Luka 21
21
Esianwa sia Namulekhwa
(Mrk. 12.41-44)
1Yesu kalengera kawona ngavayinda vacha evianwa viawe muvikhiro lia Etemperi. 2Kawona namulekhwa omumanani nalakasamo emingiri chiviri, 3Kawola, “Vawolera owang'ali, namulekhwa ono omumanani aanire muvikhiro esikero esikali okhuvicha vosi avaanire. 4Esikira, avandi vosi vachusise evianwa viawe okhulondana nende owungi wemiandu kiawe, nausa mayi ono, muwumanani wuwe, achusise siawuli sinju esiavaye nasio.”
Yesu Alomaloma Khu Esakulwa Lia Etemperi
(Mat. 24.1-2; Mrk. 13.1-3)
5Nga valala valomaloma khu Etemperi, nga liombakhwa namakina kowukusi nevianwa, Yesu kawola, 6“Khulwevinju evimuwona vino, endalo chiri okhwicha echi atekina elala silinakhatong'e khulindi ta, wulisinju sinakhasaakulwe.”
Owutinyu Nende Esinyasio
(Mat. 24.3-14; Mrk. 13.3-13)
7Vamucheva, “Omwekesi, amakhuwa kano kachia khwikholekha lina? Ne esimanyiro sina esichia okhwekesa mbo amakhuwa kano kachia okhwekholekhana?”
8Yesu kavawolera, “Muve meso vachachacha vavatimia ta, esikira avangi vachia okhwicha mulicha liange nivawola, ‘Nise niye!’ ‘Evise violire!’ Muchavalondakho ta. 9Nimuwulira amakhuwa kamahe nende omunyakhano, muchachenga ta, esikira kano okhwola kekholekhe amberi, nausa esiakamo siakosi, sisiri.”
10Kavawolera: “Eanga lichia okhusecha eanga lindi, ne owuchuki khuwuchuki wundi. 11Khuchiakhuva nende okhuchenga okhukali okhwesialo awunju aangi, nende enjala nende evivaki. Khuchiakhuva nende akokhuchikhirisia nende evimanyiro evikali mwikulu. 12Nausa kano kosi nikasiri vachia okhuvatira, vavanyase nende okhuvayira mumasinagogi nende okuvayira musiwoo. Muchia okhuyirwa emberi wavami nende avagavana khulwokhuvera elicha liange. 13Wuno wuchia khuva owiyango wenywe okhuana owuloli. 14Mutinye nalino mumioyo kienywe: muchapara nikasiri nga muchia okhuchipa, 15esikira ese samwene njia okhuvaweresa amakhuwa nende owukesi, owu ata avasiku venywe sivachia okhunyala namwe okhukayira ta. 16Muchia khuanwa ata nende avewusi venywe, nende avawandayo, nende avekho navecha venywe, ne valala khwinywe vachia okhwichwa. 17Avanju vosi vachia okhuvaviyira okhuvera elicha liange. 18Nausa, ata efwiri elala liomuchwe kwenywe silichia okhukocha ta. 19Khulwa okhwesimirisa khwenywe muchia okhuwonia owulamu wenywe.
Yesu Alomaloma Khu Esakulwa Lia Yerusalemu
(Mat. 24.15-21; Mrk. 13.14-19)
20“Nimuwona Yerusalemu niliwotokhanirwe nende avamahe, khanu mumanye mbo evise viri aambi evietookho elio okhusakulwa. 21Khanu lekha avo avali Yudea verukhire muvikulu, avali mutookho vachulemo, navo avali erwanyi vachakoola mutookho ta. 22Khulwokhuva endalo echio chiokhukooserayo amavi, kho akaandikwa kolane. 23Akhoo avo avali navana nende avanunia endalo echio! Esikira khuchiakhuva nende omunyakhano omukali musialo, nechima khuvanju va Nyasaye. 24Vachia okhwichwa nowoki wolung'esi, nokhutirwa muvialo viosi. Yerusalemu yichia okhusenakirwa nende Avachali Avayahudi, okhwola ngenyinga chia Avachali Avayahudi chiosereswa.
Okhwicha Khwa Omwana womunju
(Mat. 24.29-31; Mrk. 13.24-27)
25“Khuchiakhuva nevimanyiro khunyanga nomwesi nende eng'eniesi, ne khusialo khuchiakhuva nowutinyu wamaanga okhuvera eenda okhuchulana nende okhuoola khwenyanja nende amase, 26avanju vachia okhunyicha khulwa owuchi, nivachichikana akachia okhunyola esialo, okhuvera amaani kekulu kachia okhuchenjeswa. 27Vachia okhuwona Omwana womunju nikacha mwileesi, nali namaani nende oluyali olungi. 28Khanu oluvinju vino vianja okhukholekha, yinyokhe ne mukingule emichwe kienywe amukulu, esikira owunanuli wenywe wuli aambi.”
Olukaato Lwa Omukhuyu
(Mat. 24.32-35; Mrk. 13.28-31)
29Kavawolera olukaato; “Lengere omukhuyu nende emisala kindi kiosi. 30Olu muwona wusa nikichununa amasafu, mwewonera mwavene mumanya mbo esiminyu siolire. 31Kho olu muwona evinju vino nivikholekha, mumanye mbo Owami wa Nyasaye wuli aambi. 32Ng'ali yene vawolera, olwiwulo luno siluchia okhuvicha ta okhwola evinju vino vikholekhe. 33Ekulu nelova vichia okhuvicha, nausa amakhuwa kange sikachia okhuvicha ta.
Mwenyekha muve Meso
34“Nausa muchekerese, emioyo kienywe kichasitoerwa nende okhulia khungi ta, nowumesi nende okhwefulukhania nowulamu wesachino ta. Nolutalo olwo luvatindivikhe siomucheko. 35Esikira lunakhachire vosi avamenya khusialo siosi. 36Nausa muve meso evise viosi, ne musale muve nimunyola amaani kokhuvicha muvinju vino viosi eviri okhwekholekha nokhwema emberi wa Omwana womunju.”
37Wulinyinga, kekesanga mu Etemperi; ne musiro kachianga musikulu sia Miseituni nokhwikhala eweneyo. 38Mumaweriweri niwakhasia avanju vosi vachianga khuniye mu Etemperi okhumuchekeresa.
Àwon tá yàn lọ́wọ́lọ́wọ́ báyìí:
Luka 21: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Luka 21
21
Esianwa sia Namulekhwa
(Mrk. 12.41-44)
1Yesu kalengera kawona ngavayinda vacha evianwa viawe muvikhiro lia Etemperi. 2Kawona namulekhwa omumanani nalakasamo emingiri chiviri, 3Kawola, “Vawolera owang'ali, namulekhwa ono omumanani aanire muvikhiro esikero esikali okhuvicha vosi avaanire. 4Esikira, avandi vosi vachusise evianwa viawe okhulondana nende owungi wemiandu kiawe, nausa mayi ono, muwumanani wuwe, achusise siawuli sinju esiavaye nasio.”
Yesu Alomaloma Khu Esakulwa Lia Etemperi
(Mat. 24.1-2; Mrk. 13.1-3)
5Nga valala valomaloma khu Etemperi, nga liombakhwa namakina kowukusi nevianwa, Yesu kawola, 6“Khulwevinju evimuwona vino, endalo chiri okhwicha echi atekina elala silinakhatong'e khulindi ta, wulisinju sinakhasaakulwe.”
Owutinyu Nende Esinyasio
(Mat. 24.3-14; Mrk. 13.3-13)
7Vamucheva, “Omwekesi, amakhuwa kano kachia khwikholekha lina? Ne esimanyiro sina esichia okhwekesa mbo amakhuwa kano kachia okhwekholekhana?”
8Yesu kavawolera, “Muve meso vachachacha vavatimia ta, esikira avangi vachia okhwicha mulicha liange nivawola, ‘Nise niye!’ ‘Evise violire!’ Muchavalondakho ta. 9Nimuwulira amakhuwa kamahe nende omunyakhano, muchachenga ta, esikira kano okhwola kekholekhe amberi, nausa esiakamo siakosi, sisiri.”
10Kavawolera: “Eanga lichia okhusecha eanga lindi, ne owuchuki khuwuchuki wundi. 11Khuchiakhuva nende okhuchenga okhukali okhwesialo awunju aangi, nende enjala nende evivaki. Khuchiakhuva nende akokhuchikhirisia nende evimanyiro evikali mwikulu. 12Nausa kano kosi nikasiri vachia okhuvatira, vavanyase nende okhuvayira mumasinagogi nende okuvayira musiwoo. Muchia okhuyirwa emberi wavami nende avagavana khulwokhuvera elicha liange. 13Wuno wuchia khuva owiyango wenywe okhuana owuloli. 14Mutinye nalino mumioyo kienywe: muchapara nikasiri nga muchia okhuchipa, 15esikira ese samwene njia okhuvaweresa amakhuwa nende owukesi, owu ata avasiku venywe sivachia okhunyala namwe okhukayira ta. 16Muchia khuanwa ata nende avewusi venywe, nende avawandayo, nende avekho navecha venywe, ne valala khwinywe vachia okhwichwa. 17Avanju vosi vachia okhuvaviyira okhuvera elicha liange. 18Nausa, ata efwiri elala liomuchwe kwenywe silichia okhukocha ta. 19Khulwa okhwesimirisa khwenywe muchia okhuwonia owulamu wenywe.
Yesu Alomaloma Khu Esakulwa Lia Yerusalemu
(Mat. 24.15-21; Mrk. 13.14-19)
20“Nimuwona Yerusalemu niliwotokhanirwe nende avamahe, khanu mumanye mbo evise viri aambi evietookho elio okhusakulwa. 21Khanu lekha avo avali Yudea verukhire muvikulu, avali mutookho vachulemo, navo avali erwanyi vachakoola mutookho ta. 22Khulwokhuva endalo echio chiokhukooserayo amavi, kho akaandikwa kolane. 23Akhoo avo avali navana nende avanunia endalo echio! Esikira khuchiakhuva nende omunyakhano omukali musialo, nechima khuvanju va Nyasaye. 24Vachia okhwichwa nowoki wolung'esi, nokhutirwa muvialo viosi. Yerusalemu yichia okhusenakirwa nende Avachali Avayahudi, okhwola ngenyinga chia Avachali Avayahudi chiosereswa.
Okhwicha Khwa Omwana womunju
(Mat. 24.29-31; Mrk. 13.24-27)
25“Khuchiakhuva nevimanyiro khunyanga nomwesi nende eng'eniesi, ne khusialo khuchiakhuva nowutinyu wamaanga okhuvera eenda okhuchulana nende okhuoola khwenyanja nende amase, 26avanju vachia okhunyicha khulwa owuchi, nivachichikana akachia okhunyola esialo, okhuvera amaani kekulu kachia okhuchenjeswa. 27Vachia okhuwona Omwana womunju nikacha mwileesi, nali namaani nende oluyali olungi. 28Khanu oluvinju vino vianja okhukholekha, yinyokhe ne mukingule emichwe kienywe amukulu, esikira owunanuli wenywe wuli aambi.”
Olukaato Lwa Omukhuyu
(Mat. 24.32-35; Mrk. 13.28-31)
29Kavawolera olukaato; “Lengere omukhuyu nende emisala kindi kiosi. 30Olu muwona wusa nikichununa amasafu, mwewonera mwavene mumanya mbo esiminyu siolire. 31Kho olu muwona evinju vino nivikholekha, mumanye mbo Owami wa Nyasaye wuli aambi. 32Ng'ali yene vawolera, olwiwulo luno siluchia okhuvicha ta okhwola evinju vino vikholekhe. 33Ekulu nelova vichia okhuvicha, nausa amakhuwa kange sikachia okhuvicha ta.
Mwenyekha muve Meso
34“Nausa muchekerese, emioyo kienywe kichasitoerwa nende okhulia khungi ta, nowumesi nende okhwefulukhania nowulamu wesachino ta. Nolutalo olwo luvatindivikhe siomucheko. 35Esikira lunakhachire vosi avamenya khusialo siosi. 36Nausa muve meso evise viosi, ne musale muve nimunyola amaani kokhuvicha muvinju vino viosi eviri okhwekholekha nokhwema emberi wa Omwana womunju.”
37Wulinyinga, kekesanga mu Etemperi; ne musiro kachianga musikulu sia Miseituni nokhwikhala eweneyo. 38Mumaweriweri niwakhasia avanju vosi vachianga khuniye mu Etemperi okhumuchekeresa.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024