Luka 14
14
Yesu Awonia Omusacha Mulwaye
1Olutalo lulala olwa Sabato kachia okhulia esiokhulia munju yomwimirisi wa Avafarisayo, navanju valiwo vamulengerera. 2Khwali nomusacha emberi wuwe ne kali nowulwaye wokhusimba omuviri. 3Yesu kalomaloma khu Avekesi vamalako nende Avafarisayo, nawola, “Koo, kali mumalako okhuwonia omunju endalo ya Sabato, namwe ta?” 4Nausa vawulera. Ne kawukula omulwaye oyo kamuwonia, ne kamulekha kachia. 5Kavawolera, njanu khwinywe, nali nomwana namwe eeyi eyikwiye muwina wamachi, olekha okhuyichusamo endalo ya Sabato? 6Sivachipa elio ta.
Okhwetutuya nende Okhwingisa Avakeni
7Yesu kavawolera olukaato avanju vali nivalangirwe, nga kawona nivekhala muwiyango woluyali, kavawolera, 8“Nulangirwe nende yesiyesi mumuyimo kwesiserero, ochekhala awunju woluyali tawe, esikira omunju woluyali okhukhuvicha anyala khuva nalangirwe nende mwene muyimo. 9Oyo ovalangire enywe vombi kacha nakhuwolera, ‘Weresa owiyango omunju ono,’ ne khanu olikhwanja nesoni okhuwukula owiyango wenyuma. 10Nausa nulangirwe, chia wikhale awunju wenyuma, ne okhulangire nikacha ave nakhuwolera ‘Omwicha, yicha amukulu,’ nochia khunyola oluyali okhuchula khwavo vosi ava mwikhaye aamesa navo. 11Siawuli mulala owekingula omwene achia okhututuywa, naye owetutuya achia okhukingulwa.”
12Kawolera nundi yesi omunju wali namulangire, “Nulombire esiokhulia siengolove namwe esiesiteche, ochengisanga avecha vavo namwe avawandayo namwe avekho vavo namwe avamenywa vayinda tawe, vakhola vachio vosi vakhulanga ewawe, ne khanu vava vakhuchungire. 13Nausa nulomba omuyimo, yingisa avamanani, avatachaala, avaleme, nende avaofu. 14Newe ochia okhunyola ekhavi, sikira sivanyala okhukhuchunga ta. Onakhachungwe mukhusisimukha khwavalungi.”
Omufwano Kwa Esao Ekhongo
(Mat. 22.1-10)
15Olu mulala khuvali nivekhaye aamesa naye kawulira kano, kamuwolera, “Ali nekhavi ochia okhulia esiokhulia muwami wa Nyasaye.”
16Nausa Yesu kamuwolera, “Omunju wundi kalomba esao, ekhongo, ne kalanga avanju avangi. 17Evise viesao kachuma avakhalavani vave okhuchia okhuwolera ava kali nalangire mbo, ‘Yiche wulisinju siri awene.’ 18Nausa vosi, siawuli mulala vanja okhusava mbo sivenyalira okhwicha ta. Owamberi kawola, ‘Ngulire omukunda, ne nenyekhana njie nguwone, khusava wumbere.’ 19Naye owundi kawola, ‘Ngulire eeyi chiemiyoki kichanu, khanu njia okhuchitema mbone, khusava wumbere.’ 20Owundi kawola, ‘Mbirire omukhasi, khanu sinyala nacha ta.’ 21Kho omukhalavani kakoola kawolera Omukhongo wuwe akavali nivawoye, ne mwenenju oyo nechima kawolera omukhalavani wuwe, ‘Chia erwanyi lwangu khungira nende khumianda kietookho, ne oleche avamanani nende avatachaala nende avaofu nende avaleme.’ 22Omukhalavani kawola, ‘Omwami, akowoye kekholekhire, ne owiyango wusirimo.’ 23Omukhongo kawolera omukhalavani, ‘Chia erwanyi khumuanda nende khungira, ne oyinge avanju okhwicha vengire, enju yange yive niyichula. 24Khanu vawolera enywe, awumao khuvanju ava nalanga avo olilia khusao liange ta.’ ”
Owukusi Wokhuva Omulondi
(Mat. 10.37-38)
25Khanu esituma esikali siali simulondakho ne kakalukhana kavawolera, 26“Niyiva mbo omunju kacha khwise ne sikaleka papa wuwe nende mayi nende omukhasi nende avana nende avawandaye avasoliri nende avakhana, yee, ata nende owulamu wuwe omwene, sianyala okhuva omulondi wange ta. 27Oyo ochanyala okhuwukula omusalaba kukwe ne kanonde, sianyala okhuva omulondi wange ta.
28“Njanu khwinywe owenya okhwombakha ekorofa, nachekhala aasi kakhupa esawu, awone mbo ali nesende chierire okhuyimala? 29Nikachali kachio, nikakhalomba omuse, ne sianyala okhumala ta, vosi avayiwona vanja okhumuchekherera, 30nivawola, ‘Omunju ono kanja okhwombakha, ne sianyala okhumala ta.’
31“Namwe muchuki sina, ochia okhulwana nomuchuki wundi muhe, ochanyala kachangirira kekhala aasi ne kawulira amakerako niva navamahe eelefu ekhumi anyala okhulwana noyo owicha nende eelefu amakhumi kaviri (20,000)? 32Nachanyala, ola nasiri aleyi achume avanju avokhulomaloma eambana liomulembe. 33Khanu khu kachio, awumao khwinywe onyala okhuva omulondi wange nachalekhuye viosi eviali navio ta.
Chumbe Yichaalimo Echamu
(Mat. 5.13; Mrk. 9.50)
34“Chumbe ndayi, nausa niva chumbe yichalala, yinyala okhukoolamo echamu yichie? 35Siyiri endayi khwilova namwe esiwutikha siamasingo ta, avanju vamala vayitupe era. Oli namachwi kokhuwulira, lekha awulire.”
Àwon tá yàn lọ́wọ́lọ́wọ́ báyìí:
Luka 14: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Luka 14
14
Yesu Awonia Omusacha Mulwaye
1Olutalo lulala olwa Sabato kachia okhulia esiokhulia munju yomwimirisi wa Avafarisayo, navanju valiwo vamulengerera. 2Khwali nomusacha emberi wuwe ne kali nowulwaye wokhusimba omuviri. 3Yesu kalomaloma khu Avekesi vamalako nende Avafarisayo, nawola, “Koo, kali mumalako okhuwonia omunju endalo ya Sabato, namwe ta?” 4Nausa vawulera. Ne kawukula omulwaye oyo kamuwonia, ne kamulekha kachia. 5Kavawolera, njanu khwinywe, nali nomwana namwe eeyi eyikwiye muwina wamachi, olekha okhuyichusamo endalo ya Sabato? 6Sivachipa elio ta.
Okhwetutuya nende Okhwingisa Avakeni
7Yesu kavawolera olukaato avanju vali nivalangirwe, nga kawona nivekhala muwiyango woluyali, kavawolera, 8“Nulangirwe nende yesiyesi mumuyimo kwesiserero, ochekhala awunju woluyali tawe, esikira omunju woluyali okhukhuvicha anyala khuva nalangirwe nende mwene muyimo. 9Oyo ovalangire enywe vombi kacha nakhuwolera, ‘Weresa owiyango omunju ono,’ ne khanu olikhwanja nesoni okhuwukula owiyango wenyuma. 10Nausa nulangirwe, chia wikhale awunju wenyuma, ne okhulangire nikacha ave nakhuwolera ‘Omwicha, yicha amukulu,’ nochia khunyola oluyali okhuchula khwavo vosi ava mwikhaye aamesa navo. 11Siawuli mulala owekingula omwene achia okhututuywa, naye owetutuya achia okhukingulwa.”
12Kawolera nundi yesi omunju wali namulangire, “Nulombire esiokhulia siengolove namwe esiesiteche, ochengisanga avecha vavo namwe avawandayo namwe avekho vavo namwe avamenywa vayinda tawe, vakhola vachio vosi vakhulanga ewawe, ne khanu vava vakhuchungire. 13Nausa nulomba omuyimo, yingisa avamanani, avatachaala, avaleme, nende avaofu. 14Newe ochia okhunyola ekhavi, sikira sivanyala okhukhuchunga ta. Onakhachungwe mukhusisimukha khwavalungi.”
Omufwano Kwa Esao Ekhongo
(Mat. 22.1-10)
15Olu mulala khuvali nivekhaye aamesa naye kawulira kano, kamuwolera, “Ali nekhavi ochia okhulia esiokhulia muwami wa Nyasaye.”
16Nausa Yesu kamuwolera, “Omunju wundi kalomba esao, ekhongo, ne kalanga avanju avangi. 17Evise viesao kachuma avakhalavani vave okhuchia okhuwolera ava kali nalangire mbo, ‘Yiche wulisinju siri awene.’ 18Nausa vosi, siawuli mulala vanja okhusava mbo sivenyalira okhwicha ta. Owamberi kawola, ‘Ngulire omukunda, ne nenyekhana njie nguwone, khusava wumbere.’ 19Naye owundi kawola, ‘Ngulire eeyi chiemiyoki kichanu, khanu njia okhuchitema mbone, khusava wumbere.’ 20Owundi kawola, ‘Mbirire omukhasi, khanu sinyala nacha ta.’ 21Kho omukhalavani kakoola kawolera Omukhongo wuwe akavali nivawoye, ne mwenenju oyo nechima kawolera omukhalavani wuwe, ‘Chia erwanyi lwangu khungira nende khumianda kietookho, ne oleche avamanani nende avatachaala nende avaofu nende avaleme.’ 22Omukhalavani kawola, ‘Omwami, akowoye kekholekhire, ne owiyango wusirimo.’ 23Omukhongo kawolera omukhalavani, ‘Chia erwanyi khumuanda nende khungira, ne oyinge avanju okhwicha vengire, enju yange yive niyichula. 24Khanu vawolera enywe, awumao khuvanju ava nalanga avo olilia khusao liange ta.’ ”
Owukusi Wokhuva Omulondi
(Mat. 10.37-38)
25Khanu esituma esikali siali simulondakho ne kakalukhana kavawolera, 26“Niyiva mbo omunju kacha khwise ne sikaleka papa wuwe nende mayi nende omukhasi nende avana nende avawandaye avasoliri nende avakhana, yee, ata nende owulamu wuwe omwene, sianyala okhuva omulondi wange ta. 27Oyo ochanyala okhuwukula omusalaba kukwe ne kanonde, sianyala okhuva omulondi wange ta.
28“Njanu khwinywe owenya okhwombakha ekorofa, nachekhala aasi kakhupa esawu, awone mbo ali nesende chierire okhuyimala? 29Nikachali kachio, nikakhalomba omuse, ne sianyala okhumala ta, vosi avayiwona vanja okhumuchekherera, 30nivawola, ‘Omunju ono kanja okhwombakha, ne sianyala okhumala ta.’
31“Namwe muchuki sina, ochia okhulwana nomuchuki wundi muhe, ochanyala kachangirira kekhala aasi ne kawulira amakerako niva navamahe eelefu ekhumi anyala okhulwana noyo owicha nende eelefu amakhumi kaviri (20,000)? 32Nachanyala, ola nasiri aleyi achume avanju avokhulomaloma eambana liomulembe. 33Khanu khu kachio, awumao khwinywe onyala okhuva omulondi wange nachalekhuye viosi eviali navio ta.
Chumbe Yichaalimo Echamu
(Mat. 5.13; Mrk. 9.50)
34“Chumbe ndayi, nausa niva chumbe yichalala, yinyala okhukoolamo echamu yichie? 35Siyiri endayi khwilova namwe esiwutikha siamasingo ta, avanju vamala vayitupe era. Oli namachwi kokhuwulira, lekha awulire.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024