Luka 10
10
Yesu Achuma Avalondi Amakhumi Saba navaviri
1Kano nikakhawa Omwami kachoola avandi amakhumi saba navaviri, ne kavachuma vachie emberi wuwe, vaviri vaviri, vamuchangirire musiawuli etookho nende wuli awunju aakali nikenya okhuchia. 2Kavawolera, “Ekesa lingi, nausa avakhalavani vemilimo vatiti, save Omwami wekesa achume avakhalavani mwikesa lilie. 3Khanu chie, mbao, evachuma ngamakondi akachi weviwulukhu. 4Muchakinga khusiveti, emifuko, eviracho; namwe muchakhesa khumunju khungira tawe. 5Siawuli enju yimwingiramo, changire muvakhese, ‘Omulembe kuve munju muno!’ 6Ne omunju womulembe navamo, omulembe kwenywe kuve khuniye, nausa nawumamo, kuvakoolere enywe. 7Mutong'e munju ndala, mulie nokhunywa esivavawaye, okhuva omukhalavani kenyekha omuchungo kukwe, muchachia munju eyineyi tawe. 8Wuli nimwingira mwitookho nevavengisa, lie esivavawaye. 9Wonie avalwaye valimo nemuvawolere, ‘Owami wa Nyasaye wichire aambi ninanywe.’ 10Nausa nimwola mwitookho liosiliosi ne valove okhuvengisa, viche mungira chiawe mana muwole, 11‘Ata olufu lwetookho lienywe oluwandire khumakulu kefwe, khuveyeyerakho, atakachio mumanye kano, mbo Owami wa Nyasaye wichire aambi.’ 12Evawolera kachia khuva amavi khwitookho elio okhuvicha Sodoma.
Amatookho Kachekanira
(Mat. 11.20-24)
13“Akhoo ewe, Korasin! Akhoo ewe Bethsaida! Kavanga amangayimwa kekholekha khwinywe kali mu Tiro nende Sidoni, vava vekanira khale, nivekhala mumakunia nende mukokhe. 14Vichia okhuva vivi khwinywe okhuvicha Tiro nende Sidoni. 15Newe Kafarnaumu, opara mbo ochia okhwekingula okhwola mwikulu? Ochia okhwiswa aasi okhwola emakombe.”
16Ovawulira enywe ava kambulira ese, naye ochavawulira siava kambulira ese tawe.
Okhukoola khwa Amakhumi Saba
17Amakhumi Saba vakoola nowusangafu, vawola, “Omwami, ata evisieno vichuriye mulicha lilio!”
18Naye kavawolera, “Nawona Setani nakwa ngolueni okhuchula mwikulu. 19Wona vawaye, owunyali okhusenaka khunjukha nende esang'unyi, nowunyali wosi khumusiku, ne siwumao esichia khuvawumisa. 20Nausa muchekhoya mbo evisieno vivachichikanire tawe, yekhoye okhuvera amecha kenywe kaandikirwe mwikulu.”
Yesu Kekhoya
(Mat. 11.25-27; 13.16-17)
21Muvise vienevio, Yesu kekhoya mu Roho Muchwenufu ne kawola, “Asandi Papa, Omwami wekulu nelova, esikira wakisa amakhuwa kano khuvowukesi navasoma ne wakafunukhula khuvana, yee, Papa, ndwolu wenya kekholekhe.
22“Evinju viosi Papa wange kamberesa, nawumao omanyire omwana njanu nachali Papa, namwe Papa njanu nachali Omwana, nende oyu Omwana achoola okhumumanyia.”
23Kakoola khuvalondi vave kavawolera, “Chiri nekhavi emoni chiwona akamuwona kano! 24Mbawolera mbo Avanabii avangi nende avachuki vekomba vawone akamuwona kano, ne sivawona tawe, nundi vawulire akamuwulira ne sivawulira tawe.”
Omufwano Kwomusamaria Mulayi
25Olunyuma omwekesi wamalako mulala kenyokha okhumucheva nelienya liokhumutema, nawola, “Omwekesi, khole sina enyole owulamu wa wuli lwosi?”
26Kamuwolera, “Liaandikwa lichie mumalako? Osoma ochie?”
27Naye kachipa, “Osime Omwami Nyasaye wuwo nomwoyo kukwo kwosi, nende evamwoyo lilio liosi nende amaani kako kosi, nende enganakani chichio chiosi, nosime omumenywa wuwo nga wamwene.”
28Yesu kamuwolera, “Ochipire owulayi, khola ochio, nochia okhumenya.”
29Nausa, nikenyanga okhwekhola omulayi kawolera Yesu, “Njanu omumenywa wange?”
30Yesu kachipa, “Omunju kali kekha emwalo nachula Yerusalemu nachia Yeriko, olu kali khungira avevi vamuketa, vamufwalula enguo vamukhupa, ne vamulekha nawochawocha amwoyo. 31Naye omukuhani mulala kali avichira khungira yeneyo, nolu kamuwona kavichira ewuleka. 32Nundi Omulawi yesi, olu kacha awunju wenao ne kamuwona, kavichira ewuleka. 33Nausa Omusamaria, nga kali khulukendo, kola aakali, nga kamuwona, kamukholera esisa, 34kasuta aakali, kawoa owumiyire, kamuchukhakho amafucha nende edivai, kamucha khusukhiri yiye kamuyira munju yavakeni, kamusirikha. 35Olutalo lwalondakho kachusa esende edinari chiviri kaweresa mwenenju, kamuwolera, ‘Mulinde owulayi, ne numeta okhumuchumikhira nundi, ndakhuchunge ningoola.’ 36Njanu khuvatachu vano, oyupara mbo keyekesise okhuva omumenywa womunju wakwa muvevi?”
37Omwekesi wamalako oyo kachipa, “Oyo owamuwonera esisa.” Yesu kamuwolera, “Chia okhole ochio.”
Yesu Akeniya Martha nende Maria
38Olu vali khulukendo, kengira musikwenyi, ne omukhasi mulala olangwa Martha kamwingisa munju yiye. 39Kali nomukhana wawe olangwa Maria, owekhala mumakulu komwami nachekeresa amekeso kake. 40Naye Martha kali atiywe nemilimo kiokhutenda, mana kachira Yesu kamuwolera, “Omwami, suenderakho mbo omukhana wefwe kandekhire okhutenda seng'ene ta? Muwolere nonu kanjetekho.”
41Naye Omwami kamuchipa, “Martha, Martha, oyengera nokhunyakhana nende evinju evingi. 42Esinju silala njesienyekhana. Maria echooye esinju silayi ne sialinulwa tawe.”
Àwon tá yàn lọ́wọ́lọ́wọ́ báyìí:
Luka 10: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Luka 10
10
Yesu Achuma Avalondi Amakhumi Saba navaviri
1Kano nikakhawa Omwami kachoola avandi amakhumi saba navaviri, ne kavachuma vachie emberi wuwe, vaviri vaviri, vamuchangirire musiawuli etookho nende wuli awunju aakali nikenya okhuchia. 2Kavawolera, “Ekesa lingi, nausa avakhalavani vemilimo vatiti, save Omwami wekesa achume avakhalavani mwikesa lilie. 3Khanu chie, mbao, evachuma ngamakondi akachi weviwulukhu. 4Muchakinga khusiveti, emifuko, eviracho; namwe muchakhesa khumunju khungira tawe. 5Siawuli enju yimwingiramo, changire muvakhese, ‘Omulembe kuve munju muno!’ 6Ne omunju womulembe navamo, omulembe kwenywe kuve khuniye, nausa nawumamo, kuvakoolere enywe. 7Mutong'e munju ndala, mulie nokhunywa esivavawaye, okhuva omukhalavani kenyekha omuchungo kukwe, muchachia munju eyineyi tawe. 8Wuli nimwingira mwitookho nevavengisa, lie esivavawaye. 9Wonie avalwaye valimo nemuvawolere, ‘Owami wa Nyasaye wichire aambi ninanywe.’ 10Nausa nimwola mwitookho liosiliosi ne valove okhuvengisa, viche mungira chiawe mana muwole, 11‘Ata olufu lwetookho lienywe oluwandire khumakulu kefwe, khuveyeyerakho, atakachio mumanye kano, mbo Owami wa Nyasaye wichire aambi.’ 12Evawolera kachia khuva amavi khwitookho elio okhuvicha Sodoma.
Amatookho Kachekanira
(Mat. 11.20-24)
13“Akhoo ewe, Korasin! Akhoo ewe Bethsaida! Kavanga amangayimwa kekholekha khwinywe kali mu Tiro nende Sidoni, vava vekanira khale, nivekhala mumakunia nende mukokhe. 14Vichia okhuva vivi khwinywe okhuvicha Tiro nende Sidoni. 15Newe Kafarnaumu, opara mbo ochia okhwekingula okhwola mwikulu? Ochia okhwiswa aasi okhwola emakombe.”
16Ovawulira enywe ava kambulira ese, naye ochavawulira siava kambulira ese tawe.
Okhukoola khwa Amakhumi Saba
17Amakhumi Saba vakoola nowusangafu, vawola, “Omwami, ata evisieno vichuriye mulicha lilio!”
18Naye kavawolera, “Nawona Setani nakwa ngolueni okhuchula mwikulu. 19Wona vawaye, owunyali okhusenaka khunjukha nende esang'unyi, nowunyali wosi khumusiku, ne siwumao esichia khuvawumisa. 20Nausa muchekhoya mbo evisieno vivachichikanire tawe, yekhoye okhuvera amecha kenywe kaandikirwe mwikulu.”
Yesu Kekhoya
(Mat. 11.25-27; 13.16-17)
21Muvise vienevio, Yesu kekhoya mu Roho Muchwenufu ne kawola, “Asandi Papa, Omwami wekulu nelova, esikira wakisa amakhuwa kano khuvowukesi navasoma ne wakafunukhula khuvana, yee, Papa, ndwolu wenya kekholekhe.
22“Evinju viosi Papa wange kamberesa, nawumao omanyire omwana njanu nachali Papa, namwe Papa njanu nachali Omwana, nende oyu Omwana achoola okhumumanyia.”
23Kakoola khuvalondi vave kavawolera, “Chiri nekhavi emoni chiwona akamuwona kano! 24Mbawolera mbo Avanabii avangi nende avachuki vekomba vawone akamuwona kano, ne sivawona tawe, nundi vawulire akamuwulira ne sivawulira tawe.”
Omufwano Kwomusamaria Mulayi
25Olunyuma omwekesi wamalako mulala kenyokha okhumucheva nelienya liokhumutema, nawola, “Omwekesi, khole sina enyole owulamu wa wuli lwosi?”
26Kamuwolera, “Liaandikwa lichie mumalako? Osoma ochie?”
27Naye kachipa, “Osime Omwami Nyasaye wuwo nomwoyo kukwo kwosi, nende evamwoyo lilio liosi nende amaani kako kosi, nende enganakani chichio chiosi, nosime omumenywa wuwo nga wamwene.”
28Yesu kamuwolera, “Ochipire owulayi, khola ochio, nochia okhumenya.”
29Nausa, nikenyanga okhwekhola omulayi kawolera Yesu, “Njanu omumenywa wange?”
30Yesu kachipa, “Omunju kali kekha emwalo nachula Yerusalemu nachia Yeriko, olu kali khungira avevi vamuketa, vamufwalula enguo vamukhupa, ne vamulekha nawochawocha amwoyo. 31Naye omukuhani mulala kali avichira khungira yeneyo, nolu kamuwona kavichira ewuleka. 32Nundi Omulawi yesi, olu kacha awunju wenao ne kamuwona, kavichira ewuleka. 33Nausa Omusamaria, nga kali khulukendo, kola aakali, nga kamuwona, kamukholera esisa, 34kasuta aakali, kawoa owumiyire, kamuchukhakho amafucha nende edivai, kamucha khusukhiri yiye kamuyira munju yavakeni, kamusirikha. 35Olutalo lwalondakho kachusa esende edinari chiviri kaweresa mwenenju, kamuwolera, ‘Mulinde owulayi, ne numeta okhumuchumikhira nundi, ndakhuchunge ningoola.’ 36Njanu khuvatachu vano, oyupara mbo keyekesise okhuva omumenywa womunju wakwa muvevi?”
37Omwekesi wamalako oyo kachipa, “Oyo owamuwonera esisa.” Yesu kamuwolera, “Chia okhole ochio.”
Yesu Akeniya Martha nende Maria
38Olu vali khulukendo, kengira musikwenyi, ne omukhasi mulala olangwa Martha kamwingisa munju yiye. 39Kali nomukhana wawe olangwa Maria, owekhala mumakulu komwami nachekeresa amekeso kake. 40Naye Martha kali atiywe nemilimo kiokhutenda, mana kachira Yesu kamuwolera, “Omwami, suenderakho mbo omukhana wefwe kandekhire okhutenda seng'ene ta? Muwolere nonu kanjetekho.”
41Naye Omwami kamuchipa, “Martha, Martha, oyengera nokhunyakhana nende evinju evingi. 42Esinju silala njesienyekhana. Maria echooye esinju silayi ne sialinulwa tawe.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024