Luka 20
20
Echeva Okhulondana Nowunyali wa Yesu
(Mat. 21.23-27; Mrk. 11.27-33)
1Olutalo lulala, Yesu olu kali nikekesa avanju mu Etemperi nende okhuverwachira amakhuwa malayi, avakuhani vakhongo nende avekesi vamalako alala navasakhulu valiwo, 2vawola, “Chuwolere! Okhola amakhuwa kano muwunyali sina namwe njanu owakhuweresa owunyali wuno.” 3Yesu kavawolera, “Ne sesi njia okhuvacheva echeva, Khanu mbolere, 4owuvatisi wa Yohana wali wuchula khu Nyasaye namwe khuvanju?” 5Navo vawolana vachi, “Nikhuwola khuchi wachula khu Nyasaye, achia okhuchucheva achi, ‘sikira sina nimuchamusuvira?’ 6Nikhuwola khuchi wachula khumunju, avanju vosi ano vachia okhuchukhupa amakina, esikira vosi vasuvira mbo Yohana kali omunabii.” 7Kho, vachipa, “Khukochwa owunyali owo wachula ena.” 8Yesu kavawolera, “Ata ese sivawolera ekholanga amakhuwa kano muwunyali sina ta.”
Olukaato Lwomukunda Kwemisabibu Navalimi
(Mat. 21.33-46; Mrk. 12.1-12)
9Yesu kawolera avanju olukaato luno: “Omunju mulala kalima omukunda kwemisabibu, kakotisa avalimi, mana kachia olukendo musialo sialeyi, kekhalayo oluwono. 10Evise viekesa, omunju oyo kachuma omukhalavani wuwe khuvalimi avo, ave nawukulakho esikero siamatunda komukunda kwemisabibu okwo. Navo avalimi avo vakhupa omukhalavani oyo, vamukoosayo makhono merere. 11Omunju oyo kachuma omukhalavani wundi, nundi vamukhupa nokhumukholera enjekheresi, vamukoosayo makhono merere. 12Kachuma nundi owakhatachu, ono naye, nivakhamala okhumuwumisa, vamutimania. 13Mwene omukunda kwemisabibu kapara, ‘Khole sina? Ndikhuchuma omwana wange omusime, awundi vachia khumuria niye.’ 14Avalimi avo olu vamuwona wusa, vawolana, ‘Ono njochia okhukoola khumukavo kwemiandu. Khanu, khumwiche kho emiandu kikie kive kiefwe.’ 15Khanu, vamuchusa erwanyi womukunda okwemisabibu, vamwicha.” Yesu kacheva, “Mwene mukunda oyo achiakhukhola sina khuvalimi avo? 16Achia okhumulula avalimi avo, nokhuweresa avalimi vandi omukunda okwemisabibu.” Avanju olu vawulira amakhuwa ako, vawola: “Khava! Sikenyekha kachio ta!”
17Nausa Yesu kavalengera kavawolera, “Khanu siosina sino esiaandikwa?
‘Ekina liene elivombakhi valova,
khanu njekina liomusiiro!’
18Omunju yesiyesi okwa khukina elio achiakhuwasukhamo evitonye, ne liakwa khumunju liri okhumutuwundula.”
Okhuchunga Owusuru khu Kaisari
(Mat. 22.15-22; Mrk. 12.13-17)
19Avekesi vamalako nende avakuhani vakhongo vatema okhumutira evise evio, nausa varia avanju, sikira vamanya mbo kawola olukaato olwo khunivo. 20Kho vamwayirisa, ne vamuchumira avokhumuleva, avekatia mbo vang'ali, mbo vanyole aka kali nawola kho vamuyire khuvowunyali nende gavana. 21Vamucheva, “Omwekesi, khumanyire mbo owolanga nende okhwekesa amakhuwa kowung'ali. Khumanyire mbo ewe owuma okhumona, newe wekesanga owung'ali mungira ya Nyasaye. 22Kali ng'ali okhuchunga owusuru khu Kaisari namwe ta?”
23Yesu kamanyirisa omucheko kwawe, kavawolera, 24“Njekese esiringi. Ekondo nende owuandike vino vianu?” 25Navo vamuchipa, “Via Kaisari.” Yesu kavawolera, “Khanu, evia Kaisari muwe Kaisari, ne evia Nyasaye muwe Nyasaye.” 26Sivanyala okhumutira emberi wavanju khukakali nawoye ta, ne nivawukiranga echipu lilie vawulera wusa.
Echeva khu Okhusisimukha Muvafu
(Mat. 22.23-33; Mrk. 12.18-27)
27Valala khu Avasadukayo vacha khuniye, avawolanga mbo okhusisimukha khwavafu khuwumao. 28Vamucheva, nivawola, “Omwekesi, Musa kachuandikira mbo wandaye womunju nafwa nalekhe omukhasi nachali navana, vienyekhana wandaye wuwe awukule namulekhwa oyo, ave nikewulira wandaye wuwe avana. 29Khwali nende avawandaye Saba. Owamberi kayira omukhasi ne kafwa nachewula khumwana. 30Owa khaviri kakoosa namulekhwa oyo, naye nundi kafwa. 31Owokhutachu nundi yesi achio. Amakhuwa kava kachio khuvosi Saba vafwa nivawuma avana. 32Olunyuma omukhasi oyo yesi kamala afwe. 33Musisimukha, aliva omukhasi wanu? Esikira vosi Saba vali vamutesia.”
34Yesu kavawolera, “Avanju endalo chino vayira nokhuvayira, 35nausa avo avolanire okhwola muvise evio nende eviesisimukha, sivayiranga namwe okhuvayira ta. 36Esikira sivanyala okhufwa nundi ta, sikira vali siengelosi, avana va Nyasaye, sikira vasisimukhire okhuchula muvafu. 37Nausa mbo avafu vasisimukha, ata Musa kekesa, mumaandiko kesichakha siali nisiya, omu alanga Omwami mbo Nyasaye wa Abrahamu, Nyasaye wa Isaka nende Nyasaye wa Yakopo. 38Khanu, niye siali Nyasaye wavafu ta, nausa Nyasaye wavalamu, esikira khuniye vosi vamenya.”
39Valala khuvekesi vamalako vawola, “Omwekesi, ochipire owulayi.” 40Esikira sivatema nundi okhumucheva amacheva kandi ta.
Echeva Okhulondana ni Kristo
(Mat. 22.41-46; Mrk. 12.35-37)
41Yesu kavacheva, “Liwolekhana lichie mbo Kristo mwana wa Daudi? 42Daudi mwene awola musitau sia Saburi:
‘Omwami kawolera Omwami wange,
Yikhala ewuleka womukhono kwange mulungi
43Okhwola nombe avasiku vavo okhuva esisala siokhuchakho amakulu kako.’
44Niva Daudi amulanga niye, ‘Omwami,’ khanu, ava achie omwana wuwe?”
Yesu Akesiyia Avanju Khulwa Avekesi Vamalako
(Mat. 23.1-36; Mrk. 12.38-40)
45Avanju vosi nivawulira, Yesu kawolera avalondi vave, 46“Kesiye khuvekesi vamalako, avasima okhukenda nenguo chiowukusi,. Vasima okhukhesana musoko nende evisala vilayi mumasinagogi, nende okhuwukula owiyango woluyali musao. 47Vakhetia enju chia ava namulekhwa eyi nivekhola okhuva avalayi nivasala amasayo maleyi. Valinyola esikhupo esikali!”
Àwon tá yàn lọ́wọ́lọ́wọ́ báyìí:
Luka 20: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Luka 20
20
Echeva Okhulondana Nowunyali wa Yesu
(Mat. 21.23-27; Mrk. 11.27-33)
1Olutalo lulala, Yesu olu kali nikekesa avanju mu Etemperi nende okhuverwachira amakhuwa malayi, avakuhani vakhongo nende avekesi vamalako alala navasakhulu valiwo, 2vawola, “Chuwolere! Okhola amakhuwa kano muwunyali sina namwe njanu owakhuweresa owunyali wuno.” 3Yesu kavawolera, “Ne sesi njia okhuvacheva echeva, Khanu mbolere, 4owuvatisi wa Yohana wali wuchula khu Nyasaye namwe khuvanju?” 5Navo vawolana vachi, “Nikhuwola khuchi wachula khu Nyasaye, achia okhuchucheva achi, ‘sikira sina nimuchamusuvira?’ 6Nikhuwola khuchi wachula khumunju, avanju vosi ano vachia okhuchukhupa amakina, esikira vosi vasuvira mbo Yohana kali omunabii.” 7Kho, vachipa, “Khukochwa owunyali owo wachula ena.” 8Yesu kavawolera, “Ata ese sivawolera ekholanga amakhuwa kano muwunyali sina ta.”
Olukaato Lwomukunda Kwemisabibu Navalimi
(Mat. 21.33-46; Mrk. 12.1-12)
9Yesu kawolera avanju olukaato luno: “Omunju mulala kalima omukunda kwemisabibu, kakotisa avalimi, mana kachia olukendo musialo sialeyi, kekhalayo oluwono. 10Evise viekesa, omunju oyo kachuma omukhalavani wuwe khuvalimi avo, ave nawukulakho esikero siamatunda komukunda kwemisabibu okwo. Navo avalimi avo vakhupa omukhalavani oyo, vamukoosayo makhono merere. 11Omunju oyo kachuma omukhalavani wundi, nundi vamukhupa nokhumukholera enjekheresi, vamukoosayo makhono merere. 12Kachuma nundi owakhatachu, ono naye, nivakhamala okhumuwumisa, vamutimania. 13Mwene omukunda kwemisabibu kapara, ‘Khole sina? Ndikhuchuma omwana wange omusime, awundi vachia khumuria niye.’ 14Avalimi avo olu vamuwona wusa, vawolana, ‘Ono njochia okhukoola khumukavo kwemiandu. Khanu, khumwiche kho emiandu kikie kive kiefwe.’ 15Khanu, vamuchusa erwanyi womukunda okwemisabibu, vamwicha.” Yesu kacheva, “Mwene mukunda oyo achiakhukhola sina khuvalimi avo? 16Achia okhumulula avalimi avo, nokhuweresa avalimi vandi omukunda okwemisabibu.” Avanju olu vawulira amakhuwa ako, vawola: “Khava! Sikenyekha kachio ta!”
17Nausa Yesu kavalengera kavawolera, “Khanu siosina sino esiaandikwa?
‘Ekina liene elivombakhi valova,
khanu njekina liomusiiro!’
18Omunju yesiyesi okwa khukina elio achiakhuwasukhamo evitonye, ne liakwa khumunju liri okhumutuwundula.”
Okhuchunga Owusuru khu Kaisari
(Mat. 22.15-22; Mrk. 12.13-17)
19Avekesi vamalako nende avakuhani vakhongo vatema okhumutira evise evio, nausa varia avanju, sikira vamanya mbo kawola olukaato olwo khunivo. 20Kho vamwayirisa, ne vamuchumira avokhumuleva, avekatia mbo vang'ali, mbo vanyole aka kali nawola kho vamuyire khuvowunyali nende gavana. 21Vamucheva, “Omwekesi, khumanyire mbo owolanga nende okhwekesa amakhuwa kowung'ali. Khumanyire mbo ewe owuma okhumona, newe wekesanga owung'ali mungira ya Nyasaye. 22Kali ng'ali okhuchunga owusuru khu Kaisari namwe ta?”
23Yesu kamanyirisa omucheko kwawe, kavawolera, 24“Njekese esiringi. Ekondo nende owuandike vino vianu?” 25Navo vamuchipa, “Via Kaisari.” Yesu kavawolera, “Khanu, evia Kaisari muwe Kaisari, ne evia Nyasaye muwe Nyasaye.” 26Sivanyala okhumutira emberi wavanju khukakali nawoye ta, ne nivawukiranga echipu lilie vawulera wusa.
Echeva khu Okhusisimukha Muvafu
(Mat. 22.23-33; Mrk. 12.18-27)
27Valala khu Avasadukayo vacha khuniye, avawolanga mbo okhusisimukha khwavafu khuwumao. 28Vamucheva, nivawola, “Omwekesi, Musa kachuandikira mbo wandaye womunju nafwa nalekhe omukhasi nachali navana, vienyekhana wandaye wuwe awukule namulekhwa oyo, ave nikewulira wandaye wuwe avana. 29Khwali nende avawandaye Saba. Owamberi kayira omukhasi ne kafwa nachewula khumwana. 30Owa khaviri kakoosa namulekhwa oyo, naye nundi kafwa. 31Owokhutachu nundi yesi achio. Amakhuwa kava kachio khuvosi Saba vafwa nivawuma avana. 32Olunyuma omukhasi oyo yesi kamala afwe. 33Musisimukha, aliva omukhasi wanu? Esikira vosi Saba vali vamutesia.”
34Yesu kavawolera, “Avanju endalo chino vayira nokhuvayira, 35nausa avo avolanire okhwola muvise evio nende eviesisimukha, sivayiranga namwe okhuvayira ta. 36Esikira sivanyala okhufwa nundi ta, sikira vali siengelosi, avana va Nyasaye, sikira vasisimukhire okhuchula muvafu. 37Nausa mbo avafu vasisimukha, ata Musa kekesa, mumaandiko kesichakha siali nisiya, omu alanga Omwami mbo Nyasaye wa Abrahamu, Nyasaye wa Isaka nende Nyasaye wa Yakopo. 38Khanu, niye siali Nyasaye wavafu ta, nausa Nyasaye wavalamu, esikira khuniye vosi vamenya.”
39Valala khuvekesi vamalako vawola, “Omwekesi, ochipire owulayi.” 40Esikira sivatema nundi okhumucheva amacheva kandi ta.
Echeva Okhulondana ni Kristo
(Mat. 22.41-46; Mrk. 12.35-37)
41Yesu kavacheva, “Liwolekhana lichie mbo Kristo mwana wa Daudi? 42Daudi mwene awola musitau sia Saburi:
‘Omwami kawolera Omwami wange,
Yikhala ewuleka womukhono kwange mulungi
43Okhwola nombe avasiku vavo okhuva esisala siokhuchakho amakulu kako.’
44Niva Daudi amulanga niye, ‘Omwami,’ khanu, ava achie omwana wuwe?”
Yesu Akesiyia Avanju Khulwa Avekesi Vamalako
(Mat. 23.1-36; Mrk. 12.38-40)
45Avanju vosi nivawulira, Yesu kawolera avalondi vave, 46“Kesiye khuvekesi vamalako, avasima okhukenda nenguo chiowukusi,. Vasima okhukhesana musoko nende evisala vilayi mumasinagogi, nende okhuwukula owiyango woluyali musao. 47Vakhetia enju chia ava namulekhwa eyi nivekhola okhuva avalayi nivasala amasayo maleyi. Valinyola esikhupo esikali!”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024