Luka 15
15
Ekondi Liakocha
(Mat. 18.12-14)
1Khanu avachoosi vowusuru nende avoni vosi vali vasuta aambi naye okhumuchekeresa. 2Avafarisayo nende avekesi vamalako vanja okhweng'ulung'unya, nivawola, “Omunju ono kengisa avoni nalia navo.” 3Kho Yesu kavawolera olukaato luno.
4“Nje munju sina khwinywe, nali namakondi emia ndala, ne kakosiakho elala, sialekha amakhumi tisa natisa musichimi, ne achie atakhe elikochire, okhwola alinyole? 5Nikakhalinyola, alikinga khumaveka kake, nikekhoya. 6Nikakhola engo, alanga avecha vave nende avamenywa vave alala, navawolera, ‘Yekhoye nange, esikira nyoye ekondi liange elivaye nilikochire.’ 7Kaliva kachio, vawolera enywe, khuchiakhuva nomwekhoyo omukali mwikulu khumwoni mulala owekanira okhuvicha avanju amakhumi tisa natisa avalungi avachenya eliekanira.
Esiringi Yakocha
8“Namwe mukhasi sina, oli nende efesa ekhumi, nakosia ndala, ochaambia etaa nokhweya munju nayitakhatakha olukali okhwola ayinyole? 9Nikakhayinyola, alanga avecha vave alala nende avamenywa, nawola, ‘Yekhoye nange, esikira nyoye esiringi yivaye niyikochire.’ 10Kachio khanu, vawolera enywe, khuli nende owusangafu emberi wengelosi chia Nyasaye khumwoni mulala owekanira.”
Omwana Wakocha
11Yesu kawola, “Khwaliwo nomusacha owali navana avasoliri vaviri. 12Omwana muere kawolera simwana, ‘Papa, mberese omukavo kwange kwemiandu.’ Kavakavania emiandu kikie akachi wawe. 13Omwana sikamala enyinga enyingi ta, kakusia viosi evikali nanyoye, kachekukha kachia musialo sialeyi, nolu kola eweneyo kekhonyera esende echio mukhwonona. 14Nolu kali namalire wulisinju, enjala engali yava musialo esio, ne kanja okhukhaywa. 15Kho kachia kaambana nende omunju wesialo esio, kamuyira mumukunda kukwe okhulisa engurwe. 16Ne kakhaliye khumola akengurwe chialianga, nawumao owamuwanga esinju. 17Nausa nikakhemanyirisa kawola, ‘Avakhalavani vanga ava papa wange avalia nivitong'a, nese fwira ano enjala? 18Ndikhwinyokha njie khu papa, nenjia okhumuwolera, papa, nakosa emberi wekulu nende emberi wuwo. 19Sinolanire okhulangwa omwana wuwo ta, mbukule nga mulala khuvakhalavani vavo.’ 20Ne kenyokha kanja okhukoola khusimwana. Nausa olukali nasiri aleyi, papa wuwe kamuwona ne kamuwonera esisa, ne kamwirukhira kamufumberera nende okhumususuna.
21“Omwana wuwe kamuwolera, ‘Papa, nakhola owoni emberi wekulu nende emberi wuwo, Sinolanire okhulangwa omwana wuwo ta.’ 22Nausa simwana kawolera avakhalavani vave, ‘Lecha lwangu enguo endayi, mumufwale. Mufwale epete khumukhono, neviracho mumakulu, 23mana muleche emosoti ekhomefu musinje, ne khulie khwekhoye. 24Esikira omwana wange ono kali kafwa, ne khanu mulamu nundi, kali kakocha, nanyolekhire.’ Vanja okhwekhoya.
25“Khanu esa echio omusoliri wuwe mukhulunju kali asiri mumukunda, olu kakoola mbo asuta aambi nenju, kawulira enyembo nowukhino. 26Kalanga mulala khuvakholi nekamucheva mbo njesianu esiekholekha. 27Kamuwolera, ‘Wandayo akooye, ne papa wuwo asinjire emosoti ekhomefu, esikira akooye omulamu.’ 28Nausa niye kasinyikha ne kalova okhwingiramo. Simwana kachula erwanyi kamwesaya kengiremo, 29nausa kachipa simwana, ‘Ee! Emiaka emingi nakhakhukholera emilimo, ne njakhayanakho nawe ta, ne ochambakho ata ememe, mbe ninekhoya navecha vange ta. 30Nausa omwana wuwo ono olu akoye, owonona emiandu kikio navatamba, omusinjiye emosoti ekhomefu.’ 31Simwana kamuwolera, ‘Mwana wange, ovanga wusa nange ano, ne viosi eviange vivio. 32Kavaye kenyekha okhusangala nokhwekhoya, okhuva wandayo ono kali kafwa, ne khanu mulamu, kali kakocha, khanu anyolekhire.’”
Àwon tá yàn lọ́wọ́lọ́wọ́ báyìí:
Luka 15: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Luka 15
15
Ekondi Liakocha
(Mat. 18.12-14)
1Khanu avachoosi vowusuru nende avoni vosi vali vasuta aambi naye okhumuchekeresa. 2Avafarisayo nende avekesi vamalako vanja okhweng'ulung'unya, nivawola, “Omunju ono kengisa avoni nalia navo.” 3Kho Yesu kavawolera olukaato luno.
4“Nje munju sina khwinywe, nali namakondi emia ndala, ne kakosiakho elala, sialekha amakhumi tisa natisa musichimi, ne achie atakhe elikochire, okhwola alinyole? 5Nikakhalinyola, alikinga khumaveka kake, nikekhoya. 6Nikakhola engo, alanga avecha vave nende avamenywa vave alala, navawolera, ‘Yekhoye nange, esikira nyoye ekondi liange elivaye nilikochire.’ 7Kaliva kachio, vawolera enywe, khuchiakhuva nomwekhoyo omukali mwikulu khumwoni mulala owekanira okhuvicha avanju amakhumi tisa natisa avalungi avachenya eliekanira.
Esiringi Yakocha
8“Namwe mukhasi sina, oli nende efesa ekhumi, nakosia ndala, ochaambia etaa nokhweya munju nayitakhatakha olukali okhwola ayinyole? 9Nikakhayinyola, alanga avecha vave alala nende avamenywa, nawola, ‘Yekhoye nange, esikira nyoye esiringi yivaye niyikochire.’ 10Kachio khanu, vawolera enywe, khuli nende owusangafu emberi wengelosi chia Nyasaye khumwoni mulala owekanira.”
Omwana Wakocha
11Yesu kawola, “Khwaliwo nomusacha owali navana avasoliri vaviri. 12Omwana muere kawolera simwana, ‘Papa, mberese omukavo kwange kwemiandu.’ Kavakavania emiandu kikie akachi wawe. 13Omwana sikamala enyinga enyingi ta, kakusia viosi evikali nanyoye, kachekukha kachia musialo sialeyi, nolu kola eweneyo kekhonyera esende echio mukhwonona. 14Nolu kali namalire wulisinju, enjala engali yava musialo esio, ne kanja okhukhaywa. 15Kho kachia kaambana nende omunju wesialo esio, kamuyira mumukunda kukwe okhulisa engurwe. 16Ne kakhaliye khumola akengurwe chialianga, nawumao owamuwanga esinju. 17Nausa nikakhemanyirisa kawola, ‘Avakhalavani vanga ava papa wange avalia nivitong'a, nese fwira ano enjala? 18Ndikhwinyokha njie khu papa, nenjia okhumuwolera, papa, nakosa emberi wekulu nende emberi wuwo. 19Sinolanire okhulangwa omwana wuwo ta, mbukule nga mulala khuvakhalavani vavo.’ 20Ne kenyokha kanja okhukoola khusimwana. Nausa olukali nasiri aleyi, papa wuwe kamuwona ne kamuwonera esisa, ne kamwirukhira kamufumberera nende okhumususuna.
21“Omwana wuwe kamuwolera, ‘Papa, nakhola owoni emberi wekulu nende emberi wuwo, Sinolanire okhulangwa omwana wuwo ta.’ 22Nausa simwana kawolera avakhalavani vave, ‘Lecha lwangu enguo endayi, mumufwale. Mufwale epete khumukhono, neviracho mumakulu, 23mana muleche emosoti ekhomefu musinje, ne khulie khwekhoye. 24Esikira omwana wange ono kali kafwa, ne khanu mulamu nundi, kali kakocha, nanyolekhire.’ Vanja okhwekhoya.
25“Khanu esa echio omusoliri wuwe mukhulunju kali asiri mumukunda, olu kakoola mbo asuta aambi nenju, kawulira enyembo nowukhino. 26Kalanga mulala khuvakholi nekamucheva mbo njesianu esiekholekha. 27Kamuwolera, ‘Wandayo akooye, ne papa wuwo asinjire emosoti ekhomefu, esikira akooye omulamu.’ 28Nausa niye kasinyikha ne kalova okhwingiramo. Simwana kachula erwanyi kamwesaya kengiremo, 29nausa kachipa simwana, ‘Ee! Emiaka emingi nakhakhukholera emilimo, ne njakhayanakho nawe ta, ne ochambakho ata ememe, mbe ninekhoya navecha vange ta. 30Nausa omwana wuwo ono olu akoye, owonona emiandu kikio navatamba, omusinjiye emosoti ekhomefu.’ 31Simwana kamuwolera, ‘Mwana wange, ovanga wusa nange ano, ne viosi eviange vivio. 32Kavaye kenyekha okhusangala nokhwekhoya, okhuva wandayo ono kali kafwa, ne khanu mulamu, kali kakocha, khanu anyolekhire.’”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024