Luka 17
17
Owoni
(Mat. 18.6-7,21-22; Mrk. 9.42)
1Yesu kawolera avalondi vave, “Amatemo kowoni okhwola kache. Nausa akhoo khumunju olecha owoni chana. 2Wakhali owulayi olukina luwoywe mukosi wuwe mana asukunwe munyanja, okhukhira akire mulala khuvatiti vano vakhole owoni. 3Mukesiye mwavene, owasio nakhola owoni, mufuchire, ne nikekanira, mulekhere. 4Niva akhukosera amakhavi Saba khulutalo, ne okhukholakho amakhavi Saba, nawola, ‘Nekanira,’ wenyekhana omulekhere.”
Esuvira
5Avachumwa vawolera Omwami, “Chumetekho esuvira.”
6Omwami kachipa, “Muvangakho nesuvira ngolumwo lwa haradali, mwakhawoleye omusala mukhuyu kuno muchi, ‘Khulikha wechake munyanja,’ ne kwakhavawuliye.
Emilimo Kiomukhalavani
7“Aliwo khwinywe, oli nomukhalavani nalima mumukunda namwe nikaya amakondi, amuwolere nikakhachula mumukunda, ‘Yicha lwangu wikhale olie esiokhulia?’ 8Siachia khumuwolera, ‘Nombere esiokhulia siangolove, yewoa undende, okhwola endie nundi enywe; kho ewe omale olie nundi onywe’? 9Amala amukhupira ochio muno omukhalavani esikira akholire akamuwoleye? 10Kho khanu enywe mwesi, ni mwakhakhola kosi akavamuwoleye, wole, ‘Efwe khuli avakhalavani vachakwanire ta, khukholire wusa emilimo kivaye kiefwe.’ ”
Yesu Awonia Avamakere Ekhumi
11Yesu kali khulukendo nachia Yerusalemu kali avicha akachi wa Samaria nende Galilaya. 12Nga kengira musikwenyi, kawukanana navanju ekhumi avamakere, vema aleyi 13Vakingula emioyo kiawe vawola, “Yesu, Omwami, chuwonere esisa!” 14Olu kavawona kavawolera, “Chie mweyekese mwavene khuvakuhani.” Ne nga vali nivachia valava. 15Mulala khunivo, olu kawona mbo awonire, kakoola nafumia Nyasaye nomwoyo kwamukulu. 16Kasikama mumakulu ka Yesu, kamukhupira ochio muno. Ne kali Omusamaria. 17Kho Yesu kawola, “Sivavaye ekhumi avawonire? Tisa vali ena? 18Siavayekho onyolekhire okhukoola afumie Nyasaye ta, nachali omukeni ono?” 19Kamuwolera “Yinyokha owewo; esuvira lilio likhuwonisie.”
Okhwicha Khwowami wa Nyasaye
(Mat. 24.23-28,37-41)
20Olu kachevwa nende Avafarisayo mbo Owami wa Nyasaye wicha nyingasi, kavachipa, “Owami wa Nyasaye siwicha nende evimanyiro viokhuwona ta, 21namwe sivaliwola, ‘Wona mbwowuno ano!’ Namwe ‘Mbwoula era!’ Wona, owami wa Nyasaye wuli akachikachi wenywe.”
22Kawolera avalondi vave, “Endalo chicha echi muchia okhwekomba okhuwona endalo chia Omwana womunju, ne simuchia okhuchiwona ta. 23Vachia khuvawolera, ‘Wone, era!’ Namwe, ‘Wone, ano!’ Muchachia ta, muchavalonda ta. 24Ne ngolueni lumeniukhanga ne lukhosa mumaleesi okhuchula eluveka ndala okhwola ewundi, kho Omwana womunju achiakhuva achio mundalo yiye. 25Nausa okhwanja kenyekhana anyakhane khuvinju evingi ne vamwekane avolwiwulo lulwe. 26Nga kali mundalo chia Noa, ndwolu kachia okhuva mundalo chia Omwana womunju. 27Valia, vanywa, vayira, vavakhirana, okhwola endalo eyi Noa kengirira muliacho, ne omukhula kwacha kwavamulula vosi. 28Nundi nga kali endalo chia Loti, valia, vanywa, vakula, vakusia, vachaka, vombakha, 29Nausa endalo eyi Loti kachula Sodoma omuliro nende amanda viakwa okhuchula mwikulu via vachina vasasikha vosi. 30Mbo kachiakhuva endalo ya Omwana womunju achia khufunukhulwa.
31“Endalo eyo, lekha oyo oli khusisuli sienju, ne emiandu kikie munju, achekha okhuwukula ta, nata oyo oli mumukunda achekhewukha ta. 32Khewulira omukhasi wa Loti. 33Yesiyesi owenya okhuwonia owulamu wuwe achia khuwukosia, nausa okosia owulamu wuwe achia okhuwuwonia. 34Vawolera enywe, musiro esio avanju vaviri valiva vakonire musitanda, mulala aliwukulwa ne owundi atong'a. 35Khuliva navakhasi vaviri mulukina nivasia, mulala aliwukulwa nowundi atong'a. [36Avanju vaviri valiva mumukunda, mulala aliwukulwa nowundi atong'a.”]
37Vamucheva, “Ena, Omwami?” Kavawolera, “Aamuviri mufu kuli, njaengosia chikhung'ana.”
Àwon tá yàn lọ́wọ́lọ́wọ́ báyìí:
Luka 17: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Luka 17
17
Owoni
(Mat. 18.6-7,21-22; Mrk. 9.42)
1Yesu kawolera avalondi vave, “Amatemo kowoni okhwola kache. Nausa akhoo khumunju olecha owoni chana. 2Wakhali owulayi olukina luwoywe mukosi wuwe mana asukunwe munyanja, okhukhira akire mulala khuvatiti vano vakhole owoni. 3Mukesiye mwavene, owasio nakhola owoni, mufuchire, ne nikekanira, mulekhere. 4Niva akhukosera amakhavi Saba khulutalo, ne okhukholakho amakhavi Saba, nawola, ‘Nekanira,’ wenyekhana omulekhere.”
Esuvira
5Avachumwa vawolera Omwami, “Chumetekho esuvira.”
6Omwami kachipa, “Muvangakho nesuvira ngolumwo lwa haradali, mwakhawoleye omusala mukhuyu kuno muchi, ‘Khulikha wechake munyanja,’ ne kwakhavawuliye.
Emilimo Kiomukhalavani
7“Aliwo khwinywe, oli nomukhalavani nalima mumukunda namwe nikaya amakondi, amuwolere nikakhachula mumukunda, ‘Yicha lwangu wikhale olie esiokhulia?’ 8Siachia khumuwolera, ‘Nombere esiokhulia siangolove, yewoa undende, okhwola endie nundi enywe; kho ewe omale olie nundi onywe’? 9Amala amukhupira ochio muno omukhalavani esikira akholire akamuwoleye? 10Kho khanu enywe mwesi, ni mwakhakhola kosi akavamuwoleye, wole, ‘Efwe khuli avakhalavani vachakwanire ta, khukholire wusa emilimo kivaye kiefwe.’ ”
Yesu Awonia Avamakere Ekhumi
11Yesu kali khulukendo nachia Yerusalemu kali avicha akachi wa Samaria nende Galilaya. 12Nga kengira musikwenyi, kawukanana navanju ekhumi avamakere, vema aleyi 13Vakingula emioyo kiawe vawola, “Yesu, Omwami, chuwonere esisa!” 14Olu kavawona kavawolera, “Chie mweyekese mwavene khuvakuhani.” Ne nga vali nivachia valava. 15Mulala khunivo, olu kawona mbo awonire, kakoola nafumia Nyasaye nomwoyo kwamukulu. 16Kasikama mumakulu ka Yesu, kamukhupira ochio muno. Ne kali Omusamaria. 17Kho Yesu kawola, “Sivavaye ekhumi avawonire? Tisa vali ena? 18Siavayekho onyolekhire okhukoola afumie Nyasaye ta, nachali omukeni ono?” 19Kamuwolera “Yinyokha owewo; esuvira lilio likhuwonisie.”
Okhwicha Khwowami wa Nyasaye
(Mat. 24.23-28,37-41)
20Olu kachevwa nende Avafarisayo mbo Owami wa Nyasaye wicha nyingasi, kavachipa, “Owami wa Nyasaye siwicha nende evimanyiro viokhuwona ta, 21namwe sivaliwola, ‘Wona mbwowuno ano!’ Namwe ‘Mbwoula era!’ Wona, owami wa Nyasaye wuli akachikachi wenywe.”
22Kawolera avalondi vave, “Endalo chicha echi muchia okhwekomba okhuwona endalo chia Omwana womunju, ne simuchia okhuchiwona ta. 23Vachia khuvawolera, ‘Wone, era!’ Namwe, ‘Wone, ano!’ Muchachia ta, muchavalonda ta. 24Ne ngolueni lumeniukhanga ne lukhosa mumaleesi okhuchula eluveka ndala okhwola ewundi, kho Omwana womunju achiakhuva achio mundalo yiye. 25Nausa okhwanja kenyekhana anyakhane khuvinju evingi ne vamwekane avolwiwulo lulwe. 26Nga kali mundalo chia Noa, ndwolu kachia okhuva mundalo chia Omwana womunju. 27Valia, vanywa, vayira, vavakhirana, okhwola endalo eyi Noa kengirira muliacho, ne omukhula kwacha kwavamulula vosi. 28Nundi nga kali endalo chia Loti, valia, vanywa, vakula, vakusia, vachaka, vombakha, 29Nausa endalo eyi Loti kachula Sodoma omuliro nende amanda viakwa okhuchula mwikulu via vachina vasasikha vosi. 30Mbo kachiakhuva endalo ya Omwana womunju achia khufunukhulwa.
31“Endalo eyo, lekha oyo oli khusisuli sienju, ne emiandu kikie munju, achekha okhuwukula ta, nata oyo oli mumukunda achekhewukha ta. 32Khewulira omukhasi wa Loti. 33Yesiyesi owenya okhuwonia owulamu wuwe achia khuwukosia, nausa okosia owulamu wuwe achia okhuwuwonia. 34Vawolera enywe, musiro esio avanju vaviri valiva vakonire musitanda, mulala aliwukulwa ne owundi atong'a. 35Khuliva navakhasi vaviri mulukina nivasia, mulala aliwukulwa nowundi atong'a. [36Avanju vaviri valiva mumukunda, mulala aliwukulwa nowundi atong'a.”]
37Vamucheva, “Ena, Omwami?” Kavawolera, “Aamuviri mufu kuli, njaengosia chikhung'ana.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024