Luka 13
13
Lekhe Owoni Wenywe Namwe Mufwe
1Khwaliwo navanju evise evio avawolera Yesu okhulondana nende Avagalilaya ava Pilato kakhupasa amalasire kawe nende evitiso. 2Kavachipa, “Mupaara mbo Avagalilaya vano vali avononi okhuvicha Avagalilaya vandi, esikira vanyakhana vachio? 3Evawolera enywe, tawe, nimuchekanira muchia okhusikha mwesi. 4Namwe avo ekhumi namunane avekorofa ya Siloamu yakwakho yavecha, mupaara mbo vali avamavi okhuvicha vosi avamenyanga Yerusalemu? 5Evawolera enywe, tawe! nausa nimuchekanira muchia okhusikha mwesi.”
Olukaato Lwa Omukhuyu Kuchama
6Kavawolera olukaato luno: “Omunju kali kachaka omusala mukhuyu mumukunda wuwe, ne kacha natakha etunda khumusala okwo ne sikanyolakho ta. 7Kawolera omulimi womukunda kukwe, ‘Koo, emiaka kitachu kino nachirenge nindakha etunda khumukhuyu kuno, ne sinyolangakho etunda ta. Kucheme kukwe, sikira sina kwekhonyere elova wusa?’ ” 8Omukhalavani kamuchipa, “Omukali, ‘Lekha kuve omwaka kuno kwong'ene, kwakirekho nekuchekho embolera. 9Nikwama amatunda omwaka kwicha, wuva wulayi, nausa nikuchama tawe, onyala wakuchema.’ ”
Yesu Awonia Omukhasi Wafwokoya Endalo ya Sabato
10Khanu kali kekesa musinagogi ndala endalo ya Sabato. 11Khwali nomukhasi owali nende roho yowutekhere khumiaka ekhumi namunane, ne kali kekota nachenyalira okhukololokha ta. 12Nolu Yesu kamuwona, kamulanga ne kamuwolera, “Ewe mayi, olimulekhule okhuchula khumatekhere kako.” 13Kamuchakho amakhono, ne kakololokha lwangu, ne kafumia Nyasaye. 14Nausa omuchuki wesinagogi, kasinyikha esikira Yesu awonisie endalo ya Sabato, kawolera avanju, “Khuli nendalo sita echi emilimo kenyekha kikholerwemo, yicha endalo echio muwonisirwemo, nausa endalo ya Sabato ta.”
15Omwami kamuchipa, “Enywe avekati! Alikhoo khwinywe ochakangulanga eeyi yiye namwe esukhiri yiye okhuchula musitioli endalo ya Sabato nayiyira okhunywa amachi? 16Kho siakhoyire omukhasi ono, omukhana wa Abrahamu oyu Setani kawoa khulwemiaka ekhumi namunane, akangululwe okhuchula musiwoo sino endalo ya Sabato ta?” 17Nga kawola kano, avasiku vave vosi vaambwa esoni, navanju vosi vekhoya khuvinju viosi evioluyali evikakhola.
Olukaato lwa Emwo Enditi Eyomusala
(Mat. 13.31-32; Mrk. 4.30-32)
18Khanu kawola, “Owami wa Nyasaye wuli nga sina? Nenyala nawufwanania nasi? 19Wuli ngomunju awukula emwo enditi eyomusala kachaka mumukunda wuwe. Yakhula yava omusala, ne enyuni chiombakha eviswi khumasaka kakwo.”
Olukaato lwa Emera
(Mat. 13.33)
20Nundi kawola, “Nyala nafwanania nasi Owami wa Nyasaye? 21Wuli ngemera elimukhasi mulala kawukula kakisa muvikero vitachu eviowusie, ne wosi wepakha.”
Omuliango Munyerere
(Mat. 7.13-14,21-23)
22Yesu kachianakana nolukendo lulwe kavichira mumatookho nende muvikwenyi, nikekesa nali khulukendo okhuchia Yerusalemu. 23Omunju wundi kamucheva, “Omwami, avawoniwa vachiakhuva vatiti?” Yesu kavawolera, 24“Khaka okhwingirira mumuliango munyerere. Khulwokhuva avangi, vawolera enywe, vachia okhutakha okhwingira ne sivachia okhunyala ta. 25Evise vichia okhwola mwenenju achia okhwinyokha ne kekala omuliango, Nenywe muchia okhwema erwanyi nokhwanja okhukhong'onda khumuliango, nimuwola, ‘Omwami, chwikulire’, naye achia okhuvachipa, ‘Simanyire eyimuchula ta’. 26Muchia okhwanja okhuwola, ‘Khwalia nundi khwanywa ninawe, ne wekesanga mungira chiefwe.’ 27Nausa achia okhuvawolera, ‘Engochwa muchulena ta, chule emberi wange, enywe mwesi avakholi vembi!’ 28Khanu muchia okhulira nende okhulumania ameno, olu muchia okhuwona Abrahamu nende Isaka nende Yakopo nende avanabii vosi muwami wa Nyasaye nenywe mwavene muchia khusukunwa erwanyi. 29Avanju vachia okhwicha okhuchula ewukwe nende mumbo, emasava nende emulambo, ne vekhale aamesa muwami wa Nyasaye. 30Avali avamalirisi vachia okhuva avemberi, navo avali avemberi vachia okhuva avamalirisi.”
Owusimi wa Yesu khu Yerusalemu
(Mat. 23.37-39)
31Evise evio Avafarisayo vamwichira, ne vamuwolera, “Chula ano, okhuvera Herode kenya okhukhwicha.” 32Yesu kavachipa, “Chie muwolere ekipwe elio, ‘Wona, njusa evisieno nende okhuwonia nyingayino nende muchuli, nendalo yokhutachu emale emilimo kiange. 33Ata kave kachio kenyekha njianakane nolukendo lwange nyingayino nomuchuli nende endalo yilondakho, sikira vichava mbo omunabii afwire erwanyi wa Yerusalemu tawe.’
34“Yerusalemu! Ewe Yerusalemu! Wichanga avanabii nokhukhupa amakina avo avachumwa khwiwe. Amakhavi kanga aka nakhatema okhuwungeresa avana vavo ngengokho yiwungeresanga eviminywi mumavaa kayo! Nichasi siwenya tawe! 35Wona, enju yiyo yinalekhwe. Khuwolera ewe, suchia okhumbona okhwola olu oliwola, ‘Ali nekhavi oyo owicha mulicha lia Omwami!’ ”
Àwon tá yàn lọ́wọ́lọ́wọ́ báyìí:
Luka 13: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Luka 13
13
Lekhe Owoni Wenywe Namwe Mufwe
1Khwaliwo navanju evise evio avawolera Yesu okhulondana nende Avagalilaya ava Pilato kakhupasa amalasire kawe nende evitiso. 2Kavachipa, “Mupaara mbo Avagalilaya vano vali avononi okhuvicha Avagalilaya vandi, esikira vanyakhana vachio? 3Evawolera enywe, tawe, nimuchekanira muchia okhusikha mwesi. 4Namwe avo ekhumi namunane avekorofa ya Siloamu yakwakho yavecha, mupaara mbo vali avamavi okhuvicha vosi avamenyanga Yerusalemu? 5Evawolera enywe, tawe! nausa nimuchekanira muchia okhusikha mwesi.”
Olukaato Lwa Omukhuyu Kuchama
6Kavawolera olukaato luno: “Omunju kali kachaka omusala mukhuyu mumukunda wuwe, ne kacha natakha etunda khumusala okwo ne sikanyolakho ta. 7Kawolera omulimi womukunda kukwe, ‘Koo, emiaka kitachu kino nachirenge nindakha etunda khumukhuyu kuno, ne sinyolangakho etunda ta. Kucheme kukwe, sikira sina kwekhonyere elova wusa?’ ” 8Omukhalavani kamuchipa, “Omukali, ‘Lekha kuve omwaka kuno kwong'ene, kwakirekho nekuchekho embolera. 9Nikwama amatunda omwaka kwicha, wuva wulayi, nausa nikuchama tawe, onyala wakuchema.’ ”
Yesu Awonia Omukhasi Wafwokoya Endalo ya Sabato
10Khanu kali kekesa musinagogi ndala endalo ya Sabato. 11Khwali nomukhasi owali nende roho yowutekhere khumiaka ekhumi namunane, ne kali kekota nachenyalira okhukololokha ta. 12Nolu Yesu kamuwona, kamulanga ne kamuwolera, “Ewe mayi, olimulekhule okhuchula khumatekhere kako.” 13Kamuchakho amakhono, ne kakololokha lwangu, ne kafumia Nyasaye. 14Nausa omuchuki wesinagogi, kasinyikha esikira Yesu awonisie endalo ya Sabato, kawolera avanju, “Khuli nendalo sita echi emilimo kenyekha kikholerwemo, yicha endalo echio muwonisirwemo, nausa endalo ya Sabato ta.”
15Omwami kamuchipa, “Enywe avekati! Alikhoo khwinywe ochakangulanga eeyi yiye namwe esukhiri yiye okhuchula musitioli endalo ya Sabato nayiyira okhunywa amachi? 16Kho siakhoyire omukhasi ono, omukhana wa Abrahamu oyu Setani kawoa khulwemiaka ekhumi namunane, akangululwe okhuchula musiwoo sino endalo ya Sabato ta?” 17Nga kawola kano, avasiku vave vosi vaambwa esoni, navanju vosi vekhoya khuvinju viosi evioluyali evikakhola.
Olukaato lwa Emwo Enditi Eyomusala
(Mat. 13.31-32; Mrk. 4.30-32)
18Khanu kawola, “Owami wa Nyasaye wuli nga sina? Nenyala nawufwanania nasi? 19Wuli ngomunju awukula emwo enditi eyomusala kachaka mumukunda wuwe. Yakhula yava omusala, ne enyuni chiombakha eviswi khumasaka kakwo.”
Olukaato lwa Emera
(Mat. 13.33)
20Nundi kawola, “Nyala nafwanania nasi Owami wa Nyasaye? 21Wuli ngemera elimukhasi mulala kawukula kakisa muvikero vitachu eviowusie, ne wosi wepakha.”
Omuliango Munyerere
(Mat. 7.13-14,21-23)
22Yesu kachianakana nolukendo lulwe kavichira mumatookho nende muvikwenyi, nikekesa nali khulukendo okhuchia Yerusalemu. 23Omunju wundi kamucheva, “Omwami, avawoniwa vachiakhuva vatiti?” Yesu kavawolera, 24“Khaka okhwingirira mumuliango munyerere. Khulwokhuva avangi, vawolera enywe, vachia okhutakha okhwingira ne sivachia okhunyala ta. 25Evise vichia okhwola mwenenju achia okhwinyokha ne kekala omuliango, Nenywe muchia okhwema erwanyi nokhwanja okhukhong'onda khumuliango, nimuwola, ‘Omwami, chwikulire’, naye achia okhuvachipa, ‘Simanyire eyimuchula ta’. 26Muchia okhwanja okhuwola, ‘Khwalia nundi khwanywa ninawe, ne wekesanga mungira chiefwe.’ 27Nausa achia okhuvawolera, ‘Engochwa muchulena ta, chule emberi wange, enywe mwesi avakholi vembi!’ 28Khanu muchia okhulira nende okhulumania ameno, olu muchia okhuwona Abrahamu nende Isaka nende Yakopo nende avanabii vosi muwami wa Nyasaye nenywe mwavene muchia khusukunwa erwanyi. 29Avanju vachia okhwicha okhuchula ewukwe nende mumbo, emasava nende emulambo, ne vekhale aamesa muwami wa Nyasaye. 30Avali avamalirisi vachia okhuva avemberi, navo avali avemberi vachia okhuva avamalirisi.”
Owusimi wa Yesu khu Yerusalemu
(Mat. 23.37-39)
31Evise evio Avafarisayo vamwichira, ne vamuwolera, “Chula ano, okhuvera Herode kenya okhukhwicha.” 32Yesu kavachipa, “Chie muwolere ekipwe elio, ‘Wona, njusa evisieno nende okhuwonia nyingayino nende muchuli, nendalo yokhutachu emale emilimo kiange. 33Ata kave kachio kenyekha njianakane nolukendo lwange nyingayino nomuchuli nende endalo yilondakho, sikira vichava mbo omunabii afwire erwanyi wa Yerusalemu tawe.’
34“Yerusalemu! Ewe Yerusalemu! Wichanga avanabii nokhukhupa amakina avo avachumwa khwiwe. Amakhavi kanga aka nakhatema okhuwungeresa avana vavo ngengokho yiwungeresanga eviminywi mumavaa kayo! Nichasi siwenya tawe! 35Wona, enju yiyo yinalekhwe. Khuwolera ewe, suchia okhumbona okhwola olu oliwola, ‘Ali nekhavi oyo owicha mulicha lia Omwami!’ ”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024