Luka 7
7
Yesu Awonia Omukhalavani Womukhongo wa Roma Owamahe
(Mat. 8.5-13)
1Nikakhamala okhuwola kosi avanju vawulira, kengira Kafernaumu. 2Khanu omukhongo wavamahe kali nomuambe omusime, ne kali omulwaye owokhufwa. 3Olu kawulira amakhuwa ka Yesu, kamuchumira avasakhulu Avayahudi, nasava kache awonie omuambe wuwe. 4Nolu vacha khu Yesu, vamwesaya nivawola, “Okwana omukholere lino, 5sikira kasima eanga liefwe, nundi kachwombakhira esinagogi.”
6Ne Yesu kachia navo. Olu kali aambi nenju, omukhongo wamahe kachuma avecha, ne vamuwolera, “Omwami, ochenania wusa tawe, singwanikhire wingire munju yange tawe. 7Khanu simbona mbo nolanire okhwicha khwiwe ta. Wola wusa ekhuwa ne omuambe wange alikhusosa. 8Sesi ndimunju oli aasi wamalako, nende avamahe aasi wange, ne mboleranga mulala, chia, nachia, nowundi nji, yicha, naye kacha, ne khumukhalavani wange nji, khola sino, nakhola.”
9Olu Yesu kawulira ako, kawuka, ne kakalukhana kalengera esituma siavanju vali nivamulondirekho, kavawolera “Ata mu Israeli, esiri okhuwonakho esuvira nga lino ta!”
10Avo avali nivachumirwe olu vakoola munju, vanyola omuambe nawonire.
Yesu Asisimusa Omwana wa Namulekhwa
11Olunyuma kachia mwitookho lilangwa Naini, ne avalondi vave nende esituma esikali siachia ninaye. 12Nga kali nikakhola aambi nesiriwa sietookho, wona, omunju, wali nafwiye kali akingwa nivamuchusa erwanyi, kali omwana muterwa wa mayi oyo, owali namulekhwa, ne esituma esikali okhuchula mwitookho siali nende mayi oyo. 13Nolu Omwami kamuwona, kamuwonera esisa ne kamuwolera “Ochalira tawe.” 14Kacha katira khusanduku, ne avali nivakingire vema. Kawola, “Omuraka, khuwolera, yinyokha.” 15Naye owali nafwiye kenyokha kekhala, kanja okhulomaloma. Kamwakanisa khung'ina.
16Owuchi watira vosi, ne vafumia Nyasaye nivawola, “Omunabii omukali kewukhire mwifwe, Nyasaye akendereye avanju vave.” 17Amakhuwa ka Yesu kawulirikha Yudea yosi nesialo sieweneyo.
Avachumwa Okhuchula khu Yohana Omuvatisi
(Mat. 11.2-19)
18Avalondi va Yohana vamuwolera amakhuwa kano kosi. 19Yohana kalanga avalondi vave vaviri, kavachuma khu Omwami, nawola, “Niwe ochia okhwicha namwe khulindirire owundi?”
20Nolu avalondi avo vola khu Yesu, vamuwolera, “Yohana omuvatisi achuchumire khwiwe, nacheva, ‘Niwe ochia okhwicha namwe khulindirire owundi?’ ”
21Muvise evio kawonia owulwaye owungi, nende olumululo nende roho vavi, nende avangi avaofu vawona. 22Kavachipa, “Chie muwolere Yohana aka muwuliye nende akamuwene: avaofu vawona, avaleme vakenda, avamakere valava, avekala amachwi vawulira, avafu valamusiwa, avamanani verwachirwa amakhuwa malayi. 23Ali nekhavi oyo owuma esikha khwise!”
24Avachumwa va Yohana olu vali nivakhachia, kanja okhulomaloma khuvituma okhulondekhana nende Yohana, “Mwachia musichimi okhuwona sina? Oluvembe nilukhina sikira omuyaka kuwuucha? 25Kho mwachia okhuwona Omunju afwaye enguo chiowukusi? Wona, avefwala enguo chiowukusi nokhumenya owulamu womwekhoyo vamenyanga mungo chiowami. 26Khanu mwachia okhuwona sina? Omunabii? Yee, vawolera, noyo akhira omunabii. 27Yohana ono njoyu liaandikwakho,
‘Wona enjuma omuchumwa wange emberi wenywe,
ochia okhucheresa engira yiyo emberi wuwo.’
28Vawolera, mwavo avewulwa nomukhasi, awumao okhira Yohana, naye omutiti muwami wa Nyasaye amukhira.”
29Olu vawulira ako avanju vosi nende avachoosi, vafukirisa Nyasaye, avali nivanyola owuvatiso wa Yohana, 30navo Avafarisayo nende avekesi vamalako valova echomo lia Nyasaye avene, valova okhuvatiswa naye.
31“Vakeranie nende sina avanju volwiwulo luno, nevanju vambia sina? 32Vali ngavana vekhaye khusoko, ne valangana, nivawolana mbo,
‘Khuvembeye, ne simukhinire tawe;
khwakukuula nanywe mwalova okhukhina’
33Sikira Yohana omuvatisi kacha nachalia omukati nende nachanywa edivai, ne mwawola muchi, ali nende esisieno! 34Omwana womunju kachire alia nanywa, muwola, Wona, owaliukha, nundi omumesi, omwicha wavachoosi vowusuru nende avoni! 35Nausa emanya lifukiriswa nende avo avana va Nyasaye vosi.”
Yesu engo wa Simoni Omufarisayo
36Omufarisayo mulala kengisa Yesu alie naye, Kachia munju yomufarisayo, ne kawukula owiyango okhulia khumesa. 37Omukhasi kali mwitookho omwo omwoni, olu kamanyirisa mbo Yesu ali khumesa munju yomufarisayo eyo, kalecha echupa yamarashi kesing'ari, 38Kema enyuma wa Yesu mumakulu kake nalira amasika, katosia amakulu ka Yesu namasika, ne kamupangusa nefwiri liomuchwe kukwe, ne kasusuna amakulu kake, nekamuvakha amarashi. 39Naye Omufarisayo wali namulangire kawona achio, kapara mumwoyo mumwe, “Omunju ono avanga omunabii, kakhamanyire omukhasi ono njanu ne wambiasina onamutirangakho, mwoni niye.” 40Yesu kachipa omufarisayo oyo, “Simoni, ndi nesinju sinenya okhukhuwolera.” Kafukirira achi, “Njesianu, Omwekesi?” 41“Omunju mulala kakopia avanju vaviri esende, mulala kali kamukopia edinari emia chichanu naye owundi amakhumi kachanu. 42Nolu vakhirwa okhuchunga, kavalekhera vombiri. Khanu njanu onyala kasima omuya oyo olukali khu vaviri avo?”
43Simoni kachiba, “Owekovi ekhongo mbara achia okhumusima olukali.” Nekamuchipa, “Owoye awene.” 44Olu kakalukhanira omukhasi oyo, kawolera Simoni, “Owona omukhasi ono? Ningiye munju yiyo, ne siwumbaye khumachi kokhwoka amakulu tawe, naye kokire amakulu kange namasika nekapangusa nefwiri lilie. 45Siwususunire tawe, naye okhuchula nga ningiye muno achalekhakho okhususuna amakulu kange tawe. 46Suvakhire omuchwe kwange amafucha tawe, naye avakhire amakulu kange amafucha. 47Khanu khuwolera, owoni wuwe, nuwuli owungi, alekheywe, okhuva asimire olukali, naye owokhulekhera atiti, asima atiti.” 48Yesu kawolera omukhasi oyo “Owoni wuwo wulekheywe.”
49Navo avali khumesa naye vanja okhuwolana, “Ono njanu olekhera embi?”
50Kawolera Omukhasi oyo “Esuvira lilio likhuwonisie, chia mumulembe.”
Àwon tá yàn lọ́wọ́lọ́wọ́ báyìí:
Luka 7: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Luka 7
7
Yesu Awonia Omukhalavani Womukhongo wa Roma Owamahe
(Mat. 8.5-13)
1Nikakhamala okhuwola kosi avanju vawulira, kengira Kafernaumu. 2Khanu omukhongo wavamahe kali nomuambe omusime, ne kali omulwaye owokhufwa. 3Olu kawulira amakhuwa ka Yesu, kamuchumira avasakhulu Avayahudi, nasava kache awonie omuambe wuwe. 4Nolu vacha khu Yesu, vamwesaya nivawola, “Okwana omukholere lino, 5sikira kasima eanga liefwe, nundi kachwombakhira esinagogi.”
6Ne Yesu kachia navo. Olu kali aambi nenju, omukhongo wamahe kachuma avecha, ne vamuwolera, “Omwami, ochenania wusa tawe, singwanikhire wingire munju yange tawe. 7Khanu simbona mbo nolanire okhwicha khwiwe ta. Wola wusa ekhuwa ne omuambe wange alikhusosa. 8Sesi ndimunju oli aasi wamalako, nende avamahe aasi wange, ne mboleranga mulala, chia, nachia, nowundi nji, yicha, naye kacha, ne khumukhalavani wange nji, khola sino, nakhola.”
9Olu Yesu kawulira ako, kawuka, ne kakalukhana kalengera esituma siavanju vali nivamulondirekho, kavawolera “Ata mu Israeli, esiri okhuwonakho esuvira nga lino ta!”
10Avo avali nivachumirwe olu vakoola munju, vanyola omuambe nawonire.
Yesu Asisimusa Omwana wa Namulekhwa
11Olunyuma kachia mwitookho lilangwa Naini, ne avalondi vave nende esituma esikali siachia ninaye. 12Nga kali nikakhola aambi nesiriwa sietookho, wona, omunju, wali nafwiye kali akingwa nivamuchusa erwanyi, kali omwana muterwa wa mayi oyo, owali namulekhwa, ne esituma esikali okhuchula mwitookho siali nende mayi oyo. 13Nolu Omwami kamuwona, kamuwonera esisa ne kamuwolera “Ochalira tawe.” 14Kacha katira khusanduku, ne avali nivakingire vema. Kawola, “Omuraka, khuwolera, yinyokha.” 15Naye owali nafwiye kenyokha kekhala, kanja okhulomaloma. Kamwakanisa khung'ina.
16Owuchi watira vosi, ne vafumia Nyasaye nivawola, “Omunabii omukali kewukhire mwifwe, Nyasaye akendereye avanju vave.” 17Amakhuwa ka Yesu kawulirikha Yudea yosi nesialo sieweneyo.
Avachumwa Okhuchula khu Yohana Omuvatisi
(Mat. 11.2-19)
18Avalondi va Yohana vamuwolera amakhuwa kano kosi. 19Yohana kalanga avalondi vave vaviri, kavachuma khu Omwami, nawola, “Niwe ochia okhwicha namwe khulindirire owundi?”
20Nolu avalondi avo vola khu Yesu, vamuwolera, “Yohana omuvatisi achuchumire khwiwe, nacheva, ‘Niwe ochia okhwicha namwe khulindirire owundi?’ ”
21Muvise evio kawonia owulwaye owungi, nende olumululo nende roho vavi, nende avangi avaofu vawona. 22Kavachipa, “Chie muwolere Yohana aka muwuliye nende akamuwene: avaofu vawona, avaleme vakenda, avamakere valava, avekala amachwi vawulira, avafu valamusiwa, avamanani verwachirwa amakhuwa malayi. 23Ali nekhavi oyo owuma esikha khwise!”
24Avachumwa va Yohana olu vali nivakhachia, kanja okhulomaloma khuvituma okhulondekhana nende Yohana, “Mwachia musichimi okhuwona sina? Oluvembe nilukhina sikira omuyaka kuwuucha? 25Kho mwachia okhuwona Omunju afwaye enguo chiowukusi? Wona, avefwala enguo chiowukusi nokhumenya owulamu womwekhoyo vamenyanga mungo chiowami. 26Khanu mwachia okhuwona sina? Omunabii? Yee, vawolera, noyo akhira omunabii. 27Yohana ono njoyu liaandikwakho,
‘Wona enjuma omuchumwa wange emberi wenywe,
ochia okhucheresa engira yiyo emberi wuwo.’
28Vawolera, mwavo avewulwa nomukhasi, awumao okhira Yohana, naye omutiti muwami wa Nyasaye amukhira.”
29Olu vawulira ako avanju vosi nende avachoosi, vafukirisa Nyasaye, avali nivanyola owuvatiso wa Yohana, 30navo Avafarisayo nende avekesi vamalako valova echomo lia Nyasaye avene, valova okhuvatiswa naye.
31“Vakeranie nende sina avanju volwiwulo luno, nevanju vambia sina? 32Vali ngavana vekhaye khusoko, ne valangana, nivawolana mbo,
‘Khuvembeye, ne simukhinire tawe;
khwakukuula nanywe mwalova okhukhina’
33Sikira Yohana omuvatisi kacha nachalia omukati nende nachanywa edivai, ne mwawola muchi, ali nende esisieno! 34Omwana womunju kachire alia nanywa, muwola, Wona, owaliukha, nundi omumesi, omwicha wavachoosi vowusuru nende avoni! 35Nausa emanya lifukiriswa nende avo avana va Nyasaye vosi.”
Yesu engo wa Simoni Omufarisayo
36Omufarisayo mulala kengisa Yesu alie naye, Kachia munju yomufarisayo, ne kawukula owiyango okhulia khumesa. 37Omukhasi kali mwitookho omwo omwoni, olu kamanyirisa mbo Yesu ali khumesa munju yomufarisayo eyo, kalecha echupa yamarashi kesing'ari, 38Kema enyuma wa Yesu mumakulu kake nalira amasika, katosia amakulu ka Yesu namasika, ne kamupangusa nefwiri liomuchwe kukwe, ne kasusuna amakulu kake, nekamuvakha amarashi. 39Naye Omufarisayo wali namulangire kawona achio, kapara mumwoyo mumwe, “Omunju ono avanga omunabii, kakhamanyire omukhasi ono njanu ne wambiasina onamutirangakho, mwoni niye.” 40Yesu kachipa omufarisayo oyo, “Simoni, ndi nesinju sinenya okhukhuwolera.” Kafukirira achi, “Njesianu, Omwekesi?” 41“Omunju mulala kakopia avanju vaviri esende, mulala kali kamukopia edinari emia chichanu naye owundi amakhumi kachanu. 42Nolu vakhirwa okhuchunga, kavalekhera vombiri. Khanu njanu onyala kasima omuya oyo olukali khu vaviri avo?”
43Simoni kachiba, “Owekovi ekhongo mbara achia okhumusima olukali.” Nekamuchipa, “Owoye awene.” 44Olu kakalukhanira omukhasi oyo, kawolera Simoni, “Owona omukhasi ono? Ningiye munju yiyo, ne siwumbaye khumachi kokhwoka amakulu tawe, naye kokire amakulu kange namasika nekapangusa nefwiri lilie. 45Siwususunire tawe, naye okhuchula nga ningiye muno achalekhakho okhususuna amakulu kange tawe. 46Suvakhire omuchwe kwange amafucha tawe, naye avakhire amakulu kange amafucha. 47Khanu khuwolera, owoni wuwe, nuwuli owungi, alekheywe, okhuva asimire olukali, naye owokhulekhera atiti, asima atiti.” 48Yesu kawolera omukhasi oyo “Owoni wuwo wulekheywe.”
49Navo avali khumesa naye vanja okhuwolana, “Ono njanu olekhera embi?”
50Kawolera Omukhasi oyo “Esuvira lilio likhuwonisie, chia mumulembe.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024