Luka 12
12
Okhukesiya Khulwowekati
(Mat. 10.26-27)
1Evise evi emikanda kiavanju amaelefu vali nivakhung'anire alala, ne niveminakana, kanja okhuwolera avalondi vave, “Mumanyirise emera lia Avafarisayo, niwuli owekati. 2Ne liwumao eliafunikhwa elichalifunukhulwa, namwe eliekisa lilove okhumanyikha. 3Liosiliosi eli owola musirima lichia khuwulirikha muwulafu, ne liosiliosi eli owewecha musikoro lichia khutangaswa khusisuli sienju.
Owenyekha Ariwe
(Mat. 10.28-31)
4“Mbawolera enywe, avecha vange, mucharia avo avecha omuviri, ne nivakhamala sivanyala vakhola khusiosi nundi ta. 5Nausa ndi okhuvakesiyisia oyu mwenyekha muria, murie oyo, nikakhamala okhwicha, ali nowunyali wokhusukuna kehana, yee, vawolera enywe, ria omwenoyo!
6“Enyuni chichanu chikulikha khulwesende chiviri? Ne siwumao silala khunichio esivirirwa ni Nyasaye ta. 7Esikira sina, ata efwiri liokhumuchwe kwenywe liavalwa. Mucharia ta, enywe muli nowukusi owungi okhuvicha enyuni enyingi.
Okhweyama Nende Okhwekana Kristo
(Mat. 10.32-33; 12.32; 10.19-20)
8“Vawolera enywe, siawuli mulala owufukirira ese emberi wavanju, Omwana womunju yesi achia okhumufukirira emberi wengelosi chia Nyasaye. 9Nausa oyo owunjekana emberi wavanju, achia okhwekanwa emberi wengelosi chia Nyasaye.
10“Ne wulimunju owola ekhuwa nayingania Omwana womunju alilekherwa, nausa oyo otukha Roho Muchwenufu sialilekherwa ta.
11“Nivavalecha emberi wesinagogi nende avachuki nende avowunyali, muchaenda nga muvachipa namwe elimuwola ta. 12Esikira Roho Muchwenufu achia okhuvekesa evise evio akamwenyekhana muwole.”
Olukaato Lwa Omuyinda Musiru
13Omunju mulala musituma siavanju kamuwolera, “Omwekesi, wolera wandaye wange khukavane omukavo kwemiandu oku khwalekherwa.”
14Yesu kamuchipa, “Ewe, njanu owanomba omukhalaki namwe omukavi khwinywe?” 15Nundi kavawolera, “Yelinde khu eliekomba liosi; esikira owulamu womunju siwuli muwungi wemiandu tawe.”
16Kavawolera olukaato, nawola, “Omukunda kwomuyinda kwachusanga eviamo evingi. 17Kapara omwene mbo, ‘Ndakholenjie, sikira mbuma aambunga eviamo viange?’ 18Kawola, ‘Ndikhukhola nji, ndikhusakuula eviaki viange, ne nombakhe evikali: ne khanu njia okhuwungamo ekesa liange nende emiandu kiange. 19Khanu ndikhuwolera omwoyo kwange mbo, mwoyo, oli nemiandu emingi eki wakhevikhira khulwemiaka emingi, luwuukha, lia, nywa, wekhoye.’ 20Nausa Nyasaye kamuwolera ‘Omusiru! Musiro sialero omwoyo kukwo kuchia okhuwukulwa, nevinju viwacheresa virikhuva evianu?’ ”
21“Kho nga kali khuyo owewungira emiandu omwene, ne simuyinda mu Nyasaye ta.”
Suvire mu Nyasaye
(Mat. 6.25-34)
22Kawolera avalondi vave, “Khanu vawolera enywe, muchavakho neenda nowulamu wenywe ta, ndaliesi, namwe khumuviri, ndafwalesi. 23Khulwokhuva owulamu wuvicha esiokhulia, nomuviri kuvicha okhufwala. 24Lengera amakhofwa: sikachakanga namwe sikakesanga ta, kawuma evikhiro nende esiaki, ne Nyasaye akalisanga. Enywe muli avoluyali okhuvicha enyuni! 25Njanu khwinywe oyu naenda anyala kametakho esitonye siowulamu? 26Niva mbo sunyala wakhola esinju esititi ngesio ta, oendasi khuvindi? 27Lengera evimuli nga viamanga, sivikholanga emilimo nundi sivisonanga enguo ta, ne vawolera enywe, ata Solomoni mukhufwala khukhwe khwoluyali sikali kolakho khuvimuli vino ta. 28Nausa Nyasaye nafwalanga owunyasi owuli nowulamu mumukunda akhanu ne muchuli wusukunwa mumuliro, enywe achia okhuvafwala okhuvichakhoo, enywe avanju vesuvira etiti!
29“Khanu muchenana esimunalie nende esimunanywe, namwe muendere munganakani. 30Khulwokhuva amaanga kosi akesialo katakhanga evinju vino, ne Papa wenywe amanyire mbo muvienya. 31Nikachali, takhatakhe owami wuwe, nevinju vino vichiokhuva evienywe.
Owuyinda Mwikulu
(Mat. 6.19-21)
32“Mucharia ta, enywe avali vatiti, okhuva lienya elayi elia Papa wenywe okhuvaweresa owami. 33Kusie emiandu kienywe, muane evianwa, yelombere emisiko kichakofula, nevikhiro mwikulu elichakocha, eyi mwivi achola nende olumbirichi okhwonona ta. 34Esikira aavinju viowukusi vivio vili, mbaa omwoyo kukwo nundi kuli.
Avakhalavani Vali Meso
35“Mwechekekhe, mwewoye muviwuno ekhova ne etaa chienywe chive nichikhosa, 36muve ngavanju valindire omukali wawe akoole engo okhuchula musiserero, vave nivamwikulira lwangu nikacha nakhong'onda. 37Vekhavi avo avakhalavani avomukali akoola anyole nivali meso. Ng'ali yene vawolera, achia okhwewowa omusipi navekhase aamesa, nachia okhuvatenda. 38Nikacha musiro akachi, namwe mumaweriweri avanyole meso, vekhavi avakhalavani avo! 39Nausa mumanye lino, mwenenju amanyanga evise evimwivi kachirakho, sikakhalekhire enju yiye yatechulwa ta. 40Enywe mwesi mwechekekhe, okhuva Omwana womunju achia okhwicha evise evivachamuparira ta.”
Omukhalavani Musuvirwa nende Ochali Omusuvirwa
(Mat. 24.45-51)
41Petero kamuwolera, “Omwami, owola olukaato luno khwifwe namwe khuvosi?”
42Omwami kamuchipa, “Khanu njanu omukhalavani musuvirwa nundi omukesi, oyu omukhongo wuwe achia okhumucha okhwimirira enju yiye, avawe esitonye siesiokhulia evise vienyekhana? 43Ali nekhavi omukhalavani oyu Omwami nakoola achia okhunyola nakhola achio. 44Ng'ali yene vawolera enywe, achia okhumucha okhwimirira emiandu kiosi. 45Nausa niyiva omukhalavani oyo kewolera omwene achi, ‘Omukhongo wange kakhindire okhukoola,’ ne kanja okhukhupa avakhalavani vasie, avesisacha nende avesikhasi, ne nalia nokhunywa namera, 46Omukhongo womukhalavani oyo achia okhukoola endalo eyi achamanyire nende evise evi achamanyire, nokhumuwa esinyasio, namuche alala nende avachasuvira.
47“Naye omukhalavani owamanya elienya lia Omukhongo wuwe, ne sikechekekha namwe akhole okhulondana nelienya lilie ta, achia okhunyola esikhupo esikali. 48Nausa oyo ochamanya, ne kakhola akenyekha esikhupo, achia okhunyola esikhupo esiangu. Siawuli mulala oyu vawa evingi, okhuchula khuniye kenyekha evingi. Nundi oyuvanju vawa evingi vachia okhwenya evingi okhuchula khuniye.
Yesu, Esifune siokhukawukhana
(Mat. 10.34-36)
49“Nacha okhuana omuliro khusialo, wakhali owulayi kuve nikwaamba khale! 50Ndi nende owuvatiso owokhuvatiswa, ne ndayengeranga okhwola efutuse! 51Mupaara mbo nacha okhulecha omulembe musialo? Tawe, vawolera enywe, nichali owawukhani. 52Okhwanjira akhanu munju ndala avanju vachanu vachia okhukawukhana, vatachu khu vaviri, ne vaviri khuvatachu. 53Vachia okhukawukhana, papa akhayana nomwana, nomwana akhayana ni papa wuwe, mayi akhayana nomukhana, nomukhana akhayana ni mayi, mayi masala akhayana nomukhana wuwe, naye omukhana akhayana ni mayi wuwe masala.”
Okhumanya Evise
(Mat. 16.2-3)
54Yesu kawolera omukhung'ano kwavanju, “Nimuwona eleesi nilinyokhire mumbo, mumala muwola lwangu mbo, ‘Efula yicha’, nemana yimala yikwa. 55Nimuwona embewo yemulambo niyiwucha, mumala muwola, ‘Khuchiakhuva nesiminyu’, nesiminyu sivao. 56Enywe avekati! Mumanyire okhung'oola akawonekha khwilova nende ekulu, nausa sikirasi nimuchang'oola evise via endalo chino?
Wulirisania nende Omusiku Wuwo
(Mat. 5.25-26)
57“Esikira sina ni muchekhalakira mwavene akali ng'ali? 58Nga muchia nende omusiku wuwo ewa omuyaali, khaka ngonyala muwulirisanisirie khungira, achakhuyira khumukhalaki ta, naye omukhalaki akhwose khumukhongo, naye omukhongo akhuyire musiwoo. 59Khuwolera ewe, suchia okhuchula erwanyi nuchachunga esende emalirisi ta.”
Àwon tá yàn lọ́wọ́lọ́wọ́ báyìí:
Luka 12: LNTPP
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024
Luka 12
12
Okhukesiya Khulwowekati
(Mat. 10.26-27)
1Evise evi emikanda kiavanju amaelefu vali nivakhung'anire alala, ne niveminakana, kanja okhuwolera avalondi vave, “Mumanyirise emera lia Avafarisayo, niwuli owekati. 2Ne liwumao eliafunikhwa elichalifunukhulwa, namwe eliekisa lilove okhumanyikha. 3Liosiliosi eli owola musirima lichia khuwulirikha muwulafu, ne liosiliosi eli owewecha musikoro lichia khutangaswa khusisuli sienju.
Owenyekha Ariwe
(Mat. 10.28-31)
4“Mbawolera enywe, avecha vange, mucharia avo avecha omuviri, ne nivakhamala sivanyala vakhola khusiosi nundi ta. 5Nausa ndi okhuvakesiyisia oyu mwenyekha muria, murie oyo, nikakhamala okhwicha, ali nowunyali wokhusukuna kehana, yee, vawolera enywe, ria omwenoyo!
6“Enyuni chichanu chikulikha khulwesende chiviri? Ne siwumao silala khunichio esivirirwa ni Nyasaye ta. 7Esikira sina, ata efwiri liokhumuchwe kwenywe liavalwa. Mucharia ta, enywe muli nowukusi owungi okhuvicha enyuni enyingi.
Okhweyama Nende Okhwekana Kristo
(Mat. 10.32-33; 12.32; 10.19-20)
8“Vawolera enywe, siawuli mulala owufukirira ese emberi wavanju, Omwana womunju yesi achia okhumufukirira emberi wengelosi chia Nyasaye. 9Nausa oyo owunjekana emberi wavanju, achia okhwekanwa emberi wengelosi chia Nyasaye.
10“Ne wulimunju owola ekhuwa nayingania Omwana womunju alilekherwa, nausa oyo otukha Roho Muchwenufu sialilekherwa ta.
11“Nivavalecha emberi wesinagogi nende avachuki nende avowunyali, muchaenda nga muvachipa namwe elimuwola ta. 12Esikira Roho Muchwenufu achia okhuvekesa evise evio akamwenyekhana muwole.”
Olukaato Lwa Omuyinda Musiru
13Omunju mulala musituma siavanju kamuwolera, “Omwekesi, wolera wandaye wange khukavane omukavo kwemiandu oku khwalekherwa.”
14Yesu kamuchipa, “Ewe, njanu owanomba omukhalaki namwe omukavi khwinywe?” 15Nundi kavawolera, “Yelinde khu eliekomba liosi; esikira owulamu womunju siwuli muwungi wemiandu tawe.”
16Kavawolera olukaato, nawola, “Omukunda kwomuyinda kwachusanga eviamo evingi. 17Kapara omwene mbo, ‘Ndakholenjie, sikira mbuma aambunga eviamo viange?’ 18Kawola, ‘Ndikhukhola nji, ndikhusakuula eviaki viange, ne nombakhe evikali: ne khanu njia okhuwungamo ekesa liange nende emiandu kiange. 19Khanu ndikhuwolera omwoyo kwange mbo, mwoyo, oli nemiandu emingi eki wakhevikhira khulwemiaka emingi, luwuukha, lia, nywa, wekhoye.’ 20Nausa Nyasaye kamuwolera ‘Omusiru! Musiro sialero omwoyo kukwo kuchia okhuwukulwa, nevinju viwacheresa virikhuva evianu?’ ”
21“Kho nga kali khuyo owewungira emiandu omwene, ne simuyinda mu Nyasaye ta.”
Suvire mu Nyasaye
(Mat. 6.25-34)
22Kawolera avalondi vave, “Khanu vawolera enywe, muchavakho neenda nowulamu wenywe ta, ndaliesi, namwe khumuviri, ndafwalesi. 23Khulwokhuva owulamu wuvicha esiokhulia, nomuviri kuvicha okhufwala. 24Lengera amakhofwa: sikachakanga namwe sikakesanga ta, kawuma evikhiro nende esiaki, ne Nyasaye akalisanga. Enywe muli avoluyali okhuvicha enyuni! 25Njanu khwinywe oyu naenda anyala kametakho esitonye siowulamu? 26Niva mbo sunyala wakhola esinju esititi ngesio ta, oendasi khuvindi? 27Lengera evimuli nga viamanga, sivikholanga emilimo nundi sivisonanga enguo ta, ne vawolera enywe, ata Solomoni mukhufwala khukhwe khwoluyali sikali kolakho khuvimuli vino ta. 28Nausa Nyasaye nafwalanga owunyasi owuli nowulamu mumukunda akhanu ne muchuli wusukunwa mumuliro, enywe achia okhuvafwala okhuvichakhoo, enywe avanju vesuvira etiti!
29“Khanu muchenana esimunalie nende esimunanywe, namwe muendere munganakani. 30Khulwokhuva amaanga kosi akesialo katakhanga evinju vino, ne Papa wenywe amanyire mbo muvienya. 31Nikachali, takhatakhe owami wuwe, nevinju vino vichiokhuva evienywe.
Owuyinda Mwikulu
(Mat. 6.19-21)
32“Mucharia ta, enywe avali vatiti, okhuva lienya elayi elia Papa wenywe okhuvaweresa owami. 33Kusie emiandu kienywe, muane evianwa, yelombere emisiko kichakofula, nevikhiro mwikulu elichakocha, eyi mwivi achola nende olumbirichi okhwonona ta. 34Esikira aavinju viowukusi vivio vili, mbaa omwoyo kukwo nundi kuli.
Avakhalavani Vali Meso
35“Mwechekekhe, mwewoye muviwuno ekhova ne etaa chienywe chive nichikhosa, 36muve ngavanju valindire omukali wawe akoole engo okhuchula musiserero, vave nivamwikulira lwangu nikacha nakhong'onda. 37Vekhavi avo avakhalavani avomukali akoola anyole nivali meso. Ng'ali yene vawolera, achia okhwewowa omusipi navekhase aamesa, nachia okhuvatenda. 38Nikacha musiro akachi, namwe mumaweriweri avanyole meso, vekhavi avakhalavani avo! 39Nausa mumanye lino, mwenenju amanyanga evise evimwivi kachirakho, sikakhalekhire enju yiye yatechulwa ta. 40Enywe mwesi mwechekekhe, okhuva Omwana womunju achia okhwicha evise evivachamuparira ta.”
Omukhalavani Musuvirwa nende Ochali Omusuvirwa
(Mat. 24.45-51)
41Petero kamuwolera, “Omwami, owola olukaato luno khwifwe namwe khuvosi?”
42Omwami kamuchipa, “Khanu njanu omukhalavani musuvirwa nundi omukesi, oyu omukhongo wuwe achia okhumucha okhwimirira enju yiye, avawe esitonye siesiokhulia evise vienyekhana? 43Ali nekhavi omukhalavani oyu Omwami nakoola achia okhunyola nakhola achio. 44Ng'ali yene vawolera enywe, achia okhumucha okhwimirira emiandu kiosi. 45Nausa niyiva omukhalavani oyo kewolera omwene achi, ‘Omukhongo wange kakhindire okhukoola,’ ne kanja okhukhupa avakhalavani vasie, avesisacha nende avesikhasi, ne nalia nokhunywa namera, 46Omukhongo womukhalavani oyo achia okhukoola endalo eyi achamanyire nende evise evi achamanyire, nokhumuwa esinyasio, namuche alala nende avachasuvira.
47“Naye omukhalavani owamanya elienya lia Omukhongo wuwe, ne sikechekekha namwe akhole okhulondana nelienya lilie ta, achia okhunyola esikhupo esikali. 48Nausa oyo ochamanya, ne kakhola akenyekha esikhupo, achia okhunyola esikhupo esiangu. Siawuli mulala oyu vawa evingi, okhuchula khuniye kenyekha evingi. Nundi oyuvanju vawa evingi vachia okhwenya evingi okhuchula khuniye.
Yesu, Esifune siokhukawukhana
(Mat. 10.34-36)
49“Nacha okhuana omuliro khusialo, wakhali owulayi kuve nikwaamba khale! 50Ndi nende owuvatiso owokhuvatiswa, ne ndayengeranga okhwola efutuse! 51Mupaara mbo nacha okhulecha omulembe musialo? Tawe, vawolera enywe, nichali owawukhani. 52Okhwanjira akhanu munju ndala avanju vachanu vachia okhukawukhana, vatachu khu vaviri, ne vaviri khuvatachu. 53Vachia okhukawukhana, papa akhayana nomwana, nomwana akhayana ni papa wuwe, mayi akhayana nomukhana, nomukhana akhayana ni mayi, mayi masala akhayana nomukhana wuwe, naye omukhana akhayana ni mayi wuwe masala.”
Okhumanya Evise
(Mat. 16.2-3)
54Yesu kawolera omukhung'ano kwavanju, “Nimuwona eleesi nilinyokhire mumbo, mumala muwola lwangu mbo, ‘Efula yicha’, nemana yimala yikwa. 55Nimuwona embewo yemulambo niyiwucha, mumala muwola, ‘Khuchiakhuva nesiminyu’, nesiminyu sivao. 56Enywe avekati! Mumanyire okhung'oola akawonekha khwilova nende ekulu, nausa sikirasi nimuchang'oola evise via endalo chino?
Wulirisania nende Omusiku Wuwo
(Mat. 5.25-26)
57“Esikira sina ni muchekhalakira mwavene akali ng'ali? 58Nga muchia nende omusiku wuwo ewa omuyaali, khaka ngonyala muwulirisanisirie khungira, achakhuyira khumukhalaki ta, naye omukhalaki akhwose khumukhongo, naye omukhongo akhuyire musiwoo. 59Khuwolera ewe, suchia okhuchula erwanyi nuchachunga esende emalirisi ta.”
Àwon tá yàn lọ́wọ́lọ́wọ́ báyìí:
:
Ìsàmì-sí
Pín
Daako
Ṣé o fẹ́ fi àwọn ohun pàtàkì pamọ́ sórí gbogbo àwọn ẹ̀rọ rẹ? Wọlé pẹ̀lú àkántì tuntun tàbí wọlé pẹ̀lú àkántì tí tẹ́lẹ̀
©The Bible Society of Kenya, 2024