Luka 19
19
Yesu Nende Sakayo
1Yesu kengira Yeriko, ne kali avichiramo wusa. 2Ne khwali nomunju olangwa Sakayo owali omukhongo wavachoosi vowusuru, ne kali omuyinda. 3Kenya okhumanya mbo Yesu njanu, nausa sikanyala ta, okhuvera esituma, esikira kali omukutu. 4Kho, katima emberi, kanina omukhuyu kho anyale okhuwona Yesu, esikira kali avichira aweneao. 5Nolu Yesu kola awunju ao, kalengera amukulu kamuwolera, “Sakayo, yikha aasi lwangu, esikira nyingayino okhwola mbuuche munju yiyo.” 6Kekha lwangu, kamwingisa nowusangafu. 7Avanju olu vawona vachio, vanja okhweng'ulung'unya nivawola, “Achiye okhuva omukeni munju yomunju omwoni.” 8Sakayo kenyokha kema, kawolera Yesu, “Chekeresa, Omwami! Ese njia okhuweresa avamanani enusu ya emiandu kiange, ne ninanula omunju yesiyesi esinju, njia okhumukoosera amakhavi kane.”
9Yesu kamuwolera, “Nyingayino owuwonia wichire munju yino, esikira ono yesi mwana wa Abrahamu. 10Esikira Omwana womunju kacha okhutakha nende okhuwonia avakocha.”
Olukaato Lwa Avakhalavani Ekhumi
(Mat. 25.14-30)
11Olu vawulira evinju vino, Yesu kachiririra okhuvawolera olukaato. Kali khanu aambi okhwola Yerusalemu, ne sikira vapara mbo owami wa Nyasaye wali wuli okhuwonekha olwenolu. 12Khanu kavawolera, “Khwali nomunju mulala owoluyia lwowami owalomba olukendo okhuchia musialo sialeyi okhunyola owami, kho amale akoole. 13Kalanga avakhalavani vave ekhumi, kavawa siawuli mulala esikero siesende ekhumi, ne kavawolera: ‘Khole owukhala okhwola ngengoola.’ 14Nausa avanju vesialo sisie vali vamuleka ne khanu vachuma owekhuwa kamulondakho nawola, ‘Sikhwenya omunju ono achuchuke ta.’
15“Olu kakoola, nanyoye owami, kalanga avakhalavani ava kaweresa esende siawuli mulala awole enganga eyi kanyola. 16Omukhalavani wamberi kacha emberi wuwe kawola: ‘Omwami, enganga yanyolekha yiri ekhumi ye esende echiwamba.’ 17Kamuwolera: ‘Okholire owulayi, omukhalavani mulayi. Esikira ovaye omusuvirwa mumakhuwa matiti, ochiakhuva omwemirisi wamatookho ekhumi.’ 18Owa khaviri kacha, kawola, ‘Omwami, enganga yinanyola yiri khachanu ye esende echiwamba.’ 19Kamuwolera: ‘Ewe ochiakhuva omwimirisi khumatookho kachanu.’ 20Omukhalavani wundi kacha, kawola ‘Omwami wukula esende chichio, nali nachifundikha musitasi, 21esikira naria mbo ewe oli omunju omutinyu. Owukulanga esi ochaana, nundi okesanga esi ochachakire.’ 22Naye kamuwolera, ‘Ochia okhunyola esinyasio okhulondana nende elomaloma lilio, ewe omukhalavani muvi! Wamanya ochi ese ndimunju omutinyu, mbukulanga esinjaana nundi ngesanga esi njachakire. 23Esikira sina, khanu, nuchavikha esende chiange muvikhiro, ne mukhwicha khwange nakhawukuye nenganga?’ 24Kawolera avali nivemireo, ‘Munule esende echio, muwerese oli nachio ekhumi.’ 25Navo vamuwolera, ‘Omwami, ali nende ekhumi!’ 26Naye kavachipa, ‘Evawolera, mbo wuli mulala oli navio evingi achia okhumetwa evingi. Nausa oyo owuma, ata esiali nasio achia okhunulwa. 27Nausa khanu, khuvasiku vange vano avachenya evachuke, valeche ano muveche emberi wange.’ ”
Yesu Kengira Yerusalemu Nesambo
(Mat. 21.1-11; Mrk. 11.1-11; Yoh. 12.12-19)
28Yesu nikakhamala okhuwola akenako, kachianakana emberi, kanina Yerusalemu. 29Olu kola aambi nende Bethfage nende Bethania, aambi nesikulu silangwa mbo Miseituni, kachuma avalondi vave vaviri, 30kavawolera, “Chie musikwenyi esiri ewuleka wundi eyo. Olu muchia okhuva nimwingira, muchiakhunyola esukhiri eyiwoyirwe eyichekhonyerwakho nomunju ta. Yikangulule, mundechere ano. 31Niva mbo omunju yesiyesi avacheva esikira sina nimuyikangulula, mumuwolere, ‘Omwami ayitakha.’”
32Kho avo avachumwa vachia ne vanyola wulisinju nga Yesu kali navawoleye. 33Olu vali nivakangulula esukhiri, mweneyo kavacheva, “Esikira sina nimukangulula esukhiri yino?” 34Navo vamuchipa, “Omwami ayenyire.” 35Vayilecha khu Yesu, ne vala enguo chiawe khusukhiri eyo, mana vekhasakho Yesu. 36Yesu kachianakana nolukendo, navanju vaala enguo chiawe khumuanda.
37Olu kola aambi nende Yerusalemu, mumwikha kwesikulu sia Miseituni, esituma siosi nende avalondi vave vanja okhwekhoya nende okhufumia Nyasaye nomwoyo kwamukulu esikira amakhuwa akolukali aka vali ni vawene, 38vawola, “Wekhavi Omuchuki wicha mulicha lia Omwami! Omulembe mwikulu, nende Owukhumi amukulu mwikulu!”
39Valala khu Avafarisayo avali mumukanda kwavanju vawolera Yesu, “Omwekesi, wuleresa avalondi vavo!” 40Yesu kavachipa, “Vawolera, niva vano vawulera, amakina kano kachia okhukhupa oluyoka.”
Yesu Alilira Yerusalemu
(Mat. 21.12-17; Mrk. 11.15-19; Yoh. 2.13-22)
41Olukasuta aambi kawona etookho kalilirira, 42nawola, “Omanyakho nyingayino amakhuwa kalecha omulembe! Nausa khanu kekisa mumoni chichio. 43Esikira endalo chikhwichira olu avasiku vavo vachia okhukhuwotokhania olumako, mana vavekalire embeka chiosi. 44Vachia okhukhusasia alala navana vavo mukachi wolumako olwo, sivachia okhulekha ata ekina elala khulindi mwiwe ta, esikira siwakhewulira evise nga Nyasaye kakhwichira okhukhuwonia ta.”
Yesu Kengira mu Etemperi
(Mat. 2.12-17; Mrk. 11.15-19; Yoh. 2.13-22)
45Yesu kengira mu Etemperi ne katimania avakhalavani avowukhala erwanyi, 46nawola, “Liaandikwa, ‘Enju yange yichia khuva eyamasayo’ nanywe muyikholire oluvangachi lwavevi.”
47Yesu kekesanga mu Etemperi wulinyinga. Avakuhani vakhongo, avekesi vamalako nende avemirisi vavanju venya okhumumala, 48nausa sivali nende elivakhola ta, esikira avanju vosi vali vamuchekeresa nelienya ekhongo.
Àwon tá yàn lọ́wọ́lọ́wọ́ báyìí:
Luka 19: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Luka 19
19
Yesu Nende Sakayo
1Yesu kengira Yeriko, ne kali avichiramo wusa. 2Ne khwali nomunju olangwa Sakayo owali omukhongo wavachoosi vowusuru, ne kali omuyinda. 3Kenya okhumanya mbo Yesu njanu, nausa sikanyala ta, okhuvera esituma, esikira kali omukutu. 4Kho, katima emberi, kanina omukhuyu kho anyale okhuwona Yesu, esikira kali avichira aweneao. 5Nolu Yesu kola awunju ao, kalengera amukulu kamuwolera, “Sakayo, yikha aasi lwangu, esikira nyingayino okhwola mbuuche munju yiyo.” 6Kekha lwangu, kamwingisa nowusangafu. 7Avanju olu vawona vachio, vanja okhweng'ulung'unya nivawola, “Achiye okhuva omukeni munju yomunju omwoni.” 8Sakayo kenyokha kema, kawolera Yesu, “Chekeresa, Omwami! Ese njia okhuweresa avamanani enusu ya emiandu kiange, ne ninanula omunju yesiyesi esinju, njia okhumukoosera amakhavi kane.”
9Yesu kamuwolera, “Nyingayino owuwonia wichire munju yino, esikira ono yesi mwana wa Abrahamu. 10Esikira Omwana womunju kacha okhutakha nende okhuwonia avakocha.”
Olukaato Lwa Avakhalavani Ekhumi
(Mat. 25.14-30)
11Olu vawulira evinju vino, Yesu kachiririra okhuvawolera olukaato. Kali khanu aambi okhwola Yerusalemu, ne sikira vapara mbo owami wa Nyasaye wali wuli okhuwonekha olwenolu. 12Khanu kavawolera, “Khwali nomunju mulala owoluyia lwowami owalomba olukendo okhuchia musialo sialeyi okhunyola owami, kho amale akoole. 13Kalanga avakhalavani vave ekhumi, kavawa siawuli mulala esikero siesende ekhumi, ne kavawolera: ‘Khole owukhala okhwola ngengoola.’ 14Nausa avanju vesialo sisie vali vamuleka ne khanu vachuma owekhuwa kamulondakho nawola, ‘Sikhwenya omunju ono achuchuke ta.’
15“Olu kakoola, nanyoye owami, kalanga avakhalavani ava kaweresa esende siawuli mulala awole enganga eyi kanyola. 16Omukhalavani wamberi kacha emberi wuwe kawola: ‘Omwami, enganga yanyolekha yiri ekhumi ye esende echiwamba.’ 17Kamuwolera: ‘Okholire owulayi, omukhalavani mulayi. Esikira ovaye omusuvirwa mumakhuwa matiti, ochiakhuva omwemirisi wamatookho ekhumi.’ 18Owa khaviri kacha, kawola, ‘Omwami, enganga yinanyola yiri khachanu ye esende echiwamba.’ 19Kamuwolera: ‘Ewe ochiakhuva omwimirisi khumatookho kachanu.’ 20Omukhalavani wundi kacha, kawola ‘Omwami wukula esende chichio, nali nachifundikha musitasi, 21esikira naria mbo ewe oli omunju omutinyu. Owukulanga esi ochaana, nundi okesanga esi ochachakire.’ 22Naye kamuwolera, ‘Ochia okhunyola esinyasio okhulondana nende elomaloma lilio, ewe omukhalavani muvi! Wamanya ochi ese ndimunju omutinyu, mbukulanga esinjaana nundi ngesanga esi njachakire. 23Esikira sina, khanu, nuchavikha esende chiange muvikhiro, ne mukhwicha khwange nakhawukuye nenganga?’ 24Kawolera avali nivemireo, ‘Munule esende echio, muwerese oli nachio ekhumi.’ 25Navo vamuwolera, ‘Omwami, ali nende ekhumi!’ 26Naye kavachipa, ‘Evawolera, mbo wuli mulala oli navio evingi achia okhumetwa evingi. Nausa oyo owuma, ata esiali nasio achia okhunulwa. 27Nausa khanu, khuvasiku vange vano avachenya evachuke, valeche ano muveche emberi wange.’ ”
Yesu Kengira Yerusalemu Nesambo
(Mat. 21.1-11; Mrk. 11.1-11; Yoh. 12.12-19)
28Yesu nikakhamala okhuwola akenako, kachianakana emberi, kanina Yerusalemu. 29Olu kola aambi nende Bethfage nende Bethania, aambi nesikulu silangwa mbo Miseituni, kachuma avalondi vave vaviri, 30kavawolera, “Chie musikwenyi esiri ewuleka wundi eyo. Olu muchia okhuva nimwingira, muchiakhunyola esukhiri eyiwoyirwe eyichekhonyerwakho nomunju ta. Yikangulule, mundechere ano. 31Niva mbo omunju yesiyesi avacheva esikira sina nimuyikangulula, mumuwolere, ‘Omwami ayitakha.’”
32Kho avo avachumwa vachia ne vanyola wulisinju nga Yesu kali navawoleye. 33Olu vali nivakangulula esukhiri, mweneyo kavacheva, “Esikira sina nimukangulula esukhiri yino?” 34Navo vamuchipa, “Omwami ayenyire.” 35Vayilecha khu Yesu, ne vala enguo chiawe khusukhiri eyo, mana vekhasakho Yesu. 36Yesu kachianakana nolukendo, navanju vaala enguo chiawe khumuanda.
37Olu kola aambi nende Yerusalemu, mumwikha kwesikulu sia Miseituni, esituma siosi nende avalondi vave vanja okhwekhoya nende okhufumia Nyasaye nomwoyo kwamukulu esikira amakhuwa akolukali aka vali ni vawene, 38vawola, “Wekhavi Omuchuki wicha mulicha lia Omwami! Omulembe mwikulu, nende Owukhumi amukulu mwikulu!”
39Valala khu Avafarisayo avali mumukanda kwavanju vawolera Yesu, “Omwekesi, wuleresa avalondi vavo!” 40Yesu kavachipa, “Vawolera, niva vano vawulera, amakina kano kachia okhukhupa oluyoka.”
Yesu Alilira Yerusalemu
(Mat. 21.12-17; Mrk. 11.15-19; Yoh. 2.13-22)
41Olukasuta aambi kawona etookho kalilirira, 42nawola, “Omanyakho nyingayino amakhuwa kalecha omulembe! Nausa khanu kekisa mumoni chichio. 43Esikira endalo chikhwichira olu avasiku vavo vachia okhukhuwotokhania olumako, mana vavekalire embeka chiosi. 44Vachia okhukhusasia alala navana vavo mukachi wolumako olwo, sivachia okhulekha ata ekina elala khulindi mwiwe ta, esikira siwakhewulira evise nga Nyasaye kakhwichira okhukhuwonia ta.”
Yesu Kengira mu Etemperi
(Mat. 2.12-17; Mrk. 11.15-19; Yoh. 2.13-22)
45Yesu kengira mu Etemperi ne katimania avakhalavani avowukhala erwanyi, 46nawola, “Liaandikwa, ‘Enju yange yichia khuva eyamasayo’ nanywe muyikholire oluvangachi lwavevi.”
47Yesu kekesanga mu Etemperi wulinyinga. Avakuhani vakhongo, avekesi vamalako nende avemirisi vavanju venya okhumumala, 48nausa sivali nende elivakhola ta, esikira avanju vosi vali vamuchekeresa nelienya ekhongo.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024