Luka 6
6
Echeva khu Sabato
(Mat. 12.1-8; Mrk. 2.23-28)
1Olutalo lulala olwa Sabato, Yesu olu kali navicha mumikunda kiengano, avalondi vanoka evisole viengano vasirisinya mumakhono ne valia. 2Mana valala khu Avafarisayo vacheva, “Sikira sina nimukhola elichali awene endalo ya Sabato?”
3Yesu kavachipa, “Muchasoma aka Daudi kakhola olu kali nawulira enjala, niye nende ava kali navo?” 4Kengira munju ya Nyasaye, kawukula omukati kwokhuwaali wa Nyasaye kalia, okuchenyekhana omunju ochali omukuhani okhulia tawe, nundi kaeresakho ava kali navo?
5Kavawolera, “Omwana womunju nje Omwami wa Esabato.”
Omunju Womukhono Kwafwokoya
(Mat. 12.9-14; Mrk. 3.1-6)
6Olutalo lundi olwa Sabato, Yesu kengira musinagogi ne kekesa, omusacha kaliwo oyumukhono mulungi kwali kwafwokoya. 7Avekesi vamalako nende Avafarisayo vava nivalengera niva Yesu awonia endalo ya Sabato, vanyole esifune siokhumusitaka. 8Niye kamanya enganakani chiawe, ne kawolera omunju wali nikafwokoya omukhono, “Yicha weme ano.” Ne kenyokha kemao. 9Yesu kavawolera, “Vacheva enywe, kenyekha endalo ya Esabato okhukhola amalayi namwe amavi, okhuwonia owulamu namwe okhusasia?” 10Kavalengera vosi, ne kawolera omusacha oyo, “Kololosa omukhono kukwo.” Kakhola achio, ne omukhono kukwe kwakololokha. 11Navo vasinyikha muno ne vawolana esi vanyala vakhole khu Yesu.
Yesu Achoola Avachumwa Ekhumi navaviri
(Mat. 10.1-4; Mrk. 3.13-19)
12Mundalo echio Yesu kachia musikulu okhusala, nekachianakana okhusala Nyasaye esiro siosi. 13Noluwanukha, kalanga avalondi vave, ne kachoola okhuchula munivo ekhumi navaviri, ava kakulikha mbo avachumwa; 14Simoni, oyu kakulikha Petero, nende Anderea wandaye, nende Yakopo nende Yohana, nende Filipo, nende Bartholomayo, 15Matayo, nende Tomasi, nende Yakopo omwana wa Alfayo, nende Simoni owalangwa Zelote, 16nende Yudasi omwana wa Yakopo, nende Yudasi Iskarioti, owamala kava omuchami.
Yesu Kekesa nundi Awonia
(Mat. 4.23-25)
17Kekha ninavo okhuchula khusikulu kema mumayaywe, kali nende esituma siavalondi vave, nende avanju avangi okhuchula Yudea yosi nende Yerusalemu nende khunyanja mumatookho ka Tiro nende Sidoni, avacha okhumuwulira nende okhuwonisiwa amalwaye kawe. 18Navo avo avali nivanyasiwa nevisieno vosi kavawonia. 19Esituma siosi sienya okhumutirakho, mana owunyali wamuchulamo nokhuvawonia vosi.
Owusangafu nende Esivera
(Mat. 5.1-12)
20Kakingula emoni chichie kalengera avalondi vave, ne kawola,
“Muli nekhavi enywe avamanani, sikira Owami wa Nyasaye wenywe.
21Muli nekhavi avawulira enjala evise vino, sikira muchia okhwikucha.
Muli nekhavi avalira evise vino, sikira muchia okhuchekha.
22“Muli nekhavi avanju nivavaviyira, nivavekana nende nivavakholera enjekheresi, nende okhuvononera elicha, khulwokhuvera Omwana womunju! 23Yekhoye mundalo eyo, musune nowusangafu mumwekhoyo, khulwokhuva omuchungo kwenywe mukali mwikulu, khulwokhuva avasimwana vakholera avanabii vachio.
24Nausa akhoo khwinywe avayinda, sikira mwamala okhunyola owulayi wenywe.
25Akhoo khwinywe avekucha evise vino, sikira muchia okhuwulira enjala.
Akhoo khwinywe avachekha evise vino sikira muchia okhuverera nokhulira.
26“Akhoo khwinywe, avanju vosi nivavafumia, sikira ava papa vawe vafumia avanabii vowuveyi.
Okhusima Avasiku
(Mat. 5.38-48; 7.12a)
27“Nausa vawolera enywe avawulira, sime avasiku venywe, vakholere amalayi avavasira. 28Ana ekhavi khwavo avavalaama, savire avo avavatukha. 29Khuyo okhukhupa khulusaya, mukalusanisirie olundi, noyo okhunuula ekoti mulekhere nesiati liosi. 30Weresa yesiyesi okhusava, noyo okhunula evinju vivio ocha cheva akhukoosere nundi tawe. 31Ne nga wenya avanju vakhukholere, vakholere ochio.
32“Nimusima avo avavasima, muchiakhunyola sianwa sina? Ata avoni vakholanga vachio. 33Nimukhola amalayi khwavo avavakholera amalayi, muchiakhunyola sianwa sina? Ata avoni vakholanga vachio. 34Nimukopia avo avamusuvira mbo vachia okhuvachunga, nganga sina khwinywe? Ata avoni vaananga khuvoni, kho vanyole esikero esio nundi. 35Nausa sime avasiku venywe, ne muvakholere amalayi, ne kopie nimuchalengera khusimuchia okhukooserwa ta, nesianwa sienywe sichiokhuva esikali, ne muchia okhuva avana va Nyasaye wamukulu, khulwokhuva mulayi khuvawuma ochio nende avemani. 36Muve nesisa nga Papa wenywe ali nesisa.
Okhukhalakira Avandi
(Mat. 7.1-5)
37“Ochakhalaka tawe, ne suchia okhukhalakirwa tawe, ochatula tawe, ne suchia okhutulwa tawe. Lekhera, nochia okhulekherwa, 38ana, nochia okhuwereswa, esikero silayi, esisinyirwe, esichenjese, esitikha, ochia okhunyola mumakhono kako. Esikero esukereramo vachia okhukhukereramo.”
39Nundi kavawolera mulukaato: “Omuofu anyala kemirira omuofu? Sivakwa vombi muwina? 40Omulondi siavicha omwekesi wuwe tawe, nausa siawuli mulala nikakheka owulayi, alikhuva ngomwekesi wuwe.
41“Owona ochie esikwiye mumoni ya wandayo, ne suwona olusala muyiyo tawe? 42Namwe onyala khuwolera ochie wandayo, ‘Mwana wefwe, khakhuchuse esiwawa siri mumoni yiyo’, ne ewe wamwene suwona okusala kuli mumoni yiyo tawe? Ewe omwekati, changirira ochuse okusala mumoni yiyo, khowone wulayi esiwawa mumoni yawandayo.”
Omusala nende Amatunda Kakwo
(Mat. 7.16-20; 12.33-35)
43Sikira omusala mulayi sikwamanga amatunda mavi tawe, namwe nundi omusala muvi kwame amatunda malayi ta. 44Siawuli musala kumanyikhananga khumatunda kakwo. Amakhuyu sikanokwa khumawa tawe, namwe emisabibu kinokwe khunjoka ta. 45Omunju mulayi achusanga amalayi, okhuchula muvikhiro lilie liomumwoyo, nomunju muvi, okhuchula muvikhiro liowuvi achusa amavi, sikira okhuchula mwako akechula mumwoyo omunwa kulomaloma.
Avombakhi Venju Vaviri
(Mat. 7.24-27)
46“Sikira sina nimunanga ‘Omwami, Omwami,’ nesimukhola akavawolera tawe? 47Siamulala owicha khwise nawulire amakhuwa kange nakakhole, ndi khuvekesa ngali. 48Ali ngomunju wombakha enju, owayava omuse kekha aasi khulwanda, nolumukhula kwacha, amachi kakhupa enju eyo, ne sikayichenjesa tawe, sikira yombakhwa owulayi. 49Nausa oyo owulira nesiakhola tawe ali ngomunju wombakha enju yiwuma omuse. Omukhula kwamachi kwacha kwayikhalaka, ne yakwa lwangu, ne yononokha olukali!”
Àwon tá yàn lọ́wọ́lọ́wọ́ báyìí:
Luka 6: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Luka 6
6
Echeva khu Sabato
(Mat. 12.1-8; Mrk. 2.23-28)
1Olutalo lulala olwa Sabato, Yesu olu kali navicha mumikunda kiengano, avalondi vanoka evisole viengano vasirisinya mumakhono ne valia. 2Mana valala khu Avafarisayo vacheva, “Sikira sina nimukhola elichali awene endalo ya Sabato?”
3Yesu kavachipa, “Muchasoma aka Daudi kakhola olu kali nawulira enjala, niye nende ava kali navo?” 4Kengira munju ya Nyasaye, kawukula omukati kwokhuwaali wa Nyasaye kalia, okuchenyekhana omunju ochali omukuhani okhulia tawe, nundi kaeresakho ava kali navo?
5Kavawolera, “Omwana womunju nje Omwami wa Esabato.”
Omunju Womukhono Kwafwokoya
(Mat. 12.9-14; Mrk. 3.1-6)
6Olutalo lundi olwa Sabato, Yesu kengira musinagogi ne kekesa, omusacha kaliwo oyumukhono mulungi kwali kwafwokoya. 7Avekesi vamalako nende Avafarisayo vava nivalengera niva Yesu awonia endalo ya Sabato, vanyole esifune siokhumusitaka. 8Niye kamanya enganakani chiawe, ne kawolera omunju wali nikafwokoya omukhono, “Yicha weme ano.” Ne kenyokha kemao. 9Yesu kavawolera, “Vacheva enywe, kenyekha endalo ya Esabato okhukhola amalayi namwe amavi, okhuwonia owulamu namwe okhusasia?” 10Kavalengera vosi, ne kawolera omusacha oyo, “Kololosa omukhono kukwo.” Kakhola achio, ne omukhono kukwe kwakololokha. 11Navo vasinyikha muno ne vawolana esi vanyala vakhole khu Yesu.
Yesu Achoola Avachumwa Ekhumi navaviri
(Mat. 10.1-4; Mrk. 3.13-19)
12Mundalo echio Yesu kachia musikulu okhusala, nekachianakana okhusala Nyasaye esiro siosi. 13Noluwanukha, kalanga avalondi vave, ne kachoola okhuchula munivo ekhumi navaviri, ava kakulikha mbo avachumwa; 14Simoni, oyu kakulikha Petero, nende Anderea wandaye, nende Yakopo nende Yohana, nende Filipo, nende Bartholomayo, 15Matayo, nende Tomasi, nende Yakopo omwana wa Alfayo, nende Simoni owalangwa Zelote, 16nende Yudasi omwana wa Yakopo, nende Yudasi Iskarioti, owamala kava omuchami.
Yesu Kekesa nundi Awonia
(Mat. 4.23-25)
17Kekha ninavo okhuchula khusikulu kema mumayaywe, kali nende esituma siavalondi vave, nende avanju avangi okhuchula Yudea yosi nende Yerusalemu nende khunyanja mumatookho ka Tiro nende Sidoni, avacha okhumuwulira nende okhuwonisiwa amalwaye kawe. 18Navo avo avali nivanyasiwa nevisieno vosi kavawonia. 19Esituma siosi sienya okhumutirakho, mana owunyali wamuchulamo nokhuvawonia vosi.
Owusangafu nende Esivera
(Mat. 5.1-12)
20Kakingula emoni chichie kalengera avalondi vave, ne kawola,
“Muli nekhavi enywe avamanani, sikira Owami wa Nyasaye wenywe.
21Muli nekhavi avawulira enjala evise vino, sikira muchia okhwikucha.
Muli nekhavi avalira evise vino, sikira muchia okhuchekha.
22“Muli nekhavi avanju nivavaviyira, nivavekana nende nivavakholera enjekheresi, nende okhuvononera elicha, khulwokhuvera Omwana womunju! 23Yekhoye mundalo eyo, musune nowusangafu mumwekhoyo, khulwokhuva omuchungo kwenywe mukali mwikulu, khulwokhuva avasimwana vakholera avanabii vachio.
24Nausa akhoo khwinywe avayinda, sikira mwamala okhunyola owulayi wenywe.
25Akhoo khwinywe avekucha evise vino, sikira muchia okhuwulira enjala.
Akhoo khwinywe avachekha evise vino sikira muchia okhuverera nokhulira.
26“Akhoo khwinywe, avanju vosi nivavafumia, sikira ava papa vawe vafumia avanabii vowuveyi.
Okhusima Avasiku
(Mat. 5.38-48; 7.12a)
27“Nausa vawolera enywe avawulira, sime avasiku venywe, vakholere amalayi avavasira. 28Ana ekhavi khwavo avavalaama, savire avo avavatukha. 29Khuyo okhukhupa khulusaya, mukalusanisirie olundi, noyo okhunuula ekoti mulekhere nesiati liosi. 30Weresa yesiyesi okhusava, noyo okhunula evinju vivio ocha cheva akhukoosere nundi tawe. 31Ne nga wenya avanju vakhukholere, vakholere ochio.
32“Nimusima avo avavasima, muchiakhunyola sianwa sina? Ata avoni vakholanga vachio. 33Nimukhola amalayi khwavo avavakholera amalayi, muchiakhunyola sianwa sina? Ata avoni vakholanga vachio. 34Nimukopia avo avamusuvira mbo vachia okhuvachunga, nganga sina khwinywe? Ata avoni vaananga khuvoni, kho vanyole esikero esio nundi. 35Nausa sime avasiku venywe, ne muvakholere amalayi, ne kopie nimuchalengera khusimuchia okhukooserwa ta, nesianwa sienywe sichiokhuva esikali, ne muchia okhuva avana va Nyasaye wamukulu, khulwokhuva mulayi khuvawuma ochio nende avemani. 36Muve nesisa nga Papa wenywe ali nesisa.
Okhukhalakira Avandi
(Mat. 7.1-5)
37“Ochakhalaka tawe, ne suchia okhukhalakirwa tawe, ochatula tawe, ne suchia okhutulwa tawe. Lekhera, nochia okhulekherwa, 38ana, nochia okhuwereswa, esikero silayi, esisinyirwe, esichenjese, esitikha, ochia okhunyola mumakhono kako. Esikero esukereramo vachia okhukhukereramo.”
39Nundi kavawolera mulukaato: “Omuofu anyala kemirira omuofu? Sivakwa vombi muwina? 40Omulondi siavicha omwekesi wuwe tawe, nausa siawuli mulala nikakheka owulayi, alikhuva ngomwekesi wuwe.
41“Owona ochie esikwiye mumoni ya wandayo, ne suwona olusala muyiyo tawe? 42Namwe onyala khuwolera ochie wandayo, ‘Mwana wefwe, khakhuchuse esiwawa siri mumoni yiyo’, ne ewe wamwene suwona okusala kuli mumoni yiyo tawe? Ewe omwekati, changirira ochuse okusala mumoni yiyo, khowone wulayi esiwawa mumoni yawandayo.”
Omusala nende Amatunda Kakwo
(Mat. 7.16-20; 12.33-35)
43Sikira omusala mulayi sikwamanga amatunda mavi tawe, namwe nundi omusala muvi kwame amatunda malayi ta. 44Siawuli musala kumanyikhananga khumatunda kakwo. Amakhuyu sikanokwa khumawa tawe, namwe emisabibu kinokwe khunjoka ta. 45Omunju mulayi achusanga amalayi, okhuchula muvikhiro lilie liomumwoyo, nomunju muvi, okhuchula muvikhiro liowuvi achusa amavi, sikira okhuchula mwako akechula mumwoyo omunwa kulomaloma.
Avombakhi Venju Vaviri
(Mat. 7.24-27)
46“Sikira sina nimunanga ‘Omwami, Omwami,’ nesimukhola akavawolera tawe? 47Siamulala owicha khwise nawulire amakhuwa kange nakakhole, ndi khuvekesa ngali. 48Ali ngomunju wombakha enju, owayava omuse kekha aasi khulwanda, nolumukhula kwacha, amachi kakhupa enju eyo, ne sikayichenjesa tawe, sikira yombakhwa owulayi. 49Nausa oyo owulira nesiakhola tawe ali ngomunju wombakha enju yiwuma omuse. Omukhula kwamachi kwacha kwayikhalaka, ne yakwa lwangu, ne yononokha olukali!”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024