukulu, “Wenyasi khwise, Yesu, Omwana wa Nyasaye Owamukulu Muno? Ekhusava, ochanyasa ta.” 29Sikira kali afuchiye esisieno simuchulemo. (Sikira evise evingi siamutiranga, kali kalindwa, nekawoywa neminyololo nende epingo, nausa kakhalakanga evi vamuwoyeye evio ne evisieno vimuyira musiangalamwe).
30Yesu kamucheva, “Elicha lilio niwe anu?” Naye kachipa, “Lechioni,” okhuva evisieno evingi viamulimo. 31Navio evisieno evio viamwesaya achaviyira mulina ekhongo eliwuma esiakamo tawe.
32Engurwe enyingi chiali chilia musikulu, ne viasava Yesu avilekhe vingire mungurwe. Kavisiwula. 33Evisieno viachula mumunju oyo ne viengira mungurwe, ne engurwe chiasalamata nichichia emwalo wolukuku chiakwa munyanja chieyinikha.
34Avayi olu vawona esiali nisiekholekhire, verukha, ne vakawola mwitookho nende mulukongo. 35Avanju vacha okhuwona esiali nisiekholekhire, ne vacha khu Yesu, ne vanyola omunju oyo oyu evisieno vichuliremo, nikekhaye mumakulu mwa Yesu, nikefwaye enguo ne nali awene munganakani, nevaria. 36Navo avo avawona, vavawolera ngowevisieno amalire okhuwona. 37Kho avanju vosi avesialo nolukongo lwa Gerasi vawolera Yesu awewo, sikira vatirwa nowuchi, kho kengira muliacho kakoola. 38Omunju oyu evisieno viali nivichuliremo kamusava mbo achie ninaye, nausa kamulekha, kamuwolera, 39“Koola engo wenywe ovawolere aka Nyasaye akhukholeye.” Kawao, ne kawola awulafu mwitookho liosi aka Yesu kali namukholeye.
Omukhana wa Jairo nende Omukhasi Owatira Khunguo ya Yesu
(Mat. 9.18-26; Mrk. 5.21-43)
40Khanu olu Yesu kakoola, esituma siavanju vamwingisa, vali vosi vamulindire. 41Kacha omunju olangwa Jairo, omuchuki wesinagogi, ne kakwa mumakulu ka Yesu kamwesaya achiekho munju yiye, 42kali nomwana omukhana yeng'ene, owemiaka aambi ekhumi nakiviri, ne kali afwa.
Yesu nga kali nachia, avanju vamweminakanakho. 43Naye Omukhasi wali nikatacha amalasire khumiaka ekhumi nakiviri nawumao owanyala okhumuwonia ta, 44kacha enyuma wuwe ne katira khukemo lienguo yiye, ne aonao amalasire kema okhutacha. 45Yesu kacheva, “Njanu owundiyekho?”
Nolu vosi vekana, Petero kawola, “Omukhongo, esituma siavanju vakhwichuyekho nundi vakhuwotokhanire ne vakhweminakanakho!”
46Naye Yesu kawola, “Omunju kandiyekho, mbona owunyali wunjuliremo.” 47Nolu Omukhasi oyo kawona mbo siviokhwekisa tawe, kacha nachenga, ne kakwa aasi emberi wuwe, ne kawola muvanju vosi esikira namutiyekho, ne ngawonire lwangu. 48Yesu kamuwolera, “Mukhana wange esuvira lilio likhuwonisie, chia nomulembe.”
49Nolu kali nasilomaloma, omunju kachumwa okhuchula munju wa Yairo kawola, “Omukhana wuwo afwiye, ochanyasa Omwekesi nundi tawe.”
50Naye Yesu olu kawulira elienelio kamuchipa, “Ocharia tawe, suvira wusa, ne achiakhuva omulamu.”
51Nolu kacha aanju, sikasiwula omunju kengire naye mukachi tawe, nichali Petero nende Yohana nende Yakopo, nende simwana ni ng'ina yomwana. 52Navo avanju vosi vali valira nivakhukhusa ofwiye. Ne Yesu kawola, “Muchalira tawe, siafwiye tawe ali mundoolo.”
53Navo vamuchekha, nivamanyire mbo afwiye, 54Nausa kamuwukula nomukhono, kalanga, kawola “Omwana yinyokha!” 55Omwana keusa, mana kenyokha lwangu, ne Yesu kavawolera vamuwe esiokhulia 56Avewusi vave vawuka, nausa kavakania okhuwolera khumunju yesiyesi akekholekhire.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024