Luka 18
18
Olukaato lwa Namulekhwa Nende Omukhalaki
1Yesu kavawolera olukaato, okhwekesa elienya liokhusala nivachalekha nokhuchafwa omwoyo. 2Kawola, “Mwitookho lindi khwali nomukhalaki ocharia Nyasaye namwe aendere omunju tawe. 3Khwali nende namulekhwa mwitookho omwo owachianga wulisa, nawola, ‘Kholere owang'ali nomusiku wange.’ 4Khulwa evise omukhalaki ono kalova, nausa olunyuma kewolera, ‘Yakhava ninjaria Nyasaye namwe okhuchaendera omunju, 5okhuvera namulekhwa ono kanduyia wulinyinga, khamukholere owang'ali nausa kanduyia nende okhwicha khukhwe khwa wulinyinga.’”
6Omwami kawola, “Wulira aka omukhalaki muvi awola. 7Nyasaye siachiakhuteteya avachoole vave, avamulirira esiro nesiteche? Ne, achia okhukhinda okhuvachekeresa? 8Vawolera achia okhuvateteya lwangu. Kachia okhuva kachio olu Omwana womunju kacha, anakhanyole esuvira musialo?”
Olukaato Lwa Omufarisayo Nende Omuchosi Wowusuru
9Yesu kavawolera olukaato khwavo avewona mbo vali wulayi nivalekeresa avandi. 10“Avanju vaviri vanina mu Etemperi okhusala: Mulala Omufarisayo, naye owundi Omuchoosi wowusuru. 11Omufarisayo kenyokha kema, kasala mumwoyo: ‘Ee Nyasaye, khukhupira ochio muno mbo ese sindi ngavanju vandi ta: Avaliukha, avaveyi, avaheyi, namwe sindi nga omuchoosi wowusuru ono ta. 12Neyimanga okhulia khaviri khwichuma, njusanga esiekhumi sia viosi evinyolanga.’ 13Nausa omuchoosi wowusuru, kali kemire aleyi nachakingula emoni chichie mwikulu, nausa kekhupakirisa khusirifu navereye, nawola, ‘Ee Nyasaye, mbonere esisa ese ndimwoni!’ 14Vawolera, omuchoosi wowusuru oyo kakoola engo nafukirisiswe okhukhira owundi oyo. Esikira oyo wekingula achia okhwikhiswa, noyo owetutuya achia khukingulwa.”
Yesu Aana Ekhavi Khuvana Vatiti
(Mat. 19.13-15; Mrk. 10.13-16)
15Avanju valechera Yesu avana vatiti avachekho amakhono. Nolu avalondi vavawona, vavafuchira. 16Nausa Yesu kavalanga vache khuniye, ne kawola, “Lekhe avana vache khwise, muchavakayira ta, esikira owami wa Nyasaye wavanju ngavene vano. 17Vawolera owung'ali, ochengisa owami wa Nyasaye ngomwana mutiti, sialingira muwami ta.”
Omunju Muyinda
(Mat. 19.16-30; Mrk. 10.17-31)
18Omwimirisi mulala owa Avayahudi kacheva Yesu, “Omwekesi Mulayi, khole sina enyole owulamu wa wuli lwosi?” 19Yesu kamuwolera, “Esikira sina niwunanga omulayi? Awumao omulayi nachali Nyasaye yeng'ene. 20Omanyire amalako: ‘Ochaheya ta, Ochecha ta, Ocheva ta, Ochawola owuloli wowuveyi ta, Orie papa wuwo ni mayi wuwo.’ ” 21Omunju oyo kawola, “Akenako kosi natira okhuchula wuere.” 22Yesu olukakawulira kamuwolera, “Esinju silala esi osiwumire. Kusia viosi evuli navio okavire avamanani, newe ochiakhuva nevinju viowukusi mwikulu, ne wiche wunonde.” 23Nausa olu kawulira akenako, kaverera olukali sikira kali omuyinda muno.
24Yesu olu kamulengera kawola, “Vitinyu khwavo avali nemiandu okhwingira muwami wa Nyasaye! 25Viri eviangu engamia okhuvicha mutundu yesindani, okhukhira omuyinda okhwingira muwami wa Nyasaye.” 26Avawulira akenako vawola, “Khanu njanu, onyala khuwoniwa?” 27Nausa Yesu kawola, “Akachanyalikhana nomunju, kanyalikhana khu Nyasaye.”
28Petero kawola, “Wona nafwe khwalekha engo chiefwe khwakhulondakho.” 29Yesu kavawolera, “Ng'ali yene vawolera, omunju yesiyesi, owalekha enju namwe omukhasi namwe wandaye namwe avewusi namwe avana khulwokhuvera owami wa Nyasaye, 30achia okhunyola amangi muvise vino, nende owulamu wa wuli lwosi enyinga chicha.”
Yesu Alomaloma Olwa Khatachu Khufwa Nende Esisimukha Lilie
(Mat. 20.17-19; Mrk. 10.32-34)
31Kawukula ekhumi navaviri, kavawolera, “Wone, Khulachianga Yerusalemu, ne eweneyo siawuli sinju siandikwa nende avanabii okhulondana nende Omwana womunju sichia okhwekholekha. 32Esikira achia okhuanwa khuvanju Avachali Avayahudi navo vachia okhumuchekherera nokhumukhola eviesoni nende okhumufuchakho amache. 33Vachia okhumukhupa emisaruti nokhumwicha, nausa endalo yokhutachu achia okhusisimukha.” 34Navo sivamanyirisa ekhuwa elio atatiti ta, ekhuwa elio liali liekisa khunivo, ne sivamanya akawolwa ta.
Yesu Awonia Omuofu Musavi
(Mat. 20.29-34; Mrk. 10.46-52)
35Olu Yesu kola aambi nende Yeriko, khwali nende omunju mulala omuofu nikekhaye khungira nasavasava. 36Olu kawulira esituma siavanju nisivicha kacheva esiali nisichiririra. 37Vamuwolera, “Yesu wa Nazareti avicha.” 38Kalangirisa amukulu nawola, “Yesu, Omwana wa Daudi mbonere esisa!” 39Navo avanju vali emberi vamuyivira nivamuwolera mbo awulere. Nausa niye kachianakana okhulanga amukulu, “Omwana wa Daudi mbonere esisa!” 40Yesu kema, kalanga vamuleche emberi wuwe. Ne omuofu oyo olu kola aambi naye, Yesu kamucheva, 41“Wenya khukholere sina?” Naye kachipa, “Omwami, sava enyole okhuwona.” 42Yesu kamuwolera, “Nyola okhuwona khukhwo! Esuvira lilio likhuwonisie.” 43Evise evio kanja okhuwona, kalonda khu Yesu nafumia Nyasaye. Avanju vosi olu vawona ako, vafumia Nyasaye.
Àwon tá yàn lọ́wọ́lọ́wọ́ báyìí:
Luka 18: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Luka 18
18
Olukaato lwa Namulekhwa Nende Omukhalaki
1Yesu kavawolera olukaato, okhwekesa elienya liokhusala nivachalekha nokhuchafwa omwoyo. 2Kawola, “Mwitookho lindi khwali nomukhalaki ocharia Nyasaye namwe aendere omunju tawe. 3Khwali nende namulekhwa mwitookho omwo owachianga wulisa, nawola, ‘Kholere owang'ali nomusiku wange.’ 4Khulwa evise omukhalaki ono kalova, nausa olunyuma kewolera, ‘Yakhava ninjaria Nyasaye namwe okhuchaendera omunju, 5okhuvera namulekhwa ono kanduyia wulinyinga, khamukholere owang'ali nausa kanduyia nende okhwicha khukhwe khwa wulinyinga.’”
6Omwami kawola, “Wulira aka omukhalaki muvi awola. 7Nyasaye siachiakhuteteya avachoole vave, avamulirira esiro nesiteche? Ne, achia okhukhinda okhuvachekeresa? 8Vawolera achia okhuvateteya lwangu. Kachia okhuva kachio olu Omwana womunju kacha, anakhanyole esuvira musialo?”
Olukaato Lwa Omufarisayo Nende Omuchosi Wowusuru
9Yesu kavawolera olukaato khwavo avewona mbo vali wulayi nivalekeresa avandi. 10“Avanju vaviri vanina mu Etemperi okhusala: Mulala Omufarisayo, naye owundi Omuchoosi wowusuru. 11Omufarisayo kenyokha kema, kasala mumwoyo: ‘Ee Nyasaye, khukhupira ochio muno mbo ese sindi ngavanju vandi ta: Avaliukha, avaveyi, avaheyi, namwe sindi nga omuchoosi wowusuru ono ta. 12Neyimanga okhulia khaviri khwichuma, njusanga esiekhumi sia viosi evinyolanga.’ 13Nausa omuchoosi wowusuru, kali kemire aleyi nachakingula emoni chichie mwikulu, nausa kekhupakirisa khusirifu navereye, nawola, ‘Ee Nyasaye, mbonere esisa ese ndimwoni!’ 14Vawolera, omuchoosi wowusuru oyo kakoola engo nafukirisiswe okhukhira owundi oyo. Esikira oyo wekingula achia okhwikhiswa, noyo owetutuya achia khukingulwa.”
Yesu Aana Ekhavi Khuvana Vatiti
(Mat. 19.13-15; Mrk. 10.13-16)
15Avanju valechera Yesu avana vatiti avachekho amakhono. Nolu avalondi vavawona, vavafuchira. 16Nausa Yesu kavalanga vache khuniye, ne kawola, “Lekhe avana vache khwise, muchavakayira ta, esikira owami wa Nyasaye wavanju ngavene vano. 17Vawolera owung'ali, ochengisa owami wa Nyasaye ngomwana mutiti, sialingira muwami ta.”
Omunju Muyinda
(Mat. 19.16-30; Mrk. 10.17-31)
18Omwimirisi mulala owa Avayahudi kacheva Yesu, “Omwekesi Mulayi, khole sina enyole owulamu wa wuli lwosi?” 19Yesu kamuwolera, “Esikira sina niwunanga omulayi? Awumao omulayi nachali Nyasaye yeng'ene. 20Omanyire amalako: ‘Ochaheya ta, Ochecha ta, Ocheva ta, Ochawola owuloli wowuveyi ta, Orie papa wuwo ni mayi wuwo.’ ” 21Omunju oyo kawola, “Akenako kosi natira okhuchula wuere.” 22Yesu olukakawulira kamuwolera, “Esinju silala esi osiwumire. Kusia viosi evuli navio okavire avamanani, newe ochiakhuva nevinju viowukusi mwikulu, ne wiche wunonde.” 23Nausa olu kawulira akenako, kaverera olukali sikira kali omuyinda muno.
24Yesu olu kamulengera kawola, “Vitinyu khwavo avali nemiandu okhwingira muwami wa Nyasaye! 25Viri eviangu engamia okhuvicha mutundu yesindani, okhukhira omuyinda okhwingira muwami wa Nyasaye.” 26Avawulira akenako vawola, “Khanu njanu, onyala khuwoniwa?” 27Nausa Yesu kawola, “Akachanyalikhana nomunju, kanyalikhana khu Nyasaye.”
28Petero kawola, “Wona nafwe khwalekha engo chiefwe khwakhulondakho.” 29Yesu kavawolera, “Ng'ali yene vawolera, omunju yesiyesi, owalekha enju namwe omukhasi namwe wandaye namwe avewusi namwe avana khulwokhuvera owami wa Nyasaye, 30achia okhunyola amangi muvise vino, nende owulamu wa wuli lwosi enyinga chicha.”
Yesu Alomaloma Olwa Khatachu Khufwa Nende Esisimukha Lilie
(Mat. 20.17-19; Mrk. 10.32-34)
31Kawukula ekhumi navaviri, kavawolera, “Wone, Khulachianga Yerusalemu, ne eweneyo siawuli sinju siandikwa nende avanabii okhulondana nende Omwana womunju sichia okhwekholekha. 32Esikira achia okhuanwa khuvanju Avachali Avayahudi navo vachia okhumuchekherera nokhumukhola eviesoni nende okhumufuchakho amache. 33Vachia okhumukhupa emisaruti nokhumwicha, nausa endalo yokhutachu achia okhusisimukha.” 34Navo sivamanyirisa ekhuwa elio atatiti ta, ekhuwa elio liali liekisa khunivo, ne sivamanya akawolwa ta.
Yesu Awonia Omuofu Musavi
(Mat. 20.29-34; Mrk. 10.46-52)
35Olu Yesu kola aambi nende Yeriko, khwali nende omunju mulala omuofu nikekhaye khungira nasavasava. 36Olu kawulira esituma siavanju nisivicha kacheva esiali nisichiririra. 37Vamuwolera, “Yesu wa Nazareti avicha.” 38Kalangirisa amukulu nawola, “Yesu, Omwana wa Daudi mbonere esisa!” 39Navo avanju vali emberi vamuyivira nivamuwolera mbo awulere. Nausa niye kachianakana okhulanga amukulu, “Omwana wa Daudi mbonere esisa!” 40Yesu kema, kalanga vamuleche emberi wuwe. Ne omuofu oyo olu kola aambi naye, Yesu kamucheva, 41“Wenya khukholere sina?” Naye kachipa, “Omwami, sava enyole okhuwona.” 42Yesu kamuwolera, “Nyola okhuwona khukhwo! Esuvira lilio likhuwonisie.” 43Evise evio kanja okhuwona, kalonda khu Yesu nafumia Nyasaye. Avanju vosi olu vawona ako, vafumia Nyasaye.
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024