Luka 16
16
Omukhalavani Mulianga
1Yesu kawolera avalondi vave, “Khwaliwo nomusacha omuyinda owali nomwimirisi, nokhweng'ulung'unya khwolera omuyinda mbo omwimirisi konona emiandu kikie. 2Omuyinda kamulanga kamucheva, ‘njakaliye kano akambulira khwiwe? Khola esawu yowimirisi wemiandu kiange, sikira suchia okhuchianakana okhuva omwirisi ta.’ 3Omwimirisi oyo kewolera omwene, ‘Kholenjie, khulwokhuva omukhongo wange ananjusangakho owimirisi? Sinyala okhulima ta, ne mbona esoni okhusava. 4Khanu mbwene esikene khole, kho avanju vanyingise munju chiawe nivanjusise khuwimirisi.’ 5Kho kalanga avamakovi komukhongo wuwe siawuli mulala, kawolera owamberi, ‘Chiri chinga echimukhongo wange akhuvanja?’ 6Ne kawola, ‘Amafucha emitungi emia ndala,’ ne kamuwolera, ‘Wukula olukaratasi lulwo, yikhala aasi lwangu, aandika amakhumi kachanu.’ 7Kawolera owundi, ‘Chinga echiwe vakhuvanja?’ Kawola, ‘Engaano amakunia emia ndala,’ naye kamuwolera, ‘Wukula olukaratasi, oaandike amakhumi munane.’
8“Omukhongo kafumia omwimirisi mulianga oyo khulwowuvacha wuwe, khulwokhuva avana vesialo sino vakesikesi muno mulwiwulo lwawe okhuvicha avana vowulafu.
9“Vawolera enywe, yelombere avecha okhuchulana khumiandu kiesialo, mbo khanu nimuwerwa vavengise muwumenyo wa wuli lwosi. 10Khoyo omusuvirwa muvititi yesi musuvirwa muvikali, ne ochali omusuvirwa muvititi yesi simusuvirwa muvikali ta. 11Niva muchava avasuvirwa mumiandu ekichali emilungi kiesialo, njanu onavawerese emiandu kiang'ali? 12Ne niva suli omusuvirwa mumiandu ekiomunju wundi, njanu onakhuwe ekikio?
13“Awumao omukhalavani onyala okhukhalavanira avakhongo vaviri ta, esikira onyala oleke mulala nosime owundi, namwe ochia okhwechusa khumulala nolekeresa owundi. Sunyala wakhalavanira Nyasaye nende emiandu kiesialo ta.”
Amalako nende Elomaloma lia Yesu
14Avafarisayo, avali nivasima esende, vawulira kano koosi, nevamuleka. 15Nausa Yesu kavawolera, “Ninywe avefukirisanga emberi wavanju, nichali Nyasaye kamanya emioyo kienywe. Kho esio esiekingula emberi wavanju sisinyo mumoni chia Nyasaye.
16“Amalako nende avanabii valiwo okhwola endalo chia Yohana: okhuchulira ao amakhuwa malayi akowami wa Nyasaye kerwachwa, ne siawuli mulala kengira namahavava. 17Nausa viri lwangu ekulu nelova okhuwao, okhuvicha esitonye sielako okhufutikha.
18“Siawuli mulala olekhana nomukhasi wuwe nayira owundi ava akholire owuheyi, noyo oyira omukhasi oyu omusacha kalekha, ava akhola owuheyi.
Omuyinda nende Lasaro
19“Khwaliwo nende omunju omuyinda, owefwalanga enguo chiowukusi muno echiolukondo lwa sambarau nende enyusie, ne kakholanga esao wulinyinga. 20Musiriwa sisie kali kakonao omunju omumanani olangwa Lasaro, ne kali kechula amakonjo, 21owekombanga alie evikwiye okhuchula khumesa yomuyinda, ne nundi embwa chiachanga nichimukhomba mumakonjo.
22“Omunju muma nani oyo kamala afwe ne kakingwa nengelosi okhwola aambi ni Abrahamu. Omuyinda yesi kafwa ne kasikhwa. 23Omuyinda oyo nali emakombe kava mumunyakho, kakingula emoni chichie, kawona Abrahamu aleyi nende Lasaro aambi naye. 24Kalanga olukali, ‘Papa Abrahamu, mbonere esisa, nochume Lasaro kenikhe olwala lulwe mumachi kache anyisie olulimi lwange ndimuwusiva wokhuya omuliro.’
25“Nausa Abrahamu kamuchipa, ‘Mwanewe, khewulira muwulamu wuwo wanyola evinju vilayi, naye Lasaro muva lienelio evinju vivi, nausa khanu awochereswa ano, newe onyakhana. 26Ata kachio, akachi wefwe ninawe owina wulio owukali, mbo avo avavicha okhuchula eno okhwicha eyuli sivanyala ta, nawumao onyala okhwambukha okhuchula eyo kache eyi efwe khuli eno ta.’ 27Ne kawola, ‘Khanu khusava, papa, omuchume munju ya papa wange, 28esikira ndi nende wandaye vange vachanu, achie avakesiye, vachacha ewuleka womunyakho eno ta.’ 29Nausa Abrahamu kamuchipa, ‘Vali ni Musa nende avanabii lekha vavawulire.’ 30Kawola, ‘Ta, papa Abrahamu, omunju kavachira okhuchula muvafu, valikhwekanira.’ 31Abrahamu kamuwolera ‘Nivachawulira Musa nende avanabii, ata khanu sivava vachia okhuwulira osisimukhire muvafu ta.’ ”
Àwon tá yàn lọ́wọ́lọ́wọ́ báyìí:
Luka 16: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Luka 16
16
Omukhalavani Mulianga
1Yesu kawolera avalondi vave, “Khwaliwo nomusacha omuyinda owali nomwimirisi, nokhweng'ulung'unya khwolera omuyinda mbo omwimirisi konona emiandu kikie. 2Omuyinda kamulanga kamucheva, ‘njakaliye kano akambulira khwiwe? Khola esawu yowimirisi wemiandu kiange, sikira suchia okhuchianakana okhuva omwirisi ta.’ 3Omwimirisi oyo kewolera omwene, ‘Kholenjie, khulwokhuva omukhongo wange ananjusangakho owimirisi? Sinyala okhulima ta, ne mbona esoni okhusava. 4Khanu mbwene esikene khole, kho avanju vanyingise munju chiawe nivanjusise khuwimirisi.’ 5Kho kalanga avamakovi komukhongo wuwe siawuli mulala, kawolera owamberi, ‘Chiri chinga echimukhongo wange akhuvanja?’ 6Ne kawola, ‘Amafucha emitungi emia ndala,’ ne kamuwolera, ‘Wukula olukaratasi lulwo, yikhala aasi lwangu, aandika amakhumi kachanu.’ 7Kawolera owundi, ‘Chinga echiwe vakhuvanja?’ Kawola, ‘Engaano amakunia emia ndala,’ naye kamuwolera, ‘Wukula olukaratasi, oaandike amakhumi munane.’
8“Omukhongo kafumia omwimirisi mulianga oyo khulwowuvacha wuwe, khulwokhuva avana vesialo sino vakesikesi muno mulwiwulo lwawe okhuvicha avana vowulafu.
9“Vawolera enywe, yelombere avecha okhuchulana khumiandu kiesialo, mbo khanu nimuwerwa vavengise muwumenyo wa wuli lwosi. 10Khoyo omusuvirwa muvititi yesi musuvirwa muvikali, ne ochali omusuvirwa muvititi yesi simusuvirwa muvikali ta. 11Niva muchava avasuvirwa mumiandu ekichali emilungi kiesialo, njanu onavawerese emiandu kiang'ali? 12Ne niva suli omusuvirwa mumiandu ekiomunju wundi, njanu onakhuwe ekikio?
13“Awumao omukhalavani onyala okhukhalavanira avakhongo vaviri ta, esikira onyala oleke mulala nosime owundi, namwe ochia okhwechusa khumulala nolekeresa owundi. Sunyala wakhalavanira Nyasaye nende emiandu kiesialo ta.”
Amalako nende Elomaloma lia Yesu
14Avafarisayo, avali nivasima esende, vawulira kano koosi, nevamuleka. 15Nausa Yesu kavawolera, “Ninywe avefukirisanga emberi wavanju, nichali Nyasaye kamanya emioyo kienywe. Kho esio esiekingula emberi wavanju sisinyo mumoni chia Nyasaye.
16“Amalako nende avanabii valiwo okhwola endalo chia Yohana: okhuchulira ao amakhuwa malayi akowami wa Nyasaye kerwachwa, ne siawuli mulala kengira namahavava. 17Nausa viri lwangu ekulu nelova okhuwao, okhuvicha esitonye sielako okhufutikha.
18“Siawuli mulala olekhana nomukhasi wuwe nayira owundi ava akholire owuheyi, noyo oyira omukhasi oyu omusacha kalekha, ava akhola owuheyi.
Omuyinda nende Lasaro
19“Khwaliwo nende omunju omuyinda, owefwalanga enguo chiowukusi muno echiolukondo lwa sambarau nende enyusie, ne kakholanga esao wulinyinga. 20Musiriwa sisie kali kakonao omunju omumanani olangwa Lasaro, ne kali kechula amakonjo, 21owekombanga alie evikwiye okhuchula khumesa yomuyinda, ne nundi embwa chiachanga nichimukhomba mumakonjo.
22“Omunju muma nani oyo kamala afwe ne kakingwa nengelosi okhwola aambi ni Abrahamu. Omuyinda yesi kafwa ne kasikhwa. 23Omuyinda oyo nali emakombe kava mumunyakho, kakingula emoni chichie, kawona Abrahamu aleyi nende Lasaro aambi naye. 24Kalanga olukali, ‘Papa Abrahamu, mbonere esisa, nochume Lasaro kenikhe olwala lulwe mumachi kache anyisie olulimi lwange ndimuwusiva wokhuya omuliro.’
25“Nausa Abrahamu kamuchipa, ‘Mwanewe, khewulira muwulamu wuwo wanyola evinju vilayi, naye Lasaro muva lienelio evinju vivi, nausa khanu awochereswa ano, newe onyakhana. 26Ata kachio, akachi wefwe ninawe owina wulio owukali, mbo avo avavicha okhuchula eno okhwicha eyuli sivanyala ta, nawumao onyala okhwambukha okhuchula eyo kache eyi efwe khuli eno ta.’ 27Ne kawola, ‘Khanu khusava, papa, omuchume munju ya papa wange, 28esikira ndi nende wandaye vange vachanu, achie avakesiye, vachacha ewuleka womunyakho eno ta.’ 29Nausa Abrahamu kamuchipa, ‘Vali ni Musa nende avanabii lekha vavawulire.’ 30Kawola, ‘Ta, papa Abrahamu, omunju kavachira okhuchula muvafu, valikhwekanira.’ 31Abrahamu kamuwolera ‘Nivachawulira Musa nende avanabii, ata khanu sivava vachia okhuwulira osisimukhire muvafu ta.’ ”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024